《香港傭兵》(53)

1001 回覆

14 Like 4 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-10-23 13:04:13

各位早晨

11月都嚟仲有風打個天都睇唔過眼

風鈴 2020-10-23 18:34:44

文

飛揚 2020-10-23 18:40:16

努力交對中

飛揚 2020-10-23 19:00:35

上回講到飛揚手上把深淵一樣黑嘅黑色刀刃可以喺空間之中，斬出一條深淵一樣黑嘅刀痕！
又去到另一個層次喇？！
唔知！飛揚自己都唔知咩事！
只係知要打敗片翼！
之但係飛揚可以斬開空間呢點，片翼都唔覺得有乜咁驚訝！
雖然片翼身上嘅氣息時強時弱，飛揚可以斬開空間都仲係冇勝算！
飛揚同片翼高手過招！
但幾百個回合之中，飛揚都仲係被壓制嘅一方！
仆你個街～咁搞法仲要打到幾時吖？！
“嗡！嗡嗡！嗡嗡嗡！嗡嗡！”空間不停被飛揚斬出一條又一條裂縫...同時又慢慢咁收窄...收窄...收窄...合返埋...
片翼巧妙咁一閃一避...再閃再避...閃避咗飛揚十幾刀後...
就喺飛揚迴身一斬...
“嗡！！！”將空間橫斬出一條長長...又闊一闊嘅空間裂縫之時...片翼跳上空中一避...
片翼避開咗飛揚連空間都斬得開嘅迴身斬後...雙手持刀...凌空前空翻...向飛揚兜頭直砍...
飛揚抬頭望住...能量水平喺頂點...長長嘅極刺眼紅光刀刃...直砍落嚟...快要砍到飛揚頭上之時...
“嗡！吱！！！”飛揚頭上突然出現深淵一樣黑嘅黑洞...
再次出現...深淵一樣黑嘅黑洞...將長長嘅極刺眼紅光刀刃...擋住...
跟住嘅劇情發展又會係點呢？

準備出文

飛揚 2020-10-23 19:01:07

[Day 24－三合成立] PART 41

長長嘅極刺眼紅光刀刃...開始被深淵一樣黑嘅黑洞扭曲...

片翼向上一彈...喺空中後空翻...同時揮動精神刀...

長長嘅極刺眼紅光刀刃就喺空中舞動舞動...紅光刀影閃過不停...

同時...紅光刀氣由長長嘅極刺眼紅光刀刃飛出...

“嗡嗡！嗡嗡嗡！”無數咁多道紅光刀氣就由空中飛埋嚟...

向住我迎面以嚟嘅紅光刀氣...被我頭上嘅黑洞扭曲...扭曲...扭曲至完全消失...

而其餘無數咁多道紅光刀氣就喺身邊...四周...斬落地面...

飛揚 2020-10-23 19:02:33

“轟轟！轟隆隆！轟轟隆隆！”地面被無數咁多道紅光刀氣斬到一條條刀痕...斬裂...斬爛...塵土飛揚...

我被塵土包圍下...紅光刀氣不停由空中飛落嚟...劃破灰塵...斬落地面...被我頭上嘅黑洞扭曲...扭曲...扭曲至完全消失...

除咗我企緊嘅位置...我身邊嘅地面...全完被紅光刀氣斬到爛晒...碎晒...穿咗個大窿...

就喺最後一道紅光刀氣斬落地面嘅一瞬間...我立即向住空中...片翼嘅氣息一跳...

瞬間就俾我跳到嚟片翼面前...

我立即抽刀一斬...再全力揮刀一斬...

“嗡！嗡！吱！！！”片翼單手持刀一擋...再雙手反刀一擋...成個人就向後飛開...飛向大廈牆身...

飛揚 2020-10-23 19:03:45

“轟！轟隆！轟轟隆隆！”片翼撞穿大廈牆身...再撞穿地板...再撞穿牆身...地板地板牆身地板...牆身...一手爪住地面...向後滑行數米...

我立即由空中直飛向大廈牆身上嘅大窿...再穿過地板上嘅大窿...再穿過牆身...地板地板牆身地板...牆身上嘅大窿...

我三百六十度轉體兩周...向住片翼一刀斬埋去...

“嗡！吱！嗡嗡！吱！”片翼以長長嘅極刺眼紅光刀刃一擋...再擋...反斬我一刀...

我反刀一擋...再順勢轉身一斬...

片翼亦反刀一擋...順勢一腳踢落我個肚...

我成個人就向後飛開...飛向遠處...焚燒緊嘅廢棄貨車之中...

飛揚 2020-10-23 19:04:41

“轟隆！”成架焚燒緊嘅廢棄貨車就被我撞穿咗個大窿...火焰四散...

又俾片翼踢中...呢啲就係腳長嘅優勢？

被火海包圍之下嘅我...向四周揮兩刀...

“嗡！嗡！”空間被我斬出長長嘅裂縫...

喺裂縫旁邊燃燒緊嘅火焰...被深淵一樣黑嘅裂縫扭曲...扭曲...

呢兩刀型就型喇...不過效果就...欠奉...

唔緊要啦...正所謂勁係一時...型先係一世㗎嘛...

飛揚 2020-10-23 19:05:40

而片翼...仲喺前面...遠處...

我仲感覺到佢嘅氣息...一閃...一閃...時強...時弱...

做咩...做咩唔攻過嚟？而家係敵不動...我不動？

點都好...總之就係好難對付...

縱使片翼嘅氣息時強時弱...我都係捉唔到...捉唔到喺佢氣息最弱之時...向佢施予致命一擊...

唔係...就連只想喺佢氣息最弱之時...傷到佢都難...

實戰起上嚟...真係唔係紙上談兵...

飛揚 2020-10-23 19:07:10

我要再把握...趁仲有機會...把握機會...搵出破綻...

再強嘅防禦...只要攻佢一百次...一千次...一萬次...一百萬次...總有一次...露出破綻...

好...攻...

我踏前一步...立即衝出火海...

“飃！”四周嘅火焰都被我嘅衝擊吹到散開晒...

一瞬間...已經俾我跑到嚟片翼面前...

片翼雙手持刀...紮穩馬步...以反刀防禦姿勢對住我...

飛揚 2020-10-23 19:08:57

我一衝到嚟片翼面前...立即橫刀一斬...

“嗡！吱！！！”片翼立即反刀一擋...大量紅色粒子噴出...

唔止紅色...喺紅色粒子之中...好似仲夾雜住...夾雜住一兩粒...綠...綠色...

大量紅色粒子噴出後...開始被深淵一樣黑嘅黑色刀刃所吸引...吸埋去...

長長嘅極刺眼紅光刀刃亦開始扭曲...扭曲...

當有一兩粒...好似...好似有一兩粒綠色...吸入...黑色刀身...

“砰！”一度極大嘅衝擊力由我手上深淵一樣黑嘅黑色刀刃...與長長嘅極刺眼紅光刀刃之間產生出嚟...

我同片翼立即被震開...後退幾步再幾步...用力向後一踩...踩到地面都裂開先企得穩...

飛揚 2020-10-23 19:09:54

頭先嗰道衝擊力...點會咁大...

好突然...好唔同...同片翼交戰咗咁耐...第一次...咁突然...

片翼離遠企定定...雙手緊握精神刀...長長嘅紅光刀刃就一閃...一閃...就連身上嘅氣息都跟住刀刃上嘅紅光...一閃...一閃...

一強...一弱...一弱...一強...

片翼身上嘅氣息...唔止時強時弱...弱嘅時間仲長咗...

係機會...進攻片翼嘅好時機...真係？

飛揚 2020-10-23 19:11:07

看似真係...但唔知點解...我全身上上下下內內外外...好似郁唔到...

只係識得擺出防禦姿勢...

我嘅身體...就好似話緊俾我自己聽...好危險...而家進攻會好危險...

而家嘅片翼...甚至係嚟緊嘅片翼...會比起頭先...更危險...

點解會咁...點解會有呢種危機感...

眼前嘅片翼...明明就好似比先前弱...就連氣息都比先前不穩...應該係機會先係...

之但係...唔得...完全控制唔到...做唔到進攻動作...

飛揚 2020-10-23 19:11:38

今晚出完