上回講到阿月爸爸十隻閃爍綠色光芒嘅利爪向師父一爪...再爪...
竟然可以用到EVE Saber?!
雖然EVE能量被LILITH粒子瓦解得好勁,但仲Keep到殺傷力!
呢件裝甲有咁多武器...用嚟做乜呢?
師父睇穿咗阿月爸爸佢哋好重視呢件裝甲喺地獄嘅能效!
係想用呢件裝甲去令地獄變天堂?
師父就覺得佢哋呢種諗法太天真喇!
因為師父喺呢十幾年已經親身體會過...審判之日之後嘅地獄!
阿月爸爸就覺得要試過先知喇~
所以咪話天真囉!
師父就與阿月爸爸連環揮刀...一邊斬砍擋避迴身斬再避再反斬...一邊向住左邊嘅山區野草...衝入去...
當佢哋兩人嘅身影都進入長長嘅野草之時...野草同時被斬到飛起晒...斷開晒...
被野草擋住視線...完全睇唔到佢哋交手嘅戰況...就只見到不停有野草飛起...飛起...一堆堆咁飛起...
一路順住野草飛起...一路去到大樹...
“嗡!轟!”成棵大樹瞬間就被斬斷...
唔止一棵...
“嗡!嗡!轟!嗡!轟隆!”就連側邊嗰幾棵都被波及...
幾棵大樹被斬斷後...野草又不停咁飛起...飛起...好似一條路咁一堆堆被斬斷...
然後...就有一個閃住綠光嘅黑色身影...由野草之中閃到去空中...
係阿月爸爸...阿月爸爸喺空中轉身兩周再後空翻跳返落嚟佢哋面前...
然後...一個黑色身影亦由野草之中閃到去空中...
係師父...師父喺空中向住阿月爸爸...由上而下...從天而降...再次使出袈裟斬...
今次阿月爸爸準備好以帶住一層薄薄綠光嘅黑色刀刃硬擋...
就喺師父手上把帶住一層薄薄藍光嘅黑色刀刃,快要斬到落帶住一層薄薄綠光嘅黑色刀刃之時...
師父全身...突然化成無數藍色粒子...閃到去阿月爸爸身後...
無數藍色粒子喺阿月爸爸身後...集合返一個實體?!
跟住嘅劇情發展又會係點呢?
準備出文
今晚出完