有時見到啲人話有手有腳就做到youtuber就覺得好搞笑 講真如果係咁點解你唔去做 好多人可能連剪片都唔識 就算剪左 你都無影響力無view無訂閱 我身邊有幾個youtuber朋友 其實佢地真係好努力 你以為一個星期出幾條片真係好容易 拍片一日 剪片幾日 基本上真係年中無休 辛苦拍到出黎仲要比人攻擊批評 講真你有手有腳 頂得順比咁多人攻擊 公開討論咩 有啲youtuber係好乞人憎 我都好唔中意某幾個 我追痴線西都追左好多年 覺得呢個post有時愈黎愈過分同惡毒 好似鬧人地個女個樣 人身攻擊 等等等等 唔係話講唔得 只係其實啲kol/youtuber都係人 佢地一定會睇到 可以稍為將心比己一下唔好下下講到咁盡 唔想香港好似韓國咁 將啲kol/藝人推去死 我都好憎有啲kol 特別係呃飯食無貢獻個啲 但係都唔想有一日佢地會因為我地既評論而傷害自己 香港人 多啲鼓勵啦~~~~