《靈異台》一人N個撞鬼經歷

有次12點收工返屋企, 我住唐樓要行樓梯, 去到某層, 見到消防門玻璃窗後有個老婆婆露個樣出黎, 對眼望到你實, 嚇到頭也不回, 直跑番去, 第2日同屋企人講番,原來真係有個阿婆(未死)夜麻麻出黎行



今次真係鬼, 7月行山, 經過一堆黑影, 係耳邊好清楚聽到你好, 我心知不妙, 快步走開, 同朋友講番, 得我聽到

朋友故仔

早幾日佢同個仔夜晚落街行下（佢個仔歲幾，識識地講野）
行行下佢個仔指住公園話：「B-B呀」（佢個仔好鐘意同BB玩）
我朋友問：「BB係邊？」，佢個仔指住公園某個位，但成個公園一個人都冇，我個朋友本身都信神佛，戴開佛牌個類人黎既，所以見唔對路就抱走個仔入樓搭𨋢返屋企，一出𨋢就返到屋企個陣，朋友諗諗下又問個仔：「仲有冇BB呀？」，佢個仔指住架𨋢個位，朋友即刻嚇到返入屋，比個佛牌個仔戴。
聽聞佢個仔有前科，試過好多次無啦啦發燒，食極藥都冇用，要查日腳燒野先好番⋯⋯

可能今日happy friday無乜人
繼續拋磚

呢個發生係朋友身上
朋友仔同條女同居
一齊租住係新界某居屋
有晚2個拆哂搬屋啲紙皮箱同垃圾,
然後一齊搭諗住落樓下垃圾房掉.
本身架得佢2個
落到某一層有個婆婆入黎
望住佢倆中間講: 個細蚊仔幾可愛bor
嚇撚死佢地,
一出頭也不回標出去

笑話黎

又係去泰國撞鬼

個次就同破產團一齊去，咁有C sir呢條大水喉係到我地就玩得闊佬啲，Book多間房，男女分開。我地去咗芭堤雅，到埗第一時間去big c掃貨，掃完貨我地先check in同擺低啲嘢，之後再出去食嘢。

我同肥妹share一間房，一入房我地就各自擺自己啲嘢。肥妹就將一大袋零食放係梳妝枱離嘅一個矮櫃上面，我冇點買嘢，所以就係行李入面拎自己一樽二樽嘅護膚同化妝品擺好係梳妝枱，見仲有時間就順便補補個妝。

食完飯返嚟，我地就直去男士嘅房間到玩uno，玩玩下我地口痕就叫SB過我地房拎袋零食過嚟，唔夠20秒佢又跑返返嚟話我間房濕勁晒。咁我地就拉大隊過隔離睇咩料喇。我一入去就見到廁所至門口嘅地下都係濕嘅，之但係洗手盤同浴缸都冇濕，都唔知啲水點嚟 咁就即刻打落去call人上嚟，經理話冷氣機漏水叫師傅整喎 屌咁鳩嘅理由都知間房咩事喇，不過我地又八掛，所以諗住chok條友咩事，條友唔肯講，SB就用泰文問個師傅咩料。個師傅見我地吹得又請佢飲cocacola就話呢間房同我地住嘅另一間房都有污糟嘢，叫我地一定要換房。酒店個邊二話不說就換畀我地，仲由泳池景升呢做海景添。

我地各自整頓好之後就又聚埋一齊傾下計講下心事咁，係個一大袋零食至拎出嚟嘅兩包薯片又食晒，所以我就過去拎零食。一入房我真係勁火滾，因為袋零食畀人扯咗一包紫菜出嚟，食到成床都係紫菜碎，我啲護膚品亂L晒不突止，我枝Tomford唇膏仲要畀人用嚟係塊鏡到畫笑哈哈 ，我就即刻打落去屌晒鬼 ，要佢地check cctv。

我地幾個跟個經理落去傾，係cctv睇到我同肥妹出咗房之後冇人入過去同出過去間房，露台門又鎖到實一實，根本冇可能係人為 我同經理講我邊有可能咁無聊，之後我都冇諗住再講，打算聽朝就換酒店，但係呀經理又話換房 仲肯收少一晚錢同送早餐

個晚我發夢見到一個男人，見唔到樣得個後尾枕，用英文問我地嚟住幾多晚，仲問係咪有人整蠱我，之後我就照直講兼請佢關照我地，之後幾日真係相安無事。

承接番上次台南單嘢，嗰晚嘅事我冇同其他人講，因為冇証據又唔係好大獲，更何況我自己又唔信有呢尾嘢，所以我都係不了了之。而我地係第二日就起程去台北，咁又要搞一次入住手續，櫃台小姐就分左兩間房比我地，順便叫我地留低電話號碼方便聯絡，我拿拿林留低我自己嘅電話號碼就狗衝上去，因為啲行李好鬼重。

好啦，搭lift上到去嗰層，先發現兩間房唔係連住，而係頭房同尾房。咁我地有三條友（計埋我）唔驚呢樣嘢就自告奮勇住尾房，有聽聞過尾房係猛過頭房但唔知係咪真 比較驚嘅其餘三人就焗住訓頭房。係我地行過去嗰時地板因為舊，點細力行都會發出聲音，跟住見到頭房好誠心咁「打招呼」 但我地就連招呼都唔打直接入去，係嗰晚就即刻出曬事

我好L記得係半夜三點半，我地三個人都訓死晒，跟住床與床中間嗰部酒店電話不停響，響左好耐，響到我都嘈醒埋，我就頂唔順拎起個電話嚟聽。

一聽，係一把女聲，講普通話，冇高低音，冇感情，你一聽就覺得心會寒嘅聲音。內容大致上係問我要唔要性服務一晚三百台幣。我聽完就答佢「不要」，跟住佢冇理我繼續問同一句嘢，我果下以為對方未聽清楚我講咩，我再答佢「不要」，佢就想問第三次我就一野cut佢線，心諗邊個半夜三更玩電話。

Cut佢唔夠一分鐘，電話又再響，我一聽又係佢把聲，問同樣嘅問題，我再cut佢線。之後仲繼續打黎，結果我個fd都比佢嘈醒埋，問我咩事咁嘈。

我就直接同佢講，「喂我好似撞左野，不如你聽下電話」。佢半信半疑就拎起電話嚟聽，冇發出任何聲音，聽完就cut佢線。我跟住問佢係咪問你要唔要性服務，佢同我講「唔係喎，條女問我要唔要3p，一晚三百台幣」。聽完心都寒撚埋，條女一直問我性服務，一轉第二個人就變左3p？仲有我fd冇出過聲，對方點知係第二個人聽電話？

聽到呢度，心諗都係玩電話姐，我地索性cut完線再掛起個電話，咁咪一了百了冇得打過黎。點知我地以為可以訓覺嘅時候，冇啦啦有嘢敲我地房門，我同個fd即刻面都清晒，唔敢出任何一粒聲，結果敲左一陣就冇再敲。

我心諗安全度過第二波攻勢，應該冇事啦掛。點知呢個時候我地三部手提電話全部同一時間響，無來電顯示，一聽又係果條女把聲。我個fd頂佢唔順即刻熄手機，我就較靜音由佢打過嚟，因為我真係好L眼訓想訓覺。直到我起身check來電紀錄，「佢」打左八十幾次過黎，而最後嘅來電係朝早六點正。

到我地想出房門同櫃台講呢件事嗰陣，發現我地房門嘅門柄向內扭（唔識點形容 Sor9），簡單嚟講姐係有人想開門，嗰門柄先會咁，如果你鬆手唔開門就會變番打橫，但係門柄係hold死左向內扭嘅角度。我地好冷靜咁測試呢個門柄，如果要將門柄保持呢個角度，就要好L大力同埋會好大聲，但係我地嗰晚除左敲門聲之外其他咩都聽唔到

自從呢次之後，我信有呢尾嘢了

好恐怖
酒店啲人有冇解釋？

冇 我地同經理講番成件事
本身都唔係好信我地講嘅嘢
直到我地拎埋電話來電顯示佢先信
佢就二話不說安排vip房比我地
就係要用卡先上到嗰個樓層果隻
不過我覺得可以咁爽快換間房比我地 間酒店好可能都發生唔少次

開名

lm

有無巴打記得一個故好似當年膠登睇到的
有位巴士小學雞時去麥理浩夫人渡假村之類既小學雞camp
點後遲左集合
on99跟住d小朋友玩聲行左出村
之後好大霧入左條山徑
山徑旁邊有d石俾
d石俾方形有個人樣
係輕微向住前方的
到位巴打一路行
d石俾個人樣開始由好開心咁笑變到開始木口木面
到主角行到一個位
聽到有把聲叫佢 唔好再行啦 再行返唔到去
之後主角回頭
先發現條路係由喊樣石俾行返出去
到行返出山徑
霧散左，主角見返渡假村

有無巴打記得呢個故？

有無巴打記得一個故好似當年膠登睇到的
有位巴士小學雞時去麥理浩夫人渡假村之類既小學雞camp
點後遲左集合
on99跟住d小朋友玩聲行左出村
之後好大霧入左條山徑
山徑旁邊有d石俾
d石俾方形有個人樣
係輕微向住前方的
到位巴打一路行
d石俾個人樣開始由好開心咁笑變到開始木口木面
到主角行到一個位
聽到有把聲叫佢 唔好再行啦 再行返唔到去
之後主角回頭
先發現條路係由喊樣石俾行返出去
到行返出山徑
霧散左，主角見返渡假村

有無巴打記得呢個故？

有印象！

7 樓好正
讀中文系 會揸兩個轆嘅she
剛柔兼備

阿媽既經歷

我宜家就廿頭
阿媽以前未生我個時
係西九龍中心一間高級餐廳到做
好多大明星 成龍王菲梅姐都去過個到食飯
我阿媽都翻左好多年
間餐廳一直都會播當時流行既音樂and有格調既音樂
但有一日開始我阿媽就聽到啲音樂轉左做人地做法事既個啲音樂 又有d打個啲聲
一開口以為真係有人做啦 點知過左成個月翻工都係聽到
我阿媽就問經理有無聽到 經理話無
無幾耐阿媽就辭左工了
利申 其實從來吾會去諗吾會去搞呢d野 安安落落甘過好啲

推一推
真人真事好正

我想聽香港果d 故

鄉下果d唔係好代入到

支持七樓繼續寫

既然係咁我再share多個牛下鬼故，不過今次係聽小學老師講，唔知堅定流

牛下鬼故2

牛頭角下邨共有14座，人口稠密，適齡的學童亦為數不少，故區內有聖鮑思高、柏德、聖馬太、佛教慈敬、五邑司徒浩五所小學。每天一到放學時，區內便會熱鬧非凡，到處都是學生在打鬧喧嘩。亦因為放學時間樓下都擠滿了學生，在九十年代末曾經發生過一段慘劇，當年的某一個下午，有一個玻璃瓶從天而降擊斃了一個學生，自此不斷有夜歸人士看到該學生在事發地點徘徊。這便是十分經典個聖鮑思高學生鬼故，以聖鮑思高命名，一説是該學生是該校學生，一説案發地點正是該校對開。

這個故事是我小五時宗教科老師F Sir在課上跟我們分享的。事發時間為90年代中，他在牛下的一所小學教體育，他亦是牛下的居民，他住在六座。90年代中的某一天，他放工回到家樓下看到陳同學正四處留連，他便着他快快回家做功課，陳同學説：「我冇帶鎖匙，要等夜晚呀爸呀媽返嚟開門。不如你帶我上你屋企喇。」F Sir都是公屋仔，他明白父母為口奔馳就不能好好照顧子女，但他未至於可以體貼到替人照顧兒子，他便帶陳同學去八座那邊的士多，請熱情愛助人的潮洲事頭婆讓陳同學在店內做功課。
F sir本以為一切就此完結，但他仍不放心，大概是播放歡樂今宵中段的廣告時間，他決定走上8樓找陳同學父母，知道陳同學已經歸家求個安心。他住7樓，剛出門口便已聽到人哭喊的聲音，他上到8樓，驚悉陳同學竟已身亡，且死狀恐怖。陳同學身首分家，頭在升降機外，身在升降機內，他立刻前往了解情況，但他眼見陳生陳太哭很淒涼也不好意思問，他心中也是極為自責。
案發現場本來只有兩個警察，後來又多來一個，三個警察走到一旁等待仵工，F Sir隨即走上去表明來意。F Sir認得其中一人是駐守牛下多年的張沙展，張沙展舉起食指放到唇前，示意他閉嘴。F Sir未曾見過向來風趣滑稽的張沙展如此認真，他只好默默地回家。過後也沒有太多人談論陳同學的事，有可能少人知道，也有可能陳同學一家才剛搬來不到一年，與鄰里的關係也不太親厚。
數天後張沙展約F Sir去德福（定係街市？唔Q記得添）飲茶，將陳同學一案向他娓娓道來。張沙展嘆道：「唉！個百厭星百厭到命都冇。佢諗住係lift入面伸個頭出嚟嚇出嚟搭lift返夜嘅王先生，唉點知架lift就神神地嘅，一嘢夾落去，頭都斷埋呀！王先生嚇到入咗聯合，死者已矣，陳生一家都話搬囉，我地以都後唔好咁多嘢講喇。」他説完呷了口茶潤潤喉便埋單走了，獨留下F Sir在那自責當天沒有照顧陳同學。
某夜F Sir回家，他一人乘升降機，他忽爾聽見陳同學在叫佢，他轉過頭，看見只有身沒頭的陳同學向他揮手，他嚇得連爬帶滾的跑回家。過後，不知道是他太自責還是陳同學的鬼魂真的在作祟，他每晚都在做噩夢，夢見無頭的陳同學，一時問他有沒冇看過他的頭，一時問他功課做完了要怎麼交。F Sir最後耐不住陳同學的夢魘，辭職並且搬離牛下。
F Sir分享這個故事的目的是想向我地説明主的偉大，他一直擺脫不到陳同學，但自從他信主後，陳同學再也沒有出現過了，現在他每天也會每他祈禱。在我中二、三的時候，我回去找小學老師敘舊，他們説F Sir早兩年前瘋了，他們已經失去聯絡，有人說他入了青山，也有人説他死了，但他們都不約而同說F Sir在失去聯絡前常常喃喃地説：「你個頭係lift出面呀⋯⋯」沒有人知道是冤鬼索命，或是主離棄了他。

個結尾end後咁突然既

講下我嘅經歷
喺四、五歲時番大陸祖屋探親
間祖屋就有五層 但四五樓冇人住好鬼陰深
當時同堂哥玩跑咗上去四樓
有個發青光嘅細佬女問我一唔一齊玩 我準備答佢時 堂哥一手拉我走
後來幾年後問番爺爺間屋係咪有鬼 佢話唔出奇
祖先以前要仔唔要女 係樓上墮胎啊
所以我同祖先有一面之緣

發青光係好猛好有惡意，佢絕對唔係想同你玩咁簡單

好耐以前同同事夜晚去石澳定唔知大浪灣燒嘢食，我地就等埋啲要返工嘅人收工先透爐。我同幾個早到嘅就飲住酒吹住水咁等，我地吹吹下就開始講鬼故，講咗陣大家都覺後陰陰凍就知機收口。過多陣鋪頭同事話出發，咁我地就開始透爐。

我買炭嘅時候順便買埋火機，一去到就擺咗個火機去爐邊，但係我揾唔到個火機。咁唔打緊喇，可能有人拎咗，在場大把煙鏟，借火真係容乜易。另一個一齊透爐嘅人本身都食煙嘅，咁佢就諗住打開包煙拎個火機出嚟，點知打開盒煙發覺冇。我地又問其他人，個個都摷唔到個火機，有人仲要正話先煲緊煙

我即刻心諗唔係咁邪呀，我嗱嗱聲企起身，向住四方八面係咁默念：「唔好意思細路仔唔識世界，希望大家大人有大量唔好同我地計。」有個呀姨都企起身雙手合十起勢拜，之後個呀姨一坐低又彈起身，佢唔食煙但係佢個後袋多咗兩個火機頂住佢個蘿友。

推

帶綠松石有無用？

岩岩新鮮奶完野
多左兩包野要長期跟身