[武術台丨以口代手丨名家講座]內家拳體系講座

輕輕一推

幫推

幾時講埋八卦掌？
內家淨係睇過書
咩都睇
睇完除左鬆同九節勁就咩都唔明
巴打講到可以融會貫通咁多家
想睇落去

其實巴打係邊到學詠春
另外
依家香港仲有邊個真係識八斬刀

係PolyU學

唔係PolyU有冇得跟機
係新界深山到讀

有興趣咩 大把詠春比人㩒住黎打既片喎

應該可以既 我都有幾個師兄唔係Poly學生

自己玩過一排
都迷惘過究竟有冇用
三套拳出面淨係教個形
好少講解到個用法同意義
離手冚位走位呢d
好少人識更加少人教
好想學但又唔知邊到可以學到

我自己就仲信呢套系統係有佢既價值既
至少個d打交片
我自己就信人緊要d
套野有冇用
真係要學過先知
細個睇過梁紹鴻個個interview
始終仲有少少信心

套路入面用法同意義我地都有教既
木人樁都有講點運用
感覺上始終係大學既學會 水準算幾好 而且師父都拎過國術擂台冠軍 我都信詠春用到

只不過要練接手 同離手點打 始終開打果時係離手狀態 唔識接手同離手情況下攻擊 就發揮唔到 仲有拉唔入詠春有效範圍

其實連登好好人都只係一知半解 睇完Wiki就當了解晒詠春
見到有人話日字沖拳用唔到腰力 馬步唔靈活 膝頭向內拗易受傷
其實學過都知係誤解黎 所有武術都講求全身配合發力 詠春都唔例外 出拳絕對用到腳同腰力
而馬步相對其他國術已經成高 靈活比唔上boxing 但都算幾靈活

話詠春理論差 只不過係將個人拳理套入去解讀
洪拳有前馬 詠春多數後馬 螳螂馬步向外擴 每種武術都差好遠 但各有長短
連登啲人只不過係學過下泰拳 boxing 就用依兩套理論放入詠春 批評話詠春理論出錯
學左某種武術就去批評其他系統有問題 只不過係見識狹窄

話所有國術都無用既更加好笑 常見既國術都至少6，7種 有幾多人真係接觸過先批評

咁耐都仲推返上來

跟我學內家拳

內家拳個發勁模式都好有興趣
巴打點睇陳式練纏絲勁

依家唔少人盲反到
但又唔怪得佢地
始終依家咁多人出嚟招搖撞騙
又成日吹自己世界第一

垃圾，9吹

咁巴打站既樁
係邊種？
意拳個堆
定另外有妙法
之前見過香港意拳研究會
就似乎係你個種教學模式
咁佢地又合唔合格？

咪講晒，爬文

呢位師兄好似對詠春有D研究， 我真係虛心發問， 究竟詠春個鉗羊馬有乜意思？ 例如實戰（我諗無乜人會真係認為實戰有用）， 或者功力訓練（練到夾實D又有乜用）？

我間道場又無強調過要刻意夾實 有啲難答到你
不過我覺得係練大眼內側 同四頭肌 咁有助增強爆發力 踏步果時會更快 係對手無防備既距離發動突擊

至於鉗羊馬係實戰用途 我覺得係令對手難預測動作
如果隻腳一前一後 咁起後腳動作太大（加上坐後馬）對手會防前腳 因為出腳時間短

仲有左腳前右腳後 三角步走左會快過右 （都係動作較大）咁對手有機會放較多注意力防自己右面

但如果坐鉗羊馬 起左右腳既動作都唔大 而且機率一樣 走左右都係 所以比較難防

咁壞處當然係面積大過側身 但同時都比較易打中對方

講唔通啦。 內鉗唔係練4頭， 對上步發力完全無幫助。 你話尋橋馬練上步都勉勉強強講得通， 鉗羊馬就唔得啦。

起腳動作細更加講唔通。 鉗羊馬2腳平衡， 要起腳一定要先轉重心去是但一隻腳， 肯定慢過尋橋馬練。

內鉗我都無練過 咁你師父有無解釋過？
尋橋起前腳緊係快 但假設後腳放70% 如果起後腳要轉70%落前腳
鉗羊馬左右放50% 起腳都係轉50%

我聽過有2個解釋。

第一個就半搞笑， 但係諗諗下又有D道理。 佢話詠春係女人拳， 所以咁緊張埋踭， 因為要保護個胸， 掂下都唔得， 內嵌就係練2隻腳合埋既力， 遇到強姦都無咁易俾人打開對腳。

第二個就係正經D既答案。 答案係葉問身上搵
https://www.youtube.com/watch?v=HeF_d9rczec&t=80s
你睇葉問， 根本就唔嵌。 而家D人嵌都唔知邊個徒弟自己作出了。

你認為內扣個Structure 會唔會比唔內扣穩？
不過要練內鉗真係未聽過

Structure 就講啱重點啦

鉗羊馬最重要係個姿勢，要個力既傳遞由地傳到去指尖，就係所謂既腰馬合一，力從地起

四平馬腰大脾負荷較重，出拳感覺用腰力
鉗羊馬就一定要feel到，力從地起，所以屁股係不會撓起，因為腰股都係傳遞力既過渡同埋增幅，並唔係主要出力點，去到尋橋馬，同樣

內扣目的同空手道有啲似，重點亦都喺姿勢，腳掌內扣會令下半身肌肉自然拉緊，同埋調整膝頭位置，如果知沉㬹重要就會明膝頭重要 ，仲有提供承托力俾成個馬，同埋幫助力既傳遞，最重點係，成個動作唔需要用力，但效果係全身都有用，同膀手個概念都有相似既地方
（應該唔會有人問點解唔直接企直個人 咁我唔解釋個角度啦）

仲有內扣喺步法上會更有效搶到中線.....
成個馬重點太多，不能盡錄，講住咁多先

就咁睇個樣， 葉問個馬真係靈活， 有力。 上網搵下詠春馬既照片， 10幅有10幅都係莫名其妙

有冇例子，仔細位多，好難講哂