《香港傭兵》(53)

今晚出完

上回講到片翼嘅氣息明顯弱嘅時間多於強！
但飛揚都係郁唔到！
總係有種危機意識！
片翼立即向飛揚發動攻勢！
果然！飛揚就連擋都擋唔得穩！衝擊力之大退後幾步！
係因為...綠色粒子？
少量綠色粒子由片翼把精神刀中飄出，吸到入飛揚嘅黑色刀刃裡...產晒極大衝擊力？！
呢個係咩原理吖？！
飛揚都冇時間去諗咁多！（又唔係讀理科...邊識咁多？！）
片翼向飛揚展開連環攻勢！
佢哋兩個打到去朗豪坊酒店！
仲斬到間酒店冧落嚟！
“嗡！吱！！！”黑色刀刃與長長嘅紅光刀刃相碰之時...產生出強大嘅衝擊力...飛揚就順勢將片翼彈起...
片翼立即踩住喺飛揚頭上塊大大塊石屎牆身...倒轉咁同飛揚對戰...
大量玻璃碎塊...石屎碎塊...連同大量灰塵一直向下墜落...
飛揚同片翼就巴黎鐵塔反轉再反轉咁...你斬我擋...我斬你擋...轉身再斬再擋再反斬...
“嗡嗡嗡！吱！！！嗡！吱！！！嗡嗡！”黑色刀刃與長長嘅紅光刀刃每相碰一下...都會產生出大量衝擊力...
飛揚要用盡力氣...先擋得住...企得穩...
而喺片翼手上...紅光刀刃...擦出紅色粒子之時...好似...夾雜住幾粒...又幾粒...綠色粒子...
唔止喺紅光刀刃...就連喺片翼身上...都好似有幾粒...又有幾粒...綠色粒子...
總係好似見到...有綠色粒子...夾雜喺紅色粒子之中...
而且仲好似...越嚟越多...越嚟越密...
跟住嘅劇情發展又會係點呢？



準備出文