《我同鍾意咗十一年嘅人表白，佢竟然跳海死咗》（２）

樓主好ball 繼續gchi 樓主!

中午一推

絕對唔會呀 你知唔知邊個墨說？我見佢開po通常直接打幾篇文，一個po通常已經成千正皮，我覺得你又唔輸佢

多謝你支持我
我都唔敢攞自己同墨說比啊
不過我都會盡力出多啲 希望大家睇得開心

多謝大家留言支持
樓主lunch 忙𥚃偷閒上吓嚟
搞婚禮真心chur

過去嘅軒仔 冇 現在軒仔嘅記憶

返到現在時
現在軒仔都 冇 過去軒仔嘅記憶

咁咪即係喺現在嗰陣
現在嘅軒仔就好似奪舍咁
拎咗過去軒仔嘅身體

過去嘅軒仔就消失咗
唔通呢個係一個鬼故？

巴打思考好細密
Ummm我都係以大雄時光機解釋
舊嘅阿軒無當刻記憶 而現在阿軒有穿越記憶
但最後記憶會點 稍後章節會提到
而且舊嘅阿軒亦只係記憶模糊 所以未至於不存在

我是來推文的

多謝你

咁當時既阿軒靈魂係穿越緊既時候會去左邊呀。

因為最初個故事嘅設定係愛情故事
所以冇將靈魂嘅設定諗得咁多
如果真係要講嘅話
可以當本身嘅靈魂瞓咗
當穿越嘅呀軒離開嘅時候
舊嘅軒嘅靈魂就會醒返

係呀

哦好，好奇問下姐

有啊 其實大致諗好哂
所以先夠膽話唔會爛尾

九點半左右出文

Play!

正

（三十三）續
畫面上，是Hep Five摩天輪中的阿晴和我。

這時候，摩天輪的門正在打開。

這一刻，就是我被強光帶走而令歷史中的我回復正常的時候。

阿晴沒有為意到我的變化，她只是低聲而驚訝地問了一句：「你話...你鍾意嘅人...係我？」

畫面中的我剛剛回復正常，似乎還未搞清楚狀況，反問了一句：「咩話？」

阿晴把頭垂得更低了，她用著蚊吶般的聲音說：「你啱啱...係咪話你鍾意我啊？」

畫面中的我一聽，先是一呆，然後便大聲地笑了起來：「痴線咩？我幾時有講埋啲咁嘅嘢啊？係你飲醉咗定我飲醉啊？」

看著自己這樣的反應，我不禁掩面搖頭，可是卻又不得不承認，這麼不坦率又大條神經的回應，確實是那個時候的我會做出的反應。

那時的我，還以為年月尚多，卻不知原來緣盡不限時間。

那時的我，還在等待良機，卻不知時機早已在過多的等待中錯過。

看著我當時白目的反應，阿晴上一刻本來羞澀的表情馬上轉為惱怒。

她舉腳用力一蹬，恰好就踢在畫面中的我的小腿骨上。

阿晴沒有理會呼天慘叫著的我，氣鼓鼓地便離開了摩天輪。

望著本來浪漫的告白竟然落得如此慘痛的收場，我不禁再次無奈地搖頭嘆息。

「我都講咗㗎啦。」死神一邊關掉摩天輪的畫面，一邊把「愛的迫降」的頁面開了出來，「我咩問題都答哂你啦，麻煩嘅人類，你快啲去穿越時空，唔好再阻住我啦！」

死神一邊說，一邊已在房間中消失。

「嗯。」來到此刻，我也實在沒有什麼話可以說了。

既然過去我並沒有把握應有的機會追求阿晴，現在因為穿越時空受限而不能追求阿晴，似乎我也不能怪誰。

也許，沒有好好珍惜的事物，直到一天因為遺失了而失去擁有權，最後能怪的也只有自己吧。

對於接下來的穿越時空到底可以做什麼，因為追求阿晴的目標消失了，我一時間也沒有了明確方向。

唯有，就見步行步吧。

我深呼吸了一口氣，然後將心中的無奈、怨氣、難受、委屈、一次過用這句話叫了出來：「天命最高！」

強光一閃。
我雙眼自然地一閉。

不過片刻，強光退去。

同時，我感受到我的頭部不知撞上了什麼的硬物。

「啊！」我慘叫一聲，然後睜開了眼。

原來，我眼前的是一枝鐵製的扶手。

「咦，你訓醒啦？係咪架車搖到你撼親啊？」

這時候，我的左側傳來了一把陌生的男聲。

我把頭轉左一看，一個皮膚黝黑的男生半帶嘻笑地看著我。

當我一看見這張臉，我整個人就呆住了。

在我身旁的這個人，面容雖然跟我在現實認識的已經有了不少差別，可是，即使此時的他樣子長得比較年輕，我還是把他認出來了。

這個人，就是盧業成。

也就是，阿晴將來的未來丈夫。

也就是，那個人渣一般的男人。

殺咗佢

隊冧條渣男就可以改寫歷史

樓上好激動

樓主可唔可以扭橋扭到happy ending

「咩話」果part屌左出聲..
樓主求求你happy ending

好耐冇見 幫你推推 post！

快啲溝咗盧業成就救到阿晴