[刺客教條][長篇故] 果晚玩完刺客信條，家姐同我講……（2）

好似好耐冇寫過潛入嘅劇情喇 寫埋就到寫結局
感覺又好似好遠 同時又好似好近咁

btw 其實我最近諗緊畫唔畫下 角色嘅圖好 但係我畫功好差 又冇畫板
冇實際畫到

咪搞
有文睇下算

所以都係算啦 又唔係寫得好好 唔好搞咁多野喇

第140章：

「我地兜去後面啦，佢有度鎖左防火鎖嘅門，可以直接入去入面咖。」阮桐貴說。

於是我們一行四人繞到地鐘總部大廈的另一端，仔細的確保沒有人發現就用袖劍把後門在不會觸動到火警警報的情況下巧妙地打開。

打開門後是一條往上的樓梯，但沒有就此走上去，因為我們根本對施若兜的所在地一無所知。

我們把門關上，然後一齊蹲下。

「宜家我地總算入左黎，跟住要去邊啊﹖同埋有咩要注意﹖」我問阮桐貴。

「由於呢度係我地聖殿騎士嘅副總部加地鐵總部啦，設防本身已經嚴格，宜家可能會更加嚴。佢好多地方都有cctv，而且仲會有人巡邏。」聽到阮桐貴講述後，才意識到原來之前的潛入行動只是小菜一碟。

阮桐貴繼續：「呢度有兩個耳機，你地戴左先。」

「如果要知道施若兜喺邊呢，首先要去保安室，但係每間房都要拍卡先入得，我地身上張卡應該失效左，所以我地要攞到另一張卡先。雖然就咁講好似好易，但係……」

「有咩問題啊﹖」我一邊戴著耳機一邊問。

「但係呢度太大，又有分地鐵總部同聖殿騎士副總部，所以係有兩個保安室……」

阮桐貴還未說完，我就幫他繼續下去：「我明你想講咩，我同家姐分別去搵果兩個保安室，你地喺中間點等我地。」

「咁就靠你地喇。」阮桐貴說。

「你地等緊嘅時候，等游也多佢攤平先，屈起對腳，本來你宜家咁就唔應該周圍走咖……宜家冇辦法啦。」我說。

「得啦，你講嘅野呂麻君都講左啦。」游也多忍耐著說。

事不宜遲，我們立刻走上樓梯。始終因為游也多的不方便，我們只走上了一兩層就打算把不會上鎖的後樓梯防煙門打開。

「我地一係喺呢層搵間房等你地算啦，廢事再走上走喇。」阮桐貴說。

「好啦，咁我地搵間吉房擺低你地先啦。」我說。

打開門後，我窺看門後面的一條走廊，正看見有兩個聖殿騎士守衛經過。
我舉起手，示意前面仍然不安全，大家都躲在防煙門的兩旁。

「踏踏踏」那個守衛正正就在我們面前經過，幸好及時退後，否則就已經被發現了。

那守衛經過後，我再向外面看多一次，確保安全後，讓大家立刻離開：「冇人喇﹗」

大家一直都蹲著走，始終蹲下比站著更難察覺。

「cctv……」我指著在一邊牆角放置著的閉路電視輕聲說。

始終在閉路電視面前，即使我們伏地爬行都會被人發現。所以我們在發現警報響起前，迅速回到後樓梯的那個位置。

「宜家睇黎得呢度最安全喇。」我無奈說。

「呢度冇所謂啦，你地快撚啲搞掂好過啦。」游也多說。

「好啦，家姐……我地行喇。」我跟家姐說。

「你撐住啦，女仔黎講你都算勁咖喇。」我跟游也多說。

她沒有回應，我們則準備出發。而阮桐貴就打開他的結界，讓他們處於更安全的環境。

「細佬豬，我地除左要幫佢地之外，盡量搵下佢地宜家搞緊咩……」家姐細聲跟我說。

「家姐……我唔知我得唔得，我驚……」我顯然地對自己沒有信心。

「噓……」家姐按著我的嘴。「比啲信心自己，你宜家咪已經成熟左好多。冇事嘅，家姐信你做得到……鍚啖先啦，好耐冇鍚啖喇。」家姐最後向我額頭親了一下。

「家姐你都小心啲。」我在分別前說。

「梗係會啦，嘿，成日都睇小家姐。」家姐微笑說。

「我地行喇。」我們望著阮桐貴和游也多身處的位置說，然後，家姐就跑上樓梯往上層方向尋找；我則打開防煙門往剛才的走廊前去。

好似好耐都冇寫同家姐嘅劇情喇 始終太多人物事情出現左

本來覺得為左傷返游也多而搞咁大陣象好似有啲多餘 所以加左個收集情報嘅情節

加上宜家正或開始潛入任務 希望會好睇 大家又鍾意啦

好似好耐都冇寫同家姐嘅劇情喇 始終太多人物事情出現左

本來覺得為左傷返游也多而搞咁大陣象好似有啲多餘 所以加左個收集情報嘅情節

加上宜家正或開始潛入任務 希望會好睇 大家又鍾意啦

玩緊payday

好似好耐都冇寫同家姐嘅劇情喇 始終太多人物事情出現左

本來覺得為左傷返游也多而搞咁大陣象好似有啲多餘 所以加左個收集情報嘅情節

加上宜家正或開始潛入任務 希望會好睇 大家又鍾意啦

玩緊payday

呢排真係玩緊payday hitman 刺客都有玩返以前果啲……分分鐘三樣mix埋

今天突發休息 暫停出文一天

大家今晚玩得開心啲

第141章：

在與家姐、阮桐貴和游也多分別後，我在防煙門的另一端，迅速掌握現場的佈局。
我首先要找到門卡，才能找到保安室。而門卡則可以從守衛身上獲得，可是這就會被閉路電視拍到；但亦不可以把閉路電視破壞掉，這反而會讓保安室內的人發現，甚至打響警報，到時就功虧一貴了。

我面前是一個T字路口，閉路電視就只有我正前方一個。
進入了樓層後，我立即轉身背對右邊的牆壁，首先避開閉路電視的監視，其次就是要應付守衛的巡邏了。

在避過閉路電視後，我向走廊的周圍四處張望，卻看不到守衛的身影。

「喂，你喺度做咩啊﹖」雖然突如其來，但是意料之內；就在我四處張望的時候，那名守衛就突然出現在我後面。

我轉頭望著他，猶疑一下說：「我……我……請問保安室喺邊啊﹖」

那名守衛聽到我的回答，呆了一下：「保安室……我新黎咖，唔記得左幾多樓……咪住﹗點解我要話你知……」

他話未說完就被我打暈了。

「記熟啲位先好學人做守衛啦。」我無奈的說。

他暈倒後，我立刻拿掉掛在他頸上的卡套。

「估唔到咁易就得手。」我沾沾自喜說。

我把裡面的卡拿出來，上面寫上了「星夢學園卡」幾隻字，而且還是會一閃一閃的，似乎是稀有卡片。

「點解男人老狗會玩星夢學園卡咖﹗乜宜家仲興咖咩﹖會唔會搞到我敏感咖﹗」我狠狠把卡片摔到地上。

「咦，係咩咪有事啊﹖使唔使派人過黎啊﹖」突然，從守衛中的對講機響起，相信是保安室的通話。看來是守衛倒地時不小心把對講機打開了。

如果我置之不理的話，相信我和家姐都會被別人發現，所以我只好壓低聲線，希望保安室那邊不會記得這個人的聲音：「唔係啊，冇事啊，我新黎嘅……唔係好記得點巡咋嘛。」

「哦……唔緊要，新人嘅話呢啲野好想見嘅姐，你陣間上黎8字樓，第1間房就係保安室咖喇，我再教過你啦。」似乎這位是一位不錯的上司。

「阮桐貴聽到嘛﹖」處理好對講機後，我在耳機問阮桐貴。

「喺度，咩事啊﹖」他說。

「點解呢條友冇門卡嘅……」

「哦……係咁咖，呢度普通守衛係唔會有門卡咖，因為佢地只會巡走廊。所以要搵高級啲嘅，或者等房入面嘅人出黎。」

「仲諗住咁易添，係喇……我打暈左個人，點處理佢好啊﹖佢會醒返咖喎……冇理由擺佢落啲櫃入面。」

「你過返黎先，交比我處理啦。」

「好啦。」

我趁仍然還未有人發現，立刻抬起那名守衛，迅速經過閉路電視的視野範圍，回到後樓梯。

「阮桐貴，我帶左佢黎喇，我繼續先喇……」我望向阮桐貴和游也多那邊說。

「唔該曬你……」

我還未及時回應，就轉身直接跑上8樓。

今篇打得急左 有啲1999
真係其實好難寫啲咁緊湊嘅情節 要緊張得黎唔會亂

第143章：

「都係救人緊要啲，何況佢地都想我地幫手，救左人之後再搵資料都未遲。」我說。

今次必需確保自己不被別人發現，畢竟連結界終端機都已經使用了，已經沒有其他招數可以再用。不過難度始終比起剛才又變得簡單了，始終因為閉路電視已經處於無人監視的狀態，所以我只需避開人們的視線範圍。

我走出保安室，向兩邊張望，再次確認附近沒有人就回到後樓梯，回到阮桐貴和游也多的位置。
就在還有大概半層樓梯的位置，突然聽到游也多說：「你唔好啊你﹗」

我立刻加快腳步，前去得悉情況。
不過只見本來圍著他們的結界解開了，阮桐貴游也多面對面坐在地上，兩人看到我後，都沒有看對方一眼。

「你地……冇野啊嘛﹖」我懷疑著問。

「冇……冇……野啊，頭先鬧左場交咋嘛。」阮桐貴說。

貌似真的只是起了爭拗，我就說：「哦……咁我搵到施若兜喺15樓，我叫左家姐喺果度會合，所以……行囉。」

「好啦。」阮桐貴說。

游也多也慢慢站起身，不過阮桐貴上前扶起她時，被她甩開：「得喇，唔撚使你幫。」

我轉頭望一望游也多，望一望阮桐貴，他攤開雙手表示無奈。
結論是，跟女生吵架，男生是永遠不會贏的。

由於閉路電視已經失效了，而樓層外的守衛也被封在牆上，我們就可以大搖大擺的乘搭升降機。

「喂，你有冇諗過如果15樓有人咁點啊﹖」游也多問。

「係喎，不過閉路電視都冇效啦，應該冇問題呱。」阮桐貴回答。

「咁可能有守衛有人咖嘛戇鳩，何況都唔係問你。」游也多說。

「呃……其實可以照上到去嘅，不過開定結界先，咁就算有人都唔會比人見到。不過要用你果部機，我果部用左黎困住班人。」我提議。

「嗯嗯……就咁啦，好過啲人用條撚諗野嘅。」游也多說。

大家再表示無奈，然後就走到升降機內按下15樓，同時把結界打開。

13……14……15……叮。

升降機門叮一聲隨隨打開了。
外面看來一個人都沒有，我們頓時把範圍擴大，好讓我們走出升降機而不被別人發現。
15樓雖然十分冷清，不過依然聽到腳步聲，似乎仍然有守衛在巡邏。

「就係呢度喇。」我們走到剛才施若兜身處的房間，在守衛轉身走各另一邊時，我們立刻解除結界，拿出門卡往保安鎖一拍，房門就打開了。

「佢好似唔喺度喎，咁我地等陣啦唯有。」阮桐貴說。

由於我還未見到家姐，我就用耳機向家姐問：「家姐我地到左喇，你宜家喺邊啊﹖」

「我……我宜家好麻煩啊，好多人喺度出出入入我未黎到啊。」家姐著急的說。相信那個就在保安室內看到的畫面。

「咁你宜家安唔安全﹖」

「我哩埋左喺雜物房，如果冇人開門就應該唔會比人發現。」

「好啦，出面應該有事發生，你試下聽唔聽到佢地講咩啦。」

「傻豬我梗係聽緊啦，不過佢地多數只係出出入入，講都係講啲唔關事嘅野。」

「咁啊，安全果陣好快啲過黎喇。」

「知道喇細佬豬。」

隔了十多秒，家姐又在耳機說：「啊，我見到果個施若兜行左出黎喇，佢應該返緊房。」

「知道，走到未啊……我好擔心啊。」

「傻嘅，你家姐咁犀利，點會走唔甩，你等佢返黎醫好游也多先啦，我仲要搵機密，我已經搵到幾個咖喇，遲啲比你睇。」

身處這間空房間裡的我們三人把結界打開，慎防有其他進來時都不被發現。

「你地頭先真係冇野﹖」在這空擋時間，我打開話匣子問。

「冇啊，你咪撚咁八卦啦屌。」游也多不耐煩的問。

「咁又講咩唔好啊咁嘅﹖」我好奇的問。

「哦……頭先講緊好唔好殺果個人咋嘛，一個話殺，一個話唔殺，咁咪嘈起上黎囉，嘈到佢話你唔好殺佢啊你果陣你就黎喇。」阮桐貴連忙解釋。

「係囉……係囉……哎，就算係啊關你咩事姐﹖﹗」游也多也和應。

「咁冇野就好啦……」我說。

「啪」這時候，我們聽到門外有拍卡的聲音，門就應聲被打開了。
這人正是施若兜，他露出疲態的走到他房間內的梳化上坐下。

我們先讓游也多安坐在地上，畢竟當結界解除，她就回到沒有結界的狀態影響身體變得虛弱。
然後大家站在施若兜的對面，倒數三聲後把結界解除。

3……2……1……

「屌﹗嚇撚死人咩﹖」看到突然憑空出現的我們，施若兜被嚇得半死。

「我地有諗過咖，就係諗唔到點出現先嚇唔到你嘛。」阮桐貴說。

「本身個人好攰仲以為時運低見鬼添啊。」施若兜說。

「唔好講喇，快啲醫返我先啦，就死喇。」游也多說。

第143章：

「好喇，搞掂喇。只要抖下就冇野咖喇。」施若兜替游也多治療好後說。

「施若兜你咁快搞掂嘅，但係又唔見你做過咩手術咁。」我問。

「我本來讀醫科嘅，有次見到佘大人……佢話佢睇好我，就咁就跟左佢入黎聖殿騎士喇。跟住佢地就比左伊甸蘋果嘅少少力量比我去醫人，所以頭先果啲少少治療唔算得係咩。」施若兜說。

「但係佘大人佢最尾都係死左，就連丁sir……」游也多靠在牆邊坐著說。

「我知，我都聽到有人講。」施若兜說。

「咁其實你地宜家做緊啲咩﹖」我問。

「嘟嘟嘟，警報，有入侵者……嘟嘟嘟警報，有入侵者……」

家姐還未得到答案，周圍突然響起入侵警報。

「點解會有入侵警報﹖阿隼你唔係清左保安室咖咩﹖」阮桐貴問。

「唔通係家姐﹖」我猶疑。

同一時間，房門又再響起「嘟」的一聲，這次打開門的正是家姐。

「家姐﹗」

「終於趕得切黎到，係呢，做咩無啦啦會響警報嘅，應該唔關我事咖喎。」家姐說。

「會唔會係之後有人入返保安室發現冇曬人所以響警報咋﹖」阮桐貴問。

「都有咁嘅可能。」大家說。

「睇黎暫時我都係冇得走住咖，你地趁仲未算好多人就走先啦。阿隼我之後再同你講你啦。」施若兜跟我說。

「好啦，我地行啦咁。」我說。

說罷，大家小心翼翼的打開房門，雖然聽到腳步聲，但視線內仍然一個人都沒有，所以我們都開始逃走了。

「係呢幾個人喇﹗咪走﹗」始終敵眾我寡，守衛們一下子就發現了我們。幸好這次大家都處於正常狀態，逃跑起來更為容易。

我們不斷跑，不斷跑，直至後樓梯前的那個T字路口，突然左右兩邊都跑出了好幾個守衛，而同一時間，樓梯中的守衛也及時趕到，瞬間把我們包圍了。

「嗱，你地已經被包圍喇……精精地就……」

「游也多﹗」其中一名守衛還未把話說完，阮桐貴就叫游也多吹起笛。

魔笛迅速地從我們身邊散發出來，仿彿有好幾隻鬼魂般飛向守衛的耳朵裡，把他們一一定住。
可是這個畫面似沒有實現，每個守衛互相對望，似乎視魔笛於無物般，難道他們身上擁有抗體﹖

「哼，上頭就係吩咐左每人都要耳塞跟身，就係慎防游也多吹笛果陣唔會中招。」另一名守衛說。

「竟然諗得咁周到……」阮桐貴大驚。

「屌，你真係冇好帶挈咖。」游也多對阮桐貴說。

「上去捉住佢地﹗」一聲令下，多名守衛一擁而上，頓時變成一場大混戰。可是這場難度在於既不能殺害他人，又要全身而退。

「如果各位走到就好走喇……」阮桐貴說。

「走到先算啦……」我說。

走埋之後就準備最後一戰喇
雖然話係最後 不過應該可以寫到多一段時間

走埋之後就準備最後一戰喇
雖然話係最後 不過應該可以寫到多一段時間

打錯左 係144章

推

太多人物真係好難寫得好突出
所以其實真係有時想死咁啲

第146章：

在臨門一腳被包圍的情況下，其餘的各位及時趕到，所有人都可以安全離開。大家上到對面大廈的天台，這個就是大家剛才留守的地方。

「你地又會趕到黎嘅﹖」阮桐貴問。

「一黎我地喺呢度睇住，二黎係施若兜話我知你地有危險。」呂麻君說。

「咁你地冇搵到地方落腳啊﹖」我問。

「仲未啊……」阿純尷尬的摸著頭說。

「咁我地宜家有咩地方可以去﹖」方次郎問。

「我地住果度就比你個肥佬整冧左……」游也多說。

「呃……我屋企又唔夠容納大家……你地果邊有冇咩地方﹖」呂麻君說。

「就算有都比你地聖殿騎士打爆曬……」阿純無奈的說。

「其實都唔係冇嘅……如果計仲可以住到下嘅，應該得返我地屋企。」雖然我說的這個地方已經被聖殿騎士或者警方發現了，可是最危險的地方就是最安全的地方，畢竟我們身邊有著各位奇人異士，應該問題不大。

「但係你屋企比聖殿騎士比啲差佬發現過咖喎，怕唔怕啊﹖」阿純也憂累到這個問題。

「唔怕，都隔左咁耐啦……何況有咩事我地開個結界咪得囉。家姐你點睇……」我說。

「我﹖……好，返屋企梗係好啦，不過可能會好污糟咖啵，大家唔好介意。」家姐微笑說。

大家都點一點頭表示同意。於是就再次踏上我們駕來的私傢車，一同回到我和家姐的住所。

兜兜轉轉，又回到自己的家，熟悉的街道，依舊的店鋪，讓我有種在海外回鄉的感覺。不過對於自己的家到底會變成怎樣，我就不敢想像了，始終相隔多時，可能已經被人清拆了，亦可能變成別人的家。
理所當然由我駕駛的車子終於到達了，大家都紛紛下車。

「原來長長住呢度咖﹗」露比興奮得繞著我手說。

「係喎，呢度得阿純黎過咋喎……連和人都冇黎過。」我說。

「係啊……都真係好耐喇。」阿純感歎說。

於是大家都隨隨走進大廈，幸好我們大廈沒有當值保安的，否則又會被他問長問短了。

「係呢度喇……」大家站在我的家門前，只見門前被警察用的膠帶攔著，沒有人知道裡面究竟變成怎樣。

「霍霍」我毫不猶疑拿出袖劍，把那條醜怪的藍白膠帶割開了。

最緊張的時候到了，我從褲袋內找出一條久違的門匙，然後對準匙孔一插一扭，門終於要被打開了。
似乎情況被不是想像中的那樣糟，只是周圍佈滿了一點灰塵。

那我就可以正式介紹：「歡迎各位。」

「咦，都唔係話好污糟咋喎。啊……好耐冇返過黎喇。」家姐亦說。

「咦，都估唔到你地屋企都幾大喎。」方次郎說。

大家就像睇樓團般四處參觀。

「唔知仲有冇水呢……我知有啲茶葉應該未過期咖，我去沖啲茶比大家飲啦。」家姐盡地主之儀說。

係咪真係冇人睇喇
好想就咁草草收尾算 一路以黎寫錯好多野 趕好多客

係咪真係冇人睇喇
好想就咁草草收尾算 一路以黎寫錯好多野 趕好多客

有

係咪真係冇人睇喇
好想就咁草草收尾算 一路以黎寫錯好多野 趕好多客

有

多謝你 得閒好似凌風巴打咁打個樣 起碼比我知你地仲喺度

係咪真係冇人睇喇
好想就咁草草收尾算 一路以黎寫錯好多野 趕好多客

有

多謝你 得閒好似凌風巴打咁打個樣 起碼比我知你地仲喺度

呢排冇咩心情追
打緊aoc

係咪真係冇人睇喇
好想就咁草草收尾算 一路以黎寫錯好多野 趕好多客

有

多謝你 得閒好似凌風巴打咁打個樣 起碼比我知你地仲喺度

呢排冇咩心情追
打緊aoc

我玩得好屎 人地上曬城堡 我先上左封建冇耐 反應好慢