《香港傭兵》(53)

1001 回覆

14 Like 4 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-10-30 19:00:12

出得

飛揚 2020-10-30 19:00:35

上回講到恐怖帶住月月出場！
竟然唔使去搵，自動送上門～（真係唔知邊個送上門先真～）
飛揚開門見山！問恐怖借ADAM俾佢哋返去～唔會阻住佢稱霸世界喎～
恐怖仲話都已經唔止覺醒過一次，都仲係戇鳩鳩咁嘅...
噏乜鳩吖...
恐怖開始講故事...但飛揚聽到一頭霧水咁...
點算吖？只好係唔係都係係係哦哦哦咁俾反應啦...
恐怖講到ADAM幾可怕又幾咁不穩！仲講返西貢攻防戰，ADAM發產生嘅副產品黑球吞噬整個西貢！
恐怖繼續講：「強行喚醒係冇可能...只會令ADAM不穩失控...結果就好似西貢獻命咁...」
『係你陰佢哋姐...』唔係你教佢哋喚醒ADAM...又點會不穩失控...
「哈～」恐怖帶住冷笑，「又唔好咁講...佢哋唔應該相信敵人...選擇得相信敵人...即係走頭無路...怪得邊個？」
『係係...』你啱你啱...歷史係由勝利者記載㗎嘛...你鍾意講乜都得㗎啦...
恐怖繼續講：「當我再次得到ADAM...我嘗試用將偽記憶植入LILITH嘅方法植入ADAM...發現ADAM嘅記憶中樞太強...好強嘅反抗力場...一直都唔接受外來嘅偽記憶...而且就算唔係強行植入...都會不穩失控而產生副作用...」
『嗯...黑球吖嘛...黑物質吖嘛...』飛揚都知啦...
「嗯...」恐怖點點頭，「你都知呢...證明呢個方法真係有效...」
『吓？』咩方法？有咩效？
跟住嘅劇情發展又會係點呢？

準備出文

飛揚 2020-10-30 19:01:13

阿月仲係帶住莞爾一笑望住仲跪喺馬路上...攬住綽姿嘅我...

而恐怖就繼續講：「ADAM嘅副產品黑物質固之然重要...我哋好需要...之但係喺控制範圍以外...不穩定之下產生出嚟就真係危險...控制唔到個範圍...唔知會有幾大...唔知會吞噬幾多幾多...」

要喺控制範圍之內...

恐怖諗一諗...繼續講：「喺強行植入唔到之後...就只好封印住ADAM...」

封印...ADAM...

飛揚 2020-10-30 19:02:16

恐怖繼續講：「被封印嘅ADAM一直處於零階段...處於零階段嘅ADAM係最穩定...相對地...由零開始係最安全...所以我就決定由佢...由零開始...」

由零開始...

恐怖又諗一諗...繼續講：「其實呢啲都係由死海文書推斷出嚟...」

死...死海文書...

恐怖繼續講：「死海文書嘅段章裡面...係有提及過...ADAM嘅覺醒過程...我就推斷...係要由零開始...」

『嗯嗯...』其實我都仲係聽到一頭霧水...

不過是旦啦...佢鍾意講，我咪繼續聽囉...

飛揚 2020-10-30 19:03:24

恐怖繼續講：「喺三原核之間...有好微妙嘅關係...就算係零又好...處於唔同階層又好...佢哋三者...都會互相影響...」

三原核之間...恐怖係想講解...有關三原核...

恐怖繼續講：「我研究咗好耐...發現到當中...ADAM可以帶動EVE...」

ADAM...可以帶動EVE...

恐怖望住阿月：「EVE嘅其中一個特性...就係會產生出能量...好似電能咁...但強大得多...好多好多...而且好似無窮無盡咁...」

EVE嘅能量...綠色嘅能量...

恐怖點點頭：「只可惜...範圍始終都有限...就算成功導入...只要超出範圍...就失效...」

超出範圍...呢一點...短白髮男同仁慈都好似提及過...

飛揚 2020-10-30 19:05:05

恐怖再打量住我：「之不過...ADAM...ADAM有帶動EVE嘅特性...」

恐怖嘅眼神...好有壓迫感...

恐怖帶住陰險嘅微笑打量住我：「喺宋本木搶走EVE同ADAM嘅時候...唔知收埋喺邊...我都只可以估估吓...」

估？估啲乜？

恐怖再打量住阿月：「我早就測試出...EVE嘅導引能量方式...並唔係以圓周波段咁向外散播...所以唔可以以逆行者出現嘅地方同範圍去推算EVE嘅藏身點...」

又講啲我唔明嘅嘢喇...不過明唔明都唔緊要...最緊要都係...

『喂...講還講可唔可以唔好咁望住阿月嚟講...』點樣望？好似個變態怪叔叔望住個小妹妹唔知想點咁...

飛揚 2020-10-30 19:06:33

恐怖一隻冷眼打量住我：「又有問題？」

『喂梗係有問題啦！我係佢男朋友嚟㗎！梗係唔想俾啲變態怪叔叔𥄫自己女朋友㗎啦！』畫公仔唔使畫埋條腸吖化？！

恐怖無奈咁擰擰頭：「唉...你真係好麻煩...」

『係咁麻煩㗎喇～唔想麻煩就唔好整咁多色水～講就講～』最好講快啲添...

「好好...」恐怖無奈咁點點，「總之我係清楚就算知道能量引導覆蓋範圍...都唔可以推算到EVE嘅藏身點...更何況...當時連ADAM都喺佢哋手...」

『嗯嗯...』又要聽啲聽極都唔明嘅故仔...

飛揚 2020-10-30 19:07:41

恐怖繼續講：「喺宋本木搶走ADAM同EVE之前...我就已經測試出ADAM有帶動EVE嘅特性...咁嘅話...要推算出佢哋兩個原核所收藏嘅地方就更加冇可能...」

『嗯嗯...』佢話冇可能就冇可能啦...

恐怖繼續講：「放埋一齊就已經難推測...分開放就更加難...而究竟係放埋一齊定分開我都冇資料...就更加唔好諗推算...宋本木一早就知道...預計好...依住計劃...甚至死海文書嘅方向行...」

『嗯嗯...』講到尾都係收皮啦...

恐怖又打量住我：「但宋本木就應該估唔到...激進嘅西貢獻命有意見...要求接管ADAM...我一收到呢個消息...就知機會嚟喇...」

『嗯嗯...』登～龍～劍～～～

飛揚 2020-10-30 19:09:09

恐怖打量住我懷中嘅綽姿：「我手上已經有已植入偽記憶嘅LILITH...然後就要回收返ADAM...而且我嘅計劃好成功...西貢獻命班人真係好蠢...捉到鹿唔止唔識脫角...仲俾鹿撞死...」

西貢...攻防戰...

恐怖再打量住我：「回收返嚟搞咗一輪...知道唔可以將偽記憶植入ADAM...就只好由零開始...利用已植入偽記憶嘅LILITH...帶動由零開始嘅ADAM...」

利用已植入偽記憶嘅LILITH...帶動由零開始嘅ADAM...

恐怖打量住我同綽姿：「呢種真係好特別嘅關係...LILITH同ADAM...兩者互相牽引...縱使係一直唔穩定嘅ADAM...都可以Keep住係安全水平...然後就只係差...EVE...」

只係差...EVE...

飛揚 2020-10-30 19:10:52

恐怖望咗阿月一眼...然後又打量住我：「EVE除咗可以受ADAM導引外...只要EVE能量對ADAM作出攻擊...就會產生共鳴作用...」

只要EVE能量對ADAM作出攻擊...就會產生共鳴作用...

恐怖再望住綽姿：「而當中...LILITH可以產生出中和作用...」

LILITH...中和作用...

恐怖一直打量住綽姿：「LILITH除咗有瓦解能量嘅特性...仲可以中和EVE能量對ADAM嘅刺激...減輕ADAM嘅不穩定情況...」

LILITH...中和EVE能量對ADAM嘅刺激...減輕ADAM嘅不穩定情況...

LILITH...EVE...ADAM...所謂嘅三原核...係...

飛揚 2020-10-30 19:11:27

今晚出完