自從老豆離左婚,呀媽搬走左之後,老豆條女就直接搬左過黎住,仲帶埋佢自己個仔晚晚係我屋企到訓(個仔12歲)。
正所謂相處好同住難,我已經開始頂唔順。同我老豆傾過,話一個禮拜叫佢番自己屋企2-3日瞓都好,吊頸都要透下氣,日日見真係好多怨氣。我老豆又自私話想有人幫手執屋,話人地住幾日點會肯幫手執屋,又話放工番嚟都想有人陪,話我頂唔順一係佢搬走一係我搬走,但我仲讀緊書邊有錢搬出去。
個女人而家當正自己係我屋企個女主人咁,早排聖誕我班朋友想上嚟我屋企打邊爐。
我同個女人講:我啲朋友26號上嚟打邊爐。
個女人:你唔洗問過我地先架?
我心諗間屋係我,你寄人籬下,我點解要問你意見同批唔批准?係都問我老豆。
之後佢個仔好唔識尊重人,講野又嘈又大聲。有晚我10點鐘瞓左覺,佢個仔無啦啦係咁嗌勁嘈,嘈醒咗我,佢呀媽叫佢唔好嘈話我瞓緊覺,個仔答佢:專登嘅。我即刻火都嚟埋但忍住扮無嘢發生繼續瞓,個女人仲行過嚟睇我聽唔聽到佢個仔咁講。
大家有無啲意見可以點叫個女人番自己屋企住,再繼續咁落去我真係忍唔住會爆佢一鑊