[少年監獄] 感受沙咀 Thank you sir Thank you sir

文？

文？

連老毛都睇文

同sir報,好好睇,支持

Thank you sir!

留名

真係好少係連登追故，呢個係我自高登轉過黎之後第一個係連登追既故

睇到一d小情節就會諗起套漫畫叫少年犯之七人 我好鐘意呢套漫畫

當然樓豬可能無漫畫入面既角色咁幸福啦，入面未必個個出番黎都可以繼續做番朋友

但係入面一齊捱既回憶，果種情義真係無價既。

我都有睇呢套漫畫

同sir報幾時有文

推下先

同sir報幾時有文

阿sir做嘢唔撚洗你教

點解巴打要揀沙咀唔揀rc?

佢一開始有講嫁
因為沙咀可以快啲出返黎...

留名

文呢？

肥衡加油見工吖
返工前好出曬d文啦 唔係請你食雞翼

又live咗

加油！

再唔出文就就搵嗮全部阿sir同學同輪你

靜坐期間,係觀察人既好時機

因為個個都ON99咁,用唔舒服既坐姿坐係床邊.

所以真係任我睇,睇人,睇樣，睇環境

倉內有六張床,五個人.

我既床位在最角落靠廁格那行

右手邊,一個平凡大眾樣, 拼命挨著瞌睡,我雕了雕佢既衫牌.白牌,一年班

再盡頭,靠廁所的那位, 一個打直左既橢圓形臉型, 五官讓人感覺猥瑣,而且不像香港人，都係白牌

然後佢既斜對面果位,就真係南亞族裔啦, 高竇既鼻樑, 唔係黑色既眼珠, 偏向黑既棕色,同高高瘦瘦既身材, 會讓人想問佢"你有無打籃球?" 不過,佢都係白牌,一年班

最後在南亞裔旁邊，我既對面,則是一個差不多和南亞裔同等身材,但膚色亞洲,而且帶著眼鏡既人.佢塊面,你一望就會覺得,係書生模樣.佢係全倉,唯一一個黃牌,三年班

呵呵,我在心中苦笑

一落山, 同倉既,全部都係唔識既.啲安全感真係虛無縹緲

靜坐既規矩,大家都知,係唔應該講野,郁身郁勢的

但規矩,就係用黎打破

突然,
「喂..你叫咩名啊? 」
對面既三年班,超級細聲地問起我.

我瞪大了眼,望住佢.
應佢,應該無問題掛

「呃..我叫蔡衡...」
我同樣地,壓低了聲帶,用氣息發音

「我叫培傑啊, 聽講你好閪wor」
三年班既佢,介紹了自己, 順便說出了些隱患

原來阿勇已經唱左通街

「喂..」
那邊廂, 南亞裔都過了來,同我細聲講

「我叫華利沙啊, 你好 」
佢用奇怪口音既廣東話細語道,但不至於聽唔明

磕磕

「呃....Hello...」
我唔慣地向佢問返好, 屌係呢到有人同我講你好, 真係第一次

「喂..聽講你好撚閪 wor」
華利沙又說出了我既傳聞

「我..」
正當我想抹大口講野果陣, 夜更sir既身影,突然出現在倉門前!

以往,在B座的靜坐, 因為得兩個人,而且位置處於走廊中間,所以如果聽到有阿sir黎,我和阿勇都有足足十秒左右既時間反應

但黎到A座,不同了, 由阿sir踏入A座到我們倉前,只需要四秒左右

而四秒前既果下聲響,我忽視左

我立即反應,合返埋口,還原返標準既靜坐姿勢,然後緊張地閉住呼吸,望向前方

面前既三年班亦都如是

我唔知,頭先阿sir有無見到果幕,但如果我宜家望向倉門,一定奶野!

這時,倉門有動靜和些少聲響,但我地都知,唔望得

然後,我地都感覺到,倉門那邊,有視線掃描緊我地

肅靜的空氣,開始揚起一股緊張

「梆 梆」
「喂..你啊 !」
倉前既阿sir, 用棍敲了兩下倉門的鐵通,向我們的倉內叫道

仆街啦呢鋪, 被阿sir捉到啦 !

我微微側頭，用餘光雕了雕
想確認我係唔係奶野

眼前既阿sir係大翼sir

但我一雕完,便發現唔妥
因為其餘四人同大翼sir既視線

都不是射向我
而是怒視住我旁邊的那位大眾臉

那位大眾臉,同時由瞌睡中驚醒,然後說

「Sorry sir 」

「屌你係唔係顛嫁? 靜坐唔比講野嫁嘛 ! 嗌乜鬼sorry sir啊,仲有啊, 你頭先訓得好舒服啊嘛 ,...」

大翼sir既聲響,獨自在A座內響起

「哎唔撚講, 等陣呢個倉既人,全部一齊找數 !」

說罷, 大翼sir揚帆而去.

我地四個就係心入面嗌出黎, 又關我事?

「屌你老母你係唔係傻左啊? 日日係到訓 ? 」
對面既培傑忍唔住, 細細聲咁屌鳩大眾臉

「喂你又衰 ! 你係唔係癡線嫁, 王一智 !」
華利沙怒道

噢..原來個大眾臉叫王一智

「Sorry 啊..大家.. 」
王一智細聲道

「哎..你又衰呢啲..」
靠我呢邊,最近倉門既果個猥瑣佬說道

三個人都屌鳩左佢,雖然我都被牽累,但我唔知我有無資格屌佢，所以我係心入面屌

我望向一智, 佢神情呆滞,一副疲累樣上曬面,但縱使佢岩岩先衰完,不過佢對腳,仲係到不斷地蹬腳.

呢個行為,頓時又惹來怒罵

我心中立即對他反感

屌呢個人係唔係智障嫁?

「你又蹬乜野腳啊!? 」
培傑怒說

「你係唔係玩野啊 ! ?」
華利沙亦都加把口屌佢
「Sorry 啊 sorry..」
王一智好似控制唔到自己一樣,然後制停了自己既蹬腳

仲細路多動症咩
我在心中怒屌佢

但另一方面,我發覺縱使華利沙係一年班,但佢既語氣都可以狠壓眼前其他兩個一年班，講野似個高年班

「靜坐完畢! 開始磨鞋啊! 磨完鞋要找數既記得找數!」

好不容易,靜坐結束

王一智先說
「Sorry 啊.... 」

雖然聽左幾次,但我已經覺得,佢既道歉好廉價

「你乜野事啊!? 落左山成個月, 你晚晚都仲係混混沌沌 ?! 」
三年班既培傑,開始屌鬼

「Sorry 啊.... 我都唔想嫁..」
王一智內疚說道

「Sorry ? Sorry 大曬啊? 你陀衰我地等陣要找數啊 ! 」
三年班說出不容置疑的事實

「咪係咯,大曬啊! 你係唔係想我地搞鳩你啊! ?」
華利沙也展開佢兇人既氣場,怒道

「.......... 」
王一智好似自己都講到厭了般,不再道歉說話

「得 ..你中意玩野, 等陣找完數我慢慢搞你」
華利沙說

啊屌? 點解呢句,咁似阿勇搞鳩我果陣時講既野既?

原來呢到,弱肉強食既強, 會咁樣同啲弱說話的

「得啦, 唔使講啦, 等陣加強體能訓練果陣, 慢慢同你打數」
三年班放下狠話,拿出皮鞋說道

我在旁,食左咁多花生,亦都係時候做正事了

眾人全部坐在了兩行床位中的走廊，開始磨鞋
我拎出自己對皮鞋,然後開始擺嫁餐

首先打開個鞋油罐,然後用個鞋油蓋裝少少水

之後拎出鞋刷和磨鞋布

磨鞋布沾上一層鞋油,在鞋既鞋面上打圈,間唔中滴一滴水上去,然後再打圈

但始終, 磨鞋真的是重複無趣的工作

所以,呢個時候吹水,真的是再好不過的

特別係我啱啱落山,所以其餘四人, 都對我有啲興趣

「喂, 聽講你係新人組果陣好閪wor..」
華利沙好奇問道