204 Like
24 Dislike
萬言
2021-06-24 07:01:13
我諗清醒既原因隨咗關日日睇蘋果之外
就係由屋企全家連太嫲個一輩都係黃既
自細就比人教六四發生過咩事等等
所以而家先仲會清理
萬言
2021-06-24 07:01:48
00後嘅真係越嚟越多垃圾港豬同新香港人
真係慶幸你仲係清醒嘅
我諗清醒既原因隨咗關日日睇蘋果之外
就係由屋企全家連太嫲個一輩都係黃既
自細就比人教六四發生過咩事等等
所以而家先仲會清醒
萬言
2021-06-24 15:08:28
我一反常態,開出一球長球。
對手不慌不忙地向後退,揮拍大力把球打到去後場,
為了接這球我必須要走到去球場的最後方,所以我不能打吊球,
要不然我可趕不及回到前場,於是我同樣向他回以一球高遠球,
為自己爭取時間。
可惜我因為害怕會打出界而收了力,
令對手獲得一個大好機會去殺球。
我立即回到中場做好接殺的準備動作,那邊廂對手亦把握到機會跳起殺球,
我的手如反射動作般,自動伸了前去,
成功在球落地之前接住, 錯有錯著地打出一個放網。
對手立即上前大力向後一挑,由於我人本來就在中場,
所以我退後幾步就到擊球點,
我跳起裝作向他殺球,實則打出一球吊球,
只見那球在球網之上掠過, 對手急忙上前放網,
我於是上前把球挑後,
球急速地在對手頭上飛過,最終在他趕到前先著地。
「一分...贏多一分...」我心裏暗忖。
再次是由我發球,我這次開出一球短球,
對手則把球輕輕一撥,勾到對角網前,
我見狀便同樣回以一球放網,
對手反手把球挑高,
我把握機會大力殺球,怎料對手卻能反應得過來,
把球再次挑起,在球網上方飛過,
我於是把球打到後場。 他立即後退並跳起打算殺球,
不知是因為他太急於取分, 抑或是他技術問題,
他把球壓得太低,令到那球落了網。
對手臉上盡是不忿及懊惱之色,大概是在後悔自己為何要如此心急。
「Yes!!!」隊員那邊傳來不盡的歡呼及拍手聲。
我走過去跟對手握一握手就回到場邊。
直到現在,我仍然是難以相信自己竟然勝出了這個事實。
「叻仔呀!!!做得好好。」毛毛一把抱著我說。
屌...唔係應該啊童抱我㗎咩?點解會變咗係毛毛?
「嘩,我個心...就快跳出嚟,你知唔知我幾緊張啊?」我推開毛毛,按著自己的心臟說。
「有冇咁誇張呀,打場波啫。」我朝思暮想的啊童終於走過來。
你地可能覺得我誇張咗,但我真係冇誇張到,
真係日日都掛住佢,OK?
「唔關場波事,係因為...見到你。」一向厚面皮的我直接在全部人面前公然撩啊童。
「Wuuuuuuu,好過份喎,公然講啲咁既野。」毛毛說。
啊童反了反白眼便回到自己的座位,沒有理會我,
累我尷尬地站在所有隊友中間。
靜了幾秒後,其中一位隊長開聲為我解圍。
「你打得幾好吖,冇白費我到頭先幫你練波既心機。」他拍一拍我膊頭。
「實乜講,你地都加油啦,我坐返過去休息陣先。」
跪求大家Follow我既IG: MaanYin05
萬言
2021-06-25 08:57:46
我回到自己的坐位,與啊童一起觀看接下來的比賽。
「算你啦,真係有用返我地練過既野。」啊童開腔。
「有咩?好似係隊長同教練幫我練㗎喎。」我裝傻說。
「頂你個肺!明明就我同你練得最多,冇我你啲殺波放網Drop波會過到網!?我個個星期六朝都犧牲自己既休息時間嚟同你練㗎!」她不斷大力打我。
「講吓咋我講吓咋我,你同我練得最多,玩吓啫,唔好認真。」我笑著避開。
「哼,佢地幫你練既話咁你去搵佢地啦,唔洗同我講野㗎啦。」啊童抱著雙手把頭擰到另一邊。
「饒命呀大人!我玩下咋!」我哭著說。
但啊童卻無動於衷,只顧著看眼前的比賽。
眼見啊童不理我,我於是便也轉為專心觀看比賽,
反正她又不是動了真火。
第四場話咁快就打完,結果係輸咗。
即係話,要打第五場。
仆你個街可唔可以唔好次次都咁刺激呀。
中間比既過程我就唔講,你剩係知道我地比人完虐就得,
CLS對面好似食咗過期春藥咁,
二十比九。
基本上去到呢個階段我地都打定輸數,
因為根本冇可能追到。 雖然咁講,
但係都會覺得緊張既。
「砰!」對面條友唔知點練可以練到啲殺波咁L快。
自然隊長接唔到啦,結果我地就咁比人逆轉贏咗。
你問我,有冇好唔開心,又冇喎。
反正我都盡咗力,自己個場贏咗,
隊友輸都冇辦法㗎啦,
況且我覺得我地入到總決賽都已經係Bonus嚟既,
所以又冇覺得好唔開心好失望。
當然,好勝之心邊個冇吖,
咪唯有下年捲土重來囉。
但係,個種成Team人一條心一齊努力爭冠軍,
贏波會9叫,輸波會拍下你膊頭,
互相扶持既精神同感覺又真係好正既。
之後就到頒獎時間,我地就攞到亞軍,
全部人都有一個獎牌,再加多個獎杯俾學校。
影完大合照後,便到了各自拍照的時間,
我當然要跟啊童合照一張留念一下。
「喂,啊童,過嚟同我影張相吖。」我向她招招手。
「我又冇幫你,又冇份攞,做咩要我同你影相呀。」啊童一動不動地坐著。
「唉呀我講下笑啫,唔好咁認真啦,對唔住啦,係我錯啦。幫得我最多個個其實係你,同埋你係我女朋友嚟㗎嘛,就算冇幫過我都可以影張相留念下。」我走過去把她拉起身。
「一個心太軟。」啊童說。
「得啦,返去同你食,起得身未呀你?」我一聽到她要求吃心太軟就放下心頭大石。
雖然知道佢唔係真係嬲咗我,
但係佢唔同你講野你點都會有啲擔心既。
於是我便搭著她膊頭跟她合照了一張,
成為了箱入面第唔知幾多張相。
(懶得數,OK?有人記得既話同我講返唔該。)
跪求大家Follow我既IG: MaanYin05
蛇夫子
2021-06-25 12:23:37
更新了,推。
尋覓愛的哪一個人
2021-06-25 12:47:10
推推
車手最重要係對眼
2021-06-25 14:36:17
推
叫我呀渣
2021-06-25 18:03:00
推~
馬鞍山鄺俊宇
2021-06-25 19:47:23
樓主係咪同女神去迪士尼啊
山區兒童窩巴
2021-06-26 02:34:25
推
萬言
2021-06-26 09:30:23
個日返去後就請啊童食咗個心太軟啦,其實都幾好吖,
個女朋友咁易滿足,一個心太軟就搞掂,
都係件好事嚟既。 之後就係測驗週啦,
都冇咩特別,平時日日都係度比啊童捉住溫書,
所以我都唔係太擔心,如果咁樣日日比人捉住溫書成績都差既話,
荀子勸學個套積少成多對學習有用既講法就收得皮。
果然,啲卷派晒之後,全部都合格,
有啲科甚至上咗七成。
哈,係幾開心既,
雖然我一直都唔太care成績,
反正我想入既中史班只要唔留級就一L定入到。
時間嚟到四月九號,一個星期之中最美好既一日,
因為係星期五,
今日放學又可以同啊童打下波,
聽日又有得放假,話唔定仲可以同啊童出街拍下拖添。
諗起都開心。
原本,我係咁諗既,但原來有些事情唔係必然。
我孭住自己的羽毛球拍走出去等啊童,
但結果卻只有周叔叔孤身一人走出嚟。
「啊童呢?」我問。
「佢唔舒服,所以仲係入面瞓緊,幫佢請咗假㗎啦,同埋佢叫你千祈唔好因為想照顧佢而請假唔返學。」周叔叔說。
啊童果然了解我,猜到我曾經有一刻想過請假去照顧她。
「佢邊到唔舒服呀?」
「佢發燒。」
「吓發燒要睇醫生㗎喎。邊個陪佢睇呀?我真係可以請假陪佢㗎喎,反正我都唔上堂㗎啦。」我急忙說。
「唔好啦,你今年既成績對你嚟講好重要㗎,要用嚟揀科㗎嘛,同埋你都唔想啊童要擔心返你轉頭啦,係咪?」
「咁好啦。」 我久違的獨自上學,已經差不多半年沒試過自己上學了,唉。
但係...你覺得我會就咁放棄乖乖返足全日學然後再去打埋羽毛球先返屋企打個電話問候下啊童咩?
少年你太年輕了。
一到Lunch time,我立即攞住部電話跑出學校叫定外賣。
既然啊童身體不舒服,
那自然唔可以食太油膩的食物,
所以我幫佢叫咗白粥,
而自己就食雞粥,
但係我一個發緊育既男仔淨係食一碗粥又唔夠飽,
所以又嗌多個炸兩,不過啊童就冇得食囉...嘻。
到達餐廳門口時,剛好我叫的食物煮好了,
我立即付錢,然後拿起那一袋食物跑回去。
為了能在Lunch time結束前回到學校,
所以我可是分秒必爭的用盡力跑。
回到去後,我便按下啊童家的門鐘,
片刻之間,大門便被打開,
「啊...咦?」我看著眼前這個大約六十歲的婆婆,奇怪地說。
「你搵邊個呀?」那婆婆笑著問我。
「Err,我...搵...」冇錯我係怕醜同細膽,你吹咩?
「婆婆,邊個嚟㗎?」穿著睡衣的啊童從房中走出來問。
「我都唔知喎,有個著住校服既男仔無啦啦撳鐘,問佢搵邊個佢又唔講。」
媽呀...好L尷呀。
「啊言?」啊童看向我。
跪求大家Follow我既IG: MaanYin05
蛇夫子
2021-06-26 09:39:44
更新了,推。
美斯朗尼馬達
2021-06-27 01:05:03
推
車手最重要係對眼
2021-06-27 01:28:38
推
山區兒童窩巴
2021-06-27 03:30:12
推
地圖老兵
2021-06-27 13:58:14
推
Ada打手
2021-06-27 14:13:36
有冇屌閪情節?
萬言
2021-06-27 14:50:36
「原本諗住你自己一個人晏晝冇野食,所以就...去咗買粥比你食咁囉。」我尷尬地笑著說。
「唔...入嚟啦。」她無精打采地說。
「打搞曬。」我恭敬地說,要知道印象分是十分重要的。
「呢個係我婆婆,你跟我叫啦。婆婆佢係啊言。」啊童把我們介紹給對方認識。
「婆婆你好。」
「你地係同學呀?」
「係呀。」我笑著回應。
「咁唔阻你地啦,慢慢食啦,我都落街食飯先,一陣我先返上嚟啦。童童食完飯記得食藥呀知唔知?」
「知啦婆婆。」啊童點了點頭。
婆婆都幾識做喎。
待婆婆走後,我才真正有機會好好跟啊童交談。
「咪叫咗你唔洗嚟囉,做咩又唔聽我講呀?」
「首先我係用Lunch time時間過嚟,第二我驚你冇野食,第三我都好擔心你,你唔舒服我都唔安心乖乖地係學校到上堂啦。你點呀,有冇好啲?」我看著有氣無力的啊童。
「頭先婆婆同我去咗睇醫生,醫生話冇咩野既,食下藥休息返兩日就OK,係有啲攰啫。」
「咁食野先啦好冇,你都肚餓啦。」
「唔...但係我無乜胃口...唔想食野。」啊童四肢放軟坐在椅上。
「食兩啖啦,唔可以成日都唔食野㗎。」我把白粥拿到她面前。
「嘩仲要係白粥,唔食得唔得呀?」啊童連手也不願提起來。
「嚟啦食幾啖啦,你睇下我,我都係食粥咋。」我說。
「唔制呀,你個碗望落去好味咁多。」
「你好返之後咪買我個碗比你食囉,而家你淨係可以食白粥咋。」我把匙羹遞給她,再把白粥的蓋拿走。
啊童不情不願地接過匙羹,小口小口地吃。
「睇熱呀你。」我一邊打開自己的粥及炸兩一邊說。
「同埋你做咩買炸兩呀?我都唔食得。」啊童話雖如此,但雙眼死死盯著那盒炸兩。
「我一碗粥唔夠飽㗎嘛,咁咪買炸兩囉,食你既粥啦,唔洗旨意食舊炸兩呀。」我把炸兩向自己拉近。
「你蝦我既...明知我唔食得都仲特登買炸兩,趁我冇力打唔到你既時候就走過嚟引誘我...好衰呀你!」啊童看著正吃得津津有味的我。
「我都好辛苦㗎好冇,Lunch time要特登跑過嚟買野食比你,早知你婆婆係度就唔洗過嚟啦。」我說。
「我今日無心機同你駁嘴...總之女朋友大晒,我話乜就乜,而家唔該你收嗲,唔好擺出一副好好味既樣,我唔想見到。」她說完後又吃了一口白粥。
「喀茲...喀茲」就算我不放出一副很好吃的樣子,但是吃炸兩的聲音依然很吸引。
啊童瞪大眼睛看著我,然後慢慢把手伸過來,
想拿起一件炸兩。
我立即在她碰到之前把整個盒先拿走。
「唔準呀,你食你既白粥啦,都唔知你係咪真係病㗎,仲有心機走嚟偷食,人地病到死下死下個啲求L其食幾啖就返去瞓㗎啦,你就唔係既,又多野講又多小動作。」我沒好氣地說。
「喂呀...人地病都要比你鬧...咁真係好寡吖嘛碗白粥。」啊童扁著嘴說。
「乖啦,食多幾啖啦,我都知碗野好難食。」
「唔...」她微微點一點頭。
而我,則繼續吃我的炸兩以及雞粥。
跪求大家Follow我既IG: MaanYin05
萬言
2021-06-27 14:57:50
好遺憾
唔會有
天上明月
2021-06-27 15:18:08
純愛幾好啊 好青春
Ada打手
2021-06-27 22:26:42
可撚悲
山區兒童窩巴
2021-06-28 06:46:21
推