[足球/穿越]重來一次的足球人生（3）第二章 日職篇

無喇

呢度應該係「青年時期」 唔該

jeng aa

依個故真係好正

10號仔
監督竟然唔係講列基美

其實我有諗過 不過我睇波時間比較遲
未真係睇過列基美踢波
甚至作為前阿迷柏金都無點睇過 但相對地熟少少柏金
所以就揀咗佢

搵佢D片睇下啦
鍾意10號位既人一定鍾意列基美
我甚至覺得阿根廷10號只可以係佢同馬勒當拿

找一找講列基美的文章

「教練，我只知道按照自己的方式踢球。對於你的要求，別的隊友會做得更好。你派其他人上場吧，我保証不會有意見。」2002年第二次執教巴塞隆拿期間，雲高爾遇到了一個難以名狀的足球謎題。那個賽季，皇家馬德里引進朗拿度開啟「銀河戰艦」時代。作為回應，巴塞隆拿簽下了列基美，但這個阿根廷人無法融入巴塞的戰術體系，於是雲高爾想把他放在左翼鋒的位置，可列基美本人不願接受這個安排。幾個月後，列基美就離開了巴塞。

俾人叫去左邊，寧願唔踢都唔改打法，根本同主角一樣。

多謝建議 我做下資料搜集先

問個有少少老尷嘅問題
出版社話可以幫我喺書展度開個攤位安排簽名會，但得返7月19號（星期一嚟，時間未定，但可以安排喺夜晚放工時間後）
咁就想問下有幾多人會有興趣嚟撐下小弟場
但當然本書就唔係呢篇足球故，但應該未講得本書個具體細節啊嗰啲，咁大綱就係講個有一個身患絕症嘅男仔，知道自己就死之後就決定同班朋友去挖返多年前埋底嘅時間膠囊，然後趁呢最後三個月盡力去完成晒佢哋咁。

如果會嚟支持小弟嘅話麻煩留個正評

推

我鐘意法比

嘗試凌晨更新

在線等

在線等

LIVE

利申無咁快 預兩點半三點左右

就瞓著

等呀

等多我一陣

無問題！！！

二十三、


蕭智堯去磐田山葉試腳但最後沒能完成轉會的這件事，在伊香保溫泉隊內不知怎麼傳著傳著，就變成了是他的實力不足因而落選。

「磐田山葉U-15話晒都係嗰個橫道元氣嘅地頭，點會俾呢個香港仔搞到啲咩花臣出嚟。」當U-15眾人聊起這件事時，吉岡南太郎不由得笑道。「唔知佢點解咁死好命會得到岡部彰嘅推薦，但我肯定佢喺靜岡實係俾J1班青年軍踢到體無完膚。」

「都好嘅，等佢體驗下J1同J2個差距有幾多，以後咪再咁不自量力以為自己留喺呢度係屈才咁。」旁邊的隊友笑道。

後輩過於進取，鋒芒太露，會被前輩冷言冷語甚至排擠，這種文化當然絕不是日本獨有，曾在職場打滾過的蕭智堯深明此理，但也沒打算理會太多，他相信自己沒有做錯，而努力與專注終會證明一切。

雖然他們有根據年齡細分去不同的青年聯賽，不過日常的團隊訓練依然是按照U-15的體系去做，所以即使蕭智堯盡量不想去惹這個麻煩的前輩，但實際上每天還是會有大量的接觸機會。

「喂傳好啲啦！」

對比起在場上的表現，蕭智堯訓練時的基本功確實是失色不少，即使有著實際年齡上的優勢，但此前並沒有接受過正規訓練，從而留下了大量錯誤肌肉記憶的他，與從小就有吸收良好教育的日本人相比，自然是會有不少瑕疵存在。

「係，Sorry。」蕭智堯也不辯駁什麼，只是靜靜地表示歉意。

「吉岡真係……」鈴木卓在場邊看著，忍不住搖著頭嘆了口氣。「對蕭智堯會唔會有少少太嚴格……」

「佢呢種似係有少少公報私仇，」中西智和表情不太好看地應道。「我記得你好似話有同佢傾過？」

「係，好似之前講咁，專登用長瀨個名去睇下佢會有咩反應，跟住就……」

「不過蕭智堯嚟之前佢已經係咁，有少少走火入魔嘅感覺，」中西智和嘆了口氣。「做教練最煩就真係遇到呢啲情況。」

「長瀨件事對佢嚟講係幾難接受嘅……但佢克服唔到呢個心魔，就無人可以幫到佢。」

對陣郡山神風的首輪賽事將至，被委任U-13負責領隊的鈴木卓最後一次與各人講解完球隊的陣容名單及基本戰術，便讓大家早點休息以準備明天的開幕戰。

教練團隊本來是想讓球隊先踢4-2-3-1的戰術去試試水溫，但中西智和跟鈴木卓討論過後，認為可以先嘗試踢伊香保一隊現行的3-5-2強攻戰術。

「蕭智堯喺進攻中場個位可以放膽啲去踢，但因為你後面兩個防中好大機會會游走上去，所以你盡可能都係要積極回防。」鈴木卓指著戰術板解釋道。「岡田職責可以偏留後防守多啲，但一發現對方防線有空隙可以插上嘅時候就唔好猶豫，全力插上去Overload佢，亦可以將個進攻發起權適當地留啲畀舞木。」

今村一彥的正選前鋒位置是穩如泰山了，但整場會議下來，他卻沒怎麼聽到過自己的名字。

「嗯？」講解完結後，他特意走出去詢問自己有沒有什麼要注意的地方，為什麼自己好像沒有什麼特別任務一樣，聽到這裡鈴木卓才發現自己確實沒怎麼提到過他的名字。「哦唔好意思，我唔係有心忽略今村你，不過你嘅戰術理解能力同執行力已經非常成熟，基本功同場上表現亦無乜可以挑剔嘅地方，所以先無點特登去提到你……聽日你按平常咁去踢就得。」

「今日唔加操？」而另一邊廂，舞木嘉正則看著伸起懶腰，似是想回去宿舍休息的蕭智堯問道。

「聽日比賽，梗係要保留下體力，做咩，你想練波？」正欲離去的蕭智堯回頭看了他一眼，笑道。

「嗯，有啲嘢想請教下你。」

與今村一彥相反，舞木嘉正的性格相對外向很多沒那麼陰沉寡言，只是在旁人看來，他就是有種不知道他平常在想些什麼的感覺。

「因為我自己連自己想做咩都唔知。」他笑著答道。

「咩意思？」

「我同今村唔同，佢係一個思路好清晰嘅球員，佢知道自己嘅長處同短處係咩，亦知道做啲咩可以向對手造成壓力，所以佢可以好理性咁分析自己喺場上面應該做啲咩去擊敗對手。」舞木像是發泄般拿起足球大腳往上方踢去，然後慢跑到落點將其精準地控下來。

「……」悄悄地跟在後面的今村一彥站在稍遠處的樹後，不發一言地偷聽著他們的對話。

「咁……你呢？」蕭智堯大概能聽懂他在說什麼。「都想好似佢咁但做唔到？」

「嗯，」他微笑著點了點頭，看起來也不像是在自責或是困擾什麼。「我喺場上其實好多嘢都係靠直覺，無乜點去思考，最近開始覺得，咁樣落去好似唔係辦法。」

「但呢個問題你問我應該係問錯人，」蕭智堯笑道。「我都唔係嗰種思考派嚟。」

「係咩？」舞木邊說著邊開始玩起了花式，表現得一臉輕鬆自在。「我反而覺得你喺場上嘅表現似係……一直都好清晰咁知道自己想做咩咁。」

「……我無呢種感覺喎。」

「但喺我哋後衛眼中，你就好似一直有種氣場，由體內不斷不斷咁冒出嚟話：『我要助攻！我要助攻！』咁。」舞木笑著把球傳給他。

「咁樣叫清晰咩……」蕭智堯踩著皮球苦笑道。「你咁樣同講話後衛有種信念要截停個波佢咁係一樣。」

「我成日都唔知自己應該以咩類型嘅球員作為目標，」他嘆了口氣，答道。「雖然『組織中堅』呢個角色喺外國並唔罕見，但喺日本本土就相對少好多，所以我都諗而家自己呢種。」

「我喺靜岡嗰陣，嗰度嘅青年軍隊長同我講咗一段說話，」蕭智堯笑了笑，起腳把球傳了回去。「大概意思係話，球迷其實都鍾意睇有自己特點嘅球員，如果你有自己想堅持嘅路，就堅持落去。」

「……你覺得我呢種路線無問題？真係會被世人所接受？」舞木一副拿不定主意的樣子。

「你踢波係為咗咩？係咗被其他人接受？定係想話畀人聽：舞木嘉正係一個獨一無二嘅球員？」蕭智堯微笑道。

舞木笑了笑，終止這個話題後開始向蕭智堯交流著傳球或是防守上的一些技巧，兩人一直練習，皮球也在天上飛來飛去，不知不覺間天色又暗了下來。

今村一彥拿出電話，發現已差不多到吃飯時間，便發訊息給母親說今天會早一點回去，隨即轉身靜靜離去。