《靈異台》一人N個撞鬼經歷

劉明

1.試過日光日白閂左房門訓緊教，有人好大力拍我房 好記得拍左3下 大聲到我成個紮醒 但系個廳無人
2.系廁所有白煙系眼角飄過
3.試過幾次靈魂出竅 個身不斷向上升，望到自己訓緊教

其實我都唔g而d係咪叫撞鬼 有無人可以教下我

屌你老母打返好啲中文字就冇鬼搞你啦柒頭

係大陸酒店玩night painting 影左個鬼頭出黎
好似外星人咁 del左張相

朋友既故事

朋友有2個女，事發時大概係K1, K3; 兩個都好精靈。
一日，K3個大女一個人在房時，突然大喊，
佢媽咪就衝入房，睇下個女咩事。

個女好驚咁話間房有「鬼鬼」
佢媽咪一邊在張床坐低，一邊安撫個女，又問：邊度有鬼鬼呀？
個女喊住話：「咪係你隔籬囉」

個阿媽嚇到即抱個女出廳。無幾耐成家搬走
但個細女就咩都無見過

之前我去過佢地屋企，大屋苑，一層8伙，
條走廊A室門口掛十字架，B室門口掛八卦鏡。

早排同朋友去旅行，我地去泰國喇。咁有晚我地去食街邊檔，食到中途我個friend SB就急屎，佢就急急腳咁狗衝返酒店屙。我地就繼續食咗陣，冇幾耐輪到個肥婆肚痛急屎，痛到佢行都行唔到，咁唯有我地全世界抬佢去屙屎喇 我地4條死窮撚淨係book咗一間房，咁我地就驚SB阻住肥婆屙屎，就抬肥婆去酒店大堂個廁所屙。肥婆屙完屎，我地上到去係lift口見到SB夾實個屎忽係到等lift。問佢咩事佢又唔講，夾住個蘿友大嗌話要去樓下屙屎，仲要TK陪佢。肥婆驚佢畀人

佢屙完屎返嚟畀我地chok兩chok就

7樓巴

早排同朋友去旅行，我地去泰國喇。咁有晚我地去食街邊檔，食到中途我個friend SB就急屎，佢就急急腳咁狗衝返酒店屙。我地就繼續食咗陣，冇幾耐輪到個肥婆肚痛急屎，痛到佢行都行唔到，咁唯有我地全世界抬佢去屙屎喇 我地4條死窮撚淨係book咗一間房，咁我地就驚SB阻住肥婆屙屎，就抬肥婆去酒店大堂個廁所屙。肥婆屙完屎，我地上到去係lift口見到SB夾實個屎忽係到等lift。問佢咩事佢又唔講，夾住個蘿友大嗌話要去樓下屙屎，仲要TK陪佢。肥婆驚佢畀人

佢屙完屎返嚟畀我地chok兩chok就

㩒錯掣

講發生咩事，佢話上到去，行幾步就見到有個光頭嘅𡃁仔坐係走廊嘅第一間房門口。佢因為急住要開大，所以繼續行，行兩步又見到有光頭嘅𡃁仔。佢繼續唔理，一直去到我地房門口，佢又見到個光頭𡃁仔瞓係我地房門口。個下佢冇諗過條𡃁仔唔係人，咁就用佢生硬嘅泰文叫佢行開喇，點知條𡃁仔唔理佢，急屎大晒，佢就打算跨過條𡃁仔入房，點知佢唔小心踩到佢，但係隻腳係穿過咗條𡃁仔。佢即係底已淆，夾實個蘿友跑走，就係lift口見到我地。

吹下水、鋤下D，大家都攰就瞓喇，瞓瞓下聽到有人㩒鐘，我就好眼瞓冇理，之後都繼續有門鐘聲，過咗一陣就好似冇。我瞓瞓下，feel到床勁郁咗幾秒，我諗肥婆翻身啫，之後又轉身一嘢將隻腳搭落肥婆到，屌冇肉嘅。即刻嚇到醒咗 我就伸手摸下隔離個頭，我發現係冇頭髮，即刻聯想落SB講嘅光頭𡃁仔到 我轉身去開床頭燈又乜都見唔到。之後SB同TK都話發夢夢到有條光頭𡃁仔坐係我瞓個張床上面，講咗一堆泰文，SB就話大意係佢唔係壞人之類。

係咪有tg group

我都分享下，呢個係人生暫時唯一一次懷疑撞鬼嘅經歷

當年畢業後約返啲同學出黎吹水食飯，約左嚮葵芳食，最後吹完水近12點先埋單走人

去到地鐵站已經得返尾班車(往中環方向)，尾班車要等10分鐘左右，咁就企嚮月台周圍望下(果陣未裝幕門)

向右邊一睇，發現往荃灣方向嘅隧道入面有人形光影，點解為之人形光影？上半明顯有輪廓，亦見到佢去到背脊嘅髮尾(佢側身向我)，全身白色，但就係點都睇唔到容貌

呢個時候對面列車已經駛到埋站，當時年紀仲細，嚇到唔識俾反應，列車埋站後就開動，向住個光影衝過去，列車駛走後，個光影就唔見左

我有質疑自己係咪眼花，抑或只係訊號燈，但如果係訊號燈又冇理由洞入面仍然咁黑，剩係得個影發光

而家我逢親嚮果度搭車都會不其然望下入面個隧道，但始終再冇一次見到光影，所以我都覺得果晚自己真係見到啲野

我一直都覺得公司有，但係我覺得係善意
有時做漏野，或者有D野我唔返睇，就仆硬街架喇，我會忽然心血來潮好想搵返嗰張單出黎睇，已經試過好多次，只係公事上，喺公司先會咁
有諗過會唔會係老細爸爸，佢喺我入呢間公司前幾年走左，個個同事都話佢好好，人又好記性又好，可能見我柒咗提下我
試過一次忽然間右邊膊頭有少少發麻，又未去到痺個種感覺，心裡面講：唔好搭咁耐，我會驚架
之後就無左，好似真係有人搭我膊頭咁，但係感覺唔寒

touchwood由細到大都無見過鬼
最奇怪經歷係以前做救生員會係機房休息
機房係地底停車場再入啲，無陽光會照到
入面好大但無乜燈，陰陰暗暗仲有啲濕
最入邊既角落，類似樓梯底既地方放左兩張床訓教
幾乎每次訓我都比鬼壓
個人清醒但郁唔到仲聽到好嘈好多人講野既聲
有次聽到'仲訓？唔洗做呀'
但大多數時間都聽唔到佢地講乜
不過都可能係太攰有幻覺姐

邊個池

lm慢慢追

又推返上黎

我表哥做地盤嘅，細個有段時間佢係我地屋企附近個頭做嘢，日日收工都去我地屋企食飯。表哥份人幾好仔，所以條友一收工就直仆去我地屋企，有次佢太早冇門釘，於是佢係下邨興記對出棵榕樹下底到鳩坐等我地。

個晚佢勁開心咁show咗一條手鏈畀我地睇，我冇記錯係一條黑繩串住粒玉珠。娘親後生係大陸啲玉石廠做lab，所以佢識讓地玉，佢就話表哥條手鏈粒玉係正嘢。表哥就話佢會行運，因為佢不過係樹下底坐，坐坐下上面就跌條鏈落佢個頭到，仲要係正嘢。

佢執咗條鏈之後就一直戴住佢，佢真係變到超好運，中咗幾皮嘢六合彩，仲避開咗地盤啲意外。不過佢越好運身體就越差，初頭就傷風感冒，後來就頭暈身㷫，成個人瘦晒，娘親覺得條鏈有古怪，但係表哥佢一於少理。有日佢食食下飯突然間全身抽筋，伸晒脷反晒眼，差在未嘔白泡啫，嚇到我地嗱嗱聲call白車，送去醫院醫生又查唔到佢咩事。之後佢除咗成日抽筋之外，仲會腳痛，佢成日都話左腳要好大力先可以遞高。因為有怪病，佢冇計決定停工。

個個都話佢執個粒玉有問題，娘親就叫佢將粒玉擺返去同一個位，等有緣人接收。不過佢dum咗幾次都failed 次次都係返佢啲衫袋褲袋出現。最後佢點將條鏈甩手我真係唔知，我淨係記後娘親話佢隻左腳有問題係因為有幾個「小朋友」抱住佢隻腳，可能係佢執鏈嘅時候惹返嚟都唔定。

推翻生個台先
七樓巴啲故好正lm支持多啲真人真事

推

喺錄音室入面
明明應該得十二個人
但數來數去都係有十三個人

有一日搭巴士 途經白屋講白屋既故事 去到嘉利大廈前址又講果到既事
最後入戲院睇戲時耳水不平衡到痴左線 足足兩個星期瘋狂天旋地轉 得閒就嘔
用左幾千蚊睇醫生都冇好到 日日訓訓到第三星期先好

下邨拆咗我地全家搬咗去啲舊樓住，舊到冇lift個啲，同區不過又已經拆咗。

我地住個單位坐向唔好，好陰森，所以住落都幾多古怪嘢。好記得搬上去冇耐，我同家姐嗌交鬥氣，我就決定做廳長，哥哥唔想我瞓廳，就勁好人咁讓佢間房畀我。哥哥間房係廁所隔離，又暗又濕，個窗仲要對正啲去水管。我都唔記得個陣我趴起張床到玩煮你老母定瑪利奧賽車，總之就打緊機。當時我就靜雞雞咁用哥哥套靚hifi播緊CD，打打下機發覺冇聲 ，我勁淆底會壞，即刻狗衝落床睇下佢有冇事。

好喇原來佢自己停咗 ，我就諗住返上床打機，一轉身就發現幾個唔係我地年代嘅npc ，佢地神態自若咁做自己嘢 我記得有個女人係到梳頭，有兩個細路係到摺元寶定唔知黐火柴盒。之後個晚都見到佢地，不過佢地冇搞我。最驚恐係我有晚上網打完麻雀之後瞓喇，半夜我起身飲水，飲完返入房見到有枱麻雀加個肥師奶坐係到對住我笑同揮手，之後仲開聲話：「兩個人都可以開枱㗎 」 嚇到我即刻同家姐和好如初返去同佢一齊瞓

但係哥哥就話佢見都冇見過，係hifi成日自己閂，不過又可能係潮濕得濟機件故障。但係我自己見過個肥師奶之後都冇入佢房瞓喇

啱啱放完榜，等我講下啲hall嘅鬼故。

朋友講嘅

我個朋友讀LingU，佢就住北宿。有晚佢係市區玩到好夜，佢本來想返屋企，但佢又驚起唔身上早堂，所以最尾都係返hall。入北宿得一條路，個條嶺南啲人俗稱佢做陰司路，條路去到某個位就會勁凍，唔理春夏秋冬。佢個晚單機行條陰司路，咁條陰司路係要落斜再上斜嘅，不過佢唔長，加快腳步就一、兩分鐘乜都行完。不過佢話條斜就好似落極都唔完咁，行極都仲未到hall，好彩條路都叫做幾燈火通明，所以佢都唔太淆。不過好死唔死佢望咗去山邊，一眼就望到山墳，嚇到佢彈起。最尾又唔知點樣條路變返正常，佢行到返去。

有個ust嘅，不過我覺得好流同好行。類似係話夜晚見到有人係咁跳蘑菇

唔好俾佢停