《香港傭兵》(53)

上回講到飛揚同片翼對戰期間， 越嚟越多綠色粒子由片翼身上同刀刃上飄出！
而當飛揚擋住，有綠色粒子吸入刀刃之中之時，都會產生出極大衝擊力！
越多綠色粒子吸引，衝擊力越力！
飛揚就快擋唔住！就決定斬出空間裂縫嚟頂！
一條又一條由飛揚斬出嘅空間裂縫擋住片翼嘅攻擊！
又真係Work喎！
片翼見唔對路，立即拉返開個距離！
飛揚就梗係追上去啦！
喺舊樓天台繼續同片翼大戰！
飛揚硬食片翼一腳，同時一刀斬破片翼嘅絕對領域！斬中手臂！
入晒！仲噴出大量紅色粒子！
掂吖呢次！
雖然斬得入，片翼身上嘅氣息又越嚟越弱咁...但飛揚都係有種危險感！唔可以主動進攻！
片翼出晒力咁向飛揚展開攻擊！
“嗡！吱！！！”飛揚以黑色刀刃一擋...瞬間被震後兩步...
果然...比起頭先...更震撼...
片翼一直迫住埋飛揚身連環揮刀...
“嗡嗡！吱！！！嗡嗡嗡！吱！！！”飛揚一邊後退一邊以黑色刀刃擋...擋...避開兩刀...再揮兩刀...將空間斬開...斬出兩條空間裂縫...擋住片翼...
片翼一跳...跳過兩條空間裂縫嘅同時...由上而下...從天而降...向飛揚使出袈裟斬...
飛揚一個側手翻避開嘅同時...
“嗡！吱！！！”片翼一斬...長長嘅紅光刀刃將成棟大廈斬開一半...
而喺長長嘅紅光刀影當中...亦夾雜住...夾雜住綠色...一粒粒...綠色粒子...瞬間消失...
“嗡！”片翼再向飛揚橫刀一揮...
飛揚再單手後手翻避開...拉返開個距離...離遠向片翼擺出防禦姿勢之時...
飛揚感覺到...感覺到遠處嘅綽姿...氣息...綽姿嘅氣息...正逐漸減弱...減弱...
跟住嘅劇情發展又會係點呢？



準備出文

今晚出完