［選項］廢青大廚之路

B廢青唔要港女

呀強決定等埋靚女收工，你同靚女平時都好少一齊走，今次跟Adrian備貨令你有機會同女多啲接觸。

「喂，你唔係in學徒嘅咩，點解會變咗demi㗎」靚女開口就問令人不知所措嘅問題
呀強無奈地話「唔知啊，我呢個月由cold kit轉咗去爐頭之後就升咗我，係呢，你食咗嘢未？」
靚女就話「未啊，附近有咩好食啊，你話曬都係廚師應該識食過我嘅」
呀強就話「呢個鐘數附近應該有間拉麵未收工，你平時都係食西餐多㗎啦，日本嘢啱食喇話？」
靚女話「可以呀。係呢，嚟咗成個月唔係出糧都唔知你叫呀強。」
呀強話「我夠唔知你叫咩名啦」
靚女話「我叫呀晴呀頂你，平時呀明叔咪成日叫我囉」
行咗一陣就去到呀強所講嘅拉麵鋪，佢地一睇menu就決定食咩好。
呀強示意侍應落單，侍應嚟到兩個人不約而同咁嗌「叉燒拉麵，波子汽水吖」
呀晴話「點解你會做廚師嘅？」
呀強話「讀唔成書咪搵門有興趣嘅手藝學囉」
呀晴話「唔怪得你做嘢個陣除咗廚房嘅嘢咩都唔理，又唔似得其他廚師冇嘢做淨係吹水食煙啦」
呀強話「你唔好睇佢地好似咁hea咁，平時旺起上嚟佢地都好認真㗎。話時話，你咁留意廚房啲動靜，你係咪鐘意Adrian呀」
「痴線，我最憎啲煙鏟同鹹濕呀叔」呀晴不屑地望住呀強
「你咁嘅望住我做咩啫，我又唔食煙，又冇鹹濕你」呀強回敬呀晴嘅眼神
「飽喇，走未？？」呀晴問呀強
呀強回答「差唔多喇。」之後又示意侍應嚟埋單

離開咗拉麵鋪之後，呀晴準備返屋企，呀強應該點做？
A.送呀晴返屋企
B.幫呀晴截的士返屋企
C.拜拜你條尾

主角能力值：
中菜：20
西餐：20
日餐：0
其他菜系：33（+10）
精神狀態：正常
金錢：$13100（-$1600）
健康：100

人物好感
呀Dick 50
明叔 70
Adrian 50
呀晴 20

A

C啊!浪費曬D錢在港女度
目標要遠D(外國)大D(個波)先得嫁嘛

C

1900截

A

愛情事業兩得意

A頂實呀，呀強要擺脫單身

啊強最少要攞到一粒星星先有得溝女！

3:3

C

A新讀者G持
long D照殺

4:4

新讀者留名A

5:4 A好睇過澳洲假波

C

呀強話「都成十二點喇喎，你一個女仔喺旺角好危險喎，我送你返屋企啦」
呀晴就話「我住附近啲唐樓咋嘛，唔怕啦。」
呀強「我都係住油麻地嗰頭啫，我陪你返去之後我行返屋企咪得囉。」
呀晴「咁好啦，多謝你呀呀強。」

就係咁，呀強送咗呀晴返屋企之後就返屋企梳洗瞓覺。

之後每日呀強都會留低同呀dick預貨，每日都等呀晴收工一齊食嘢，佢地嘅關係亦都越嚟越親密。

有日收咗工，呀強照樣等呀晴收工，鋪頭得返佢地兩個，呀晴就同呀強講「呀強～我好肚餓啊，可摸耳買啲嘢比我食啊。」
呀強聽到就話「傻豬嚟嘅，我入廚房煮比你食咪得囉。」
呀強走入廚房準備親手煮個意粉比呀晴嘅時候，突然出面傳來一聲尖叫
原來有隻老鼠捐咗入鋪頭，嚇到呀晴企咗上張椅上面
「救命呀，好大隻老鼠呀～～」
呀強即刻攞枝地拖棍一吓扑咗落隻老鼠度之後順手一下轟走咗隻老鼠
呀晴即刻跳落嚟攬住呀強「好大隻老鼠呀，好恐怖啊」
呀強摸住呀晴個頭話「冇事嘢傻豬，係咪肚餓呀，我煮嘢比你食喇，你驚有老鼠就入嚟廚房，我陪住你喇。」
呀晴跟住呀強行入廚房，一粒聲都冇出，雙眼嘅目光冇離開過呀強半吋。
話咁快呀強又煮咗上次食到明叔驚訝嘅carbonara比呀晴，呀晴一路食，一路話「好好食啊，仲好食過Adrian煮嘅福食」
呀強聽到就話「傻豬嚟嘅，福食點同我煮嘅比啊。」
就係咁，呀強照樣陪呀晴返屋企，之後再返屋企梳洗。
返到屋企，呀強醒起自己仲未食晚餐，呢個時候呀強應該點做好呢？
A.落街食快餐
B.自己煮晚餐

B

A