［選項］廢青大廚之路

樓主砍掉重練好過啦

呀強行咗去雪櫃搵吓有冇啤酒，但係咁啱比老豆飲曬，所以佢落咗去樓吓間便利店買啤酒飲。
落到樓下，呀強喺雪櫃拎咗幾罐啤酒去比錢之後就去咗附近嘅公園飲酒。
呀強飲吓飲吓，有個人行過去呀強隔離坐低咗。嗰個人同呀強講「做咩咁夜仲一個人坐喺度飲酒呀？」呀強冇理嗰個人，繼續飲手中嘅啤酒。嗰個人就話「你條友飲到連我都唔認得呀？」
呀強一望，原來係呀聰。呀強就問「近排點呀？生意好唔好？」
呀聰就話「你顧好自己先啦，夜媽媽一條友坐喺公園飲酒，唔係為錢銀就為女人㗎啦。」
呀強聽到之後又忍唔住流眼淚，呀聰就話「我陪你飲啦，有咩事隨時搵我。」
呀強哦咗一聲之後就同呀聰飲酒，過咗陣呀強冷靜返啲就返咗上樓訓覺。

阿晴死咗就算，建議樓主系之後劇情加多個女角，好過作完成個故又翻轉頭開支線
anyway, 點都支持樓主

多謝支持，加女角都有可能不過大家都想呀晴唔死所以都係完咗個故再寫另一個版

不如依加就寫過把啦

文

記住呢篇係樓主自己嘅文，請堅持自己想法

我地介意既係冇咗個女角姐 令成個故仔差咁D野
就好似朱古力冇落糖
差咁D甜lo
不過尊重樓主意見 你要寫死角色我都冇辦法
記住你先係作者

呢幾日有啲嘢忙唔得閒上水寫文啫，冇棄故嘅打算多謝巴打支持，只要仲有一個人睇我都會繼續寫落去，可能要下個禮拜先有文呀

Lm

差啲以為棄了

輕輕一推

推

第二朝起身，呀強見未夠鐘返工就去打算出去鳩吓等開工，落到街唔夠五分鐘，呀強就熱到頂唔順，所以佢行咗去圖書館坐吓睇吓書涼冷氣。呀強打算搵吓有冇啲關於烹飪嘅書可以攞嚟參考吓。不過正值暑假嘅圖書館好多細路喺度走嚟走去，又將睇完嘅書週圍擺搞到好亂。就喺呢個時候呀強見到一本叫法國菜基本入門嘅書，佢拎起咗就打算行埋一邊睇。
呀強一路行一路睇書，突然間有個細路撞咗埋呀強隻腳度。個細路撞到呀強之後坐咗喺地下喊，之後個細佬嘅呀媽就行咗過嚟問咩事。
呀強話個細路跑過嚟撞到佢隻腳之後跌親，所以先喊得咁犀利。細路嘅媽媽講咗聲唔好意思之後就抱走咗個細路，呀強就繼續行去搵地方坐。
呀強坐低慢慢閱讀書裏面嘅內容，佢發現法國菜嘅步驟好複雜，但係每一個步驟都對食物嘅質素都有影響，呀強心諗如果有機會一定要去一次法國學當地人嘅煮食方法。

唔好意思要大家等咁耐，最近有啲事要處理所以唔得閒出文

樓主終於出文

幾耐都等你

有文了

樓主

樓主不要棄故

樓主文呢？

沉了..