JimmyTheREV
2020-04-03 01:53:07
呀強諗咗陣,覺得都係儲多少少錢喺手頭會好啲,所以就同呀晴講「不如我地近近地去長洲玩兩日算啦,我想儲多啲錢先同你週圍去。」
呀晴露出唔開心嘅表情「好啦,咁你攞兩日假我地去長洲玩啦。」
過咗幾日,呀強終於攞到兩日假同呀晴去長洲。
呀晴問呀強「長洲有咩玩㗎,其實我未去過長洲㗎。」
呀強就話「我都未去過喎,應該都係飲飲食食游吓水之類掛。」
呀晴就話「我都唔識游水。」
呀強話「咁咪食吓海鮮囉,仲可以bbq添。」
到咗出發嗰日,呀強同呀晴約咗十二喺屋企樓下等。
十二點一個字,呀晴已經喺樓下等緊,但係呀強仲未到。
等咗幾分鐘,呀強跑住咁過去呀晴屋企樓下「Sorry呀BB,執嘢執耐咗少少,你唔係等咗好耐咋呵?」
呀晴話「邊有人出門口先執嘢㗎,我尋晚就執好曬啦,今朝仲check多咗次添。」
呀強呢個時候心諗「碌柒喇,好似執漏咗啲嘢添。」
呀強執漏咗啲咩呢?
A.底褲
B.拖鞋
C.充電器