[少年監獄] 感受沙咀 Thank you sir Thank you sir

這時，

我地左班既大佬(正) 朱sir , 和 一個帶著眼鏡但身材真係瘦到唔似阿sir既阿sir,步入了飯堂坐在我們S的檯面

看來,今天就係朱sir和呢個眼鏡猴阿sir帶我們

交更完後,

戈sir和君實sir OUT

而我地則開始例牌飯堂清潔,

係清潔時, 如果有野要報的話, 都可以係呢個時候去搵阿sir報

我就自然跟著其他一年班去搵眼鏡猴報, 因為話曬第一次見面啊嘛

那麼, 原來眼鏡猴姓嚴,叫嚴sir

報完後,我們自動歸位

不得不說, 每日S都要做兩次既飯堂清潔, 其實都算係考驗既一種,而呢個環節更加可以睇得出高年班既好

Live

首先係飯堂清潔之前

帶我地既阿sir會點名叫隨便兩個人出去拎桶同掃把入黎飯堂先

然後我地會在出飯既窗口位置,四個四個呈蛇形排隊
然後一齊舉手報野開始飯堂清潔

報完之後, 阿sir就會點名, 要某啲人,做特別輕鬆既工作

輕鬆既工作分別係掃地, 抹窗, 抹枱和凳加主任位

而呢啲工作, 阿sir通常都係點名比高年班去做

剩餘無點到名既人
就要逐個逐個開始拎布, 濕水

再係飯堂既兩邊每隔一人左右既距離企好

等全部人都濕左水,埋左位, 就可以一齊報話開始清潔

然後全部人都要踎低, 用手渣住濕布抹飯堂瓷磚上既污跡

姐係話,剩餘既人要做既野, 就係用最原始,最邋遢既方法,用濕布去清潔飯堂既瓷磚

再加上,呢個低賤既工作, 其實相當不衛生

因為清潔用既布,都係同一批,而清潔完後洗布用既水,都係同一桶

所以往往到我地一年班洗布既時候(高年班至低年班), 桶水已經黑曬變左污水,被逼用呢個黑水洗布,再扭乾

呢個工作, 會持續到出冊為止

所以我宜家對細菌同衛生方面,都無以前咁執著了

飯堂清潔完,
朱sir接著帶隊,

不得不說, 朱sir真係成個沙咀,最有返工感覺既阿sir

因為朱sir真係當呢份工係工, 唔係抱負

所以佢既要求自然唔會好似右班

右班戈sir見到你衰左, 就會責罵你再罰你, 言行中帶著對我們的要求

但朱sir通常都係講完一句就算數咁

另外步操同check房既摺毯標準,比起右班真係差天共地

雖然朱sir係某啲位比較執著, 但大致上,朱sir帶既果日都算輕鬆少少

但這次不同了, 因為有個嚴sir係到

Live

其實沙咀呢到既日子, 每一日,就係一場大家一齊避免失誤犯錯既遊戲

每日都總有些考驗位,同細節,要學識去避免犯錯,避免衰比阿sir

如果衰左野比其他阿sir既,最多都係被阿sir屌下, 找下數, 或者找大棚體能數

但衰比嚴sir既話, 就真係麻煩少少

因為佢既做法真係好鬼婆媽,有種小氣既感覺

佢唔會立即罰你, 而係會話

「喂你又衰揼地聲? 唔夠啊 ! 你練左咁耐都未識揼地咩? 十組前弓後箭, 計住先」

無錯, 佢係會將啲你衰比佢既野, 記住先

然後累積到某一日再一次過找返你

更誇張既係, 佢真係有本小賬本隨身帶著, 記錄住我地邊個邊個差佢幾多體能數

真係癡撚線

所以每次見到佢, 我地都會有種特別既壓力,因為唔知道,自己差佢幾多數，幾時過黎要我地還數

再加上,係沙咀可以衰既野真係太多, 聲線唔夠, 動作唔齊,又或者講錯野,都會計你數

而今日既下午, 我已經衰左二十組比佢.....

到了夜晚
換上睡衣,
食完包奶,
我地企係大廳,等朱sir發話叫入倉

我就在旁,不斷望住阿峰,等緊佢說好的信.

「全部人入倉去次廁所準備靜坐 , 牌板收牌仔!」

「Yes sir Thank you sir !」

阿峰拿著牌仔薄,行入我們倉
我地亦都上前插牌仔入去本薄到

不過係呢個時候,
阿峰則趁機,塞了一個折疊成四方形既白紙塊入我手中

然後在我耳邊細語
「唔好比太多人知啊.今個星期大衛Day,你識做啦.」

「嗯, 好, 唔該曬.」
我用好似做緊特務既語氣回應佢

鎖閘,開始靜坐
月亮早已取代藍天

倉外既蟋蟀聲,不斷叫著,叫著

而我既心則興奮地,拼命忍住想睇信既衝動

終於,到磨鞋時間

我靜雞雞打開頭先收埋既信, 終於見到

我朋友A寄比我既信

白雪雪既A4紙上, 竟然係印住佢打完之後print出黎既電腦字

哈哈, 真係服左佢

人寫信, 佢就打信

我讀完信後,有少少失望

因為內容大致上和戈sir讀出的差不多

搞到我都有啲後悔點解要換呢封信返黎了

不過, 都係開心既..

我將呢封信,摺返做四方,然後塞入盒仔入面

成個盒仔的書信,開始要變多了

裡面載著外面的人,對我既思念和關心

讓我感動, 和慚愧

我以後應該點行返條路,報答佢地呢?

「喂衡仔,等陣要做多二十組掌上壓wor, 戈sir吩咐落嫁..」

「噢好啊.」
我笑著回應華利沙

我思緒飄回這裡

過左呢一關,再算吧!

Live

入面無新閒睇？

時間來到星期日,亦係俗稱既大衛Day

阿峰投來既眼神提醒我,等陣我地係飯堂,有一場交易

我夜晚在倉內已經事先問過培傑, 如果過飯衰左, 比阿sir見到會點

佢就話,千奇唔好試, 因為呢啲係大錯, 阿sir一定請你食檸檬搞鳩你走期,然後找數找好重,分分鐘罰埋成個大棚.

我果時先知, 原來阿峰要求既野, 都幾攞命

但信, 我已經收左

無回頭路了,

「起步quick March !」

我地聽著戈sir既號令,向著飯堂操去

來吧

挑戰牌頭吧 !

衡仔有無睇過壹獄壹世界？

衡仔有無睇過壹獄壹世界？

戲就有，故無

衡仔，你咁鍾意玩野，落山有排你受呀，呵呵

落左山好耐啦

12點出文吧

無聊既不如去估下阿峰要啲咩

牛肉球 聖誕節雞脾

好野wor 比你估中

俾人攞過月餅

今晚唔使再F5啦

都知道我玩野架啦XD

衡仔有無睇過壹獄壹世界？

戲就有，故無

點睇？

今晚唔使再F5啦

都知道我玩野架啦XD

呵呵，10板

今日有文就找小d喇 呵呵
不過最好可以加速喇衰鬼

究竟肥衡會負碌定斷正呢