有提過 係以環境同市民生活去暗示
因為香港已經完全赤化同喺城牆內 佢哋睇嗰啲網都係國際駐中國公司
而有一點值得留意 因為國安局同老解已經同SPIRIT合作過 得到唔少未來技術
所以科技方面都比外國成熟
各國唔可以貿然開戰 支共想喺三合得到更多有關SPIRIT嘅科技 令局勢僵持
上回講到師父話上嚟係搵交打!
都係㗎!飛揚佢哋身上個個都有晒架生咁!唔係打交唔通BBQ咩?
師父提起李軍!雖然飛揚唔知佢係乜水!之但係耶蘇伯伯話李軍個個月都上嚟單挑!
仲要俾耶蘇伯伯一拳收皮~又返咗去修練喎~
耶蘇伯伯係一拳超人?!
阿月爸爸就話可以做師父嘅對手!
「等等...望住呢個曾經屬於自己嘅面容...身軀...總係好奇怪...」師父皺一皺眉...再望一望阿月媽咪,「你係點樣同佢相處㗎?」
阿月媽咪搭住阿月...莞爾一笑咁望住師父:「其實我都花咗好長嘅時間先接受到~始終都係哥哥嘅面容~哥哥嘅身軀~」
師父冷眼打量住阿月媽咪:「你咩意思...我好失禮你咩?」
阿月媽咪擰擰頭:「唔係唔係~哥哥又點會失禮我呢~之但係呢...即係呢...總之就...奇奇怪怪咁啦~」
「真係想交換返身體...」師父冷眼打量住耶穌伯伯,「你一定有辦法㗎啦...即使唔係換腦...」
阿月媽咪立即揮晒手...擰晒頭:「嘩嘩嘩唔好咁搞喇...難得已經接受到...又習慣咗咁多年...唔好而家先嚟要我再去接受另一個面容身軀啦...」
綽姿媽咪都面紅紅冷冷放下一句:「我都唔想...」
師父無奈咁擰擰頭:「我都係講吓姐...」
阿月爸爸攤開雙手:「咁就...準備...」
突然...喺阿月爸爸身邊...周邊...開始有...一點點...一點點黑色...黑色...黑色一點點...粒子?!
跟住嘅劇情發展又會係點呢?
準備出文