《我同鍾意咗十一年嘅人表白,佢竟然跳海死咗》(2)

1001 回覆
288 Like 4 Dislike
2020-06-24 00:10:00
like爆佢,推上熱門
2020-06-24 00:11:34
2020-06-24 00:15:15
等緊
2020-06-24 00:18:51
ok waiting
2020-06-24 00:28:33
(二十七)續
「當時嘅我,正喺醫院休息,準備生第三個小朋友。

就係我訓係床上面休息嘅時候,我突然聽到隔離床傳嚟好熟悉嘅廣東口音。

我好奇咁望過去,我估唔到,我竟然見到嘅係拖住一個小朋友係病床旁邊陪住一個女人嘅阿詳。

嗰一刻嘅感覺,又開心,又心酸。

開心,係因為一個曾經對自己最重要嘅人竟然死裡逃生。

心酸,係因為兩個曾經以為會同自己建立家庭嘅人,今日再遇嘅時候竟然已經各有家庭。

雖然心酸,但係既然難得遇翻一個生命中咁重要嘅人,我覺得都算係一份緣分。

所以,我就同佢相認咗。

我好記得,佢聽到我叫佢個名,然後望到我大住肚訓係病床上面嘅時候嘅表情。

佢嗰刻無驚訝,無出聲。

佢只係望實咗我嘅肚,微微一笑,然後眼角流咗一滴眼淚出嚟。

我無問佢到底嗰一刻有咩心情,因為我覺得,或者永遠都唔會有詞語可以形容到。

相遇翻之後,我哋都向對方講翻呢十幾年嘅經歷。

阿詳佢當年入伍,可惜中國軍一路敗退,所以佢只可以同幾個朋友一路逃走。

佢曾經逃走過翻去二牛村想搵翻我,可惜當時嘅二牛村一早就被日本仔攻陷哂,所以全條村已經無哂人。

一個親人都無嘅佢就咁流落嚟香港,係戰後開始去碼頭做下咕喱。

因為佢份人夠老實勤力,所以好得老闆歡心同信任,到後來更加將個女嫁咗俾佢,結果,就出現咗我遇上佢同佢家庭嘅一幕。

難得我哋咁都撞翻,其實我哋兩邊嘅家人都好為我哋高興,所以亦都因為咁啱兩家人都有小朋友,所以就自然熟絡起嚟。

之後,我哋時不時都有兩家人一齊嘅家庭聚會,一齊玩,一齊傾計,一齊學下點教仔。

呢一切嘅生活瑣事,我曾經都幻想過會同阿詳一一完成。

但係到最後,我哋都只可以係對方見證下,同另一個人完成。

或者,呢啲就係所謂現實嘅無奈啦。

就係咁,我同阿詳用好朋友嘅身份相處咗幾十年。

相處到阿詳老婆十幾年前過咗身,我同我老公就開始多咗陪阿詳。

而直到幾年前我老公都過埋身,加上阿詳有咗腦退化,就變咗我負責係老人院度照顧阿詳。

原本睇住阿詳慢慢忘記身邊所有嘢,而我都差唔多九十歲啦,我諗住呢個咁平凡同普通嘅發展,將會係我同佢之間嘅結局。

點知,就係一切似係走向平淡嘅時候,意外就發生咗。」

香姨說到這裡時刻意頓了一頓,害我滿滿的好奇心馬上抱怨起來。

香姨看著我著急的樣子,笑了笑,便把話繼續說下去。

「係今年2012年嘅八月,亦都即係四個月之後,發生咗一件事。

嗰日本來無咩特別,我同阿詳好似平時咁喺老人院外面嘅公園散下步。

點知散步嘅時候,突然有一個小朋友唔知係邊度衝咗出嚟。

呢一衝,咁啱撞到我,令到我個人向前跌。

我嗰一下咩都無諗,反而係即刻放開咗本身扶住阿詳嘅手。

事後我諗翻,或者我拉實阿詳,可能我唔會跌得咁應。

但嗰一刻應該係我自己下意識怕會拉跌佢,所以寧願鬆開手。

結果,我後腦落地,當場死亡。

而奇蹟,亦都係呢個時候出現。」
2020-06-24 00:33:36
所以香姨係要救返自己
2020-06-24 00:33:59
好嘢,又有新文。
2020-06-24 00:36:40
香姨..又變驚慄文
2020-06-24 00:38:36
每日必定有嘅指定動作,多謝大家支持
估唔到連續兩日都要加更,證明大家都好落力

唔知大家對香姨嘅故事有咩感覺呢?
其實本身只係一個小篇章,後來寫寫下就寫出咗1.5個chapter,除左係因為同主線有關,亦係因為自己幾鍾意香姨呢一部分嘅設定,大家睇落去就會明白我講咩

希望少少嘅支線會令大家可以分下心休息下,之後再估阿軒同阿晴嘅發展啦

最後講聲,大家無論係lm留言定正皮都好歡迎
樓主繼續需要大家打氣同鼓勵啊

最後最後,希望大家繼續鍾意呢個故
聽日再出文
2020-06-24 00:42:07
2020-06-24 00:42:18
好真摯既感覺
好睇 
2020-06-24 00:42:23
正皮唔到 好好睇啊
2020-06-24 00:43:26
多謝支持
2020-06-24 00:45:41
今次想真心問下大家架, 特別開呢條問題俾大家回應下或者俾下反應, 純粹了解下大家喜好, 對劇情無影響, 大家有興趣可以覆下

唔知大家點睇香姨呢部分
2020-06-24 00:45:51
瞓前再推
2020-06-24 00:46:20
就快要以身相許多謝你
2020-06-24 00:50:11
香姨係自己死咗而穿越
2020-06-24 00:54:53
係有小小sidetrack左
不過應該係我太心急想睇主線
繼續循自己節奏寫就好
支持
2020-06-24 00:55:50
多謝巴打意見
2020-06-24 00:56:43
幾好,同阿詳既嗰種感情幾有共嗚,期待聽日
2020-06-24 01:01:43
重逢果part好感動
2020-06-24 01:30:27
好睇 不過想睇主線多d
2020-06-24 01:47:58
留名 順便撞一撞
2020-06-24 01:48:06
多謝大家意見
大家放心 好快會支線會merge翻入主線
而大家之後都會明點解兩條線會一齊寫
講聲晚安先 聽朝出文見
2020-06-24 01:48:15
推一推
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞