[刺客教條][長篇故] 果晚玩完刺客信條,家姐同我講……(2)
大神暗洙
600
回覆
23 Like
6 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
T.Brady
2017-05-16 12:07:27
幾時有埋寫輪眼
凌風
2017-05-16 12:09:00
大神暗洙
2017-05-16 13:01:15
幾時有埋寫輪眼
應該唔會
因為純粹想寫下音忍
多由也
我是個人渣
2017-05-16 19:16:13
加油 好好睇
大神暗洙
2017-05-16 20:01:10
加油 好好睇
多謝你 不過始終有啲遺憾 就係中段大戰果段時間真係寫得好差
開心一族
2017-05-17 02:16:26
推
大神暗洙
2017-05-17 13:32:01
起身了 宜家開始打文
大神暗洙
2017-05-17 17:01:29
第116章:
在化妝室外跟《聖音騎士》分別後,我們沒有繼續逗留在這個地方。
我們走到附近的商場,打算跟阿純他們會合。
「喂喂﹖你地喺邊啊﹖」我在耳機問露比。
「長長﹖﹗你搞掂喇﹖」露比說。
「點解你地咁大回音嘅﹖喺邊姐﹖」我問。
「哎啊,咪喺你後面囉。」轉頭一看,就看見阿純、查理和露比三人手拿著一袋二袋的食物向我們揮手,應該是剛剛從商場的超級市場購買回來的。
「嘩,你地又買咁多野返黎啊﹖係咪今晚你地煮飯﹖」和人問。
「係啊,見呢度有間唔知係吉豬島定千田咁咪入去行下囉,買下買下就咁多喇。」露比笑著說。
「但係咁喎,今日係平日,要返學,返學校會有人見到咖喎……」家姐說。
「係喎……真係太耐冇返學唔知添。」露比摸著頭說。
「邊度煮飯仲可以慢慢諗,重要係你地搞掂個機未﹖」阿純托著眼鏡問。
「未啊,因為我地去到果度係一個做band show嘅bar黎嘅,咁我地就搵到果幾個人,但係宜家仲有人要表演,所以佢地叫我地夜晚再去佢地度睇下點整。」和人說。
「咁咪得囉,佢地應該有廚房呱﹖咁直頭去人地度煮咪得囉﹗」查理興奮的說。
「咁見佢有野食,咁實有廚房嘅……但係去人地個廚房整野食好似唔係咁好。」和人說。
「咁陣間我問佢地咪得囉。」我說。
「咁宜家仲有幾個鐘,大家有冇咩想做﹖」家姐問。
「睇戲﹖」 「唱k﹖」 「打機﹖」
大家都議論紛紛,畢竟大家在長期緊張的環境下生活,有一段時間沒有像這麼輕鬆過了;這些活動,雖然以前中學時期都有做過,可是在這幾年來覺得它們越來越陌生了。
「我想同長長家姐去行街啊,你地班男仔自己搵節目啦。」露比說。
「乜你地有野買咖咩﹖明明宜家連屋企都冇埋……」查理說。
雖然大家意志消沉了一下,家姐很快把氣氛拉回來,說:「車……咁女人係鍾意行街咖喇。」
「咪係……最多,我地唔買……咁多囉。」露比誠懇的看著我。
「好啦,我地幾個男仔仲好玩啦,哈哈哈。」我搭著大家的膊頭說。
「係啊,不過你地兩個唔好掉以輕心,隨時留意周圍睇下有冇聖殿佬喺度,廢事佢地認得我地咁就麻煩喇。」和人提醒。
「得咖喇,有咩事就喺耳機講啦。」說罷,男生和女生都分頭行事了,女生有女生的逛街,男生有男生的去網吧打機。
雖然這段時間發生了太多事情,要一時間把心情變好,說上來有點誇張,可是,難得在這個時候,還有空間讓自己放鬆一下,只好享受其中;這樣,未來才能把事情應付得得心應手。
「查理,屌個大技落去啦﹗」
「和人,出你招星爆氣流斬啦﹗」
「你估刀劍神域咩﹗」
「好好,keep住呢個節奏,就贏咖喇﹗」
在網吧打機的我們,組成小隊向對手奮勇猛攻,即將為我們的首仗取得勝利了。
「喂喂﹗點算啊﹖長長﹖﹗」在我們快要得到勝利前,長長在大家的耳機中求救。
「咩事啊﹖係咪比人認得定比人追緊﹖」這時候,我激動得鬆開手站了起來。
「唔係啊,我地想買野但係唔夠錢啊……」
「……」
竟然是這麼雞毛蒜皮的事﹗
「啊﹗輸左喇﹗」與此同時,我們的勝利就在最緊要的關頭下,輕鬆地拱手相讓。
「哎啊,露比姐啊,你搞到我地輸左喇。」
「差少少咋……」
「我地宜家過黎啦,都差唔多夠鐘喇。」畢竟這個只是一個遊戲,輸,只怪自己技不如人,如果技術了得,就不會出現「差少少就贏」的局面。
於是大家都帶著可惜的心情離開,始終經過這次之後,不知道何時才有機會像今天這樣一起打機。
會合家姐和露比後,大家都不屑的看著露比……
「咁……咩喎,長長啊,你地唔好嬲啦。」露比慚愧的說。
「你地都係打下機姐,我地唔係淨係買自己野咖,有啲幫你地買埋咖,你地成日夜晚都訓唔到教,呢啲幫你地訓得好啲咖。仲有好多野咖。」家姐語重心長的說。
「好啦,其實都冇咩所謂姐,嘻嘻。」
「見你地對大家咁好都嬲咖落啦。」
「幾驚你地真係比人追緊……」其實大家都不是這麼耿耿於懷的人,何況這點少事,大家早就沒有把事情放在心上了。
「我地都差唔多時間喇,宜家上去就啱咖喇。」家姐看一看手錶說。
「好啦,咁我地行啦。」我說。
大神暗洙
2017-05-17 17:02:35
琴晚洗完個頭未乾就訓教
今日起身個頭好痛
宜家首先出一篇日常 今晚睇下出唔出得埋啦
凌風
2017-05-17 17:48:04
大神暗洙
2017-05-18 14:04:50
第117章:
「我地閂門咖喇,聽日再黎過啦。」我們一行人回到《聖音騎士》的band show bar,升降機門一打開,正見到那個戴眼鏡的男生在收拾東西。
「喔,係你地啊。你地入去坐陣先啦,佢地未返啊……咁我走先喇。」戴眼鏡的男生收拾好後,就揮手踏進升降機走了。
「呢個人咁嘅,有冇問題咖﹖」查理問。
「雖然頭先我地講野果陣佢唔喺度,我諗佢地有話比佢地知,應該冇野嘅。」和人說。
推開門後,整個場地變得冷冷清清,周圍還播放著一些音樂歌曲,配搭著紅紅綠綠的霓虹光管,如果這個地方在晚上營業的話,一定更有氣氛。
我們在一張梳化上坐下,耐心的等待他們回來。
「喂,查理唔好亂搞人地啲野啦,應該好貴咖,壞左真係唔知點賠啊。」好奇心驅使下,大家都對這個地方十分感興趣,我正阻止查理去撥弄《聖音騎士》的樂器。
「都係係咁意彈下咋嘛,我梗係會小心啲啦。」查理說。
「睇黎你好似幾有興趣啵,搵日得閒黎學囉。」這時候,呂麻君他們回來了。
「唔好意思啊,佢都係覺得好奇姐。」我說。
「唔緊要啊,任彈唔嬲,因為好平咖咋嘛。」呂麻君說。
「咦,原來你地仲帶左人黎啊,我以為得你地三個添。」方次郎說。
「係啊,呢個阿純、查理,仲有我,我係長長……即係阿隼嘅男朋友。」露比就興奮跳出來說。
「哼,乜你咁嘅豬兜都有女朋友。」游也多不屑地說。
「係囉係囉,連我咁嘅豬兜都有女朋友,你連男朋友都冇喎。」我攤出手說。
「你……」
「夠喇,你地兩個一見面就喺度嘈,以後仲講咩合作。」呂麻君說。
「長長家姐啊,點解呢個女人咁煩咖,咁樣話長長都有嘅。」露比細聲跟家姐說。
「我都唔知啊,佢叫游也多,份人都好串下,不過就唔知點解下下都疾住細佬豬。」家姐無奈的說。
「你地肚唔肚餓啊﹖我地煮野你地食啦好嘛﹖」方次郎說起吃就充滿幹勁的說。
「係啊,我地頭先去唔知吉豬島定千田買左啲野食返黎,如果唔介意可唔可以煮餸一齊煮﹖」家姐問。
「喔,梗係可以啦,歡迎歡迎,你早啲同施若兜……即係企出面個戴眼鏡男仔講啊嘛,佢可以幫你地擺啲野入雪櫃。」方次郎說。
說罷,方次郎就帶著家姐和露比還有充滿好奇心的查理進了廚房。
這時候,我們應該開始進入正題了,於是我就拿出之前秋治給我的那個結界產生器。
「就係呢個喇,唔知你地識唔識整呢﹖」我把他遞給呂麻君。
「嘩,佢爛到咁樣嘅……阿貴,你睇下。」呂麻君再把產生器遞給遠桐貴。
「嘿,我地宜家冇零件喺度啵,如果要整都唔易……不如你用住我地呢個先啦。」遠桐貴說。
「咁點得啊﹖借左比佢地咁我地用咩啊﹖」左又近說。
「咪係,容乜易佢地整壞左,到時大家都冇得用。」游也多附和。
「其實大家宜家係合作嘅關係,我諗如果一齊行動,咁咪唔會大家都冇得用﹖」和人說。
「咁其實你地想用個結界黎做咩﹖」遠桐貴問。
這一瞬間,我們卻說不出話來。始終起初大家覺得想有多一種武器旁身,應戰起來會更加得心應手。但是確實要怎樣使用,我們的確沒有深究過。
「咁其實都唔係話冇辦法嘅,呢個小型結界原理同大型結界係差唔多嘅……」呂麻君說。
「但係大型結界始終唔係咁方便啵……」阿純說。
「我都明啊,所以我諗住係叫你地去搵個結界終端機,拆佢啲零件出黎,再組一部機。」呂麻君說。
「我都已經見過兩部終端機,仲有可以去邊度搵﹖」我問。
「一係我地同你地一齊行動,可能要去其中一個聖殿騎士基地度走一轉。」呂麻君建議。
「好啊,一於咁話啦。」我們說。
「嘩,食得喇,食左野先啦。」這時候,廚房傳來了陣陣香氣,表示飯菜已經做好了。
我是個人渣
2017-05-19 11:32:02
加速
大神暗洙
2017-05-19 13:46:39
第118章:
「嗯,估唔到阿方次郎整野都幾好食啵。」大家都吃得津津有味。
「過得去啦,我鍾意食野啊嘛。何況我地賣得野食,唔差得去邊呱。」方次郎自豪的說。「不過阿菲姐同露比煮野都唔差啊,查理都好幫得手。」他換著頭繼續說。
「邊係呢邊係呢,哈哈哈。」
在這頓飯,雖然是第一次正式見面,但是大家都彼此認識了大家,相方都為未來的合作關係打好了基礎。
「其實我地有件事想你地幫手嘅……」我說。
「睇下咩事,可唔可以幫到你地﹖」呂麻君問。
「我地宜家個兄弟會總部就比你地聖殿騎士破壞左,宜家呢……大家都冇地方住喇,所以……你地可唔可以收留我地啊﹖」和人在旁問。
「吓﹖乜你地刺客兄弟會得一個總部咖咋﹖仲要你地係堂堂嘅刺客大師同幹部啵,你啲𡃁呢﹖……」游也多雖然好奇的問,但語氣中仍然帶點不屑。
「我地兄弟會得返咁多人咋……」查理無奈的說。
「游也多,你唔好嘈住。但係我地呢度要打開門做生意,會唔會唔係咁方便﹖」遠桐貴說。
「呢層我地都知,所以你地有冇其他地方可以比我地住住先﹖分開住都得咖。」我說。
「其實唔怕,只要我地喺度開個結界,咁咪可以喺度住,又唔會阻住人囉。」阿純恍然大悟說。
「咪一樣要個結界跟你地,我地咪又係唔使用……」左又近說。
「咁又唔得咁又唔得……」查理氣得站起來走來走去。
「一係咁……」我托著下巴說:「我地今晚去搵零件,即刻整一個出黎。」
大神暗洙
2017-05-19 13:48:53
出住先 今晚仲有
其實我又處於呢個“諗到主線劇情 但係諗唔到點樣連接主線劇情嘅劇情”呢個狀態
所以本來好似開左boost咁 但係宜家又慢返
開心一族
2017-05-19 16:33:05
推
大神暗洙
2017-05-19 22:24:48
萬分抱歉
宜家先食緊飯
可能深夜出文 或者聽朝
凌風
2017-05-20 00:47:50
萬分抱歉
宜家先食緊飯
可能深夜出文 或者聽朝
食飽好上路
大神暗洙
2017-05-20 09:21:44
萬分抱歉
宜家先食緊飯
可能深夜出文 或者聽朝
食飽好上路
返來囉返來囉
大神暗洙
2017-05-20 09:21:59
第119章:
「一係咁……」我托著下巴說:「我地今晚去搵零件,即刻整一個出黎。」
「咁樣會唔會阻住大家訓覺咖﹖」家姐問。
「唔好意思,我真係唔得,聽日有任務在身,要一早起身。」呂麻君說。
「估唔到大隊長咁健康,早睡早起。」家姐笑說。
「冇計啦,未成功都推翻宜家嘅組織,都仍然要做任務嘅。」呂麻君無奈的說。
「咁你地可唔可以幫手帶我地去搵零件﹖」和人問。
「首先,喺冇材料去整嘅情況之下,要合一部小型結界終端機係需要幾樣野都一樣可以合到嘅,分別係要電池、結界核心、搖控天線仲有個入左programme嘅小型電腦,至於其他野,譬如開關制、mon呢啲濕碎野我地就有嘅。」遠桐貴把手上的終端機拆開,耐心的解釋著。
「結界核心要去聖殿騎士個倉庫基地度攞,因為街出面嘅結界,結界核心都係鎖死左嘅。」遠桐貴繼續。「而電池就好簡單,你地有冇玩過數碼暴龍機﹖果粒圓餅電就係終端機嘅電池,不過一次過要五粒,加埋個電池池座就得喇。」
「咁我冇估錯嘅話,搖控天線同小型電腦都係喺大型結界啲終端機入面啦。」我嗒了一下手指說。
「車,懶醒,係人都知啦。」游也多說。
「咁阿隼真係估得冇錯嘅,冇理由呢啲野會喺麥當勞入面有呱。」方次郎說。
「嗱,聽到未啊﹖」我終於可以說贏了游也多,毒舌的女孩真不討人喜歡。
「你地真係好小學雞啊,阿貴唔好再嘥時間喇,照咁睇我地要分成四個小隊去搵返返黎啦係咪﹖」左又近忍不住開口說。
「無錯啊,咁嘅,結界核心呢個就需要能力比較高嘅人去,始終要入我地嘅倉庫,唔係咁易咖。」遠桐貴說。「我知道你地有啲人後尾加入嘅,所以攞電池呢個任務可以比佢地做。」
「我有個問題啊,點解唔直接複製宜家呢部終端機個programme落部新嘅機入面﹖咁咪唔使嘥咁多時間去周圍走囉。」查理這時候舉手說。
遠桐貴摸了一下下巴說:「我明你講咩,但係我地冇部可以入programme嘅機喺度,所以唯一一個方法就係由其中一個室外或者室內嘅大型結界終端機入面抽個小型電腦出黎,再去另一個室外或者室內嘅大型結界終端機……或者方便啲,攞左一個之後返黎呢度入埋另一個。」
雖然遠桐貴解釋得有點複製,大家都大概知道任務是什麼了。
「搵電池就由露比同查理去跟你地。而去倉庫嘅話,講起戰鬥技巧,家姐同和人就比我高一班。咁我同阿純就分別去搵天線同小型電腦啦。」我想了想,初步的為大家度身訂造了適合大家的任務。
「冇問題啊等我地自己諗下點樣分工啦。話時話,我想睇下和人你果把光劍啊,我咁大個仔都未見過光劍咖。」遠桐貴一下子就把話題拉到和人的光劍上。
「滋」光劍一打開,一條光柱就在大家面前亮起來,令《聖音騎士》各人都目瞪口呆。
「嘩﹗咁你識唔識出星爆氣流斬咖﹖」遠桐貴問。
「乜個個都當我係刀劍神域入面個桐人咖……明明我就係和人……」和人無奈的說。
「好彩唔係我地聖殿騎士整到呢樣野出黎,唔係就斬死曬街上面啲仆街喇。」左又近嘆了一口氣說,不知道他此話何意,既有放心也有羨寞的感覺。
「……呃……咁大家休息一陣先,唔好阻大家太多時間喇,你地商量好同我地講,準備好就出發啦。」我說。
「咁我走先喇,真係唔好意思啊,希望遲啲仲可以幫到你地啦。」一直坐著的呂麻君終於開口,不過一開口的時候就要離開了。
「唔好咁講,人在江湖身不由己,呢啲野我地明嘅。」阿純伸出兩隻手指扮作俠客的說。
「嗯……係囉……好啦,byebye。」呂麻君在門前整理好衣裝,揚手而去了。
「佢又成日自己去行動……」游也多終於不用囂張的語氣說。
「點解咁講嘅﹖」查理好奇的問。
「雖然話佢係我地大隊長,但係好似大家有大家嘅世界咁……感覺佢好似比起我地更加忙,存在感更加大。」方次郎說。
「咁都難怪嘅,鬼叫人地係名族後裔咩,係受人地重用多啲咖喇。」左又近說。
「或者佢做大嘅唔想你地冒險,或者擔心姐……」同樣身為首領的我身同感受的說。
「講到自己好似好了解我地咁,有好多野你都唔知。」游也多的囂張態度回來了。
「點解句句都要疾住曬,咁我梗係唔知咁多咖啦,唔通答你地一句哦就算咩。」我反駁。
「佢地兩個真係好小學雞啊……」露比在旁邊說。
「呢點我同意啊……」左又近再旁邊說。
大神暗洙
2017-05-20 09:24:19
呢個劇情雖然係真係咁樣推進
不過感覺講要搵啲咩 做啲咩嘅時候會好混亂
希望大家睇得明 理解到大概想點
開心一族
2017-05-20 13:28:20
推
大神暗洙
2017-05-20 19:51:11
第120章:
「阿隼啊,你覺得呢班人信唔信得過﹖」在休息的這段時間,我和阿純走到大廈天台,他點起了香煙,吐出一個個令人懷念的煙圈。
「我直覺真係話我知呢班人唔係咩衰人黎,覺得佢地……真係唔鍾意佢地自己組織。你做臥底果陣有冇知道啲咩﹖」我猶疑著說。
「其實都冇咩特別啊,紀錄上面呢個小隊都好安分守己,有任務就做,有人要殺就殺,所以其實喺咁人入面唔太起眼,冇咩特別。」阿純憑著他的記憶說。
「就係驚佢係最秘密嘅果個小隊,表面上好似冇咩野,實際上可能唔係不滿自己嘅組織,而係用緊宜家親近我地嘅策略。」我說。
阿純點點頭,表示認同:「唔好理佢真不滿定假不滿啦……總之我地提高警覺,樣樣都小心啦。」
「……」
「做咩啊﹖」阿純問。
「冇啊,我覺得你自從返返黎之後好似唔同左。」我說。
阿純呼了一口煙,說:「係咩﹖Who knows﹖」然後做出一個攤開雙手的姿勢。
「唔同左……仲戇鳩左。」我說。
「係啊,係啊……」說罷,他把煙頭掉在地上並把它踩熄了。
「細佬豬,阿純你地傾完未啊,《聖音》佢地準備好喇,等你地兩個就行得喇。」家姐在天台樓梯的門外說。
「得咖喇,得咖喇。」
「你地落黎嗱﹖我地分好曬組喇。」遠桐貴像個學校宿營前在給予指示的老師一樣,差在沒有叫我們作阿隼同學,或者阿純同學。
「唔好意思啊……」我們連忙道歉。
「唔緊要,我地分好左喇,方次郎會同露比同埋查理會去搵電池。左又近會同菲姐同和人去攞結界核心。咁我同游也多同阿隼阿純你地都會分別去其中一個結界終端機嘅。」遠桐貴現在又個軍師指揮著。
「咁我跟阿貴你。」 「咁我同阿純一齊。」我和游也多同一時間說。
「呃……你地唔使咁勇躍住,因為係冇得簡嘅。」遠桐貴說。
「吓﹖即係咩意思﹖」其實跟任何人一組都不太大問題,只是不想在路上一直吵下去,只想快快完成任務。
「因為阿純你係你地兄弟會技術組嘅人黎,所以我會同佢一齊去搵個小型電腦出黎。」遠桐貴繼續。
「哈哈哈,你地個任務係最簡單果個,算係不幸之中嘅大幸喇。」左又近諷刺的說。
遠桐貴說完後,大家都整頓好自己的裝備,潛入倉庫的和人和家姐也換上聖殿騎士的制服,地圖,指南針一應俱全,現在只是看看誰會首先出發。
這時候,露比走過來抱著我擔心說:「你小心啲啊,我有查理同方次郎佢地睇住冇事嘅……」
「你都要小心啲啊,唔使擔心我咖,我果個任務係最簡單咖嘛佢地話,所以應該好快姐……」我摸著露比的頭說。
「但係你就同游也多一個女仔,唔好鍾意左佢啊,我唔比。」露比鼓著腮子說。
「哦……原來你擔心嘅係呢樣。傻嘅,呢個你真係可以放心。你肯我都唔肯啦……佢成個男人咁。」我和露比偷偷的細聲說、細聲笑。
「喂﹗你得未啊﹖使唔使咁癡纏啊﹖」游也多不耐煩的問。
不過在場只剩下我們兩組人,的確需要快點行動,以免耽誤太多時間。
「關你咩事姐,係咪唔抵得啊﹖」露比明顯地扮作囂張的說。
「車,有咩唔抵得姐,係因為要行喇,個個出發曬想提下你地姐。」游也多悔氣的說。
我和露比互相點了頭,都知道大家都有任務在身,於是都分別走到游也多和方次郎面前。
「你千其唔好諗住勾引我長長啊﹗」臨別前,露比都不忘說一句。
「你叫你個長長唔好勾引我好過啦。」游也多回敬。
「炆少少啦……」我低聲說。
「游也多,我地想喺呢度搵一陣先,你同阿隼走先啦。」方次郎說。
「好啦,咁我地走先喇。」游也多說。
大神暗洙
2017-05-20 19:52:09
我發現我打嘅字數好似多左 出文密左
但係好似拖長左咁
講左好多廢話
我有預感呢個尾可以去到200章
開心一族
2017-05-21 01:28:47
推
大神暗洙
2017-05-21 11:41:10
推
點解呢度得返你喺度推咖
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞