《靈異台》一人N個撞鬼經歷

正故留明，推推先

行路打倒褪？

由於我是獨居，單位又是自置的，我的家經常給朋友們當作派對房用。大概是今年的一月尾吧，破產團聚會，去了吃自助餐，完場後SB提出要去酒吧下場，C Sir也贊同。在破產團中，只有我和TK酒量和酒品算不錯，其他人醉了絕對是災難級，尤其是肥婆美極。我馬上提議去我家幫我的ps4 pro和VR開箱，玩我剛買的Resident Evil 7。機迷SB立刻轉軚，下場改往去我家。

因為我住的地方不夠位泊兩輛私家車，C Sir和TK將車泊在村附近的一個車場後，他們便隨我步行前往我的家。從車場去我的家大約需要十分鐘，當中有一小段路燈光比較暗。我們走着走着，看到前面有個長髮的女人面向我們蹦蹦跳跳的跑。過了幾十秒，我們的距離沒有拉近，這時SB恍然大悟的說：「哦！條女原來打倒行呀！佢個胸都幾平下。」TK嘲笑他道：「你鐘意肥西咁有肉地吖嘛。」

笑着說着，我們走到比較光的地方，我發現那女生除了臉向我們，腳跟也是向着我們的。說清楚點，就是那女人的頭180度向後了。SB還未出聲，C Sir即搶先一步掩住他的嘴，我們故作正常加快腳步走到我的家，「她」沒有跟着來。只不過我一打開門我養的三隻狗正向着窗吠，吠得很厲害，經我安撫後牠們開始靜下來，但仍然戒備的瞪着窗戶，我住郊外我想可能有小動物在窗外吧。當時我的布簾是拉上的，我沒有拉開察看外邊情況。我走進書房，將兩大袋的play station搬出廳，他們已經急不及待替我拆盒，我則走進廚房拿飲品和弄一些小吃。

將ps4接好後，美極第一時間是吃，其餘的人當然是來一場Fifa。因為沒有開窗，香港的冬天又不冷，一場Fifa剛完我們便感到熱。新一場Fifa剛開始，我們決定心靜自然涼，繼續或坐或臥在我家的榻榻米上，美極耐不住，自己走去開窗。

「呀——」先是突破天際的一聲尖叫，接着美極向後倒下，壓在坐得最近窗口的SB身上。SB立刻大叫：「我屌你老味呀！欣宜叫你班仆街肥閪不要低頭呀！你仲要成閪個仆低，你老味成閪個責住點撚樣打機呀！ 」眼前的Fifa才是一切，就算美極強姦SB我們都不會停下。一直給C Sir當抱枕的狗在SB大罵美極的同時，也不停的在吠，有一隻隨牠吠，另一隻則鑽進我懷裏，三隻狗都一邊吠一邊發抖。

我家有位朋友，它早在我搬入前已經住在這裏，我沒有趕它走，還供奉它。就在這個時候，它出現了，不止它，還有特意請回來的地主也出現了。雖然我整個大腦都沈醉在阿仙奴大戰利物浦中，可從美極的反應、我的狗還有家中朋友們可知，事態極為嚴重。我放下手掣，問美極發生何事。「屌屌屌⋯⋯頭先個女人企咗係出面呀！」我住三樓的，人站在外面才奇怪，剛剛那女人不是人，又有何奇怪呢？我站起來，大叔鬼和地主婆婆立刻緊張示意我不要走過去窗口。就在此時，我的狗已經不會吠了，只懂抖，我未曾見過牠們如此害怕。

「嘭、嘭、嘭」適時又傳來物體撞擊窗口的聲音，又可能這聲音一直都在，不過剛剛我們太投入Fifa的世界（屋企條sound bar好J啫 ），所以聽不到。撞鬼而已，又不是沒撞過，我轉身望向窗户，其他人見我望也跟着望，只有美極不敢望。

窗外的不是一個人，而是一個頭。那人頭面目猙獰、披頭散髮，正不斷地撞我的窗。我指着人頭說：「好彩我係個盡責任嘅主人有裝窗花啫！」在眾人中最正常的TK一反常態地道：「不如開窗睇下摸唔摸到佢？」C Sir沒有理會我們，轉了call of duty打喪屍，美極問我們：「你地唔驚咩？」其實我有窗花隔着，我又沒有開窗，怕甚麼？我也不知道為何我的狗這樣怕，我懷疑牠們是怕美極吃了牠們。只要我們不出去，基本上不會有危險。

C Sir走過去將窗簾放下，在飯桌上拿了點小食，非常冷靜。美極問題兒童上身，她又再問：「俊哥，你係見唔到定唔驚呀？」C Sir嚼完他口中的食物，一邊倒茶一邊說：「我馬拉華僑嚟嘛，飛頭我細細個就見過喇。」我們不明白他說的飛頭是甚麼意思，谷歌了一下，結果⋯⋯（你地可以Google下飛頭降嘅圖 ）不過我覺得我們見到的不是降頭師的飛頭，而且自此以後我們都沒有再見過飛頭怪女。

推完就有文，好感動

講開26，我都有個揸26遇到既鬼故
聽日打

話說前排係大美督同朋友燒完野食就一個人鳩流流咁去新娘潭遊車河啦
咁有去過新娘潭既都個有個灣位係好撚多燒烤爐既
本身入去個時經過都無乜野，點知出去既時候竟然突然有一班後生仔係到燒緊野⋯
一睇竟然係燒緊一個同佢地差唔多年紀既四眼仔，見到咁我就啫啫聲比油走人，點知廿

講開26，我都有個揸26遇到既鬼故
聽日打

話說前排係大美督同朋友燒完野食就一個人鳩流流咁去新娘潭遊車河啦
咁有去過新娘潭既都個有個灣位係好撚多燒烤爐既
本身入去個時經過都無乜野，點知出去既時候竟然突然有一班後生仔係到燒緊野⋯
一睇竟然係燒緊一個同佢地差唔多年紀既四眼仔，見到咁我就啫啫聲比油走人，點知

就係臨落斜個個灣位到又見到佢地，嚇到我差啲派，好差最後無事，係第二日洗車發覺係鏈黑晒，癡晒啲灰燼咁既野係上面⋯

再拋下磚先

舊老細講既,
因為佢住得好近公司
加上一支公,
好多時都OT到9點幾先返屋企
而7點半打後成層只淨返佢一個。

有日佢OT到晚上8點幾,
突然聽到有人影印,
就好奇八下邊個留咁夜
點知見到有個唔識既男人係度玩緊影印機,
重點係條友無下半身凌空左
嚇到老細唔敢再O咁耐T

做鬼都要翻工影印 好慘

同條仔係XX山車震興起 走出車頭扑野 無啦啦後入我禁住車頭 佢係後面推 無啦啦見到樹上面有條女白色裙 長頭髮咁望住我地 嚇到我仆街即刻話唔搞上車走人 屌你老母同翻條仔講 嚇到佢9都縮

講開26，我都有個揸26遇到既鬼故
聽日打

話說前排係大美督同朋友燒完野食就一個人鳩流流咁去新娘潭遊車河啦
咁有去過新娘潭既都個有個灣位係好撚多燒烤爐既
本身入去個時經過都無乜野，點知出去既時候竟然突然有一班後生仔係到燒緊野⋯
一睇竟然係燒緊一個同佢地差唔多年紀既四眼仔，見到咁我就啫啫聲比油走人，點知

就係臨落斜個個灣位到又見到佢地，嚇到我差啲派，好差最後無事，係第二日洗車發覺係鏈黑晒，癡晒啲灰燼咁既野係上面⋯

屌好多年前我都試過
我唔係燒人咁驚嚇，但擺撚到明係燒加食緊紙紥嘢，我都係當睇唔到畀油走人 個晚又濕濕地，一畀油就派牌 好彩人冇事，即刻扶車閃人

臨瞓前整多個短嘅

牛下鬼故

那時我還未升小學，那天不知是掛三號風球還是下大雨，總之我不用上學，但哥哥要。媽媽下樓去接他放學，雖然學校跟家距離大約五分鐘，但又要抱我，又要撐傘，好不麻煩。於是媽媽播了我愛看的《我為貓狂》，着我乖乖的留在家，不要開門給任何人，我坐在我的小膠椅上點頭答應了。

大部分屋邨住户都安裝木門，我們家有點特別，我們安鐵門，那鐵門可以全開，又或者只開上半或下半。雖說路程不過五分鐘，但一來一回就不止了。小孩子當然容易分心，我很快就去玩起其他東西了。我開了鐵門的下半，平常媽媽是不許我碰它的，我想關上，但我不會，我又只好不理它去玩玩具了。

積木都未拿出來，我就聽見有人敲門，我興沖沖的衝去門口，我以為媽媽和哥哥回來了。我去到門口，有人很大聲的喊：「開門呀！」我從打開的下半門望出去，外面並沒有腳，可仍然有人在敲門⋯⋯仍有人在叫我開門⋯⋯

講開26，我都有個揸26遇到既鬼故
聽日打

話說前排係大美督同朋友燒完野食就一個人鳩流流咁去新娘潭遊車河啦
咁有去過新娘潭既都個有個灣位係好撚多燒烤爐既
本身入去個時經過都無乜野，點知出去既時候竟然突然有一班後生仔係到燒緊野⋯
一睇竟然係燒緊一個同佢地差唔多年紀既四眼仔，見到咁我就啫啫聲比油走人，點知

就係臨落斜個個灣位到又見到佢地，嚇到我差啲派，好差最後無事，係第二日洗車發覺係鏈黑晒，癡晒啲灰燼咁既野係上面⋯

屌好多年前我都試過
我唔係燒人咁驚嚇，但擺撚到明係燒加食緊紙紥嘢，我都係當睇唔到畀油走人 個晚又濕濕地，一畀油就派牌 好彩人冇事，即刻扶車閃人

個下真係好撚驚，好撚似拍陰陽路咁
仲有個飛鵝山既故可以講下，但我要回一回憶下先

btw,七樓既揸緊咩車

人在日本都推post呀

人在日本都推post呀

早兩年去日本旅行，發生咗件怪事。
我同我幾個friend到衫褲鞋襪都可以share嚟着嘅女仔朋友去日本，結果四個人去

六個人返 其中一個第一日識咗條架仔，第七日已經話要去香港見家長，冇幾耐仲有埋，計返日子應該係日本嘅事

btw,七樓既揸緊咩車

年幾前炒鑊甘 瞓咗幾日醫院，早半年先可以揸返車，之後我少咗好多揸兩個轆
宜家yo女就W800（中古車型到呢 ），單機放下車就F700GS，代步就揸返mini

住舊式井字型公屋 好細個開始就成日俾鬼壓
不過只係試過幾次望到黑影 同埋聽到聲
而且因爲真係經常俾鬼壓 已經壓到我唔再驚

爸爸係我中二個陣因爲Cancer走左
個陣好傷心 成日夜晚偷偷地係喊
有晚喊到攰就不知不覺訓著左 個陣係側睡
訓訓下又有俾鬼壓既感覺 成身郁唔到
突然聽到有把聲好清楚咁話：你擰過黎啦。
之後成個身自己轉左去另一邊
就見到爸爸訓係我隔離
佢同我講要聽媽媽話 要乖
個陣好用力都郁唔到又出唔到聲 只係不停係心入面講我好愛佢好掛住佢
突然之間我電話鬧鐘響左 所有野就即刻係眼前消失哂

第二日同屋企人講
呀媽話尋晚訓訓下 手肘郁個陣feel到好似撞到野
好似有人訓係隔離咁
我媽無第二個佬

住舊式井字型公屋 好細個開始就成日俾鬼壓
不過只係試過幾次望到黑影 同埋聽到聲
而且因爲真係經常俾鬼壓 已經壓到我唔再驚

爸爸係我中二個陣因爲Cancer走左
個陣好傷心 成日夜晚偷偷地係喊
有晚喊到攰就不知不覺訓著左 個陣係側睡
訓訓下又有俾鬼壓既感覺 成身郁唔到
突然聽到有把聲好清楚咁話：你擰過黎啦。
之後成個身自己轉左去另一邊
就見到爸爸訓係我隔離
佢同我講要聽媽媽話 要乖
個陣好用力都郁唔到又出唔到聲 只係不停係心入面講我好愛佢好掛住佢
突然之間我電話鬧鐘響左 所有野就即刻係眼前消失哂

第二日同屋企人講
呀媽話尋晚訓訓下 手肘郁個陣feel到好似撞到野
好似有人訓係隔離咁
我媽無第二個佬

手快快撳錯
之後再同朋友講返 有啲人會話係因為我太掛住爸爸先發夢見到佢
不過實在太真實 我會寧願相信係真
我唔知係唔係所謂既頭七尾七 因為個陣幫手搞葬禮既親戚話驚嚇親我地 所以無話我地知爸爸會邊日返黎

自此之後我就好少再被鬼壓
不過都已經好少要夢見到爸爸

今晚收早，一於打多幾個先

牛下鬼故
我細個就住牛頭角下邨嘅，牛下都幾出名猛鬼，我就未夠30歲兼且係住8至14座個邊，所以乜嘢灶底藏屍、聖鮑斯高嘅學生哥之類嘅經典鬼故我係未經歷過。
因為同呀哥家姐年紀差7、8年，所以佢地唔會同我玩，媽咪亦都唔準我落公園玩，我只好日日毒自在家中。我屋企到98年先有裝冷氣，98以前夏天係打開大門通風，我就最鍾意onon99咁坐係鐵閘隔離。當時我仲讀緊幼稚園，成日有個13、14咁嘅童軍哥哥隔住個鐵閘同我玩，佢成日撩我出去玩，我次次都答佢媽媽唔畀。
過咗幾年，我小一，媽咪終於解除禁令，準我過去隔離9座同我由細玩到大嘅friend悠悠玩。自從我可以過去同悠悠玩之後我就唔記得咗童軍哥哥，有一日，我同悠悠係後樓梯對出嘅空地玩嘅時候我見返童軍哥哥，之後我地3個成日一齊玩。
一年容易又暑假，我同悠悠自自然然又係一日到黑去玩，個日我地係前樓梯對出大堂跳繩又見到童軍哥哥，佢同我地講咗好多嘢，不過我完全0印象。我淨係記得個日落雨，天勁黑，童軍哥哥無喇喇飄起咗，就好似吊住係天花板咁，佢塊面變到勁白，條脷伸到勁長。悠悠第一時間嚇到喊出嚟，我冇喊，不過我嚇到傻西咁啫。我feel到自己升起咗，悠悠係咁喊住叫：「呀七、呀七⋯⋯」又係咁掹住我。童軍哥哥突然大嗌：「算喇！我唔投胎喇！呀七、悠悠你地唔好學哥哥呀！」之後我就啪一聲撻返落地下。
如果有巴絲住過又或者去過牛下就會知佢唔係層層有lift，我同悠悠見到童軍哥哥變身個層係冇lift㗎，但係係我撻落地下之後lift門竟然開咗，有個呀叔出咗嚟，帶走咗童軍哥哥，童軍哥哥笑住話好嘢仲同我地講拜拜。我大個諗返起就估個呀叔係帶佢去投胎，始終童軍哥哥都唔係壞人。
童軍哥哥唔見咗之後我同悠悠發現自己入咗一個我地未去過嘅空置單位，我坐咗係騎樓嘅地下，悠悠企係我隔離，地下有條我地跳繩嘅繩，不過斷咗。我地驚到係咁喊，有街坊經過見到帶咗我地返屋企。
大過少少同啲老街坊八過下得知我同悠悠入去個單位係凶宅，之前有個中學生因為父母離婚定唔知點，着住童軍服用童軍繩係廁所上吊自殺⋯⋯



謝公嘅故仔我陣間再打
希望樓主唔好介意我好似騎劫咗咁

個童軍仔唔係話佢唔投胎咩
做咩又走左去投胎

其實我都唔明，但係聽老人家話自殺嘅人要揾替身先有得投胎，我又畀佢吊起咗，我估佢想捉我做替身但又落唔到手。至於佢又有得投胎，我諗係佢一念之差冇殺到我，地府嘅人畀機會佢啩

巧感人

btw,七樓既揸緊咩車

年幾前炒鑊甘 瞓咗幾日醫院，早半年先可以揸返車，之後我少咗好多揸兩個轆
宜家yo女就W800（中古車型到呢 ），單機放下車就F700GS，代步就揸返mini

中古點解唔玩sr走去玩w800
行申之前部sr400改咗cafe racer

講多個

幾年前同ex去左東京玩
間酒店係出名猛鬼 (不過當時我地唔知
入到去覺得好局抖唔到氣咁
但都無講唔舒服

直到最尾個晚一出準備入房個陣
見到走廊盡頭企左個著哂古代盔甲既武士

不過好快消失左

諗起都覺得正

呢個係老母講我知 個陣我重係老母個肚入面
以前屋企住係紅勘個邊d舊唐樓
有次我媽拖住幾歲既家姐諗住落街買野
點知佢一出左門口鎖閘個下
我家姐就無啦啦狂喊
我媽就問佢咩事 做咩突然喊
佢指住上層個樓梯轉角位話 媽咪 個度有個無眼耳口鼻既女人企係度 好恐怖
我媽一望 個度根本無人
之後佢嚇到腳都軟 一野抱起我家姐沖落街

btw我大個個陣我老母有帶過我去返個個區d唐樓去探返d師奶鄰居
棟唐樓樓梯位真係勁暗 就算中午12點出面d光都唔太照到入黎
樓入面d燈重要係好舊式個種燈膽 開完係得好似3310手機mon咁既光度 個環境真係幾恐怖

我諗起我早幾年做私補，有個女仔係住唐樓。個女仔個老母好爛賭，我每次上2個鐘，個老母一開門畀我就狗衝去樓下打牌，叫我落堂先call佢。上咗大半年，個老母知我個日下晝得閒就索性包我半日同佢湊女，佢就賭飽佢。咁都成6、7年前，個陣啲小學雞邊到有咁多功課吖，同佢做完功課温埋默書就同佢玩。個陣就好似係依家咁嘅時候，濕濕熱熱，咁我就打開門通風，個女仔就彈琴，我就温書。我同個女仔都幾friend，咁我就同佢吹水。
我
女仔
媽媽成日留你一個係到㗎？
係呀，之前姐姐你未嚟媽咪都係由我一個係屋企嘅。
咁你一個咪好悶囉？
唔悶㗎，婆婆會同我講神話故事（指下張木梳化），仲有有個姨姨教我彈琴，不過你係到姨姨唔出嚟之嘛。係喇，姐姐，你下次教埋XX（人名唔記得咗）做功課吖，佢考試唔合格畀媽咪趕出走廊呀。

屌佢老味我乜西都見唔到，我有諗過係條𡃁妹水鳩我，但係一個2年級嘅小學雞又冇可能作到咁仔細，仲要個女仔彈開嘅歌係好王家衛電影插曲feel，正常冇人教琴教個啲。之後我每次去上堂我都驚到仆街，成日覺得有人摸我面呀頭髮咁，個女仔又成日偷笑，最後捱埋嗰個學期就冇做

又神話故事又教彈琴

收完鋪返到屋企入嚟推一推，兼順便分享下先
我雖然做得廿幾年人，但係因為性格問題（on 9、唔識死 ），由細到大都成Q日撞鬼，咁撞鬼都有分驚嚇、温情、感動、搞笑嘅。
分享個幾warm嘅先。相信唔少人細個都會返鄉下玩，咁我升小學前個暑假我媽媽就帶咗我返佢外家探公公同舅父。一去到我就即刻畀呀公隻黑狗仔吸引咗，我明明未見過隻狗，佢都同我搖晒尾，勁友善。我就又摸又抱佢，我呀媽就同呀公敍舊，佢兩位就叮囑我去邊玩都得，就係唔可以去屋嘅後山，咁我哦完就算。咁我估就過咗幾日，個排每日黃昏呀媽都會入屋幫手煮飯，就由我同MayMay（我同隻狗改嘅名）係地堂玩。有日就唔知拜神定點，劏雞殺鴨，勁熱鬧，MayMay都唔理我，入去廚房睇有冇人喂佢食嘢，我就一丁友係地堂玩gameboy。我就係地堂到見到個呀伯，我就記得我呀媽教我要有禮貌，咁我就叫佢喇。
我
呀伯
呀伯
你係乜人
我係顯叔個孫，九姑娘個女
九妹個女咁大喇 咁你冇應該叫我呀伯喎，叫我⋯⋯我都冇識叫喎 我係你呀奶（老母嘅鄉下話）嘅謝公（外公咁解），你都係喊我謝公喇
謝公
之後個呀伯就走咗，個晚我地就她似係地堂到傾計食生果喇，咁我眼瞓就返去瞓。鄉下就有分新舊兩間屋，我就瞓舊仙遊咗嘅呀婆間房，佢間房係二樓，咁我就要行入廚房先有樓梯上去。一入到屋，就有個着紅色繡花衫嘅女人抱住個BB。我係冇驚過個女人㗎，因為我覺得佢好喜慶，紅色又正派喎。
我
女人
細妹
你係乜人
我係你舅母呀
吓我舅母係出面喎
你唔止一個舅母㗎，係你呀奶喊我帶你去睡㗎
我瞓喇
唔好瞓住喇，一場來到，舅母帶你上山去摘山棯
之後我就onon99咁跟佢係後門上咗後山，諗返我真係勁低能，個女人講兩句我就信佢係我舅母。
行到上山勁黑，咁我就勁淆西，我喊住要返歸，但係個舅母上咗山之後勁閪，仲冇打算畀我落山。我就係後山到一路喊一路鳩跑，跑跑下就見到個朝個呀伯，唔理三七廿一即刻大嗌謝公救我
唔洗劣佢喎，我喊狗仔帶你返屋企
個舅母追到埋嚟，佢個樣勁兇狠，講咩我一條命都唔夠填。謝公就冇理佢，吹咗下口哨，之後同個舅母講話：「人老精，鬼老靈，我做人又老過你，做鬼又老過你，我唔驚你。你郁親我粒蚤一條頭髮毛我都收你皮！你做人做鬼都咁賤，係咪想永不超生（之類喇，唔太記得，仲要鄉下話十個字明得七、八隻字）」
我就覺得謝公係又型又可靠，因為佢真係好高大又冇寒背，當時我拖實佢隻手匿埋係佢後面，個舅母一行埋嚟，佢就好似做戲咁一嘢轟開佢。
轟走咗舅母之後，MayMay都狗衝過嚟，謝公就拖住我慢慢咁行落山，MayMay就行頭，差唔多到嘅時候謝公就話佢要返上山，叫我跟MayMay返去。我行到入屋就冇意識，醒返之後呀媽話我半夜發燒，係咁喊，於是她即於拜祖先，到差唔多天光我就退燒冇再喊喇。我仲她記得我同佢死拗我上咗山，仲見到紅衫舅母，佢就話我夜晚係地堂吹風冷親發燒，係佢抱我入屋。

我同謝公仲有啲故事，有巴絲打有興趣我再打，食飯先

你鄉下陽春個頭？

lm

唔係撞鬼
但係我幾肯定夢見過未來
有冇人明

唔係撞鬼
但係我幾肯定夢見過未來
有冇人明

係咪覺得今日發生既野好似見過或者發生過