又咁講,只要唔認命,總有方法生存嘅!就算無英籍都唔代表自己攞唔到外國護照!
有啲人會覺得,自己英文唔掂成績又差,過到外國都係死得啦!咁諗佢就算喺香洗都一樣死得,無咗掙扎意識!
鄭大班做節目,分享咗一個例子,有個後生仔揸本bno就去工作假期兩年,佢就係讀書唔多掂,去到但求搵住錢先,去唐人餐館做囉。所以當年大班成日叫人唔好諗,快啲去續,副署搵佢簽!
我又識得個朋友,會考成績同裕美相差無幾!英文一定唔掂嗰隻!今日佢已經用自己努力,用自己錢去咗英國讀書幾年,學位都讀埋!當然唔係林作間大學啦,但始終有張證書出嚟!無人一出世可以做何猷乜,就算輸晒仲有一口氣,憑自己努力向住目標行,一定有所成就,呢個就係香港精神!
英國俾個機會大家,咪趁頭一年去爭取生存囉,留得低就自然bc到手,唔好俾人睇少自己呀,香港人!