講多兩句防守既理念呀
拳擊直拳以拍手為主,勾拳以攤手為主
下勾拳向下沈肘,防守的手會跟對方收拳而出
唔講到一招破一招咁仔細啦， 一招破一招有好多因素， 速度力量角度， 你師傅破到你未必破到， 你破到對手又可能變。
淨係講翻最基本所謂“中線理論”。 一句“試下入佢中路”， “唔係咁易架，葉師傅”， 講到街知巷聞。 但係你有無諗過， “入佢中路”呢句有無問題？
詠春本身係正身對敵， 因為詠春認為正身防守最強， 咁既然你認為正身防守最強， 點解你進攻既時候仲要係人地前面， 即係人地防守最強個邊入？ 咁樣係唔係自相矛盾？ 一班傻仔睇左幾套葉問就個個擺個日字衝拳係人地兩隻手中間衝入去， 以為咁就係”搶中線“。
中線理論源於槍法。 兩個人對槍， 你佔左中線， 對手刺過黎既槍就會滑開2邊， 所以槍法黎講搶中線係無錯既。 但係呢個理論唔可以百分百搬落拳腳， 因為有2點好重要既分別。 1. 槍得一把， 手有兩隻， 2， 拳頭會轉灣。 就呢2點， 已經令到“佔住人體正中線就可以贏”呢句說話唔成立。 基於人體生理結構， 手只可以向內屈， 唔可以向外屈， 你局限左自己隻手係“中線”， 係令到自己隻手可以變化既空間少好多。 你佔左中線， 人地兩隻手就係左右2邊車輪拳， 呢D場面屢見不鮮。
另外一個詠春同人試手經常瀨野既源於就係距離掌握得唔好。 好簡單， 每一個門派都有佢自己既有效距離。 拳擊既有效距離係幾多？ 打一個jab上半步啱啱到， 所以拳擊既距離就係一隻手多少少。詠春既有效距離係幾多？打樁既時候離個樁幾遠？ 一隻手伸直唔到， 呢個就係詠春既有效距離。
咁你同人試手既時候就應該keep住係自己既有效距離， 而令到對方離開佢既有效距離。講白D， 用詠春就要搶入去近距離。 但係你見好多玩詠春同人試手， 唔知佢怯定係乜野， 最鍾意就留係一隻手多D既距離， 即係人地拳擊最有效既距離， 有乜辦法唔俾人打死。
我非常認同依點。
點走入詠春有效距離係最難。半臂至四份三臂係貼身距離。
不過我後來思考過，日常情況係唔難，因為除咗上檑台，平日兩個人衝突都係貼身互屌開始多。好多時已係在有效距離。
其實唔難
佢亦唔係笨7， 唔會咁容易俾你話埋就埋。 但係你想埋， 佢唔俾， 起碼咁已經形成攻防
襟錯
其實唔難。 但係正如我上面講， 你想入。佢亦唔係笨7， 唔會咁容易俾你話埋就埋。 但係你想埋， 佢唔俾， 起碼咁已形成攻防。
至於點入， 其實好簡單。 你睇boxing， 成日都有clinch 攬埋一舊， 根本唔可以避免。 你只要放棄唔好擺個樁手出黎， 好似人地打boxing咁收翻黎護住個頭， 要入大把機會。 你伸直直隻樁手， 好似安全D， 但係其實隻手伸直左， 打人又唔得， 檔人又無角度， 根本無用。
值得參考。
我覺得樁手係死嘅，除咗練習唔需要太刻意擺樁手。
