我和鄰居大姐姐的故事（9）

今日會有，但而家未得閒住，夜小小加更

咁都要坐監 咁葉開呢個故咪衰11

手法問題 人問題

多謝葉巴，有唔開心開下吹水大會都得

我覺得要多d人物描寫，唔好一黎就屌西，睇到厭 要屌都要屌感情，淨屌西太low

唔屌多啲唔同既西點知咩叫真感情

加速

就黎屌西屌到我棄故

求文啊

求文～

再唔寫多d屌西 我就棄故啦

一百九十一

「呼，放暑假第一日就chur體能…好撚攰呀。七月呀，大暑呀…」阿必抱怨道：「我想踢波，唔想鳩跑呀。」

「喂你咪撚比劉sir聽到呀，一陣佢真係屌到你仆街呀。」楊舒達提醒阿必。

冇錯，而家我地係響掃桿埔出席緊港青既第一課操練。

為左備戰亞少盃外圍賽，足總再一次徵召一班U14既球員代表香港出戰呢一項賽事，入選既球員基本上同東亞少盃外圍賽一模一樣。

「屌，達叔你牛高馬大，驚閪咩。」阿必個樣仲係好似就黎死咁。

「阿達，你過一過黎！」突然劉sir響場邊叫左出黎。

「係！係！」我地三個嚇左一跳，然後楊舒達就急急腳咁走左過去搵劉sir。

「屌，嚇死，第一下我以為劉sir真係聽到我講野叫我過去屌柒我。」阿必仲拍緊自己心口，一副猶有餘悸既表情。

「其實唔驚喇，咁遠應該聽唔到既…」我回答。

「嘩真係好攰，我對腳就黎軟晒。」阿必係咁搖自己對腳扮腳震：「球星你睇下我對腳震到？」

「屌你。」我拍鳩阿必個柒頭：「死未？」

「死喇死喇。」阿必成個人大字型咁攤響地下：「死左。」

「戇鳩。」

「不過真係好攰，咁樣好舒服。」阿必道：「真係唔明點解第一課咁chur體能。」

「你咁快就收皮嗱？」我恥笑佢：「又話拍住上一齊踢職業波？」

其實阿必響陣中既體能係數一數二，只係佢而家扮撚晒野啫。

「屌，玩下啫。」阿必又跳返起身。

都話架喇。

「喂，你地之後一唔一齊食個飯？」隊長豪哥走過黎問我地。

「唔喇，有野做。」要夾錢既話令我想去既意慾直線下降。

當然我都真係有野做。

「我都有野做，下次先喇。」阿必竟然都拒絕。

少有喎。

佢不嬲好鍾意熱鬧，每逢有聚會都一定會出席。

豪哥走開左之後我問阿必：「你又有野做？搞乜鳩呀？」

阿必反問：「你唔記得？」

我皺眉問：「記得乜鳩？」

「今日係表姐返黎既大日子呀！」阿必扮到流晒口水：「好耐冇見佢喇！唔知佢仲係咪一樣咁正？」

「係喎，今日淇淇表姐返黎喎。」我而家先醒起。

淇淇之前仲問我去唔去接Betty機添。

不過我真係有野做，所以拒絕左佢。

其實我自己都想見下呢位冰山美人既，如果有機會仲想砌多佢幾鑊。

「你又唔去一齊接機梗係唔記得喇。」阿必道：「上年暑假成日一齊玩架，做咩唔去接呀？」

「有野做呀。」

「搞咩啫？」

「唔話你知。」

「耶～唔好喇，熙熙BB～」阿必條友又扮女人：「話我知你有咩搞喇～」

我心念一動，道：「如果你請我食老麥我就話你知！」

「咁咋下嘛？」阿必笑道：「我呢排錢多得滯又有啲時間，就請你食個老麥囉！」

咁撚順攤？

「反正我又未夠鐘，想搵個地方攝下時間…」阿必續道。

條友真係有錢得滯…

*

「喂，球星，你仲要響度坐幾耐？」阿必好奇地問。

「你趕時間既話走先喇。」我唔耐煩地回答。

「咁又唔係，表姐班機成六點幾先到。」阿必答：「佢地都冇咁早過去，不過本身諗住早啲去搵佢地啫。」

「咁你就咪撚理我喇。」

「我好奇啫…」阿必說道：「你食完個餐坐左響度望住你個哎呀家姐成兩個幾鐘喇喎…」

「我而家係幫秋兒姐姐視察緊工作環境。」無錯，我地晨早練完波之後，兩條友返左去秋兒姐姐做野果間麥○勞度食野，再坐到而家三點幾。

我特登去秋兒姐姐個counter度買野食，佢見到我仲笑得好開心好甜。

我見我同阿必盒中薯條塞到好似大薯條咁。

「視察還視察啫…都唔駛見到有男同事同佢傾計你就衝出去攞水架？」阿必望住我個餐盤：「你飲左十幾杯水喇。」

「屌，我練完波口渴啫。」我反駁，不過雙眼仲係望住秋兒姐姐，佢響度幫客人落緊order：「同埋我要確保秋兒姐姐響一個安全既工作環境下面工作。」

「係喇係喇。」阿必又問：「咁你諗住望到幾時？」

「秋兒姐姐收工。」

「屌，咁我一陣都係走先。」

（待續）

已加更，多謝大家

明天500正皮加更

辛苦曬葉開威

葉熙威唔好唔開心，快啲收拾好心情

想問個日出小左個更會唔會補返

推推推

原來葉熙威都好愛秋ny既，唔怪得點都唔會走喇

Push

推

求文

準備出文，都係果句唔好意思，星期六日比較唔得閒覆留言

另外都好多謝大家關心，我好好多喇，大家有心