Nizi Project討論區

係 條友既表情想點

又到星期五

最後一定追加俾秀智 不過Momoka憑咩排咁前 睇耐左覺得前yg果個 跆拳妹 麻由佳 幾好
btw恭喜mako

咩賽果？

Mako 1 miihi 2 Maya 3 Rima 4 跆拳5 yuna 6 Nina 7 Suzi 8
但Momoka 有9 重前過Akari (11)同 Rio (10)
Riria 12 Mayuka 13 秀智14

秀智入到？

係，最後追加入左
睇個款應該都好大機會入團 秀智情意結 同jyp特別鐘意樣靚既會鬆手d，好似Miihi咁，次次一見到佢就笑到見牙唔明眼。雖然Miihi綜合實力係ok，但都想睇佢挑戰Twice 以外既歌，始終twice d 舞偏易。

又要吹d野俾佢贏等佢有得入

反而之前有個唱歌話有絶對音感果個入唔到，有d可惜，其實都可以既佢。樣靚大哂

秀智jyp唔要可能會比sony搶左去入乃團

好似有傳suzu退賽，美羽(絕對音感果位)後補入左

本來以為20個入所以預測最終出道會係9-12人，但依家淨係得13個入到第二季，咁可能出道最多係7-10人左右，而且大概率唔會係9人掛，因為始終twice都仲會係日本發展。
不過講真有幾個練習生我係想佢係韓國出道多d既，唔知到時jyp會唔會收左d遺珠入公司呢

勁嗰d想佢地韓國出道多d係唔知佢地等唔等得，日本團使鬼咁勁咩

nina可能韓國出道好D
佢仲要磨練下同埋可以炒作下佢係二代somi
yuna 如果呢次出唔到之後應該無機會

覺得有個位係俾無咩實力既人 Momoka v.s. 秀智 2個入一個，但秀智大機會d

Yuna 身型真係唔得，實力係有既但impressive，同明明個樣唔差，但對佢無咩好感

唔識欣賞momoplus

佢個樣不了

得十三個入第二季？同初發表既計劃唔同既。

聽聞日本idol制度下，idol只係收月薪。如果JYP 引入韓國新制度，Nizi成員可分成演唱會、唱片、其他活動、廣告收入，咁一定顛覆日本樂壇制度！

因為Wonder Girl隊長閔先藝以前喺美國認識依家老公仲大埋肚，對整個圑好大影響，所以先有Twice三年禁愛令！日本女仔好易被人侵犯唔出聲，所以JYP一定要好好保護佢地！

人品好重要，JYP 選Twice定下要誠實、真實、謙虛。今次人品有9粒星，頭6名都有，然後Rio, Riria, Ayaka都有。Miss A 當年因中國成員Jia同大陸娛樂打龍通，唔續約，咁就解散，所以一定要睇人品！

Miss A只紅秀智，JYP怕Somi太紅，最後無加佢入ITZY,，Solo又暫時無新concept畀佢，所以導致Somi離開！所以Nizi成員一定要人品好，互相照顧，唔好爭風呷醋，咁先長久！

日本娛樂界中有幾多綜藝節目？希望Nizi日後多上綜藝節目吸粉，發揮Star性。

Mako係一定要今次出道嫁啦，畢竟都18歲。不過我覺得nina同rima都可以等下次韓國出道，始終兩個都係英文流利，除長今次日本團既市場目光唔係淨指向日本。反而未光就打日本市場適合佢多d

其實都唔使炒作佢做somi二代，咁講好似暗示緊佢同somi一樣會出走jyp咁，而且感覺nina有自己果股星味唔使靠炒作，不過都同意nina做jyp練習生練多陣先韓國出道。yuna睇落唔多掂但佢個樣似韓國人多d