是咁的，我同女神做咗鄰居

多謝

笑得最大聲的，當然是Suki。

「你一個大男人，竟然比啊童打到跌在係地下到，真係失敗。睇嚟我地都救你唔到㗎啦，啊童你打完未啊？去食野啦好冇？」Suki問。

「好啊！食乜野啊？」啊童的態度一百八十度轉變。

「BBQ啦緊係，宜家天氣涼涼地咁，BBQ就最好㗎啦。」Suki說。

「咁行啦。」

「喂...有冇人扶我起身啊。」

我像球員一樣，舉高手等待隊友來把自己拉起身，

奈何無人配合，

兄弟們一聽到去吃BBQ便走了出去，

完全沒有理會過我，迅間房內就只剩下啊童跟我二人。

「喂啊童，話晒我都係你男朋友吖，打完我之後拉返我起身都得掛。」我看著正打算離去的啊童說。

「真係麻煩。」啊童不情不願地走過來拉起我，

我順手牽著她的手，與她一同走去去燒烤場。

直到此時我才真的可以好好放鬆，

享受著這跟啊童拖手並肩而行的時光。

佢隻手...凍凍地...又滑...軟綿綿咁...真係...好L正呀！

「好！今餐啊言請！」到達目的地後，Suki興奮地說。

「唉得啦得啦。」我說。

由於那裏是採自助形式，所以只要付了錢，

就可以任吃任飲。

「屌你識唔識㗎，主動問下啊童想食乜野幫佢燒啦，溝到人之後就唔洗做啊？你On9㗎？」無錯，我又比Suki罵。

「得得得！」

「啊童，你想食乜野啊？」我問啊童。

「唔洗你幫我燒啦，我自己燒得啦。」啊童揮手示意我不用幫她。

「嗱，聽到未呀？」我對Suki說。

「原來你真係唔識㗎喎屌！女仔係口不對心㗎嘛，口講話唔洗啫，但係你都可以幫佢燒啲佢鍾意食既野㗎嘛，你唔會連佢鍾意食咩你都唔知掛？」Suki反了反白眼後問。

「食唔食腸仔啊？」我問啊童。

我問完後，空氣突然安靜了幾秒，

之後前方迅速傳來一陣大笑聲。

「唔食啊！！！」啊童紅著臉說。

「嘩~咁急呀啊言，做咗幾個鐘情侶就已經想做呢一步啦，唉，所以話呢，後生仔唔好咁心急啦。」Suki扮作大人說。

「喂！你地諗咗去邊啊，我唔係呢個意思啊喂，你地聽我解釋先，我意思係食物個隻啊，唔係你地諗個啲野啊。」意識到自己說錯了話的我立即補救。

「係呀，我地都係講緊食物個隻啊，你以為我地講緊邊隻啊？」Marcus扮作天真無邪地說。

他說完這句後，原本已經平復了心情的兄弟們又再開始笑起來。

「唉怕咗你地，成班友都痴9線㗎。」

那一晚，我們一直燒到那間店關門我們才回去。

因為已經很晚，而且長州不是市區，

所以只有幾盞街燈，對我們來說都勉強夠用，

但對啊童來說，眼前的卻是一片漆黑，

沿路上她都緊緊摟著我，生怕一個不小心就走失。

我作為一個稱職的男友，自然有責任保護好她，

所以我都有搭著她的膊頭，至少能給予她安全感。




跪求大家Follow我既IG: MaanYin05

推

推推推

回到去後，我們便各自回到自己房間中沖涼梳洗，

但...一大堆中學生難得出去過夜，你認為會就這樣完結嗎？

答案是不會，大約十一點左右，

她們便來了我們的房間， 例牌會玩真心話大冒險等遊戲。

「啊言，你揀真心話定大冒險？」魚蛋問。

「真心話。」

「唔得，你已經揀咗真心話兩次啦，所以你剩係可以揀大冒險。」啊正說。

「咁你問嚟做...」

「你理L得我，好，我地要你做既野好簡單，見唔見到你呢到有塊薯片？」他隨便從那一座零食山中拿出一塊薯片。

一股不安感在我心中油然而生，

「你，咬住呢一邊，然後餵周樂童食咗塊薯片去。」果然比我猜中了，

上次我們這樣玩的下場我還歷歷在目，我可不想再經歷多次。

我看向啊童，以眼神詢問啊童願不願再這樣玩多一次，

只見啊童點了點頭，

走過來一把搶走啊正手上的薯片，

然後強行塞入我的口中，

再快速地張開嘴把薯片咬走，

速度快得連我們反應的時間也沒有。

「呃...咁快既...」啊正看向早已在我身後準備的Marcus說。

「哈，On9仔，諗住再用同一招嚟玩我啊？」我問。

「噫...算，我地繼續。」 玩了大約一個小時以後，

我們又再圍起來一起Jam歌，

由我負責彈結他，而他們就負責唱，

一直唱到兩點多才睡覺。

但睡不夠四小時，我就比啊童叫醒了。

「做咩啊...」還未睡醒的我半睜開眼問。

「陪我去睇日出吖。」為免嘈醒其他人，所以啊童壓低聲量說話。

「吓...好攰喎我，比我瞓多陣啦。」

「嚟啦嚟啦，我好想睇啊，陪女朋友唔係男朋友應該做㗎咩，又係你琴日話為咗我咩都肯做既。」啊童不斷搖動著我的身體。

「得，即刻起身。」一聽到女朋友三隻字，

我立即彈起身， 這三隻字彷彿為我注入了動力一般，

令我不再疲倦，變得精神抖擻。

「Yeah！咁你得就嚟敲我間房度門啦。」啊童輕輕親了我的臉頰一下，然後便轉身離去。

我摸著被親的位置發呆...這個難道就是...拍拖的感覺嗎！？

好幸福啊...我看著前方傻笑著。

過了一會，才回過神來，前去梳洗一下，

然後穿起衣服便走落去。 我敲了敲她們的房門，

啊童旋即從內走出來。

「行啦！」啊童興奮地挽著我的手臂。

於是我們便慢行到了沙灘，找了個位置坐下。

「呼！如果我地以後都可以咁樣過你話幾好呢~」我看著眼前的大海說。

「你頭先好似唔願起身咁喎，你確定你可以做到每日都咁做起身？」

「唓，我咪講過囉，為咗你，我咩都肯做。」我裝作深情地對她說。

「哼，口花花，不過如果真係可以每日都咁樣過又好似唔錯既。」啊童若有所思地說。

「我想~一同日日看夕陽~」我唱出小傳奇的歌詞。

啊童則把頭靠在我的肩上，靜靜地等待著晨曦。



跪求大家Follow我既IG: MaanYin05
因為我IG唔知點解又多咗50人fol，過咗200followers，
所以又加更啦我

少年，你太年輕了。你以為這個ig上真的有那麼多人追蹤你的檔案？其實都是我一個人fol的，不然我再換個acc fol你給你看。

洗你講？
我都知啦，一大堆分身AC

Sweet到

Lm

點解我要咁早入嚟

少年，你太年輕了。你以為這個連登上真的有那麼多人推po？其實都是我一個人推的，不然我再換個acc 推你給你看。

Pushh

推

原來樓主係中學雞 我差唔多係樓主double嘅年紀
但睇呢篇嘢真係唔似咁細年紀就寫到 而樓主有照顧到入面寫嘅配角 唔係就咁湊人數

樓主我好明白你心情 當年sars都令我無咗好多返學時光

其實我覺得配角入面重要既人就係得Suki，毛毛同啊正，其他都可有可冇
基本上四兄弟個定位係一L樣，冇乜特色，呢個亦係我呢個故其中一個寫得唔好既地方

過了不知多久，我們終於看到第一線曙光，

只見太陽一點一點地升上來， 光芒則隨著它的升高而變得耀眼，

天色由黑變紫，再變成白色。

待太陽完全升起後，我們便回去了。

「點啊，滿唔滿足啊？」正打開房門的我問啊童。

「唔！」她用力地點了點頭，臉上的笑容任誰看到了也能感受到她的快樂。

「咁就好啦，不枉我咁早起身。呼，瞓多陣先。」我伸了伸懶腰，然後走進去房中。

一打開門，我就比五雙眼睛注視著。

「咦，你返嚟啦？」不知為何出現在男生房間的Suki說。

「點解你係度既？」我疑惑地問。

「冇，啱啱起身見啊童唔係間房到咪走過嚟睇吓佢係咪過咗嚟同你瞓囉，咁見你都唔係到就估到你兩個出咗去啦，原本諗住返過去㗎啦，點知你就咁啱係呢個時候返咗嚟。」Suki解釋。

「哦，咁你返過去啦，我諗住瞓多陣先。」我說。

「吓？你仲瞓？我地諗住出去㗎啦喎。」魚蛋說。

「咁早？你班死仔平時都唔係咁早起身㗎喎，唔好講笑啦，好攰呀我，比我瞓多陣先啦。」

「咩講笑啊？難得嚟到長州玩，我地諗住早啲出去食早餐跟住去張保仔洞喎。」啊正說。

「吓？真心咩，咁早？」這個消息對於一心打算睡多一會的我可謂是晴天霹靂。

「嚟啦，今晚你返到屋企咪瞓飽佢囉，宜家去咗玩先啦。」肥強說。

「咁呀...唉是但啦行啦。」我重拾起背包說。

「咁我落去叫埋啊童啦，大門等啦。」Suki說。

「好吖。」啊正回應她。

他們便開始執拾待會要用的物品，

然後我們便下了去大門，

而啊童跟Suki則一早已經在大門等候著我們。

我們先是去了一間很普通的茶記吃過早餐，

然後便出發前往張保仔洞。

「好彩宜家係冬天咋，如果係夏天實熱死。」我說。

「痴L線仲有幾耐先到啊，好攰呀！！！」Suki抱怨。

「就快啦，上埋山就係啦。」我說。

「又要上山！？」Suki大吃一驚。

「唉呀，唔好咁啦，最多我同你一齊行啦。」啊童一把甩開我的手，轉為挽著Suki。

又走了一段時間後，我們終於到了張保仔洞。

Suki一看到那漆黑而又狹窄的洞穴就立即拒絕進去，

而有夜視症的啊童則猶豫不決，

反之我們男生全都躍躍欲試，想進去探險。

「咁你入唔入去呀啊童？」我問。

「唔好入啦，入面又黑又窄，仲一定好污濁添，無謂辛苦自己啦，係度陪我算啦。」Suki極力游說著啊童留下。

「嚟啦啊童，最多我行你前面，就算有事都係我有事先，唔驚喎，同埋我部電話有電筒㗎嘛。」我說。

「咁啊...好啦，你記得唔好行咁快喎。」啊童說。

「好啊。」我回應。

「喂啊童你諗清楚啲...」

「收嗲啦，自己唔入去就企係出面等啦。」Marcus一句就收了Suki皮。

「你條仆...」

「算啦Suki，我地一陣返嚟搵你啦。」啊童成功制止了一場罵戰的發生。



跪求大家Follow我既IG: MaanYin05

推

Lm

我帶頭進去，啊童跟在我身後，

其餘人就在啊童後方，總之我們就是要包圍著啊童，

不讓她有走失以及受傷的可能性，

更重要的是，能給予她安全感。

我小心翼翼地踏著石頭一步一步走下去，

然後回頭扶著啊童下來， 待啊童都下來了後，

我便開始邁步向前，走進漆黑一遍的張保仔洞，

地上滿是碎石，稍一不慎可能便會滑倒，

此時我開啟電話上的電筒功能，

光芒從電話中射出，勉強夠我在這片不見五指的環境中看到四周。

「魚蛋落到嚟未？我開始行啦。」我轉頭問。

「落到啦佢，我宜家都準備落啦。」啊正說。

「Ok，咁我地開始行啦啊童。」我對啊童說。

「唔！」只見啊童用力地點了一下頭，手則緊緊抓著我的背囊。

「捉實我，小心地下既碎石，同埋如果我行得太快既話記得同我講。」

「得啦，你行啦。」

聽罷，我便真正開始朝著洞穴內部進發，

洞穴內隨了光線問題之外，

還有另一個問題需要刻服，那就是空間問題。

洞內的道路，越走越窄，

就如桃花源記中那漁人所走進的洞穴一般，

極為陝窄，

我跟啊童均要側著身子才能通過，

不禁令人懷疑自己是否真的能成功到達出口，

看見那平坦寬廣的桃花園。

「喂肥強，你可以返去先啦，前面好L窄你過唔到㗎啦。」我善意提醒肥強。

「收皮啦屌你。」卻換來肥強冷冷的一句。

過了那段極逼的路段後，洞穴又漸漸變回廣闊，

再前行多幾步就已經看到出口傳來那微弱的光。

秉持著不怕死這個生活態度的我，自然不會讓後面的幾人無驚無險地離開這個洞穴，

所以我決定要好好作死一番。

我先是不動聲色地突然關了電筒，

然後裝作不知情的告訴啊童電筒不知何故自己關了，

「吓...唔會掛，日光日白，應該係冇電啫。」單從聲音也能聽出啊童的害怕，但她仍故作鎮定地為這起事件找解釋。

「可能係啦，不過唔緊要啦，就快到出口㗎啦。」說罷我便放慢腳步向前行。

又向前走了幾米後，我突然停下，

「做咩呀？行啦。」現在啊童只想盡快離開這地。

「個度...你見唔見到個度...」我用震抖著的聲音對啊童說。

這麼一說，啊童心裏變得更為害怕，

「你...你睇到啲乜野啊。」啊童的雙手緊緊拉著我的手臂。

「嚟緊...啦， 嘩！！！！」我突然轉身大叫，嚇得啊童整個彈起。

「呀呀呀！！！！！」看不到發生了甚麼事的啊童雙手掩臉，放聲尖叫著，比我嚇得花容失色。

此時我再也忍不住，開始大笑起來，

過了一會，啊童才意識到她被我捉弄了。

「喂呀！你可唔可以唔好咁幼稚啊！」她雙手不停大力拍打著我的手臂。

笑得快要斷氣的我當然沒有理會她的責罵。

「男朋友喎...成日蝦我！我憎死你啊！！！」

雖然看不到她現在臉上的表情，但我相信她正鼓起泡腮，

單靠想像就已經覺得好笑。

「係啦係啦，出口係前面啦，我地宜家出去啦。」我說。



跪求大家Follow我既IG: MaanYin05

樓主寫到周樂童好正好pure好得意

師兄 下次唔好quote 文啦