[足球/穿越]重來一次的足球人生（3）第二章 日職篇

在線 希望完埸前有文

文啊

趕緊 等多陣

等緊

溫多陣啦

睇住曼車大戰等

八、


擔任主球證的教練吹響哨子，最後紅隊以3-4不敵白隊，但其實在紅隊將領先優勢擴大至三球後，教練組便讓蕭智堯穿起了白色背心，那之後白隊也在他的帶動下連進三球，紅隊再在臨完場前攻入一球，才有了現在這個比數。

換言之，他還是主宰了這場比賽。

包括中西智和在內，在場的所有教練都對這名香港青年的實力與天賦感到吃驚，更讓人詫異的是他居然只有十二歲。

「總共三個助攻，一個入波……」旁邊的教練看著手中的數據紀錄說道。「完全變咗個人Show……」

坐在場邊的舞木嘉正仍未回過神來，他怎麼也沒有想到，居然會在這種地方遇到這種水平的球員。

而事實上教練們也覺得很意外，這種實力水準的青年球員，理應在J1級別的球會裡才對。

「你點睇？」新妻朝旁邊的和賀壽一看去。

「搵中西教練傾兩句先，」和賀苦笑著聳了聳肩。「青年軍佢先喺大佬。」

有文

今年五十一歲的中西智和只有寥寥數年的J1聯賽效力經驗，但即使在球員生涯的高峰年齡卻還是被送回到J2去，終於在三十四歲時認清現實選擇掛靴退居幕後。

這其實是這世界上絕大部分球員的寫照。

能在電視上為人所津津樂道的，為小孩爭相模仿追捧的，都是那金字塔的塔尖，而在那下面默默耕耘的，便是一個又一個黯然的故事。

這十幾年來一直在J2的球會打滾，他見過很多具有驚人潛力的幼苗被J1球會挖走，包括一些後來成為了國家隊一隊成員的球員，還有一些隨父母移民而來到日本的外籍青年球員，同樣也是各大球會所瞄準的目標。

這個蕭智堯也會是其中之一嗎？

「中西教練。」

正沉思間，聽得熟悉的聲音傳來，看過去竟是一隊總教練和賀壽一及球會首席球探新妻祐太。

「和賀先生，新妻先生。」中西智和放下盤起的雙手，朝兩人點頭道。

「你覺得點？呢個香港人。」和賀壽一開門見山地問道。

「坦白講，佢嘅天份真係算係非常高，我喺呢度青年軍都教咗六七年，要講比佢更出色嘅，」中西智和嘆道。「我諗真係兩隻手數得晒。」

「所以我一直好好奇，佢當日對日本嗰場比賽明明大放異彩，但在場嘅其他J1球探點解無出手呢？」和賀壽一笑道。「新妻先生你知唔知？」

「嚟到呢度我都唔賣關子啦，就開門見山咁講：其實當時有三四隊J1隊嘅球探在場，我甚至有聽到佢哋對蕭智堯嘅討論。」

完場後各教練圍在一起討論了幾分鐘，中西智和拿過最終名單確認了一遍後點點頭，便繼續站在原地與兩人商討著，由其他教練去宣佈最終入選的名單。

毫無驚喜地，蕭智堯、舞木嘉正、今村一彥以及岡田健也都成功被選中了，還有那個一開始想辦法與蕭智堯用英文溝通的啡色長髮青年，也因為在球場上冷靜沉著的表現被教練團相中。

「吓？」舞木嘉正對自己能入選感到有點不可思議，因為他認為對比起不少其他落選的球員，自己並沒有表現多好，甚至還有因幾乎失誤導致失球的情況出現。「我入選……J2青年軍……？」

而岡田健也亦同樣心情複雜—畢竟他在這場選拔賽中被對位的蕭智堯完全擊敗，賽前每個人都說的什麼「群馬最出色防中之一」，如今回想起來就像是刺入體內的尖刀一般難受。

不過當然，在教練看來他仍是有其可取之處的。

「你兩個……睇落唔太開心咁喎？」那啡色長髮、名叫橘大輔的球員看向兩人，笑著問道。

「我……」岡田健也沉著臉色，顯然還沒從剛才那場比賽的失利中走出來。「唉……」

實際上在蕭智堯換隊後，他也跟這名語言不通的香港人短暫地成為了隊友，當在後方靜靜地觀察著這名球員的進攻視野及技術時，那副景象可謂令他震撼不已。

「人同人之間嘅差距，究竟可以有幾大……？」

「無……我只係……」舞木嘉正低頭看著自己那微微顫抖著的雙手。「我離成為職業球員踏出咗一大步，我只係仲未太接受到呢個現實……」

「……」橘大輔看著他倆，沉默了兩秒。「你哋望下落選嗰班人。」

兩人朝球場的大門處看去，那些沒被選上的人，有些黯然離去，有些看起來仍活力滿滿，也有些正專心地詢問教練自己的不足之處。

「而家只係開始嘅開始咋，氣餒又好，興奮又好，都收返埋先，」橘把視線拉回來，續說道。「未來嘅路仲好漫長。」

那兩人互看了一眼，再朝這名不知名的未來隊友看去，如夢初醒般笑了笑。

新妻祐太拿出了自己的電話，向他們展示了一張滿是文字的圖片—應該是他當時寫下來的筆記。

「我簡單少少總結下佢目前暴露出嚟嘅缺點先：一，蕭智堯狀態飄忽，呢點我之前已經講過，雖然佢成個系列賽落嚟都表現出色，但實際每場比賽佢踢出嚟嘅水準都係忽高忽低，甚至喺同一場比賽入邊，都會出現唔集中、慢熱等情況出現，而且睇得出心理質素唔太理想。」

「第二，佢對比賽風險嘅把控能力比較差，會出現好多非常冒險但回報率唔高嘅傳球選擇，雖然大部分時間都無失誤，但正正係呢種習慣令到球隊嘅整體運行唔順暢。」

「第三，佢過於依賴一個有出色入球能力嘅前鋒，令自己踢法非常單一。」

「第四，佢提升球隊下限嘅能力非常差，甚至係有反效果嘅問題出現。」

另外兩人聽到這裡都不禁皺了皺眉，畢竟前面所提到的都是可以在成長的過程中修正的事情，但最後一點，便關係到了球員特質的問題。

也就是新妻祐太說的「齒輪型球員」的問題。

「其實係對日本之前，成支香港一隊嘅嗰幾場比賽都踢得非常受注目，作為十號位，球隊攻擊核心嘅佢當然功不可沒，但實際上再留意清楚，其實成隊波嘅出色戰績，重點係落喺前鋒余仁海身上。」新妻續說道。「關於呢個球員可以之後再慢慢解釋，你哋可以先理解成一個有波傳到佢順腳位就可以入嘅球員就得—而蕭智堯就係會不顧一切咁想方設法去完成呢個任務嘅人。」

「咁關提升下限咩事……？」中西智和問道。

「喺對日本嗰場之前兩日，我就搵人幫我搵返佢最近喺香港踢嘅學校比賽錄像，雖然唔太齊全，但睇完之後，我嘅結論其實同呢班J1球探係一樣。」新妻先生答道。「佢唔識去就實力比佢差嘅球員。」

和賀壽一若有所思地點了點頭，並看向了此刻坐在草地上與其他球員吃力地交流著，露出輕鬆笑容的蕭智堯。

「喺嗰幾場學界比賽入面，佢班隊友嘅表現其實一直落嚟都無進步太多，亦無喺佢嘅調度之下有咩特別嘅發揮，所有人都只係圍住佢去踢，交個波畀佢去自由發揮，佢間學校之所以可以一直贏，係因為佢同埋個前鋒明顯地比對手強好多。」

「你嘅意思係，如果他日佢上到一隊，萬一佢太勁，其他隊友會因為咁而發揮唔到？」中西智和皺起了眉頭，彷彿自己聽到了什麼不對勁的事情一般。「我唔係好明新妻先生你想表達啲咩。」

「我講得再直觀啲：假設而家有另外十個平均實力係90嘅球員，而蕭智堯嘅實力係80，將佢放落呢支球隊，再有一個成熟而又啱佢踢嘅體系，咁佢會有85甚至88分嘅表現，會令大家都有1-2分、甚至會令前鋒出現1到5分嘅加成，呢一點可能係只有佢先做到；」新妻祐太伸出雙手比劃著。「但如果佢嘅其他隊友嘅實力只係得70，作為重心嘅佢就只會踢出75分嘅表現，而且其他全部隊友出到嚟嘅表現大部分會得返65、66。」

「即係話，佢並唔適合成為球隊實力最頂尖嘅嗰個人，甚至你畀一班同佢同等級嘅隊友，佢都唔會有太多出彩嘅表現。呢個係我觀察嘅結果同埋經驗，當然未來係點無人會知，一切都只係推斷。」

說到這裡，兩人都馬上明白他的意思了。

「而家因為佢表現出無比嘅天賦，所以一切都看似進行得非常順利，」

新妻看著輕皺眉頭的和賀壽一，續說道。

「但日後周圍嘅球員水準肯定會不斷拉近，而你再要佢去擔任進攻中場呢個位，佢仲能唔能夠突破自己嘅特質，畀到而家嘅呢種表現出嚟？」

和賀壽一的腦海裡浮現出自己心目中最想理的球隊藍圖，如新妻先生所言，目前年輕的還是已然成熟的也好，依然缺乏的便是那具有決定比賽能力的傳統進攻中場。

攻擊中場必須要是球隊中技術最好的，這一點可以說是足球的鐵則，古今以來不管什麼時候都適用。

但若按新妻祐太的說法，蕭智堯自身的特質，卻注定他並不適合成為球隊的核心及王牌。

「真係一個矛盾嘅選擇啊，新妻先生。」和賀壽一長長地舒了口氣，笑道。「但你口上面係咁講，最後都係將佢帶過嚟，話佢會係我心目中嘅最後一塊拼圖，代表你認為一切都仲可以改變？」

「我係一個球探，我嘅工作係去搵出色、又或者係適合球隊發展要求嘅球員。」新妻祐太稍微整理了一下頭上的禮帽，笑道。「至於培育球員、改造球員、搵出真正屬於佢哋嘅道路，就係你哋教練嘅工作。」

那十數名已被選上的球員站了起來，被各自分到一旁，聽從著教練給他們的建議，以及簽約等後續事宜。

而從他們雙眼所發出來的，幾乎都是對於未來充滿憧憬的希望之光。

「我會好好砌好呢塊拼圖架啦，新妻先生。」和賀壽一笑道。
_______________________________________

即係個球探覺得余係超級前鋒
但係又唔撚簽埋佢

真 不過可能日本仔鐘意全面啲 唔係「剩係識入波」既余

蕭要超級前鋒
余係超級前鋒
打包一對咪搞掂
簽左返黎好好培養咪得
反正佢地天賦同d日本國腳差唔多

想睇主角超越到自己

呢個之後會講

等你

感謝有文

紅隊將領先優勢擴大至三球後
白隊連進三球
紅隊再在臨完場前攻入一球

然後結果係紅隊輸 3 比 4
咩玩法

OG?

Sorry打錯 係白隊輸3-4

呢話睇左幾次，睇完唔係咁開心，好似注定主角難成大器咁