[穿越/愛情]《我同鍾意咗十一年嘅人表白，佢竟然跳海死咗》(3)

多謝大家支持，再次用九日推爆個故嚟Post 3

序

每個人或許都有一個曾經很愛過，但最後無疾而終的人。
剛巧，這個故事的主角也有一個。
阿軒，一個熱愛追逐夢想的人，偏偏在愛情路上，面對最喜歡的人阿晴，卻總是卻步不前。
所以足足十一年，他仍只是喜歡她，即使她跟別人戀愛了，結婚了，他仍沒有停止在心底的喜歡。
眼看他們的愛情故事就要以無疾而終來終結，誰知一切才剛剛開始。

故事，以阿軒的表白為結局，以阿晴的死亡為開始。
在死神的協助下，阿軒獲得了九次的穿越機會，也是一個救回阿晴的機會。
到底這九次穿越最終能成功換來阿晴的生命，還是他將再次令二人曾經錯過的歷史重演一次？

《我同鍾意咗十一年嘅人表白，佢竟然跳海死咗》
一個關於青春、成長、愛情和遺憾的故事。

先附上Post 1、2 link，方便新讀者追故，記得去留翻個正皮先好走啊

Post 1：https://lihkg.com/thread/2061671/page/1
Post 2：https://lihkg.com/thread/2073897/page/1

而喺大家支持下，呢個故成為咗Penana嘅「特約作品」，所以樓主出文會先出Penana，再出連登，大家如果勁心急追文，歡迎去埋Penana like同bookmark呢個故啊
Penana：
https://www.penana.com/story/63218

下面仲有紙言link，方便大家追故
但通常要到深夜先會一次過更新，所以會慢過連登少少
紙言：
https://www.shikoto.com/articles/210050.html

最後留低埋樓主IG，大家有興趣可以去嗰邊催迫樓主加更
IG : windblowssilently

Lm加正皮

頭香啊八月絲（巴？）

稍後再講新po加更方法

搶唔到頭香

開新po比新文啊樓主

簡單交代 新po 50正皮即刻加更
大家可以過去催迫下樓主

Lm

一樣歡迎你

好快有

推

歡迎福斯巴

好想喊ar

報到

留名

歡迎嚟到新po喊

歡迎肚腩巴

Leon Lau

賤人要收皮

（四十二）
正當我想伸手觸碰阿晴的時候，一把聲音在我的耳邊響起了。

「愚蠢嘅人類，佢死咗啦。」死神無聲無息地我身邊出現。

「點解佢會變成咁㗎？我明明已經令佢同盧業成無接觸㗎！」我激動地想捉住死神，死神輕輕避開讓我撲了個空。

「啱！你的確令佢同盧業成無再接觸，所以佢嘅死同盧業成係無關嘅。」死神繞到阿晴的屍身身邊，「佢係喺火入面死嘅。」

「火？點解嘅？」我驚訝地問。

「我都唔知，歷史實在存在太多變數。我只係知道，因為阿晴無同到盧業成一齊，呢一件事好似骨牌咁影響咗好多往後嘅事，而骨牌效應嘅最後，阿晴都係逃唔過一死。」

話說到此，死神隨手指向了一個方向，我順著去看，發現了牆上的時鐘。

時鐘上顯示，現在是2019年11月10日的凌晨三時。

跟阿晴跳海而死的日子一模一樣，只是時間略有出入。

「係邊個令到佢死嘅？我再穿越時空去令阿晴避開佢。」我緊張而認真地看著死神。

「無用㗎。即使係我，我都唔知到底佢係點死。我講過，除非阿晴得救，否則你一定要行哂成個回憶載點嘅旅程。所以而家阿晴嘅死因，係嚟自一個你未經歷過嘅未來。呢個未來，因為你未打開，所以連我呢一刻都只係見到一片模糊。所以今次我將你變翻嚟呢一刻，係希望你唔好以為解決咗盧業成就等於救到阿晴，只有你繼續你嘅旅程，做好嘅決定，你先會真正咁幫到阿晴同埋搵到真相。」死神皺起眉頭，似乎對事情的變數感到煩惱。

「但係而家我連阿晴點死都唔知，我可以做啲咩啊？」我苦惱地說著。

「揀選一個可以令阿晴得到幸福嘅方法。只要你用呢個做目標，你就會知道可以點做。」死神少有地認真的給予我意見，似乎他心底中也是希望我成功的。

「多謝你，我會努力嘅。」我感動地點了點頭，答謝死神的提醒。

「痴線咩，多咩謝，我無幫你㗎，我係死神嚟，我係想保證阿晴唔洗死，咁我就唔洗揹飛咋。」死神白眼一翻，馬上離得我遠遠的。

對於這個偶爾會行行好但又死口不認的死神，我開始習慣了他的特性，甚至還覺得這特性有點有趣。

「咁我出發啦。」我似是對著死神交代，但眼睛卻看著床上沒有生命動靜的阿晴。

這臨行前的一看，我卻發現了一件事物。

在阿晴的無名指上，正戴著結婚戒指。

「無咗盧業成，但阿晴依然結咗婚，會唔會代表阿晴嘅死，可能同新歷史入面出現嘅新伴侶有關呢？」我馬上將想法提出。

「有呢個可能，咁你要好好把握呢個線索啦。」死神滿意地點頭，算是難得地給予我的加許。

「下一次回來，我一定要把你也帶回來。」我看著床上的阿晴，心裡對她說。

「唔好講咁多肉麻嘢啦愚蠢嘅人類，佢死咗㗎啦，你出發啦。」死神在一旁吐嘈著，而我是一時忘了死神能看透人內心的想法，被他知悉我心中的情話時，不禁臉上一紅。
為免尷尬，我馬上閉上了眼睛，然後大叫一聲：「天命最高！」

即使閉上眼也能感應到的強光即時冒起，再次把我整個人都包圍著。

新po加更來了

我自膠錯手quote咗文

又話阿晴死亡時刻錯咗
又難逃一劫
不如唔好比佢結婚單身終老啦