[少年監獄] 感受沙咀 Thank you sir Thank you sir

戈sir行到光脫脫既我面前,雙手一野揸落我既車胎到

仲要係好大力果隻揸
「哇哇啊 哇...!!」
我頓時吃痛,想將雙手放低,呻吟道

「哇哇哇, 哇咩野哇? 唔準哇 ! 手唔好放低啊, 肥仔你不得了咯, 你睇下你個車胎, 哇哇哇」
佢一路講,一路揸,搞到我尷尬非常

因為我已經感覺到,同倉既人開始笑緊我

「哇哇啊 啊...」

「哇哇啊 啊...哈哈 」戈sir學我語氣講"哇",讓場面頓時有趣得很

係其他人眼中就真係有趣啦,
但我就滿臉通紅,被戈sir當作玩具,層肥膏比佢又揸又fing咁

哎..宜家諗返, 真係不如一槍打死我

想問
成日見到有啲位係三年級會同呀sir有講有笑
係佢地教新人果時先會輕鬆少少？
定係三年級平時都係氣氛輕鬆啲？

終於, 戈sir放開左我

「喂三年班, 有無同佢做加強體能訓練啊 ?」

「Yes sir ! 同sir報有 ! 做左掌上壓,蹲腿同前弓後箭,各十組.」
培傑踎低舉手回應

「恩, 咁今晚再加多二十組抬腿 , 你好同我減肥啊,肥仔!」

「Yes sir !」
我羞恥地舉手回應, 多謝佢呢份厚愛
然後係心中叫苦, 加多大拿拿二十組,點捱啊..

隨後完成身體檢查,著返了底褲

到大家都會緊張既

作品審查時間了

戈sir頓時變為一個挑剔的藝術家,由揚帆開始,檢查作品

「good morning sir good morning sir」
揚帆在旁踎低舉手

呢到有個少少既A座牌頭,原來當阿sir檢查你既擺房時候, 你係要講good morning sir good morning sir的

「你個擺房衫褲放既位置有無對齊位啊? 」

「呢到係咁出既咩? 」

「枕頭呢? 有無對齊啊你!?」

戈sir一路數佢既擺房不足,一路屌

「伸隻手出黎 ! 五板 !」

「Yes sir thank you sir !」

啪 !

「thank you sir 1 !」

.
.
.
.
.
.

想問
成日見到有啲位係三年級會同呀sir有講有笑
係佢地教新人果時先會輕鬆少少？
定係三年級平時都係氣氛輕鬆啲？

之後既故應該可以比你領會到原因

隨後

到旁邊的一智了,

「我講左你幾多次啊? 擺房衫既領要企啊嘛! 黎左幾多日啊! 仲唔識?」

「你睇下你? ! 你個盒蓋係要點擺嫁? 裝家書既盒擺左邊, 倉布既盒擺右邊啊嘛 ! 呢個都錯 ! ?」

「你個牙刷同牙膏又點啊? 屌你老母! 」

戈sir檢查一智既時候,越屌就越火滾, 我亦都聽到心驚驚

除左因為我係下一個之外

仲有一個好大既原因

我既A座式擺房, 係參考一智的


哎屌...我做乜鬼咁蠢啊我

今次真係欲哭無淚了

「攞隻手出黎! 」

戈sir無話找一智幾多板, 但我肯定一定唔止五板.

啪 !

「thank you sir 1 !」

.
.
.
.
.
.
.
.
最後找左一智,起碼都有二十板了

然後戈sir行黎我床前

「呵呵, 你都算閪咯」

呵呵

想問
成日見到有啲位係三年級會同呀sir有講有笑
係佢地教新人果時先會輕鬆少少？
定係三年級平時都係氣氛輕鬆啲？

之後既故應該可以比你領會到原因

想問你係入面受成年
有冇任何一刻係曾經覺得呀sir係為你好想你改過
定係
好似之前保良局訓練營咁 又逼人食泥浸屎水果啲
但啲人都話係營入面唔係憎啲仆街教練
而係後悔點解自己冇做好要俾人罰
完左個camp出返黎先覺得果班教練仆街

呵呵呵 你又想玩嘢？

「good morning sir good morning sir」
我已經死狗般,在床邊踎低舉手
差在未遞出個手掌出去求找數

「你個盒蓋點擺嫁? !」

「你個牙刷同牙膏又...! ? 等陣先 ? ! 點解你錯既同佢一鳩樣既? ! 」

戈sir發現左不妥,指住旁邊的一智,問我

「Sorry sir ...」
我回應道

「你係唔係搵左佢做參考啊? 」
戈sir 問

「Yes sir….」

「哈屌, 同倉既三年班唔搵, 你去搵個最唔掂既, 今鋪抵你啦 !」

「Yes sir..」
屌我都好撚後悔,搵左個弱智做參考

我主動伸出了手,預備找數

戈sir轉頭向培傑說
「喂三年班, 今晚好教下新人點擺房啊」

「Yes sir.」
培傑回應

之後


啪 !

「thank you sir 1 !」

啪 !

「thank you sir 2 !」

.
.
.
.
.
.
.
.
由果日開始, 我就知道,戈sir check房真係幾巴,因為實在太嚴格了

Thank you sir 同sir報 㩒到個f5爛左

好奇一問，檢查身體嗰陣有晨勃點算

好奇一問，檢查身體嗰陣有晨勃點算

THIS

好奇一問，檢查身體嗰陣有晨勃點算

好奇一問，檢查身體嗰陣有晨勃點算

攰到死下死下仲扯到？

加速

好奇一問，檢查身體嗰陣有晨勃點算

攰到死下死下仲扯到？

呢啲野控制唔到架喎
有時游完水沖涼
心入面完全冇諗咸濕野
但無啦啦扯左
On99企係入面等佢軟返先出去

Sorry啊改耐左

出埋呢篇先

隨後，跟著大棚PE堂

冒著嚴寒既天氣, 我地在寬大既戶外膠粒地上,做著高強度既體能訓練

照舊係紅sir帶PE

但對比起新人組既時候,原來落山之後,跟著大棚操既PE,強度同頻率都係高強度果種

簡單啲講,就係更加巴

不過, 我都盡左力去做, 一個鐘既痛苦時間,我捱過了

之後我地拎返Locker, 入了A座旁邊的體育館入面

跟隨阿sir指示,再次除剩了底衫底褲,赤腳走去體育館左側角落的沖涼房前排隊

排隊既次序,亦都係由高年班至一年班

在門口依次序,拎了毛巾,替換底衫底褲後,入去沖涼房

戈sir已經在入面等候

體育館既沖涼房大過B座既好多

報完開水喉

戈sir便說
時間只有一分鐘

我地無暇理會,邊到邋遢就洗邊到

擠了三下梘液

就閪冧地擦上身和頭,然後屙埋尿

這就是大棚,我們既沖涼方式

出了來

換返衫,檢查埋皮鞋,剃鬚

回去A座集隊

「squad halt !」

這時候, 差不多全部既一年班都揼地舉手

碰碰碰碰....

我瞬間明白,這是爭取表現的一環

於是我都加入揼地舉手,等候阿sir既差遣

這刻既差遣,原來係要拎清潔用具去飯堂

所以食完早飯,之後就自然要清潔飯堂,而且每一餐都要做

呢個係S所屬既職務之一

完了飯堂所有節目

大棚隨即操回A座前的空地

然後比戈sir操步操

而步操當中既辛苦和嚴厲,這裡就不多說了

隨便任何一個人既唔齊腳步, 錯誤

都會讓步操暫停,然後阿sir點名屌,或者找數

如果有幾個人都唔齊的話, 哈哈

咁就仆街了

全部一齊找數

多數都係找體能數,做一個好巴既,叫做兔仔跳既動作

又或者mark time mark到阿sir滿意為止

汗水和步操記憶,就係係呢啲地方慢慢累積

一年班既我地,大部分時間都如是

讓時間快進到星期日吧

途中已經見完一次board, 阿勇已經收到走期, 我們三人亦都正式升上一年班
今日會有兩個新人組落山, 而今日,亦都係寫信返屋企既一日

信,又或者稱之為家書, 絕對係坐監既時候, 解悶和解愁既重要東西

所以如果想有信收, 寫出返去既信寫好啲,應該會增加機率收信吧

我們坐在A座後面既有蓋空地上,以長凳作枱

用鉛筆寫字

寫信既牌頭就係將一張A4紙折半,然後用四分一既一面寫

信紙既中央頂,先寫上自己既號碼,然後就係內容
但我事先問過了, 寫完既信,會先經過帶住你既阿頭既手上,然後再經過保安組檢查,最後才寄出

所以內容, 不能盡是真話

但沙咀的我們,早已習慣呃人了

呃阿sir，
我地好乖

呃屋企人,
我地無事

咁第一封信,我應該點寫呢?

首先唔好寫呢到好辛苦啊呢啲說話啦,又要表達我掛住佢地,但又唔想搞到佢地望到我封信掛住我wor..
之類之類

最後我執起磨尖的鉛筆,寫了我第一封家書

致親愛的媽媽,爸爸:

身體好嗎? 我已在沙咀渡過半月,我在這裡的生活很好,每天都可以做運動,學紀律, 這些訓練是體弱的我是再好不過得,所以媽你放心,不用擔心我的狀況,我會照顧自己

媽,我每天都在反省著自己的過錯,正如你所說,我真的犯了很蠢的錯,令到爸媽你們為我流淚,令到你們如此痛心, 是兒子不孝,對不起

我知錯了,媽, 爸,你倆一直是我最愛的人,所以請照顧好自己的身體,睇住嫲嫲, 我想在探訪時看到你們健康,開心的笑臉,雖然在聖誕和新年,兒子無法陪伴你們,但我們還有很多個新年和聖誕未過, 不用灰心,我們錯失的永遠比擁有的少.

最後,冀爸媽你倆開心快樂,身體健康

早祝
聖誕快樂

兒子
蔡衡上