《香港傭兵》(53)

1001 回覆

14 Like 4 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

長崎良鎂 2020-11-04 18:04:57

收工等拖文

飛揚 2020-11-04 18:20:23

天黑校對

飛揚 2020-11-04 19:00:13

上回講到恐怖講咗咁耐，都仲未講ADAM穿越時空嘅功能！
呢點對飛揚嚟講先係最重要㗎嘛！
恐怖話研究咗咁耐都未研究到...
唔撚係吖化？！
恐怖話三原核喺佢手上嘅時間並唔長，根本就冇機會研究呢方面。
最多都係整咗接疊之門～
而且都唔敢整咁多...因為仲未完全掌握...一個唔好彩有乜意外又唔知吞噬幾多～
恐怖話穿越時空呢方面，飛揚應該清楚啲～
屌咩～穿越過時空就清楚㗎喇？唔怪之得用電腦嘅都識整電腦啦～
恐怖繼續講，最終目的都係要讓三原核產生三合作用！
從而令EVE控制注入EVE能量嘅EVE Unit！天使軍團助恐怖武統宇宙！
就喺呢個時候，月月話唔係咁㗎喎～
唔通月月知道真相？！
當月月行近飛揚，飛揚頭痛起嚟！
阿月再行近多兩步...
行到嚟飛揚面前..
超痛...
阿月望住飛揚...
飛揚個頭...飛揚個腦...好似就嚟爆...
阿月單膝半跪喺飛揚面前...對住佢...莞爾一笑...
眼前嘅阿月...阿月嘅莞爾一笑...開始扭曲...
扭曲...扭曲...眼前嘅阿月...眼前嘅一切...
整個空間...正被扭曲至深淵一樣...扭曲到深淵一樣黑嘅黑洞之中...吞噬...
「三合開...始啦...我...期...待...已...」
吞噬...
...
..
.
跟住嘅劇情發展又會係點呢？

準備出文

飛揚 2020-11-04 19:00:45

[Day 24－三合成立] PART 45

..

...

當我再次有返...意識...

當我眼前...再次...模模糊糊...矇矇矓矓...開始...有影像...

藍...好似...好似有一層...藍...藍...

藍藍地...藍藍地...總係好似...藍藍地...

藍藍地色...藍藍...

飛揚 2020-11-04 19:01:46

我努力睜開雙眼...努力聚焦...影像開始...有輪廓...但仲係藍藍...薄薄一層...藍...

藍色...薄薄一層藍之間...我見到...我見到眼前係一條...路...

一條都幾闊...鋪滿咗碎沙石...佈滿裂紋嘅...馬路...

而喺我身處嘅馬路...左邊係山區野草...

野草好長...好密...生得又長又密嘅野草...綠綠...藍藍...

雖然眼前仲係薄薄一層藍...但野草本身應該就係綠色...

飛揚 2020-11-04 19:02:32

而前面...再遠啲...遠遠嘅係...山崖...山崖前仲有一張木製嘅圓形小餐檯...

應該係山崖...雖然我而家呢個距離睇唔清...睇唔到盡頭...但照而家呢個高度...應該喺山上面...

呢度...呢度好似...好似係...

而且而家...係日頭...

太陽...仲喺天上...

雖然唔算太曬...但我係感覺到...陽光...

飛揚 2020-11-04 19:04:02

除咗感覺到陽光...我仲感覺到身邊...有人...

我擰過頭望望身邊...身邊正正就有...三個身影...

我再睇清楚...有一個著住溶溶爛爛嘅黑色長袍...長長黑髮嘅...男人...

男人睇落都應該有...四十歲左右...

而喺男人嘅腰間...有把...日本刀...

然後...喺黑長髮男人身邊...有個同樣著住溶溶爛爛嘅黑色長袍...長黑髮...睇起上嚟幾靚女嘅...三十歲左右女人...

呢個三十歲左右嘅女人腰間亦都係有把日本刀...

飛揚 2020-11-04 19:05:41

而再過啲...企喺女人身邊...就企咗個...嬌小嘅身影...身上著有深色皮甲喺面嘅黑色長袍...

唔係...唔係...再睇清楚啲...唔止有皮甲喺面...仲有啲金屬板...裝甲...

由布...皮甲...同金屬裝甲縫製已成嘅裝備...腰間亦配有把日本刀...

再睇清楚...呢個著住由布...皮甲...同金屬裝甲縫製而成嘅裝備嘅嬌小身影係...綽姿？！

的確係綽姿...的確係一面冷漠...短髮，中間分界，前陰中間分開到下巴尖，兩邊鬢髮卻長到落微微凸起嘅胸前嘅綽姿...

點會...點會...綽姿點會著住...呢一身裝備？

飛揚 2020-11-04 19:07:31

綽姿呢身裝備...明顯就係同我哋SPIRIT唔同...好大分別...

但你以為...以為綽姿著上咁奇怪嘅裝備...企喺身邊就好驚奇？

未算...

更驚奇嘅係...喺我身後...啱啱行前幾步...行到嚟我身邊...

我好自然咁...擰個頭過去...望一望身邊...著住一身...輕皮甲裝嘅...阿月？

點解...會係...明明係...係阿月...而家企喺我身邊...喺正我面前...明明就係我最深愛嘅阿月...

點會...點會一身輕皮甲裝...腰間仲要配有日本刀...

飛揚 2020-11-04 19:08:30

唔止...唔止阿月...就連我...我嘅護手...護腕...護臂護腿護肩護胸護甲...全部都係以皮革製造...

而且...喺我嘅腰間...腰間亦都配有日本刀...

點解...點解我身上嘅裝備...會同...會同阿月一樣...

就好似...同一個組織...同一個部隊...

究竟發生咗咩事...我...同阿月...

再睇清楚...眼前嘅阿月...的確係...一直都唔老...一直都仲係好似十𡃁歲咁𡃁妹嘅阿月...

飛揚 2020-11-04 19:09:14

而當我想開聲...嗌阿月...

嗌唔出...嗌唔出聲...開唔到口...

唔止...唔止開唔到口...仲郁唔到...

全身上上下下...都郁唔到...成個人硬晒咁企定定...控制唔到...好似俾人點咗穴咁...

點會咁...點解會...我同阿月...仲有綽姿...

而喺我哋身邊嘅呢對男女...又係咩人？

飛揚 2020-11-04 19:10:14

突然...

「終於都嚟到～」右邊有把慈祥嘅伯伯聲...

我好自然...應該話好似唔受控制咁...自動波咁擰個頭向右邊...

我一擰個頭去到右邊...就望到...右邊有一間木建小屋...

呢度...呢度明明就...應該係...係小欖山頂...

雖然路面鋪滿咗碎沙石又佈滿裂紋...好似幾經風霜...成百年冇維修過咁...

而山區野草又長又密...好似成百年冇人踏足過咁...

就連間木建小屋都唔似係宋伯伯嗰間...比起宋伯伯嗰間再殘舊啲...再古式啲...

飛揚 2020-11-04 19:11:24

所有嘢都再荒涼啲...再殘舊啲...再飽經風霜啲...

但呢個環境...四周嘅環境...而家我身處嘅環境...明明就係...小欖山頂...

點會...我又點解會...

木建小屋嘅大門之間...走出一個著住白色長袍嘅身影...

再睇清楚啲...呢個著住白色長袍...濃密嘅白髮...All Back髮型...髮長到肩...面上長有白鬍鬚...仲有少量皺紋嘅伯伯...

幾多歲呢？七十？八十？我又分唔到...

總係覺得佢有七八十歲...但外型同面貌又好似再後生少少...

仲有...喺呢個伯伯身上...總係散發住光芒...

整體嚟講...佢成個人俾我嘅感覺係...好似...一個歷史人物...傳說中嘅...耶穌...

飛揚 2020-11-04 19:11:48

今晚出完