［選擇困難症］買唔買Kindle/Kobo好（12）暨交流區

老實講，唔明點解香港一直都搞唔起電子書市場

鄰國同台灣嘅電子書市場都算成熟，起碼唔少出版社喺出完紙本書之後，會隔段時間出埋電子書，有啲甚至同步發售紙本&電子書

而香港幾乎睇唔到有出版社願意出電子書，有都好少書
香港地方細，唔係應該畀台灣等地更有需求出電子書（慳位）
我有時都好想買啲香港書，奈何屋企冇位就冇買到，假如佢有電子書就會買
只要肯出電子書，相信銷量係會上升，而且排版都係用電子檔，唔明做多一步，同作者簽埋電子書版權，出埋電子書有咩難度？

有人會話係盜版問題，我覺得不論出紙本同電子都唔可能杜絕盜版，只不過用紙本製作盜版成本高過電子書咁解

你平時有幾可見到有人睇書？
文化砂漠唔係浪得虛名架。

然後仲要各自為政，
每間出版商一個 platform 完全唔合作，
結果咪只有 iPad 一類通殺既野食得起囉。

好認同 好多書想睇 但真係冇位擺

剛入手kindle paperwhite 2021
想問香港邊度有套買？

ipad 真心頂唔順 睇到眼痛 不過睇漫畫都建議8寸以上 我細果部6寸 眼都肓 因為等左好耐都冇oasis消息 我有諗過買ipad mini睇 不過攞屋企部ipad睇兩睇結果唔等 轉會試kobo

我覺得買返原裝最好

呢句各自為政 唔合作 真係好認同 香港人特色 怕俾人分左個餅 唉 可惜

最慘係又無一個強勢既出黎整個大壇。

心目中一係文傳(漫畫量大)，
一係博益(舊小說多)，
開個壇再搵人加盟，
可惜兩個都死晒…

大壇咪三中商

某程度嚟講，台灣都係各自為政
有啲出版社唯獨唔上某啲平台
焗你啲人去嗰個平台買
而大部份冇得正規export書檔，一買得多書就變相綁死你喺個平台度

反而外國相對好啲(?)，kindle kobo應該都有齊大部份書

你講 商務，中華嗰三間？
嗰三間係網路賣實體書，
唔多覺眼有 eBook 賣？

唔好意思，我睇唔明pwp5係邊部？

我指香港出版大壇
你應該掉轉諗, 如果俾三中控制埋ebook仲慘, 我寧願出版業留俾台灣做好過

咁 eBook 又好難受限/控制既，
同傳統書店/出版界唔同，
無左物理上既壟斷性，
而家我地欠既只係一個合理同統一既銷售渠道。

點解你會覺得ebook難控
三中如果搞左個platform 出黎，唔俾你上架已經玩完啦

打多左個 P 字掛？
應該係 PW5 … PaperWhite 5

咁仲可以上傳去其他空間既？

你唔比我賣書，我咪整 epub 掉上網比其他人自己 download 囉…
當然買左版權又唔出版就另計啦。

作者免費寫作?

當然唔係想講呢樣，但作者原稿無出版商買，又點會有錢收？
我原本想指既係 d 小眾既書，又或者同上面過唔去既書。

如果係禁售倒是很簡單，過去隔離台灣買啦。
本【八國聯軍…】早排仲好似特價添。

所以我咪講留俾台灣做好過
寧願養起台灣出版業同ebook platform都唔想俾三中賺

我覺得三中開左頭 都好過咩都冇 最緊要統一個格式 自然有其他人想分一杯羹 始終電子版個成本底 又唔洗印咁多書 細出版唔玩三中 都可加盟kobo

讀墨呢

我都覺得係，只係多個渠道都無壞既。
但如果只可以留一個，就肯定唔會係三中囉。

出epub 最好 ipad 都用到 讀墨冇研究過 淨用kindle 同 kobo咋 其實誠品都可出 不過又要面對現實 我身邊完全冇朋友睇書 街上都唔多見人睇 叫d本身書都唔買 點會用千幾兩千買部電子書 上面有師兄講得好啱 文化沙漠非浪得虛名

所以擒日我坐火車時見到有個全身白色既靚女(?)拎住部白色 Kobo，
仲要係睇字唔係睇漫畫，真係好醒神下。

...... 唔會係睇 BL 小說掛？