輕斷食唔係標奇立異減肥法 一日三餐先係違反自然規律

次次喺連登講168 講輕斷食、間隔性斷食都會有一堆人跳出嚟懶醒話「做到熱赤就得」「懶人唔做運動整古做怪」「比你減到磅都係消晒啲肌肉」

上面有好多人根本連輕斷食嘅原理係咩都冇了解過 只要聽到話要佢哋「斷食」就係唔健康 就會營養不良咁

我覺得有必要釐清返一樣嘢 就係

輕斷食唔應該被定義為減肥法 而係一種最新健康科學嘅觀點 係比傳統飲食更貼近健康嘅一種飲食模式

眾所周知 人類祖先係狩獵為生 根本冇所謂固定飲食嘅習慣 百萬年嚟一早習慣咗間歇飲食嘅模式 如果你keep住日食夜又食 佢會當你係食物豐收要積谷防飢 於是你會昏昏欲睡 會將卡路里儘量轉換做脂肪 以備豐收之後嘅飢荒時期

但絕大多數現代都市人根本就唔會無端端幾日冇飯食 長久落嚟照傳統「均勻飲食」嘅指標 再加幾杯手沖茶 啤酒 零食 幾乎8成人都係超標嘅飲食 我哋好鍾意笑豬肥 但其實都市人體脂肥撚過豬好多好多

輕斷食 不論你係講最多嘅168 定1212 1410 204其實目的都係想你健康啲

因為現代人唔再係原始人 原始人十幾歲生仔 廿零歲養到個小朋友自立就已經完成咗佢哋基因傳承嘅任務 而現代人平均差唔多仲有60年要行

壽命嘅延長導致我哋要比古人更注重長遠嘅健康 以確保我哋呢段生命嘅生活質素

差唔多講完 輕斷食具體點樣影響人體嘅化學作用 激素分泌 具體仲有咩健康嘅作用 你哋上網睇yt都好多人講 所以我決定唔喺呢度講 如果有更多疑問嘅 想討論嘅都歡迎喺下面講

Tldr

其實和尚寺日日都輕斷食緊

中環大部份人日日都168輕斷食緊

咁幾好 不過都要睇埋平日有冇口痕食零食 正餐以外嘅進食（飲酒嗰啲）

你住過？

食唔定時胃痛典算

咁你要評估下自己本身係咪有長期病患
如果你身體健康正常 係唔會因為十零個鐘頭唔食野就餓親 大部分飢餓感其實係心理飢餓而非生理飢餓 好多就會適應

法國連登仔接受新知識/觀念嘅包容程度都幾低其實由細到大啲人教你一日三餐 要多飯菜少肉類咁教你哋 你哋有冇質疑過點解要咁做？仲有好多野都係 唔好淨係做單方面接收 仲要反思

咁究竟係少食多餐好抑或多食少餐好 d 理論係咁轉

TLDR,正正經經食飯啦
或者比幾個有公信力嘅文獻嚟睇睇?

當你決定要增肌嘅時候小食多餐 可以幫你容易啲食夠合成肌肉所需嘅蛋白質同訓練所需要嘅能量 但長期飲食健康係食少啲餐為主 我暫時嘅睇法

https://www.health.harvard.edu/blog/intermittent-fasting-surprising-update-2018062914156

正正經經食飯咪搞到而家啲人個個都三高囉

冇長期病患，有時耐冇食野會肚餓甚至胃痛，咁我係咪已經進化/退化左習慣現代飲食習慣？十幾個鐘唔食野會餓點解你咁肯定係心理問題？有冇相關研究睇睇？

其實三高好多原因影響，基因、食物種類同份量都有影響啊。我有一日三餐但冇三高係咪可以反正你講野唔成立？定其實你係假膠我認真咗？

早餐飯團
午餐雞胸紅米飯多菜
晚餐雞胸紅米飯多菜+生果
三高唔到wo點算？

其實幾萬年黎人類都興四十幾歲死,你唔講？

敢問下你嘅身體狀況係點？體脂率嗰啲知唔知道？

我會敢咁肯定講係因為一個平日冇餓開嘅都市人 佢攝食量其實係遠超過佢生存所需 體內常年儲備咗夠你一個星期正常活動嘅能量

前排有個台灣嘅健身youtuber 先啱啱做咗一次5日嘅完全斷食 期間佢仲keep住訓練都完全冇問題 更何況間歇性斷食只係限制一下你進食嘅間隔

研究嗰啲我上面比咗link自己去睇吓啦 真係已經太多

餓就食嘢啦,仲要分心理飢餓,生理飢餓
唔怪得啲肥婆成日焦慮
食個飯都搞咁多嘢

利申:168斷食緊,成日焦慮

啱呀你講到基因 我一開頭就已經講緊基因 現代人嘅基因就係冇prefer你食嘢咁密集

點解覺得我假膠？我非常認真

古時嘅衛生水平差 工作環境惡劣 寄生蟲同傳染病都攞命 你真係想講咪講埋 我冇所謂架

咁咪你叻
但唔係個個好似你咁叻架嘛 乖

冇分清會導致飲食失衝 再導致生理上不適繼續影響你嘅進食 會影成一個惡性循環