Blogs
經典男裝講究起上黎學問很多,水亦很深,如果有興趣了解更多的話,除左同post同巴打們一齊討論交流之外,亦建議各位巴打可以睇下下面呢幾個比較出名既男裝blog!
西裝 / 衣著:
Permanent Style:
https://www.permanentstyle.com
由Blogger Simon Crompton主筆,因主筆本身文字造詣很高,造衫的經驗亦多,所以可以從用家既角度深入淺出地分析好多唔同既Product,小弟年中亦偶會與他小聚碰頭,就我所見佢既裁縫知識水平係相當唔錯的。
因為佢本身身材問題都多,同埋光頭加唔係幾靚仔,但佢襯衫襯出黎又真係好ok(有時會出事但屬少數)﹐亦經常會以用家既角度去展示如何生活化地穿著各類型既西裝、vintage物品,好有參考價值。
不過,佢平日是收好多贊助的,所以有部份文章係繕稿,當然呢部份佢本人係唔會承認,但如果巴打們夠敏感的話,應該會分得出黎。總括黎講係一個好值得讀既blog。
BTW,關於鞋既部份,各位當佢係一個比較多經驗既消費者好喇,鞋佢半桶水架喳。
Die, Workwear!:
http://dieworkwear.com
非常非常非常好既一個blog,文字生動有趣,本人亦十分幽默,如果有蒲開style forum既巴打應該成日會見到佢既身影。除左男裝之外,佢亦會寫好多佢認為係優雅既物品、配飾,例如鋼筆。繕稿比例亦比較少,係好值得睇既blog。唯一可惜既係佢比較少出自己相,穿搭方面既參考價值不高,同埋佢主平台係tumblr。
微博公眾號 - 西裝客:
https://m.weibo.cn/u/5694293203
繕稿非常多!!!非常、非常、非常多!!!
初期以轉載微博各西裝博主文章、老照片、老插圖、及翻譯外國文章為主,後期多左自己寫既野。經常發老圖,關於西裝部份的資料有大半是可靠的,但仍有一定比例上既錯誤。主筆人七哥本身文字功力不俗,尚算可深入淺出,易入口。
歷史源流、電影著裝分析等資料可靠度相當高,而轉載文章的部份,西裝蔣老師,鞋履趙若達兩人最為可靠。阿狸小棧等人的文章則水準有點參差。
鞋的部份除左趙若達所書(我也被轉載過幾篇但都是陳年舊事就不老王賣瓜了),其餘大多鳩嗡。尤其是其中一篇寫G&G皮革用料的文章,錯漏百出,睇到我眼火都標。
中文平台可靠而有系統的線上參考資料不多,西裝客雖未夠好,但已是最好,將就可看。
知乎 - Xinyun Jiang:
https://zhuanlan.zhihu.com/xinyunjiang
蔣大師,買西裝買到自己拆西裝再自己給自己做了一件西裝,動手能力強,知識層面廣,respect!但係睇佢技術野好喇,佢d審美唔好話一般人,連我都未接受到。
皮鞋:
Claymoor's List:
http://www.claymoorslist.com
皮鞋痴線佬,大量訪問及鞋相,睇唔明啲字都應該睇相,非常好既一個鞋blog。
Shoegazing:
http://shoegazing.com
由瑞典鞋痴Jesper主筆,全球最大皮鞋相關blog,Shoemaking World Championship及Shoegazing Supper Trunk show主辦單位,與小弟有幾面之緣。
所有關於鞋既野,針、皮、線、釘等皆有涉獵,極度鞋痴,少數可以同我傾到極偏既話題如︰邊度有最正果批既vintage freudenburg boxcalf source而且係真係有料到唔係鳩嗡既人之一。
偶有繕稿,但大多數文章中立客觀且圖文並茂、說明清晰。唔睇晒佢你唔好同我講你係鞋痴!
改衫去:
荷里活道 天倫
萬邦行 Wonderful
補鞋 (打鐵、加掌、換爭等相關):
銅鑼灣 有得補
上環 安徒生
中環 戲院里成都
擦鞋︰
中環 Leather Healer (亦有打掌打鐵換爭服務)
中環 IL NEGOZIO
中環Tassels
以下開放討論,歡迎分享圖、心得或以上資訊之更正。