(校園、穿越、奇幻)今年我三十三歲,回到了1998年(5)

1001 回覆

191 Like 3 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

春泥 2017-04-11 00:18:15

這天上完Ｔ＆Ｔ堂後，楊鳳瑤走到我面前，我有點不知所措地盯著她，心想她不會在眾目睽睽下和我算帳吧？

她高聲道：「喂，成皇志，李老師叫我將啲中史筆記借畀你，你抄完好還返畀我喇！記住睇清睇楚啊！」

我皺了皺眉，楊鳳瑤的神情舉止都很古怪，於是我回到班房後，翻開她的筆記，內裡寫著一句話——「小息上天台，我有野同你講。」

我瞧見這句話，立時聯想到難道她恨不得把我從天台推下去？

不會吧？我對她的冒犯不至於她要把我置之死地吧？不過我第一次吻她的時候，她好像真的要把我的舌頭咬斷。

不要因為她童顏、個子小，便輕視她。

小息的時候，我抱著戒慎恐懼的心態步上天台。

當我瞥見只有楊鳳瑤一人在天台的時候，想起自己的那些臆測，亦不禁提高警覺。

楊鳳瑤瞧見我後，神色淡然地道：「你嚟咗嗱？」

楊鳳瑤這樣的神情，反而讓我緊張得手心冒汗，我問道：「妳叫我上嚟，咩事呢？」

楊鳳瑤幽幽地嘆了一口氣，道：「唉！仲有啲咩喔？咪就係傾下我地之間嘅事囉！」

「哦！咁妳想點傾喔？」

「唉！我依幾日諗得好清楚，雖然我唔係好鍾意你，只係對你有啲感覺，但係緣份嘅野係擋唔住嘅，我地係世交，我地阿公都有成為親家嘅承諾，依啲係命嚟嘅，咁我唯有接受啦！而且你又唔算太差，係有陣時乞人憎啲，你肯改下，我諗我都可以頂到嘅。」

我斷然道：「等陣先，妳嘅意思係…」

楊鳳瑤嗔道：「我都講得好明顯啦！我…接受你啊！」

我愕然道：「等陣先，妳唔係一早已經講明唔會鍾意我嘅咩？」

「嗰陣喺好耐之前嘅事嚟，人係會變架嘛！阿公講得啱，男人唔靚仔唔緊要，最緊要夠上進，你嘅努力我睇得到，無論係音樂比賽定係今次中期試，你同我輸賭，就係要我接受你…」

「吓，等陣先…」

「你唔好成日劖亂歌柄啦！我都未講完，我可以接受你，但係我都未講出我嘅要求。我爸爸媽媽好錫我，我知佢地唔捨得我嫁出去，所以我想結婚之後同佢地住埋一齊，其實我同家姐感情都好好，我都想成家人一齊住，我唔介意你爸爸媽媽都搬埋入嚟，但係咁多人一齊住，間屋最少都要二三千尺；將來我地組織家庭，有小朋友，我想留喺屋企照顧佢地，咁屋企嘅開支就由你一個人負責，我計過喇！你搵到一份月入大約有十萬蚊嘅工作，就可以應付到日常嘅開支，不過保險啲當然每個月搵到廿萬會更加好啦！仲有，我屋企親戚朋友多，加埋你啲親戚朋友，應該最少擺五六十圍，結婚一生人一次，我當然想豪啲，最好係四季或者半島擺啦！君悅同文華睇嚟都唔錯…」

楊鳳瑤這一番話把我嚇呆，只是聽著已經感到很沉重的壓力，她的要求對於我來說，完全是超乎現實。

楊鳳瑤繼續喋喋不休道：「…禮金畀多啲我父母，最好有位七位數字，仲有去渡蜜月，我想去歐洲、又想去芬蘭睇極光、又想去馬爾代夫潛水…」

這是我想起了一句說話「逃避雖然可恥但有用」，於是我把想法付諸實行。

「對唔住，我突然間醒起有啲野未做，我走先。」

拋下了這句話後，我立時轉身走去。

楊鳳瑤道：「喂！喂！我都未講完…」

春泥 2017-04-11 00:18:35

放學的時候，我和呂靜宜在圖書館做功課，呂靜宜道：「喂！成皇志，不如我地靜間去睇戲喔！」

想到上星期六因為要陪同阿公去參加棉總的晚宴，我拒絕了呂靜宜的邀約，於是我答應道：「好啊！」

「咁我地快啲做完功課，去睇戲！」

這時，我右方的椅子被拉開，楊鳳瑤一屁股坐下，我立時心為之顫。

我夾在楊鳳瑤與呂靜宜之間，她們便隔著我進行交流。

未幾，楊鳳瑤道：「成皇志，昇爺有套新戲啱啱上畫，我地靜間去睇喔？」

呂靜宜奇道：「鳳瑤，妳又想睇昇爺套戲？我同成皇志都諗住靜間去睇喎！」

楊鳳瑤道：「係咩？成皇志，你諗住同靜宜去睇戲咩？」

一滴冷汗從我的額角滑向我的下頷，兩人把視線聚焦在我的身上，讓我有點侷促不安。

驀地，我拍了自己的額頭一下，道：「咦！我之前應承咗參加辯論比賽，我要去練習一下，妳地咁啱都想睇昇爺套戲，依家咪啱晒啦！妳地兩個有伴，一齊去睇，記住玩得開心啲！」

話畢，我拿起了書包，飛也似地逃離了圖書館。

乜都唔知 2017-04-11 00:18:41

推

春泥 2017-04-11 00:18:58

這天晚上，我從噩夢中驚醒過來，我坐在床上急喘著氣，那個噩夢的片段仍繫繞著我。

我夢見我和楊鳳瑤一起後，為了滿足她的要求，每日不斷去工作，但仍賺不夠錢給她揮霍，於是要借錢度日，導致債台高築，破產收場，她帶著孩子離去，最後我還過勞而猝死在辦公室裡。

真的很可怕啊！我不想破產、不想過勞而死

楊鳳瑤在我心中有時耍性子，刁蠻可愛形象，漸漸變成長出獠牙和角的吸血鬼，如果真的和她一起，我最後的下場，可能會變成一具血液耗盡的可憐乾屍。

(待續)

生命中的過客 2017-04-11 00:31:09

楊鳳瑤