是咁的,我同女神做咗鄰居

1001 回覆
204 Like 24 Dislike
2021-05-15 11:45:37
下一場比賽是在考試之後,所以我整個十二月都可以休息一下,

專心溫習,為考試準備。

唉屌,你估我想溫書㗎咩,

比啊童迫咋,成日用我鍾意佢呢件事嚟迫我溫書,

話咩如果唔認真溫書,

就唔駛諗住再追佢喎,

咁我邊有得揀啫...

「你唔好以為我唔知你諗咩啊!你宜家肯定係覺得啊,我迫你溫書啦,唔俾你打機啊。」她突然用手指篤我手臂說。

「痴L線你識讀心㗎?咁都比你知道。」比她看穿了心裏所想的我,驚訝地說。

「哼,實乜講,專心啲溫書啊,唔好再亂諗野啊!」啊童囂張地說。

我唯有重新埋頭在書本中。

再過幾日,就是Sing Con初賽,

而由於只是初賽,所以是在午餐時間,在操場上舉行。

決賽則會在廿三號,放聖誕節假之前,

在禮堂中舉行,屈時全校都會在禮堂觀看。

經過一輪心思熟慮後,

我決定初賽要選一首能打動評判及同學的歌曲,

因為我初賽的目標是要成功晉身決賽!

在床上想了很久很久,究竟有甚麼歌,

是能打動評判,旋律又能吸引到路過的同學。

最終,我決定了,唱「有你有我」這首歌。

決定了要唱那首歌後,我便每天在啊童走後,

自己躲在房間中,拿著結他,

練習這首歌。

很快便到了十二月十六日,亦即初賽舉行的日子。

我帶著自己的結他上學,而不知道我會參加Sing Con的啊童看見我孭著結他感到好奇。

「你做咩孭住個結他啊?」啊童問。

「唔話你知,等你心思思~」我說。

「嚟啦,講啦講啦,我想知啊。」啊童搖著我的手臂說。

「唔講,一陣你咪知囉。」

「一陣...今日有乜野特別事啊?」

「都話一陣你咪知囉,忍耐一下。」我說。

「唓,又蝦我。」啊童鼓起泡腮,裝作生氣地加快腳步向前走。

「喂,唔好行咁快啦。」我立即追上去。

「你快啲同我講!如果唔係我唔理你。」啊童回頭說。

「唔講。」我決定不再屈服於啊童的威脅之下。

「我唔理你㗎啦。」

「好啊。」

「我真係唔理你㗎啦。」

「唔好理啦。」

「咁我走㗎啦。」

「走啦。」

「你諗清楚...我真係唔理你喎。」

「諗得好清楚,我唔會講。」

「你...你好野,竟然夠膽真係唔講。」她噘著嘴說。

「哈,終於比我贏返次。」我說。

「哼,唔睬你。」啊童賭氣地擰轉頭。

我們就這樣,各不出聲,卻並排而行回到學校。

「言哥,請問你今日諗住唱咩歌呢?」Marcus問。

「到時你咪知囉,Lunch time乖乖地去操場聽歌。」我說。

「哦,原來你係參加Sing Con!」啊童聽到後立即回頭大聲地說,令到全班同學也看著我。

「係呀。」我說。

「講開又講,我地識咗咁耐,好似都未聽過你唱歌喎。」肥強說。

「總之,操場見。」我對他們說。








跪求大家Follow我既IG: MaanYin05
2021-05-15 11:45:47
早上的那六節課堂,我一直都心不在焉,

人生第一次參加Sing Con,任誰也會感到緊張吧。

「萬浩然,你答。」上中文課時,老師點名叫我。

「係,諗緊。」我說。

「問題係咩?」我細聲問在旁的啊童。

「答案係孟子啊。」啊童反了反白眼,決定直接告訴我答案。

「孟子。」我回答老師的問題。

「非常好。」老師說。

「好緊張啊?」啊童問。

「梗係緊張啦大佬,要當住咁多人面唱歌喎。」

「點解你要參加呢?」

「你諗下咪知囉。」我說。

「唓,點諗到啫。」

「你諗真啲。」

「你唔好同我講係為咗...係因為我而參加啊。」啊童臉上一紅說。

「Bingo!恭喜冰雪聰明既周樂童成功估中我參加Sing Con既原因。」我說。

「...」啊童聽罷後,沒有任何反應,重新埋首於筆記之中。

時間來到Lunch time,

我草草吃了午餐後,便去到了預備室準備,

那間預備室是在操場的旁邊,能看到待會表演的舞台,

供參加者在預備室準備之餘,

同時能欣賞其他人的表演。

我拿下結他,自己試彈一次「有你有我」,

確保自己真的記得怎麼彈,

免得待會在台上突然忘記了下一個Chord是甚麼。

老實說,我只準備了一個星期,

我自己也沒有太大信心, 只希望幸運之神會眷顧我吧。

不久後,Sing con初賽正式開始,

同學們比一個一個叫出去,有的唱得比某些歌星更動聽,

有些唱得比屯門公園的大媽更難聽。

基本上,初賽是不會有太多人乖乖坐下觀看的,

除了我的兄弟,Suki,以及啊童以外,

就只有小貓三兩隻乖乖坐著, (呢個係形容詞嚟㗎OK?慎防有人唔知咩意思,以為真係有幾隻貓坐係到聽人唱歌。)

操場的另一邊則是球場,可謂人山人海,

與這邊形成強烈對比。

漸漸地,預備室的人越來越少,一個又個地比司儀叫了出去,

去到最後,竟然只剩下我一個在預備室中等候。

「頭先既表演真係十分之精采,接住落嚟,有請我地今日最後一位參賽者出場,萬浩然有請。」司儀說。

我深吸了一口氣,拿起自己的結他,

從預備室中走了出去。

「拍拍拍拍拍!wuuu!!!」我的兄弟們拍手。

我走上台前,調整好咪高峰的高度。

「大家好啊,我係Form 3既萬浩然,今次想表演既歌係Supper Moment既有你有我,希望大家可以暫時停一停你手上做緊既野,就用Lunch Time最後呢幾分鐘,去聽我唱歌,放鬆一下,多謝。」

一個唔覺意又寫多咗啲無謂野...大家體諒下勿屌我拖故。











跪求大家Follow我既IG: MaanYin05
2021-05-15 12:20:54
我決定去紙言睇 真係好想快啲睇到結局
2021-05-15 12:39:04
我仲寫緊喎
你睇唔到個結局住㗎啦
2021-05-15 12:39:21
哭撚左
2021-05-15 16:06:54
等樓主更新晚晚都追一下
2021-05-15 16:12:58
多謝支持
2021-05-15 16:13:57
希望唔好 sad ending
2021-05-15 16:15:32
我仲諗緊,未決定好
2021-05-15 16:15:56
2021-05-15 16:48:43
唔好sad啦 好想佢地可以永遠係埋一齊
2021-05-15 16:51:30
唉我考慮下
2021-05-15 16:53:30
2021-05-15 19:07:05
係一定
2021-05-15 20:37:59
現實太sad
希望呢到可以開心下
但當然作者話事啦
2021-05-15 20:40:05
我咁講純粹係廢事劇邊啫
我就好心軟既
2021-05-16 00:57:23
去咗紙言追 呢啲青春故真係百看不厭
2021-05-16 06:44:37
好快你就會厭我個故仔
我相信你應該接受唔到我講一日既野用咗十章去講
啫係代表你要等十日
先睇完故入面一日所發生既野
開心唔開心
我自己都頂唔順
2021-05-16 10:45:51
Lm
2021-05-16 10:46:05
Push
2021-05-16 13:05:30
你寫到代入感好強 相信要厭你嗰故仔都幾難
2021-05-16 14:20:43
我好鍾意做啲高難度既野
講笑
2021-05-16 14:22:47
嚟到呢一篇,好明顯就係講啊言唱歌啦,

作者係到希望睇既讀者,好好咁閱讀首歌既詞,

如果可以既話,我甚至鼓勵你地去Youtube聽下呢首歌,

如果唔係你唔會完全明白個故所寫既野,

話晒呢個故隨咗愛情之外,

我都希望可以勾起返大家中學既回憶,

呢首唔係一首情歌,而係一首可以令你回想起中學時期,

每個人都經歷過既野,

所以,乖啦,去聽完首歌先返嚟,

唔阻大家!

「Wu!!!」我的兄弟們歡呼。

但除了他們以外,就再沒有人有任何反應。

我也不理太多,開始自己的表演,

我彈奏著這首歌的前奏,用手按著結他的和弦,

動人的音樂從結他中傳出,

伴隨著前奏的完結,我便準備開口唱歌了。

下午的天空正猛照著陽光

熱燙過的偏執

總再找不到明亮希望

Wo ho wo ho Wo ho wo ho

我享受著這一刻,雙眼合上,把自己的情感投入到歌中,

腦海裏泛起鐘聲響遍的禮堂

在厚厚書本中口水流了幾多

罰企過的走廊

已寬恕了你那日輕狂

Wo ho wo ho Wo ho wo ho

我回想著這幾個月以來所發生的事,

你可會記起一首溫暖你的歌

如像往日你我

曾同行搗蛋班房

永不會哼的詩歌

為一次膚淺爭執激動流淚過

曾經跟啊童吵架,

曾經跟兄弟們上堂吃糖,

命運總會讓我們分開

確信有一天

緣份定會在某處等待

沿途能一起相擁

沿途能一起高歌

沿途能一起分擔激情和落泊

在人浪跌倒的你並不孤身走過

縱然,請比他們害慘,

但我始終很感激他們, 啊正,魚蛋,肥強,Marcus,Suki,毛毛,當然還有啊童,

我睜開眼,看著他們,

唱出四隻字,

有你有我

張開了眼的我發現台下的人,變多了,

除了兄弟們以外,

多了幾雙陌生的眼睛看著我,

欣賞著我的表演。

唱完第一段後,我將節奏加快,

整個球場的氣氛有著明顯的改變,

在校際比賽接應美妙傳波

為應付考試

把答案貼在同學背上

Wo ho wo ho

羽毛球比賽險勝對手,

跟啊童溫書的情境從我腦海中浮現,

初戀難忘心痛

你可會記起害你哭崩半天的歌

如像往日你我

曾同行搗蛋班房

永不會哼的詩歌

為一次膚淺爭執激動流淚過

命運總會讓我們分開

確信有一天

緣份定會在某處等待

沿途能一起相擁

沿途能一起高歌

沿途能一起分擔激情和落泊

在人浪跌倒的你並不孤身走過

因為有你們,令我的中學生涯變得有趣,

沿途能一起相擁

沿途能一起高歌

沿途能一起分擔激情和落泊

命運總會讓我們分開

很高興,有你們能為我分擔,

確信有一天

緣份定會在某處等待

未來是一個沈重的包裹

合力同謀打開

在人浪跌倒的你並不孤身走過

即使我們未來的路不一樣,

我們依然能夠互相扶持。

有你有我

整個球場突然靜了下來,

所有人都看著我,

仿佛在等待著我唱下一句。

我放下整在彈奏結他的雙手,

左手把咪高峰取下,右手伸開,唱出,

有你有我

「多謝。」我對著評判及台下的人鞠躬。

過了數秒,

「拍拍拍拍拍!!!」掌聲如雷,差不多整個操場的人都在鼓掌。





跪求大家Follow我既IG: MaanYin05

呢篇作者揸流灘,可恥!
2021-05-16 14:23:16
我在掌聲之中,離開了舞台,

背著結他走過去兄弟那裏。

「有冇走音啊?」我最關心的,當然是自己唱得好不好。

「唔好玩啦言哥,你唱得咁好,邊有走音啫。」啊正說。

「係咩...哈哈,唔係真係唱得咁好...」我話未說完,突然比Suki拉走。

「做咩呀,無端端做咩拉走我啊?」我不解地問Suki。

「我問你做咩就真啊!你唔係唱歌比啊童聽㗎咩?做咩唔唱情歌啊大佬,唱埋晒19Moment啲濕9歌。」Suki說。

「咩濕9歌啫,不知幾正,同埋我諗住唱首可以打動到評判既歌吖嘛。話時話,我都冇話過係唱歌比啊童聽,你拉我過嚟做咩啫。」我說。

「屌你原來唔係扮㗎喎,唔怪得之你溝唔到啊童啦,唉。」

「做咩啫,講啦。」

「頭先小息既時候,啊童好開心咁走過嚟同我講話,你為咗佢參加Sing Con,跟住佢仲係咁係到幻想你會唱啲咩情歌比佢聽,又或者會係台上面同佢表白,又不斷問我知唔知你會唱咩歌,傻既都睇得出佢好鬼期待。結果呢,你走去唱有你有我。」Suki說。

「吓,唔會掛,我頭先同啊童講既時候,啊童仲好似好抗拒我為咗佢參加Sing Con咁,又冇乜反應咁。」

「所以你呢啲純情小毒L咪溝唔到女囉,啲女不嬲口講一套做一套㗎嘛,你唔係唔知啊嘛?」Suki恥笑我。

「係咁㗎咩?」

「係啊,信我啦,你唔見啊童頭先扁晒嘴咁㗎咩?」Suki看向啊童。

「吓,無啊。」我看向啊童。

「宜家緊係冇啦On9,咁易比你睇到咩!」

「咁你又望過去...」

「望緊啊童有冇懷疑我同你講啲咩啊!」

「咁講完未啊?」

「未,比我問埋最後一個問題先。」

「問啦。」

「如果你入到決賽你會唱咩歌?」

「吓,未諗喎。」

「你諗住唱邊類型既歌吖。」

「情歌囉。」

「唔夠。」

「唔夠?」

「係要揀首甜到漏既情歌,記住記住。唔好再令啊童失望,如果唔係我就...」

「你就?」

「夠膽令我既好姊妹唔開心既話,我就殺!咗!你!」她用手刀刎頸的手勢。

「得得得,我保證唔會令佢失望,你放心。」我起步走回去。

「喂。」

「咩啊?」我回頭看著她。

「記得氹返啊童啊,暗示下自己決賽會唱情歌比佢聽又好,陪佢食下甜品又好。」Suki說。

「知道啦,愛情軍師。」我說。

回到去後,

「你地兩個頭先講咗啲咩呀?」啊童問。

「冇啊,冇講野啊。」

「你當我傻㗎?咁耐先返...講,你地頭先講咩?」啊童問。

「冇,Suki問我同你發展到點啫。」

「你估我咁易呃啊?我同你講,女人直覺好準㗎,你地頭先一定唔係講呢樣野。」啊童說。

「我屌~咁你都知?」

「哼,實乜講。答我!」啊童盯著我的雙眼說。

「秘密~唔講。」

「講唔講啊?」她突然伸手扭著我的耳朵。

「講...講,嘩澌...好痛啊。」我立即屈服,並向Suki投以求救的目光。

「講!啦!」

「喂啊童,我突然之間好想去廁所啊,陪我去吖。」看不過眼的Suki成功拯救了一條無辜的生命。

「算你好彩。」她臨走前不忘大力踩我一腳。


跪求大家Follow我既IG: MaanYin05
2021-05-16 14:23:26
放學時,啊童依舊不忘我比Suki拉走一事。

「究竟Suki同你講咗啲咩啊頭先?」啊童問。

「無啊,我地講個啲野唔關你事㗎。」我說。

「我唔信!頭先Suki仲一路講一路望住我㗎喎。」啊童狠狠地瞪著我說。

「你真係想我講比你聽?你唔好後悔喎。」我說。

「你快啲講!」她又扭著我的耳朵說。

「痛...痛,我宜家咪講囉。」我說。

「你有三秒時間。」

「得得得,我宜家即刻講。Suki話俾我知,你呢以為我會唱情歌比你...」

「吓,佢唔係啊嘛,呢啲都講...佢冇同你講我我...我有...」啊童紅著臉害羞地說。

「你有咩啊?」佔了上風的我追問。

「冇野啦。」

「定你你想講,你想我係台上面同你表白啊?」我一語道破她心中所想的事。

「佢連呢個都同你講啊!?」啊童像是在後悔跟了Suki說這件事一樣。

「Suki仲話你頭先聽到我係唱有你有我之後,好失望咁扁晒嘴喎,你真係好期待我唱情歌咩?」得勢不饒人的我繼續說。

「邊有扁嘴啫...」啊童急忙辯解說。

「真係冇?」

「咁真係失望吖嘛,又係你話為咗我而參加Sing con既,咁我咪諗住你會唱情歌比我聽囉。」啊童小聲地說。

「咁啫係你真係有因為我唔係唱情歌而扁嘴失望啦喎?」

「嗯...」 她害羞地點了點頭。

「咩話聽唔清楚?」

「係呀,我係有因為你唔係唱情歌而扁嘴失望啊,咁得未?」啊童比我迫得大聲地說,害得周遭的人紛紛看向我們。

「嘻嘻,你一早認咗去咪好囉,宜家搞到全世界都望住我地啦。」我說。

雖然我幾享受他們這種目光,就像是向所有人宣告著這個如此漂亮的女生,

因為我沒有唱情歌,而不開心。

「我憎死你啊萬浩然,成日蝦我。」她說。

「如果我入到總決賽既話,我應承你,我一定唔會令你失望。」我正色對她說。

「你係至好啊。」啊童說。

「你期待下。」我說。

第二天回學校便會宣佈能進入決賽的參加者,

你問我緊不緊張,當然,我緊張得整晚差點睡不著覺。

到了第二天,早會時,

我聽著司儀逐個逐個讀出同學的名字。

「XXX,XXX,然後係最後一個,係唱到成個操場靜晒既,萬浩然!」

「Yeah!我得咗啦。」我興奮地跳了起來,更興奮得抱住了啊童。

「我一定,會唱首你鍾意既歌,唔會令你再失望多次㗎啦。」我緊緊地抱住啊童。

「喂...喂,學校嚟㗎,你放手先啦。」啊童尷尬地說。

「係喎,Sor。」我放開手說。

「你開心都唔駛即刻攬住人㗎,記得我同你講過啲咩啦。」Suki說。

「得,我一定會照你所講既野去做。」我說。

回到家後,我立即上網找我可以在Sing Con上唱的情歌。

「向孩子說愛情?阿波羅?邊首好呢...」

我一直坐在電腦前揀選歌曲,直到我遇上了----最後晚餐。

「就揀你啦。」我對著最後晚餐這首歌的歌詞呆笑。


跪求大家Follow我既IG: MaanYin05
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞