兩個人就係飲吓食吓玩吓咁就過咗幾個鐘,天都開始黑,所以佢地準備執嘢返渡假屋。
返到渡假屋之後,呀晴就叫呀強沖咗涼先,因為呀強又要透爐又要燒嘢比呀晴食搞到成身大汗。呀強去到呢個時候先醒起自己冇留意過邊度有底褲賣,所以佢唯有沖完涼就咁著條沙灘褲算數。
呀強沖完涼之後就喺雪櫃攞咗罐啤酒飲,順便睇吓電視有咩好睇,而呀晴就去沖涼。
呀晴沖完涼之後就同呀強講「bb,不如出去行吓囉,食到好飽想郁吓。」
呀強就同呀晴落咗去散步消化吓頭先食嘅海鮮大餐。好在夜晚涼啲同埋有啲海風吹住,所以唔算太熱,兩個人喺街上面一路行,一路睇吓啲鋪有咩賣,不過啲鋪頭賣嚟賣去都係平安包吊飾,冇咩特別。
行咗陣,呀晴話有啲攰,所以佢地搵咗個位坐低唞吓。呀晴望上天見到有星星就同呀強講「bb,你睇吓,呢度睇到星呀。」
呀強就話「係喎,平時喺市區都睇唔到星,難得嚟到長洲睇到。」
就係咁,兩個人就睇咗成三個字......
下篇真係有甜喇