《我同鍾意咗十一年嘅人表白,佢竟然跳海死咗》(2)

1001 回覆
288 Like 4 Dislike
2020-06-23 01:00:15
(二十六)
「好彩識到阿June你咋,等我哋今晚可以食到好嘢!」九公一邊大口吃著肉汁鮮美的鐵板燒肉,一邊不忘向June獻殷勤。

「咁都要多得阿晴同埋Aiko你哋幫咗香姨同爺爺帶路,我先有機會認識到你哋啫。」June笑著為身邊的Aiko和阿晴添上果汁。

「係啊,好彩嗰時有你哋咋,如果唔係我哋兩個老人家都唔知點算啊。」被稱為香姨的老婆婆笑著向Aiko她們點頭,然後又夾了一塊肉到身邊的老公公碗中。

「其實我哋都係舉手之勞啫!」阿晴被稱讚得有點不好意思。

「最緊要係你哋無拒絕到香姨佢邀請你哋一齊食晚餐!就當係我哋報答你哋啦!」June笑著為大家打完場。

我們一行八人現在身處在Hep Five商場中的一家日式燒肉店。

儘管大家席上有說有笑,但我的目光就是難以從香姨身上離開。

除了因為她道出了我是穿越時空者之外,更因為剛才聽June所說的話可知,今晚我們八人之所以會同桌晚餐,似乎背後的推手正是香姨。

這巧合不期然地令我心裡浮現了一個陰謀論的想法,那就是香姨是蓄意接近阿晴Aiko二人,目的就是趁現在接近我。

當然,即使這個陰謀論看似合理,但到底她為什麼要接近我呢?

正因為帶著這一大堆想不通的問題,加上登上摩天輪的時間愈來愈接近,我內心糾結著一連串的煩惱,自然是無心進食了。

就在這個時候,我聽到蕭揚問了一個有趣的問題,把我雜亂的注意力都吸引了過去。

「其實我有個問題想問下阿June,不過希望你唔好介意,」蕭揚以非常禮貌的說話作為開首,大家都不期然地專心聽著他的發問,「我聽你叫兩位老人家嘅方法好特別,你會叫你爺爺做『爺爺』就好正常啊,但點解你會唔埋『香姨』做『嫲嫲』呢?」

這問題乍聽起來有點唐突,不過我們熟悉蕭揚性格,知道他對好奇的事情總愛尋根究底的,所以自然是見怪不怪。

June聽了這個問題後先是乾了一口啤酒,然後笑著說:「你靚仔得嚟都幾細心喎!原因好簡單,因為香姨真係唔係我嫲嫲囉!」

這答案一出,我們五人都驚訝起來。

因為我們一直目睹香姨細心地照顧著老公公,所以內心中一直已視他們為一對。

「香姨其實係我爺爺好多年嘅朋友,佢仲要係睇住我出世同大個嘅添。十年前我嫲嫲過咗身,爺爺又有埋腦退化症,嗰時都係多得香姨成日係老人院陪住爺爺咋。我見佢哋兩個老人家都有翻咁上下年紀,本身已經想帶佢哋出國玩下。本來係諗住有埋我爸爸媽媽嘅,點知我咁啱又有假期嘅時候就到佢哋無假放,咁唯有就靠我一個帶佢兩個出嚟玩下,當係孝順下佢哋咁囉。」聽June的解釋,大家立時明白了為什麼老公公一直看起來都是目瞪口呆的,原來是因為他患上了腦退化症。

「後生仔,你叫阿軒啊可?」這時候,我聽到香姨對我的呼喚,心中不禁一凜,但卻裝作若無其事地向她點了一下頭。

「我老人家坐得耐隻腳有啲痺,你可唔可以陪我出去商場行個圈啊?」香姨笑著問我,但從她瞇起來轉動著的雙眼之中,我看出她背後一定有著打算。
2020-06-23 01:06:07
其實個爺爺係啊軒老咗?
2020-06-23 01:19:22
Live 左
2020-06-23 01:25:22
好想快d再出
加油呀樓主
2020-06-23 01:25:54
睇到戲玉點知要等聽日先再有
2020-06-23 01:27:23
琴日又係咁
樓主要好好保重
大家等緊你出文
2020-06-23 01:36:13
多謝大家關心, 放心啦其實樓主係夜鬼
不過再次多謝大家, 俾呢個po開咗一日又儲翻100正皮翻嚟
我只可以講, 我呢個故會俾到surprise大家, 但大家嘅支持同反應都令我好surprise

所以雖然不斷加更係辛苦少少, 但見大家鍾意呢個故我都開心嘅
聽朝再同大家報下更, 辛苦想知道阿軒同香姨發生咩事嘅人等一等啦
最後又長氣講多句, 鍾意呢個故, 希望你可以lm正皮同講聲我知, 等我多謝下你都好

多謝大家今日迫我出到四篇文
樓主要去休養下啦
2020-06-23 01:38:43
食屎啦屌你老母死國安
2020-06-23 01:46:06
呢個位停
2020-06-23 01:58:28
lm!!!
2020-06-23 02:13:50
樓主停係呢個位好頂癮
2020-06-23 02:44:02
老婆婆聽了,把頭微微仰起,被皺紋包圍著的雙眼似是突然亮了起來,然後問了一句:「你,係咪穿越時空嘅人啊?」

睇呢段唔知點解好代入 睇到起曬雞皮
2020-06-23 03:22:18
點解要係呢個位停
好吊癮
2020-06-23 03:56:04
點解要呢個位停呀!!!!!
2020-06-23 05:53:37
2020-06-23 08:02:58
呀軒次次應承左呀晴d野都唔記得個關鍵字係咪承諾
2020-06-23 10:03:57
大家早晨
多謝大家幫推
見到大家心掛掛 所以即刻上嚟報下更

因為琴晚實在太chur 所以今日嘅更有少少變動
知道大家好想知咩事 所以我嘗試keep兩更 俾大家早少少睇到發展
但今日午更應該比平日短少少 因為琴日真係好chur
希望大家多多體諒 愛護樓主 救救肝臟

夜更就會正常咁出 另外仲有去到150正皮就會加更
2020-06-23 10:04:52
我有諗過如果拍戲, 香姨應該係羅蘭姐做, 拍出嚟呢個shot應該會心寒
2020-06-23 10:42:26
朝早一推
2020-06-23 10:45:44
唔通個阿伯係阿軒,香婆係阿睛?
2020-06-23 10:47:10
午更就有文
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞