[武術台丨以口代手丨名家講座]內家拳體系講座

比人推返上來

就咁google “詠春， 馬”
https://www.google.com.hk/search?q=%E8%A9%A0%E6%98%A5+%E9%A6%AC&newwindow=1&rlz=1C1GIWA_enHK744HK744&source=lnms&tbm=isch&sa=X&ved=0ahUKEwjM4tvryrPaAhVENrwKHW5iBHQQ_AUICigB&biw=1242&bih=579
出黎已經個個望落都唔對路。


呢張圖就講得好。 葉問自己都有“攤身馬”呢個問題， 傳聞話因為佢生的矮。 另外就大部分都有”挟馬“， 好似忍尿咁。

Thanks for sharing
姿勢講得比我詳細，概念冇沖突，呢個網好似幾好

內家拳洗唔洗練重訓同體能？

站樁係咪真係可以出功夫？ 站得愈多愈大力？

練自重+體能....

練體能自己解決

你見到我有話一味站樁咩

內家拳洗唔洗練重訓同體能？
內家拳重訓係通過兵器練習。你可以選擇唔練重訓， 但係唔練功夫好極有限。

站樁係咪真係可以出功夫？ 係
站得愈多愈大力？ “功夫”唔只“大力”。 站樁唔係練大力， 係練其他野

仲有mon帖

見親練國術既都瘦蜢蜢，唔係就大肚腩，好似俾人打一下就訓低咁。

唔似拳擊、泰拳咁練到肌肉線條分明，唔打得都捱得。

係咪國術理論假設自己所有招都化解到，所以只練步法，不練捱打？

你有力量，有速度就解到

捱打無咩特別技巧，唔好中要害同比人打得多就得

可唔可以講多啲站樁點出功夫，出啲咩功夫？

內家拳站樁係咪已經可以代替重訓，增加力量？

我上網睇，意拳好重視站樁，又話意拳就係站樁，其他摩擦步，試力，推手都只係演練站樁所得。有關王薌齋既佚事講到好神奇，只係站左幾年樁就出”功夫”，然後好好打，可能係吹水多。

但李仲軒本書講到形意拳又係好神奇，通過不斷練五行拳嗰幾個簡單招式又可以出”功夫”，變到力量大，身法快，觀察敏銳等等。

究竟係國術佬自己ff定真有其”功夫”，有冇巴打可以解釋下，如果真係咁勁國術重洗俾人笑足咁多年

問題係大肚腩會影響速度，瘦會冇力。

你冇肌肉保護，唔中要害都會痛都會傷，實戰中好多時都會俾人打中，而唔係武俠小說咁招招都化解到，所以練泰拳先要練肌肉練”枕”，增加防禦力。

但國術點解冇增加防禦力呢個概念，係咪國術理論假設自己可以避開，化解所有攻擊，所以只練步法，不增加防禦力？

只係自己FF， 邊有咁多高人。
國術陋習， 不提也罷。

意拳就係站樁，其他摩擦步，試力，推手都只係演練站樁所得

既然你問到呢步， 我就破例講多少少。 呢D一般都唔會係網上講， 一來無人明， 二來我又無著數。

打一拳有幾大力， 除左肌肉力量， 仲有好多因素。 呢D因素， 係西拳係好普通既知識， 例如用唔用到身力， 同地面反作用力， 身體協調等等。

所以你問站樁係咪已經可以代替重訓， 我真係答你唔到。 有D人話可以， 我就覺得就算可以代替， 但係你自己另外再練埋都無蝕底。

至於呢句“意拳就係站樁，其他摩擦步，試力，推手都只係演練站樁所得”， 其實係你要將“摩擦步，試力，推手”， 全部野都收晒入個樁度， 即係話站個樁， 唔係死站， 9站， 而係將身法， 步法， 全部收晒入個樁度。

話王薌齋站左幾年樁就出”功夫”， 可以話真， 可以話假。 無錯係站， 但係佢唔係9站。 故仔講佢站完個地下係濕晒架。

形意拳就實在好多。 五行拳操幾年， 唔係操個拳頭打邊度， 或者拳頭有幾快。 個動作好簡單， 勤力既3日學會， 懶既2個禮拜都熟。 練幾年， 係練你身體， 腳步既協調， 身體既結構， 點樣用身力。 呢樣先要長年累月練落去， 越練協調越好， 力量傳遞越順。

睇少d小說，你會無咁大希望