歡迎想砌模型o既巴絲入黎(19) 30000, thanks

上一個post： 歡迎想砌模型o既巴絲入黎(18) 721唔見人
https://lihkg.com/thread/1634415/page/1

呢度不論係新手老手, 都一樣咁歡迎
絕對唔係小圈子
乜模型種類都無任歡迎
有模型問題一定會有神通廣大既巴打幫到你

巴絲打作品、舊POST、有用資料、教學
都可以響呢個 Blog 睇得番：

模型同好會 BLOG
http://hkmodelmaker.blogspot.hk/

模型新手必讀10大FAQ
http://hkmodelmaker.blogspot.hk/2013/03/faq-by.html

基本工具(參考)
http://hkmodelmaker.blogspot.hk/2013/01/4d2-by-ds.html
http://hkmodelmaker.blogspot.hk/2013/03/by_28.html

夾口處理
http://hkmodelmaker.blogspot.hk/2013/05/2-by.html
http://hkmodelmaker.blogspot.hk/2013/05/3-aa-by.html
http://hkmodelmaker.blogspot.hk/2013/05/4-by_26.html
http://forum5.hkgolden.com/view.aspx?type=TO&message=6385437&page=23

水口白化
http://hkmodelmaker.blogspot.hk/2013/05/5-by_26.html


巴打們貼作品時，
請注明牌子、比例及模型名稱

如果轉貼，貼埋條link就正哂喇

1001 請開新post
Template: https://docs.google.com/document/d/1dRWyyhr0X9WCQFUJ_KX7H6rQaW3P0MM2PHXrrEFngX4/edit?usp=sharing

第一次不如睇下呢條片.雖然都係日文但可觀性好高.
我第一隻gunpla 都係睇佢教點處理 (即係磨, 分件, 上色, 滲線做哂).
(by 潮文發銷油 )
https://www.youtube.com/playlist?list=PL55EBA419C4332108
https://www.youtube.com/watch?v=DZIWqzRMQqo

作為電郵轉發 巴打提供link：
成品區 (可搜尋其他模型友的成品)
http://www.fg-site.net
http://www.modelers-g.jp

高手BLOG
http://www.style-s.jp/self_ex/self_ex.html
http://f7.aaacafe.ne.jp/~mesarion/gallery2/gallery.htm
https://www.facebook.com/imodel.hk?fref=ts

技巧教學
https://www.facebook.com/media/set/?set=a.430429607000607.95509.262718857105017&type=3


AV official website
https://acrylicosvallejo.com/

Q：想問下手既關節可以點樣分件黎做手臂位既無縫？
c 型分法？套番落去之後會唔會鬆？
A：
(by -AMURO- )

Q：巴打們, 想問下點貼水貼, 先會自然d, 貼完好似油上去咁?
有時貼d水貼, 貼完佢d反光同個模型本身好唔同
A：睇下面落地巴水貼教學
(by -AMURO- )

LED 電壓；電阻測量結果 ( by 柒中之柒)
http://forum13.hkgolden.com/view.aspx?message=6191940&page=14

Finisher 油資料(by 世尊 )
Finisher web page, 好麻煩啲油無編號嘅 得日文字
[url]http://finishers.jp/page003.html
[/url]
叫做有個 英文 page, 唔太 update
http://finishers.jp/page007.html

呢隻油嘅色 多係配製比模型車用, 不過啲色靚, 見不少日本仔用嚟噴 Gundam. 係油性油漆, 可以用 Mr Hobby 或者 Gaia thinner 開稀
香港就 皆旺 21/F 同 YM Studio 有番貨


旺角模型及工具舖最新資料

註：工具係指一般如剪鉗、筆之類
情景/改造用品係指膠片、膠條、蝕刻片之類

https://docs.google.com/document/d/1D0BOyRU8SrwwHMz-iIxHQ-xbfe1CAW-1MBhh_0snqss/edit?usp=sharing


英明
洗衣街135號
軍模：有
高達：有
工具：有
情景/改造用品：有
油：郡仕(Mr Color) 、佳亞(Gaia)、田宮(Tamiya)、IPP、Italeri
短評：算係一間比較齊全嘅模型舖，唯Bandai 模型會比其他稍貴

千里達
洗衣街127號
軍模：有
高達：有
工具：有
情景/改造用品：有
油：郡仕(Mr Color) 、田宮(Tamiya)、Testor
短評：亦係一間比較全面嘅模型舖，軍模方面艦船好似比英明多，但油就一定唔及英明齊全

Man66 Hobby
皆旺商業大廈6樓601室
軍模：無
高達：有
工具：有
情景/改造用品：有
油：佳亞(Gaia)、Modo
短評：高達類為主，有時會有嘅中古/罕有嘅舊模型，有開班教砌模型

富聯首辦美勞原料店
皆旺商業大廈21樓2101室
軍模：無
高達：無
工具：有
情景/改造用品：有
油：少量
短評：工具用品十分齊全嘅舖，好多其他舖冇嘅呢度都可能搵到，但模型油就唔係齊款，通常只有個別牌子嘅特別色先有，而且冇噴槍用品賣

肥青蛙模型
亞皆老街80-86號昌明大廈3樓I室（黑布街入）
軍模：少量
高達：無
工具：無
情景/改造用品：有
油：無
短評：以前響富聯隔離只開星期六，而家搬咗開星期一至六，地方大咗。有大量軍模及車模用嘅蝕刻片及樹脂件賣，可以去尋寶

RX88
德發商場地庫
軍模：有
高達：無
工具：有
情景/改造用品：有
油：MIG 、AV 、Alclad、Italeri、Gaia
短評：近年比較進取嘅模型舖，從以前以高達類為主，到而家漸漸走向軍模為主。油方面以MIG為主，另外玩燈嘅亦可以搵到用品

YM Studio
中僑商業大廈16樓1602室
軍模：有
高達：有
工具：有
情景/改造用品：有
油：AV、AK interactive 、Gaia、郡仕、Citadel
短評：又係一間幾進取嘅模型舖，油方面牌子都好多好齊(係冇MIG，fade out 中）
模型唔算話好多，叫做樣樣有啲，但戰棋就
真係多，似乎變成主打
有得租場噴油同有模型班
仲有女僕......

環球
分店：廣華街15-33號
總店：窩打老道63號地下
軍模：有
高達：無
工具：有
情景/改造用品：有
油：郡仕、田宮
短評：老牌模型舖，但好似越來越縮。模型偏貴，要買多啲先會平啲啲
另外只有總店有雜誌及蝕刻片賣
總店業己結

宏記
窩打老道35號A地下
軍模：有
高達：有
工具：有
情景/改造用品：有
油：田宮、郡仕
短評：賣田宮嘢多，田宮油平啲

現代模型公司
登打士街仁安大廈地下
軍模：好似冇
高達：有
工具：有
情景/改造用品：無
油：郡仕、田宮
短評：一半賣模型一半賣槍，模型及用品唔算特別多，大路嘢為主 ( by 柒中之柒)

生暉模型
旺角15－23號煙廠街安康大廈地下4號鋪

pm store
地址：九龍深水埗青山道64號名人商業中心902室
致力為大家搜羅各式各樣的噴油工具, 主要銷售噴筆, 氣泵, 模型油漆及模型工具。

產品包括以下品牌:
Harder & Steenbeck
Badger Air-Brush
Sparmax
Anest Iwata
Mr.Hobby
Acrylicos Vallejo
Gaianotes
HobbyZone
Sujiborido, OLFA, TAMIYA 等等

由血小販提供既RG短評：

01.RX-78-2 外型吸引，但成身裝甲鬆散，唔上膠水會玩到爆粗，關節冇乜力
02.紅渣 裝甲較鬆，關節唔夠緊,動力管要自己砌,水口有排你玩
03.空突 幾靚仔，除左關節冇乜力之外冇乜缺點
04.綠渣 換色紅渣
05.自由 幾靚仔，但對翼真係好易散，好易散同好易散，關節一般rg水平
06.空中霸王 劍裝炮裝配件包，買左空突唔係唔買埋啊？
07.黑MK II 可以換裝做測試mode,兼顧造型同可動，關節力度係水準以上
08.白MKII 除左冇換裝，其他一樣
09.正義 掛槍掛盾掛劍都好鬆，外形同動畫較大出入，仲有seed系列通病--後面太重好難企定定，腳底有連接槽俾部幻影00
10.zeta 好撚型，但部分件過緊，冇做過修改嘅話，變形後斷手機會極高
11.命運 一般, 對腳好怪,揸劍不舉
12.gp01 因為遷就變形，胸部構成唔夠緊，玩果陣比較易解體
13.gp01fb 同gp01
14.突自 得對翼係電鍍係最大敗筆，有做埋龍騎兵準備釋放模式
15.exia 兩把gn blade同gn sword都係電鍍，面相好睇過mg
16.魔蟹 隻手有得揀三爪/四爪型態，全新骨架可動一般
17.飛翼零式ew 好難擺雙炮發射經典動作,整體華麗高可動,偏纖瘦體形
18.OO riser 關節係水準之上，送d特效件幾有心，頭部表情比較怪（望多左唔覺）
19.紅迷 造型幾靚,個表情好呆，把菊一文字係電鍍
20.飛翼ew 同零式差唔多
21.OOQ 幾靚,同MG版造型差唔多,面型較靚仔
22.新安洲 全身好軟，不舉，裝甲似跑車果隻拋光，多左少少原創展開裝甲嘅地方，幾靚仔
23. build strike full package 關節一係太緊一係太鬆，腳板好易甩，每次裝返開頭都好緊，一陣就鬆過老江湖
24.金天蜜娜 拋光裝甲，除左機體骨架冇電鍍，冇乜好挑剔.(有錢可以買限定電鍍版,不過內骨架都係屎黃色仲要6舊水)
25.獨角獸 完全變形，關節好緊，砌果陣一用錯力，九成會斷，都幾靚
26.紅渣（真紅閃電） 紅渣換少少甲，換個徽章出嚟呃錢而出（應該出係pb)
27.報喪女妖 同1號機一樣
28.杜魯基斯 用少左成形骨架，加左啲mg都冇嘅裝甲展開，關節緊得嚟恰到好處。
29.沙薩比 最高水準RG(暫),非常少成形骨同較少色差分色,掛住RG名嘅MG,關節十分實淨高可動.砌果陣要小心關節接駁
30.FA獨角獸 兼用前者繼承優點,肩部比例略大。係唯一一隻可以變形又可以係全裝形態下擺任何POSE又保持堅挺嘅獨角獸。裝備分件大部分比較細,但冇咩分色。
31.叉骨X1 小體形MS,差唔多大細但比WING難砌,因為大部分成形骨冇左,要當MG砌。部分零件超細件,眼花手殘者可略過此作。整體實淨,除左面部血痕之外都完美分色。
32. NU gundam 掛住RG名嘅MG,超變態可動性,實淨全PS骨架,揹住排牛油炮一樣可以唔上架站立,腿部有唔少裂甲加連動設計
33. EVA 初號機 抬高雙手同側踢幅度一般,其餘關節幾高可動但睇落幾脆弱.唔少小連動位置,分件細分色完美而富肌肉線條.腳板細唔太穩一般罰企冇乜問題,但擺其他post最好配返個魂支架,冇普通RG支架接口

由血小販提供既Hirm短評：
Hirm共通：成品骨架。細節同分色無可挑剔，超過9成以上水口係隱藏設計，神剪一刀流好快砌好。造型風格比較另類，一款比一款少金屬成份，性價比並唔高。

巴巴托斯4th form：唔少電鍍件(電鍍藍、金、紅)槍鐵色嘅刀、珍珠白嘅外甲同金屬件，骨架好睇但唔少小問題,膝關節鬆得好緊要但髖關節又過緊，可動性亦一般,髖關節安裝亦唔一定水平。
巴巴托斯6th form:pb限定，兼用4TH,價錢夠原價買隻mb,大部分兼用，多左套甲，原先電鍍件得返金色果part,膝關節同其他骨架問題都有改善。
Wing zero:可動性幾高，部分外裝甲比較易甩（尤其心口），可以上膠水解決,可以變飛機。
Wing EW:兼用wing zero,好多剩餘零件可以根據自己喜好搭配分色,有送水貼。
紅迷：超高可動性，設定把刀由太刀變打刀,關節非常實淨。送嘅膠貼好撚薄同埋剪裁到好貼,基本上唔追求完美嘅就咁貼就OK。
黑迷：理所當然兼用紅迷主體，肌肉猛男風格，係對角同腳尖改左。兩把電鍍太刀分別刻左菊一文字同虎徹，九成出埋紅。背包完全新規，比mg版detail得多，可動關節十分多又硬淨，除左翼炮個c字型扣（j1-7),呢個位好脆弱，用力不當輕則鬆晒，重則斷裂。
神高：最靚仔嘅神高，肌肉猛男風，骨架扎實，擁有痴撚線嘅可動性，裝左外甲會有些少干涉。有少少預塗裝，金屬部件近乎冇，有送彩虹圓圈特效。手臂藍色裝甲要還原返普通mode時個c 字扣好易甩，心口打開經過特別設計，唔似其他版本(包括mg),咁遮埋個面。

由 落地喊三聲巴打 建議既片
素組JJ們如果有心想進一步去提升模型質素但又未有力又唔想搞咁大陣仗去噴筆，睇晒啲堆片佢，塞錢入你袋。
想入門舊化既人士亦都會有得著。
https://youtu.be/oOYj7eYdYCQ
https://youtu.be/_ELsT3_8PVQ
https://youtu.be/xJAFGUbFAfY
https://youtu.be/slTwuW1TM14
https://youtu.be/Wp2GLumPKuw
https://youtu.be/al-yzZVp1cY
https://youtu.be/P0pduwkVn8g
https://youtu.be/UzT23s7UXLk
https://youtu.be/NGbJPkWeyx4
https://youtu.be/6pgjtCBpJ9o
https://youtu.be/Q-hwk2_-IMA

由 落地喊三聲巴打 自拍既片

洗筆
https://youtu.be/pa_fXFlLM3w
油：雙星
洗筆水：玻璃水
抺緊走杯入面啲油先
再入水谷鎗
谷完倒左佢
重覆兩三次
再係杯入面有洗筆水既情况下扭鬆支針，
前後Chok下同轉
整甩針尾(即杯後你見唔到既地方)既油
再谷一次唔見有色就得。

貼水貼
https://youtu.be/VVUdUHXO234
簡簡單單例範下貼水貼
片尾有show我用邊隻水貼softener(公認市面上最好既水貼軟化劑）同只係用濕水紙巾黎代替全浸落水。

https://youtu.be/gakl6ZW9m-I
介紹用銼同沙紙

https://youtu.be/4DmlXvdvY10
打磨入門

https://youtu.be/oe6aqeWpVsY
噴電鍍油



Masking 技巧 (Shared by RX-78-2)

岩岩睇左一條日本仔既有效率masking方法:
https://www.youtube.com/watch?v=mrnKIDfVLXE&t=761s

用極幼既masking tape (1-2mm) 做好個邊先, 呢隻tape可以做到好順既曲線, 之後上大範圍既masking tape, 剩底既用masking solution

條邊sharp過自己cut masking tape好多

黃化問題 （由福仔759巴打提供）
先講講個黃化問題先
參考過外國論壇話用陽光曬一日至一個禮拜
視乎你塊嘢有幾黃同你嗰邊有幾耐日照咁啦
原link: https://uamf.org.uk/viewtopic.php?f=94&t=9252
但你都知香港喱啲石屎森林你屋企唔係西斜都幾難搵到陽光
咁有人就用gel甲嗰啲UV燈射佢老味

效果都幾明顯, 飛一飛邊啲透明位就冇事
但如果想勁到連透明邊位都白埋又得唔得呢
係有嘅, 可以睇下喱個日本網站教學, 用一支叫Kitchen hunter(?)嘅清潔劑原液唔開稀直接浸佢老味

咁呢就連透明邊位都只係剩返極少黃漬
而我自己都同你一樣好懷疑, 唔係應該會愈射愈黃架咩?
實驗心態驅使之下我去老鴨買咗支UV燈返嚟, 順便可以射埋我啲3D parts
壓著射咗兩晚, 真係白返, 因為我本身都唔係好信會Work所以冇影到相
原本十字架嘅白邊同你張嘢差唔多黃

變成而家咁白
我相信原理係UV將成層Oxidized咗嘅催化劑(即係黃色嗰層嘢)「蒸發」咗
但做完喱一步唔可以即刻落水, 因為我相信你喱啲舊水貼唔只黃, 仲會碎
要用水貼修補液
日本個教學link
http://www.1mokei.jp/html/work_09.htm

另一個教學
https://blog.xuite.net/jnm.g028035/1/28583954-%E6%B0%B4%E8%B2%BC%E7%B4%99%E4%BF%AE%E8%A3%9C%E6%B6%B2
喱啲舊水貼黃化同脆化基本上係打孖咁嚟
支修補液其實就係一層好薄好薄嘅膠
本身就係用嚟做水貼最面嗰層嘅, 用嚟鎖著啲墨水喺水貼紙上面
而家用喺舊水貼嘅作用其實差唔多, 只不過係鎖實啲望落冇咩但實際上已經失去拉伸能力甚麼本身已經碎開咗嘅水貼
我喺富聯買就70蚊支, budget喱啲就交俾巴打你諗

舊化教學（由福仔759巴打提供）
我以前砌飛機嘅經驗嚟講呢
就係好睇你個水貼圖案有幾粗/幼
如果個圖案太幼又飛咗邊搞到成張嘢都好細就唔建議即刻撳佢
因為好易碎然後痴上支棉花棒到
拎嚟實際case嚟睇啦, 紅色箭嘴個位就係我炒咗要補色嘅位喇

好似喱啲咁細條嘅就唔建議亂嚟
但如果好似圖入面隔離啲日之丸就撳佢啦,唔好太大力同扭支棉花棒

但正所謂預防治療
我就建議如果你如果要痴喱啲幼水貼又唔想搞到咁進退兩難呢
最好都係落咗mark setter先, 我就用開好普通嗰隻

用完會更加貼伏,自然落完softer都少啲凸起,撳佢都冇咁易爛
回歸返你一開始個case,如果係我就會等啲softer乾晒之後喺邊位浸少少setter入去先再撳實, 一般都冇死
撳嘅時候唔好亂掃或者扭支棉花棒就應該冇問題

滲線,漬洗,輕量舊化（由福仔759巴打提供）
我係有啲Alternative嘅推介, 就係用油彩(畫油畫嗰啲)同水溶性木顏色
https://www.youtube.com/watch?v=FXerpuOthXk
油彩開稀之後個質地同琺瑯油差好遠, 會更稀更慢乾
其中一個我鍾意喱個方法嘅原因係琺瑯滲線未必食到嘅淺坑油彩都會食到
其二就係可以順便做埋漬洗, 可以當係一個極低要求嘅陰影效果
另外就係未必一定要用X-20, 開稀可以用亞麻仁油, 抹可能就咁搵吸油紙捽都得
但唔好處就係要乾好耐, 一定要乾過夜
https://youtu.be/pCLHe8a8ugU?t=217
油彩做舊化又有另一個好處就係佢比琺瑯油更好blend開啲顏色
做出嚟我覺得比開稀咗嘅琺瑯油更加自然, 邊界位會更burr更融和於底色
不過手感就同開稀琺瑯油差好多, 但摸熟掃法之後就會明顯發現油彩係比琺瑯油更加好控制, 唔滿意又可以即刻抆走佢
非常方便, 但都係嗰句, 要乾好耐
https://www.youtube.com/watch?v=6311Cb9jN8s
水溶性木顏色其實某程度上同乾粉彩好似
但佢遇水即刻捽得甩,非常易控制, 拎嚟做變色甩青效果一流
不過要留意佢係要喺消光面上面用,如果唔係會咬唔入
所以用之前要留意清楚自己仲有冇步驟未做完先噴消光再落筆
有興趣嘅睇下片, j下先, PLASMO喱個捷克channel真係極高質
啟發咗我好多

乾粉彩舊化教學（由福仔759巴打提供）
https://www.youtube.com/watch?v=qWI7xxfpDOU
乾粉彩其實又係一個好好控制嘅嘢嚟
主要步驟有
1. 溝粉, 直接撈成你想要嘅色
2. 搽X-20, 係一種半黏著嘅步驟, 主要係你撻啲粉上去之後好啲作修正
3. 搽Pigment fixer, 喱個就真係痴著啲粉咁濟, 其實就係溶返開啲粉等佢痴著個面
4. 用筆掃佢老味, 你可以就咁乾掃上去, 又可以濕少少上面兩隻嘢嚟掃
5. 成碌上, 刮上去
而且改變步驟嘅先後次序出到嚟嘅效果又可以好唔同, 自由度好高
即係例如你想做沙漠乾燥少少嘅, 風沙感覺嘅, 我自己當初做西線沙漠戰鬥機就用筆點少少粉乾掃上去, 薄薄地有層粉好似有少少朦朧感覺
就慢慢點啲fixer上去,盡量唔好打亂個層次


但如果你想做叢林野戰feel多淤泥嘅, 咁就要落咗fixer喺表面先, 隨心加,重手少少都得, 反正都係要見到佢結埋一舊咁
如果想做啲泥石刮上去啲膝頭位就最好成碌刮佢老味喇
但其實我覺得漬洗做得好呢,後者就隨便做都好有feel
如果要有噴筆想挑戰下自己, 可以試下做雨痕
https://www.youtube.com/watch?v=tFVRH27DSEk
落鹽整到好似炒菜咁

素組基本工具(油頭毒絲巴打分享)
最近多咗好多好多新加入既巴絲打一齊砌模型抗疫
小弟就係到講下幾種**素組**會用既工具 素組意思即係不上色
下面我好直接咁講我個人觀點 不喜勿插

先講下一把係模型界出哂名既剪鉗 神之手 SPN-120 討論度極高

優點:個人極力推介唔打磨既玩家買 減少水口發白
缺點:價錢極貴 易崩刃

神之手好處係當你貼住水口剪係極少發白 所以係極適合**不打磨人士**用
但如果你係打算打磨既 通常都預留少少水口1-2MM左右磨落去
咁呢個時候神之手係完全廢左武功 亦都用唔到佢既特性同優點 用一把普通剪鉗都搞掂
****神剪記得用二刀流 唔好剪流道同硬野 第一刀交比第把平既鉗****
另有巴打推介既田宮金牌剪 田宮鉗皇 74035 新版我就唔推介啦
保養得好用返七八年都無問題


筆刀

個人上水貼先用 開包裝袋
有好多人都會用黎批水口 但極講求技巧 我唔推介新手咁做 一唔小心就見血
同埋有神之手既出現 筆刀對我黎講只係剩返鎅水貼同cut砂紙有用

Cutting Mats

用得筆刀就要買 各大SIZE自己決定 文具店12蚊店都有
模型鋪有牌子既就自己鍾意 個人覺得都係咁用 買平既就算

鑷子 直/彎

上水貼 微型控制用





打磨篇

砂紙/打磨板


平面打磨我會配合打磨板使用 可以自己用膠板配合雙面膠
如果慳錢既可以就咁剪張砂紙落黎 對摺黎三下用 咁樣唔會太軟 又有力度
市面上亦都有好多現成既打磨板同貼哂雙面貼既砂紙方便大家

以下係小弟打磨既心得
平面打磨:
田宮400號-->3m紅色海綿砂紙(superfine)-->3m藍色海綿砂紙-->3m綠色海綿砂紙
先用400號磨平水口位 再跟住紅藍綠咁去 咁你個水口位已經係好靚
如果打算上色既 磨到藍色都夠

曲面打磨:
3m紅色海綿砂紙(fine)-->3m紅色海綿砂紙(superfine)-->3m藍色海綿砂紙-->3m綠色海綿砂紙
曲面都係跟住綠藍綠咁磨落去 都係打算上色磨到藍色就夠
3m紅色海綿砂紙有唔同型號 fine係320-400號左右 superfine 500-600左右
3M砂紙鴨記10蚊有找 唔好去某D模型鋪賣廿蚊張既比人當水魚


以下再講進階少少既素組 滲線同消光
呢兩樣野真係模型界魔術 極力推介新手玩埋呢兩個step
滲線: 突出返高達/模型本身應有既線條同陰影
消光: 消除打磨後既痕跡 同埋本身模型膠件既膠質感
田宮滲線液

用法上網已經好多 睇片比較易明 所以我都唔多講
X20 滲線液溶濟/白電油

千奇千奇唔好買錯係溶水性既X20A 好多新手成日撈亂
田宮滲線液係琺瑯油 一定要用X20黎溶
用法:用棉花棒 點少少再用紙巾印一印先好用 抹時記得輕輕力
***千萬唔好拎太多當佢水咁用 爆件唔好問點解***
如果真係好驚好驚爆件既 可以用白電油 但都唔係保證100%唔爆件 同埋好臭
消光

呢種新款水性消光係減低咗好多白化既機率 比起以前油性消光係好用好多
用法亦都同油性消光唔同 所以就去片 自己睇
https://youtu.be/OqhbetaHEwg
暫時應該都講完素組應有既工具 工具有好多唔同既用法 呢樣就等大家再自己去深究 小弟都係第一次打咁大篇文出黎 希望各位高手插細力D

誤中1001 同埋唔記得改頭post 條link

我新手唔太識掃掃下 同 唧唧下...
我之前噴油性消光都係由左至右掃過去噴
我果隻係淺藍av消光

lm

同埋如果噴av油上
係咪最好用1200 以上嘅打底？
我驚d上完再上其他噴罐色會好厚漆
同埋用水貼嘅話又要用光澤 打磨好水貼突起部份又要再噴翻消光
咁樣會唔會真係好厚架

打底 -》av油 -〉光澤 -》消光

見到都好厚！

1200號個D底灰唔係好臭既咩

上噴罐油性灰？

油性底係臭+毒
但可以磨

水性底冇毒 但唔磨得
純粹上色底層

佢應該係講緊油性個種有號數既底灰?
我見佢玩AV油 但用油性灰 有D矛盾
既然玩得油性底灰 點解唔玩硝基油 要去玩AV油

因為灰可以用噴罐做後樓梯戰士？

咁呢層我又無諗到wo