[穿越/愛情]《我同鍾意咗十一年嘅人表白，佢竟然跳海死咗》(3)

真

毒撚係咁上下

所以今年年底我會迫自己爆seed 完左本書佢 咁下年就可以親手送自己上路

你話送本書俾佢，但係商戰應該唔係你地既成長經歷呀嘛，不過有男仔送自己寫既書俾自己諗下都好正。其實會唔會佢依架睇緊呢

其實頭個8章係為佢而寫嘅 其實頭個8章係有好多線索

至於佢有無睇緊就唔知啦 可能佢d兵/男朋友 通風報訊左俾佢呢 佢有無睇我都會繼續寫

但點都好 我寫完 印完 就會約佢出黎 面對面解決我呢個十年嘅心結 （雖然我知道可能見完個結只會更加深 ）

我都想寫
老實講 我今年fg 返左工2星期
一攰就諗超以前同佢温書既日子
真好sad

係咪真係會追我個故？

追ing

各位大家好 00:30出加更文

（四十六）
因為在屏幕上，出現了剛才在會議室前跟我略有碰撞的人。
「謝明哲，Jeffery，記錄無咩特別，而家讀緊港大化學系。」安蕎慢慢地讀出他他的資料。
「聽落又無咩特別。」我皺了皺眉，接著看其他人的資料。

就在這時，阿晴突然輕叫一聲，說道：「點解我file入面有呢份嘢嘅？」
蕭揚一手接過阿晴手中的文件一看，語帶驚訝地說：「呢份係Team B嘅稿喎，你點得嚟㗎？」
阿晴一臉疑惑地說：「我都唔知喎，lunchtime前執資料都唔覺我file有㗎。」

正當大家都覺得莫名其妙之際，安蕎輕撞了我一下，我會意地朝她向我微微傾斜的電腦屏幕上看了一眼。
電腦屏幕上，竟然出現了律師行的閉路電視畫面。
「你真係科技罪犯嚟㗎喎。」我驚歎地說。
「你而家唔係需要一個科技罪犯幫你搵出真相咩？」安蕎一邊奸笑著，一邊調出了剛好拍攝到阿晴座位的鏡頭。
鏡頭顯示的時間是午飯時間，那時大家都到處去午餐了，所以阿晴的座位和鄰邊都是空無一人的。

在仿如靜止的畫面中，一個身影突然地出現了。
那人走近阿晴的桌子，然後把一份文件極速地放好，接著便離開了。
在多角度的閉路電視中，這人的樣子無從遁形。
謝明哲。
由我所見，謝明哲在Team B中的發揮不多，過程中不只一次發言都沒有，而且也甚少與隊友交流，全程也都只是在低頭抄寫。
難道說，阿晴的追求者就是他嗎？

會議完結，兩隊人先後步出會議室。
「本身我都打定輸數，估唔到你將殺手鐧收到最後，殺對手一個措手不及，果然厲害。」蕭揚少有地欣賞著Owen。
Owen謙虛一笑地說：「都係多得大家信我，俾我將資料留多一刻。我成日都覺得，唔肯定會贏嘅時候就唔好出手，要出手，就要勝券在握，令對方無機會反擊。」
此時的我卻沒有閒情逸致看他們享受勝利，我一個戰步就走到阿晴身邊問：「追你嘅人係咪謝明哲呢？」
阿晴先是一呆，然後馬上換過一副薄怒的樣子，說：「關你咩事喎，你去翻同安蕎傾計啦。」
阿晴的表情明顯出賣了她，所以我相信我是猜對了的。

「你真係會考慮謝明哲？佢讀理科，你讀文科，你哋係兩個世界嘅人嚟㗎喎！」我無奈地質疑著說。
「咁咪好囉，你無聽過情侶係可以互補嘅咩？」阿晴杏眼圓瞪著看我。
事實上，我知道其實阿晴是因為我跟安蕎的親近而在鬧脾氣。
「我同安蕎只係friend啫，其實無嘢㗎。你冷靜啲同我傾下啦，呢件事真係好重要㗎。」我只怕阿晴一時氣憤真的跟謝明哲在一起，而明天的我並不知曉未來的事，所以就沒有人會留意到事態的發展。
雖然此刻不可能確認謝明哲是否引致新死因的人，但只要有懷疑的，就應該小心行事吧。

「冷靜？我而家好冷靜喎。」阿晴瞪著我，然後說：「佢今晚約咗我係律師行一齊食晚飯做嘢，我有好多時間慢慢冷靜咁同佢傾，所以唔同你傾住啦。你想傾計，就搵翻安蕎啦。」說著，阿晴便要轉身而去。
「阿晴啊，你聽我講先啦。」我緊張地伸手拉住了阿晴。
「咁點解，二十幾歲嘅我同邊個食飯都要聽你意見啊？」阿晴轉過頭回望我，臉上不像是剛才的怒目相向，反而是一臉愁容和無奈。
見著她的表情，我反而比剛才更不知所措，手也在這時候一鬆。
而阿晴，正好乘著這個空檔拂袖而去。

阿晴剛走，安蕎就不知從哪裡鑽出來了。
「嘩，阿晴似乎好火喎。」安蕎吐了吐舌。
「咪多得你囉。」我兩眼一翻。
「又唔好咁講，我而家係你得力助手嘛，到時候救到阿晴就咩都值得啦。」安蕎一邊說一邊捧出了電腦，續說：「我啱啱搵多咗少少關於謝明哲嘅嘢，你睇下呢段片。」
安蕎隨手按下了電腦的播放鍵，畫面一動起來，只見謝明哲在鏡頭面前身穿防火衣，然後拿著一塊不知名材料的石頭往一盤小火堆裡拋，接著火舌就一下子直衝上來，尤如火龍騰空一樣。

「呢個係謝明哲嘅研究內容，原來佢係專門研究火嘅。」安蕎交代了一句。
又是火？我心裡想著，同時記起了他剛才在會議室門外跌出了的打火機。
「可惜我哋唔知道佢係咪就係喺未來入面取代咗盧業成令阿晴死嘅嗰一個人，而家就算擔心同懷疑，但係都唔知可以做咩好。」我無奈地嘆道。
當我還在嘆息之際，身邊的安蕎卻突然拍案而起，把我嚇了一跳。
「無錯，取代盧業成，我諗到一個救到阿晴嘅方法啦！」安蕎興奮地說了一聲，不過隨即又臉色一沉，「不過咪住，呢個方法，或者對你嚟講唔係太好......」
看著她的一臉興奮，我卻是依然茫然不解。

樓主心急出文, 用左我寫作嘅排板, 辛苦哂用手機睇嘅巴絲

下一篇會小心啲

更新後首推

默颺巴 好彩等到更新 聽日要考試訓先啦

深海巴加油 考完再睇午更

唔該大水牛巴

推

多謝幫推
印象中好似第一次見你lm (有錯勿屌)
多謝你啊

今晚仲有冇？

想睇多篇先瞓

今晚無啦
又係時候儲下文
不過你問到我 我一次過報埋聽日更先

聽日繼續會有兩更, 午更晚更
另外150正皮同Penana 100 likes 加更仍持續中 大家想加更可以雙線努力
即使俾左正皮, 都可以留個言俾個加油打氣, 樓主好鍾意見到大家傾劇情或者幫我打下氣

今晚嗰篇唔夠皮?

今晚嗰篇唔夠皮?

永遠都唔會夠

衷心多謝你鍾意呢個故

雖然我呢個故一直未去到爆Hit
但其實好感動有唔少巴絲一直會追
順便多謝一直追故嘅人

安蕎性格幾好，不如主角同安蕎一齊救埋佢，唔好理阿晴了