［選項］廢青大廚之路

有少少想棄故

樓主戲情暴走晒
做乜個幾星期冇追一返嚟就咁

喂 情理之內 意料之外呀
睇得好開心㗎，鐘意個故節奏明快
好想呢個位有二周目 save/load大法 唔好攪死阿晴

真。多左

睇到喊，雖然我唔係做飲食
但我都好鍾意我既前輩

點解啊晴要死

劇情暴走

樓主精神狀態: 異常

樓主大暴走

精神狀態: 異常

可以呀

原來咁多人都鐘意呀晴嘅存在，對唔住呀咁多位大佬

而家呢個進度會繼續寫，想要呀晴嘅朋友唔使驚，我會用旅行嗰度做check point咁再寫一個唔同版本

呀強諗起自己應承咗師傅會返鋪頭開工，決定都係返居酒屋睇吓咩情況先。
呀強又再買船飛返市區，沿途一直回想同呀晴一齊嘅點滴。越諗，呀強越內疚。
諗起當時呀晴見到老鼠驚到攬住自己，又諗起呀晴食完自己煮嘅意粉嘅笑容。呀強忍唔住流下男兒淚，一直責問自己點解要咁絕情。
呀強終於返到居酒屋，大廚見到呀強眼角仲有未乾嘅淚痕就冇再過問，大概係估到發生咗咩事咁。而呀強就一言不發咁走咗入廚房開爐煮咗一碗叉燒拉麵。一路煮呀強一路喊，大廚依然不為所動，因為大廚知道佢幫唔到手。
呀強煮完碗麵，雙手捧住咗拎出去，對住空無一人嘅吧枱講咗句「請慢用。」

主角能力值@2011年8月3日
職位：學徒 月薪$10000
中菜：30
西餐：20
日餐：20
其他菜系：70
金錢：$98700（-2000）
健康：80（-10）

人物好感
呀Dick 90
明叔 70
Adrian 90
大廚 70

冇左精神狀態同啊晴既好感度既?

因為畀樓主殺撚咗呀

黯然銷魂拉麵

大廚知道 哭是沒有用的

呀強煮完碗麵之後就拎咗罐酒行咗出去門口喊，大廚呢個時候都拎咗支酒行咗出去。大廚點起咗口煙，坐咗喺呀強身邊同佢一齊飲。
兩個人雖然冇言語上嘅溝通，但係大廚好似知道呀強諗緊咩咁，大廚遞咗口煙比呀強，自己就行咗入廚房煮嘢比呀強食。
呀強點起咗呢生人嘅第一支煙。
佢啜咗一啖，再深呼吸，尼古丁嘅作用好快傳到呀強腦中，有種飲完酒暈暈地嘅感覺，帶比呀強一刻鐘嘅清靜。
大廚出返嚟門口對呀強講「入嚟食嘢啦，空肚飲酒好傷身。」
大廚煮咗一碗肉燥飯比呀強，兩個人坐喺吧枱，依舊冇講嘢。
大廚食咗一啖呀強煮嘅麵，呀強又食咗啖大廚煮嘅飯。
兩個人都被對方所煮嘅嘢食所驚艷。
呀強嘅叉燒拉麵竟然一種大廚從來未接觸過嘅味道，呢種味並唔係來自食材或者香料本身，而係來自煮嘅人。

推

係洋蔥!

好快啲畀番阿晴我

絕對會，不過而家會專注寫返呢個版本先