前世今生 (2)
力威叔對着我說：「呀妹陀返你塊玉牌先，整好㗎喇。呢條鏈呀叔私伙㗎，家陣送畀你，睇佢係咪猛到呢條鏈都整得斷。」我走過去欲伸手拿回玉牌時，東叔快我一步搶到手上，他低聲道：「不鏽鋼嚟咋，東伯我送條金嘅過你，同老人家我飲個茶先。」我完全不能消化我眼前發生的一切，只得答：「東伯我唔識你喎，我都係返屋企改簿先。」「如果講啲你唔知嘅嘢以點睇？」東伯仍對着我笑，笑得我有點心寒，我不禁想到少年賭神中的鍾景輝，想到他心又不寒了。
我以為他會告訴我小紅豆的故事，怎料他只是跟我聊些社會時事，當我在想他是不是騙我陪他時，他冷不防來了句「我識你呀媽個外公。」，語氣尋常得就似在說：「蝦餃用蝦整」一樣，只有我在大驚小怪。他喝了口茶潤了潤喉再說：「唔知你點叫佢呢？我要叫佢聲師叔，我上次見佢已經係𡃁仔個時，你呀媽都未出世。師叔見我有啲天份醒咗我幾招，仲畀咗幾本師祖嘅札記過我，最緊要嘅係，佢送咗我落香港……唉唔講喇，你咁後生唔明㗎喇。」語畢，他又夾了一隻蝦餃進碗裏。
我的確是好奇謝公的事，但女人的第六感令我覺得這東伯比鬼更纏人。「細路過海呀？同東伯一齊搭的士，我請！」的士上我們沒說一句話，我下車後準備跟他道別，他卻隨了我下車。他仍然在笑。
「我都話咗要講啲你唔知嘅嘢過你知。你屋企有鬼。」「我知。我帶佢返嚟嘅添。」「錯！唔係你帶，係佢跟，佢上海就跟你返嚟，不過因為你陀住師叔塊玉佢埋唔到你身。」我不知為何，我覺得他有方法幫助小紅豆。既然小紅豆是來找我討債的，為了救贖她而給東伯纏住也是意料中事。「用道符包住佢帶佢落嚟喇。」東伯在他的外套袋中掏出一道黃符給我，我接過後他在褲袋摸出煙，走到一旁倚着欄杆抽起煙。
他帶了我去他位於西環的道壇，打開門即見到一個大我三數年的年輕人恭敬的說：「師父。」，東伯揮揮手示意他走開。年輕人剛轉身東伯又叫住他：「呀發仔呀，同你師兄換床單兼同佢執執房，一路整一路打個電話畀你師姐叫佢最好十分鐘之內返嚟，如果唔係呀爺……咳咳，師父唔同佢交卡數。」年輕人立刻行動，比狗還聽話。「細路，講成日都未知你叫咩名添。」「叫我呀七得㗎喇。」「呀七？無名無姓㗎你？」「有，不過唔鍾意個名，更唔鍾意個姓，所以叫返我呀七好啲。我農歷七月初七出世，同個七字好有緣㗎，仲有呀……」「唔撚想講就寫，寫埋個八字。」東伯將他面前的筆和黃紙推到我面前。
門鈴響了，進來的是比方才那男子更年輕的女子，可能她比我還小。東叔又發話了：「呀七，信唔信前世今生？個盒入面個女人係你嘅冤親債主，應該同你前世有關，你知道你前世同佢有咩瓜葛就有得解囉。」「我點知我前世呀？」「你信唔信我？」「你地想騙財定騙色？」年輕女子率先忍不住大笑出來，東伯也跟着哈哈的笑。「姐姐仔你驚呢樣呀，你打個電話叫個friend上嚟等你囉。」最後我甚麼人也沒找。
「呀七，陣間我會同你作法，你會返去感受一次你嘅前世，你就當發個夢就得，唔信嘅就當真係發咗個夢。唔介意瞓麻甩仔張床嘛？我已經叫發仔執過㗎喇，小白陪呀七去呀中間房。」我躺下床，東伯圍着床邊擺放了數盞油燈，然後用紅繩將它們連在一起，繩的前後兩端分別繫在我的左右手中指上。小白將油燈逐一點上，東伯在一旁開始作法，我的意識開始模糊，就在快失去知覺的時候我聽到他大喝一句：「冚家祥吖！睇少咗一頁添，老喇……」「呀爺佢會唔會死㗎？」「應該無事嘅，我地睇實佢啲三魂七魄。」
東伯我屌你老母！但我已經不能反抗，只能隨着意識沉沉的下墮。
諗住可能有人玩野姐 點知掉轉一望有3個女人拖個小朋友 無腳浮浮下咁望住我地 嚇地即刻跑 諗住無事啦 點知 我屌 最驚嚇嘅事情先發生 咁上水塘係一條大斜路 無任何巴士/小巴上到去 因為單程路 我地全部人都見到有架3層巴士 無頭司機 嚇都鳩都縮埋 
有日執cctv片先發現係老細成Q日捕係我後面，然後係我發現前又走開
因為鋪地毯所以正常行唔會有聲
）。佢有返工個日我有時會係倉（總之暗位喇）見到有個啱啱曉行曉講少少嘢又肥嘟嘟嘅BB仔，見唔到都會聽到BB笑聲，佢放假就一定唔會有。見個同事生意都幾好，總之就人人炒蛋佢都有單開喇，月月爆數咁喇。
），唔夠時間就要再等下次放假
