［選項］廢青大廚之路

a

C

B

呀強諗咗陣，反正都唔知入面有咩，索性攞中間嗰個B箱，而大廚就攞咗c箱。
兩個人準備打開明叔準備嘅食材箱。呀強一打開，竟然係生菜，檸檬同埋刺身三文魚，而大廚嘅箱就係五花腩，冬菇同埋栗子。
呀強諗咗陣都係決定做返自己最拿手嘅沙律，佢將三文魚切咗一片薄片，再將剩低嘅三文魚切粒，生菜揀走唔靚嘅部分備用，將檸檬榨汁再將檸檬黃色嘅外皮放入焗爐烘乾。
而大廚就將發好嘅冬菇洗乾淨，栗子去皮，五花腩就用毛鉗蚊走上面殘餘嘅毛，之後放落白鑊燒香豬皮，加入清水同幾種唔同嘅鼓油同埋已經準備好嘅冬菇同栗子，之後就冚埋個鑊蓋。
大廚就同呀強講「時間冇限制吓話？我要個半鐘先ok喎」
呀強就話「冇問題。」之後呀強將切好嘅三文魚放入雪櫃等大廚嘅五花腩煮好。
而大廚亦都要招待幫襯嘅明叔，所以佢就繼續煮嘢比明叔食。唔使幾耐，大廚就拎咗一碟意粉比明叔，個碟竟然係carbonara。明叔一試就諗起嗰陣呀強用佢嗰件鹹肉煮嘅carbonara。但明顯地呢碟比呀強之前煮嘅更加有層次，更加好食。明叔嘅屋企人都有唔同嘅嘢食，呀強又再次諗到底大廚喺點樣先判斷到應該煮咩比客人食。
轉眼間個半鐘頭過去，明叔佢地都走咗。呀強同大廚都準備好佢地嘅菜式，準備拎出去搵路人試食。
凌晨一點幾嘅旺角依然好多人，當中有好多都係啱啱喺酒吧飲完嘢準備返屋企或者食宵夜嘅人。
呀強佢哋搵咗十個人去到居酒屋幫手試佢同大廚嘅食物。佢地唔知邊碟先係呀強煮嘅嘢，佢地先試咗呀強嘅沙律，再試大廚嘅五花腩。
結果好一面倒地係大廚勝出。
呀強對呢個結果並唔感到意外，因為佢一心係求敗。
呀強對大廚講咗句「你贏咗喇，師傅。」咁我就留喺度跟你學嘢喇喎。
大廚就話「你個沙律都幾出色，可惜你計漏咗樣嘢」
到底呀強做錯咗啲咩呢？

本篇沒有選項

檸檬皮?

夜媽媽d人唔想食沙律？

唔太關事

好接近

夜媽媽食完個酸酸地嘅沙律開下胃，再食大廚個五花腩，所以D人會覺得大廚個五花腩好食D?

天氣凍？

通相飲完酒嘅人會prefer食重鹽份嘅嘢

飲完酒味覺遲鈍咗
沙律唔夠味又凍冰冰咁
食燒肉會覺得好食啲？

酒同油膩同咸嘅嘢食會夾啲？

冇有錯

中

啱，重口味嘅嘢殺食好多

我覺得仲有新鮮度既問題，攤咗90分鐘太耐

都有影響，不過本身都擺到半夜

求下你快啲出文好期待

呀強諗咗陣都係唔明點解佢嘅沙律會輸咗比一件五花腩。
大廚就開口話「冇錯，你嘅沙律啲確係好出色，不論係配搭定係煮嘅方式都係一流，我相信呢個沙律放喺住何餐廳都會係一個好嘅頭盤。不過，就係因為一個好嘅頭盤食開咗客個嘅胃口，激發咗佢地嘅味蕾，所以佢地食我嘅五花腩會比就咁食會有更好嘅效果。同埋，最難掌握嘅點，就係客人嘅狀態。」
呀強大惑不解咁問「客人嘅狀態？即係點呀師傅？」
大廚就話「你要了解客人當刻嘅狀態，係飲完酒丫，未食飯丫或者係啱啱收工一身汗咁樣。我已經估計過半夜喺旺角嘅人大多數都係啱啱飲完酒，所以口味偏濃同油脂偏多嘅嘢會比較適合呢類人，所以我會將五花腩會炆嘅方法加入強烈嘅風味去喚醒被酒精影響嘅味蕾。」
大廚就話「夜喇，收檔喇，爽手過嚟幫手啦」
呀強就話「好，即到！」
呀強幫大廚收完檔之後發現都成三點幾，所以就快快手行返屋企。
喺行緊返屋企嘅時候，呀強就諗佢要向大廚學啲咩技巧
A.觀察客人狀態嘅技巧
B.運用調味香料嘅技巧
C.唔同嘅烹調方法

C
新讀者
支持樓主寫落去

出咗喇今日中馬仔心情好寫多篇

A

C

A