《香港傭兵》(53)

上回講到阿月爸爸身邊有大量黑色粒子出現！仲黐埋去佢身上！結合出裝甲！
呢套裝甲，名為Sacred-Armor！
阿月爸爸一輪嘴咁講解咗Sacred-Armor嘅原理！
大約就係喺另一個空間收埋啲ADAM粒子！要用嘅時候就Call返出嚟！
雖然唔明...但好似好勁...
不過因為唔喺裡面，再加上被LILITH粒子包圍，EVE能量唔可以Keep到太耐...
總之就係有限制啦～
阿月爸爸帶住尷尬嘅微笑摸摸頭：「其實呢啲都係你嘅好兄弟阿風講嘅...佢都係一輪嘴咁講咗一次...但科技呢啲嘢我真係唔清楚...你都係返去問佢啦～」
「哈...」師父冷笑一下，「阿風呢個衰仔...我一定會教訓佢一餐...」
阿月爸爸點點頭：「佢話已經有晒心理準備～就等你返去～」
師父摸住腰間嘅日本刀：「等我同你打完先再講...」
阿月爸爸攤開雙手：「咁你唔介意我著住Sacred-Armor同你對戰吖嘛？」
師父冷眼打量住阿月爸爸：「我介咩意？你睇少我？定係你太高估你自己？我喺LILITH粒子含量最高...濃度最高嘅地方...生存咗十幾年...你以為你身上件垃圾...可以同我身體嘅變化相提並論咩？」
喺LILITH粒子含量最高...濃度最高嘅地方...身體嘅變化...
阿月爸爸帶住微笑點點頭：「咁就最好...你都唔好忘記...我同你都係差呢場決鬥...我都等咗呢一日...好多年...」
師父上半身向前傾...右腳向後踏...左手放喺刀柄上...擺出準備姿勢：「我當然冇忘記...就欠你一場決鬥...」
要打喇...要打喇...真係要打喇...
跟住嘅劇情發展又會係點呢？



準備出文

今晚出完