[刺客教條][長篇故] 果晚玩完刺客信條，家姐同我講……（2）

第177章：

本來最後一戰的對手只有大概十人，可是因他們都擁有伊甸碎片的力量，如果他們身體被斬開的話，頓時會像蚯蚓一樣分成兩人；所以現場，敵方一數頓時多了一倍。

「點算啊宜家，唔斬開佢地又點殺佢地啊﹖」左又近跟呂麻君背對背站著說。

「咁暫時只有限制佢地既行動喇……」呂麻君無奈的說。

「咁都要限制到先得咖﹗」左又近無奈的說。

「嘩﹗」一陣大風吹起，把大家都吹開。

「呢個仆街谷守淨係識用把死人扇……」游也多不屑的說。

「咁都幾麻煩，拉遠左距離……似乎對佢地比較有利。」和人說。

「咁不如對付左呢個谷守先啦﹗」露比提議。

「但係我地留意得呢邊，其他人都唔會企定定喺度等你打啦。」施若兜說。

現在，我方被對手的大風牽制著，稍為把距離拉近的話，大風又會把大家吹開，另一邊也要應付敵方來去不斷的猛攻。

和大家分隔開的我和家姐，現在還要應付兩個艦長。兩個艦長作出梅花間竹的攻擊，我和家姐只好相應的作出反擊和防禦。

「究竟可以點做好……」我無奈的說。

「唯有拖延下時間咖咋﹗」家姐拔出手槍，向天花開了幾槍……打算用瓦礫當成屏障隔離兩方。

「但係唔拖得咖喇，果條友走咖喇﹗又唔可以用結界封住佢……佢地又破解到。」我開始亂得發慌。

「細佬豬﹗你冷靜啲﹗」家姐搖一搖我膊頭，繼續說：「有邊次我地有問題係解決唔到﹖」

「轟﹗」辦法還未想出來，艦長已經率先打通屏障。

「你地都係算吧啦，已經完喇。」兩個艦長同時說。

「唔會咖﹗我一定可以消滅聖殿騎士咖﹗」我握緊拳頭說。

突然間，周圍的環境變成了金黃色電路板，除了我之外，所有人的動作都定住了。

「咦……呢個咪係……」

「林隼升，我地又見面喇。」

「你咪好耐之前連接左第一文明嘅人黎。」我說。

那一把聲音沒有回應，我繼續說：「宜家可以點做……我地又唔夠佢打，個陳茂波又就走。你果陣講嘅野我都做左一半啦，我已經帶領緊刺客兄弟會，但係壽真係走唔出呢個困局。」

「我明白，一直以黎，我地都睇得一清二楚。你亦都好明顯地發揮出應有嘅實力。所以你絕對有資格，擁有真正嘅伊甸力量。」

說罷，金黃色電路板開始消失，周圍又開始回復正常了。

「家姐，我諗我已經知道點做……」我自信的向家姐說。

家姐呆了一下：「吓……即係點。」

「啱先我又同第一文明連接左……佢話佢會比力量我。」我說。

「你講真咖﹖﹗好啦，等我掩護你﹗」家姐說罷，我首先跳到一些瓦礫後方，家姐則向艦長連開幾槍。

當然這幾發子彈只作佯攻而已，並知道不會對艦長構成任何傷害。艦長的確很巧妙的避開了。

「食屎啦﹗」我握緊拳頭，從瓦礫堆跳出來，瞄著艦長的腰間使出直拳。

「砰」的一聲……

「嘩﹗好痛啊﹗」可是喊痛的竟然是我。

「你係咪傻咖……我地身體唔係肉體黎……你用拳頭點打。」艦長無奈的說。

「明明頭先話左比伊甸力量我咖喎……點解。」直拳無效，唯有立刻後翻，站到家姐旁邊。

「喂，細路豬，你係咪聽錯左啊……」

「唔會咖，我親耳聽住咖……」

Cls
依家仲出到文

我係唔會放棄嘅

第178章：

「你親耳聽到﹖親眼睇到下哇……」艦長笑說。

「不過你宜家真係一啲力都冇喎。」他繼續。

我搖一搖頭，說：「冇理由嘅，我肯定真係見到咖。」

「啊，我知喇﹗既然你同果邊連接到，即係伊甸蘋果都係喺附近啦﹗」家姐說。

家姐一言驚醒夢中人，之前正正是因為伊甸蘋果就在ifc裡，所以當我從ifc躍下時瞬間連接了。
雖然伊甸蘋果就在我們附近，但在兩個艦長的鎮守下，要避開他似乎可能不大；而且周圍佈滿瓦礫碎石，要把蘋果找出來都不是一件容易的事。

「細路豬……宜家唯有咁做，我對付佢，你去搵伊甸蘋果啦。」家姐突然對我說。

「家姐啊﹗唔得啊，我地兩個人都好炆，何況得你一個……」我拒絕。

「乖﹗聽話啦……你家姐係咁咋咖咩﹖」家姐說罷，然後把我推走。

兩個艦長見狀，分別向我們兩人衝過來。

「好感動，唔通以為咁樣就會比你地走咩﹖」艦長說。

我和家姐都心知不妙，可是卻想不到更好的辦法，只好閉起雙眼……

「嘩﹗」閉起雙眼後，突然聽到由艦長發出的一聲。

我打開眼一看，艦長身上幾纏著蜘蛛絲﹖﹗難道是……

「刺客大師喎，差啲就比人打死喇你。」

「係阮桐貴﹖﹗你……點解會……」原來是一直都沒有出現的阮桐貴。

「點解會救你……我走果陣其實係諗住偷聖殿騎士嘅情報，點知你地又喺度。」他說。

這時候，阮桐貴再把在場的敵人都暫時綁住了，現在暫時解除了危機。

「阿貴……原來你扮咖咋。」左又近在阮桐貴面前說。

「係……唔好講咁多喇，宜家只係暫時阻止佢地嘅行動咋……阿隼，你去左搵伊甸蘋果先啦。」阮桐貴說。

方次郎自告奮勇的說：「我幫手搬開啲野。」

「咁我都跟埋去啦……」露比舉手說。

「露比，唔好……等我去啦，我會幫你睇住你男朋友咖喇。」游也多說。

「多多姐……好啦。」露比猶疑了一下，她揮手繼續說：「多多姐，佢都係你男朋友黎咖﹗睇住佢啊。」

「咩啊……我……我廢事佢做戇鳩野整死自己咋﹗」游也多紅著臉說。

「得喇得喇……唔使扮喇，行啦你。」左又近推了她一下說。

於是，我們三人就往另一個方向走去。

「哎……終於可以抖陣喇。」阿純抹去額頭的汗說。

「阿貴，頭先你話只係暫時阻止佢地行動，咁即係話……」呂麻君說。

「係啊，因為呢啲蜘蛛絲會溶……所以有定心理準備……」阮桐貴回答。

「有定心理準備要咩……」

「嘭」「嘭」「嘭」「嘭」

「有定心理準備要再打過啊﹗」蜘蛛絲剛好在這時候溶掉，所有敵人都恢復行動。

「咁點你唔噴啲勁啲嘅出黎啊﹖﹗」阿純問。

「大佬啊﹗噴絲唔使用魔咩……又唔係無限mp，呢度咁多人，噴得曬已經好勁喇﹗」阮桐貴說。

「咪嘈埋啲無謂野啦，你啲絲無料到我一早知咖啦，宜家諗下點對付呢班野好過啦。」左又近攤開手說。

繼續繼續

多謝你繼續支持

請耐心等候 宜家越黎越懶 可能隔好耐先出一篇
請唔好放棄我 我一定會寫完佢

總之有文就睇
冇文就等

感謝感謝

第179章：

阮桐貴在關鍵時刻出現，從危機中把我和家姐拯救出來。而我、游也多和方次郎則先行一步，前去尋找伊甸蘋果。

「阿貴你返返黎真係好，不過對面班友都唔易對付，宜家可以點？」呂麻君問。

「嗯......宜家就係對面有個谷守負責拉開距離，而我地又唔可以忽略到其他人......」阮桐貴摸一摸下巴正弄清楚形勢。

「喂，你諗快啲啦......佢地唔會企喺度由得我地諗咖嘛！」左又近邊迎戰邊說。

「你比三分鐘我撐住先。」阮桐貴伸出手說。

「呢個時候仲要比三分鐘？！做咩姐，淥杯麵咩你。」左又近說。

這時候，在大家奮勇作戰的時候，突然傳來一陣陣香味。

左又近轉頭一看，大驚：「你條仆街真係哩埋喺度淥杯麵！」

阮桐貴果然坐在一邊輕鬆的淥杯麵。

「做乜野啊你，我地打生打死你喺度淥杯麵。」阿純也嚷著說。

「𠽌」

「食完，回夠氣喇﹗」阮桐貴抹一抹嘴角。

「你最好有招技有用啊下﹗」左又近不耐煩的說。

「得啦得啦，一定work。」阮桐貴雙手合十，似乎在儲氣一樣。

說罷，他向周圍角落噴射蜘蛛絲，逐漸編成一個蜘蛛網，他向大家說：「大家請信我，暫時掩護住我先。」

雖然大家都半信半疑，但這可能是打破局面的唯一辦法，在阮桐貴編網的同時，也幫他擋下其他對手的攻擊。

蜘蛛網成形後，阮桐貴就從口中吐出一堆被金黃色電路板包圍的東西，而這團東西變成了一把弓箭的形狀。

「得喇各位，行開啲啊﹗」

大家回頭一看，只見阮桐貴用口咬著一枝金色的箭，雙腿撐著弓箭，使勁地在蜘蛛網上拉弓。

「呢招就係你修練左之後嘅招黎……」雖然大家都十分驚訝，不過首先要站到一旁，好讓箭矢順利發射。

「命中率將會係100％﹗破壞力去到最大……受死啦﹗」阮桐貴一鬆開口，箭矢疾如雷電的向著谷守的方向飛去。

谷守見狀，自自然然的打開她背上的大扇，向前方刮起大風。

「嘩﹗」大家都因大風而躲到瓦礫後，除了阮桐貴；他仍然穩固的掛在蜘蛛網上。無懼大風的還有那枝箭矢，大風並沒有把它吹開，反而逆風而行，繼續朝著谷守的方向飛去。

「插﹗」箭矢一下刺中她的頭。

「哼，你咪以為打中左我就會阻止到我先得咖，我地tp3係唔會咁易死，一個唔覺意，你打散左我地個人，我地又分裂多幾個出黎……」谷守還未把話說完，身體開始動不起來。

「咦﹖點會咁咖﹖」谷守發盡氣力說。

「哈哈哈，我呢箭係集中提鍊左伊甸力量，而你地嘅身體，亦都係靠伊甸力量黎運作同強化……如果我一次過將大量嘅能量注入你體內，你嘅身體會承受唔到咁大量嘅能量而產生短路。」阮桐貴解釋。

「哦﹗即係話，要對付佢地嘅伊甸力量，就需要更大嘅伊甸力量……係咪咁嘅意思﹖」阿純問。

「無錯，就係咁樣。」阮桐貴伸出手指公說。

「嘿，咁宜家我明要點對付佢地喇﹗」左又近雙手合十，自信的說。

推推推

第180章：

「周圍都係瓦礫，真係好難搵……」我、游也多和方次郎在另一邊搜索伊甸蘋果的下落。

「係啊，所以死肥鬼，就靠你咖喇，你有氣有力。」游也多說。

「但係就咁搵都唔係辦法咖……」方次郎說。

「睇下果邊……」在不遠處，地上有一堆散發著金黃色粉末似的光。大家都相信那就是伊甸蘋果了。

「車，都係啲腳印黎咋喎，咁關咩事啊。」走近一看，原來只是在佈滿灰塵的地上，露出一個比較明顯的腳印而已。

「會唔會係搵多幾個腳印啊、口水啊、爪痕果啲就會搵到咖喇……」我摸著下巴說。

「屌你，宜家你屠龍咩，食左貓飯未啊﹖」游也多嚷著。

「游也多，你冷靜啲先啦……話唔定陳茂波佢攞走左粒蘋果，所以阿隼講嘅野都有道理咖；只不過應該唔會有口水同爪痕姐我諗。」方次郎分析。

「嗱﹗方次郎都明我講乜啊﹗」我自信的說。

「哎，係喇係喇……行啦咁。」游也多說。

持續地搬開瓦礫、搜尋痕跡一段時間，都沒有什麼明顯的頭緒。

「喂，冇路行喇喎……行返轉頭啦。」游也多摸著已粉碎的牆壁說。

「無理由咖……明明啲痕跡去到呢度……」方次郎也疑惑著。

「我可以再開鷹眼搵下嘅……」我說。

「頭先一直長開住，因住盲撚左啊你。」游也多說。

「你估寫輪眼咩，我又唔係用瞳力，又點會盲……」我說。

於是我一就啟動鷹眼，四處張望……地上雖然有陳茂波走過的痕跡，但都顯示不到任何有用的線索。

我邊用鷹眼邊說：「宜家暫時咩都睇唔到啊，不過……嘩……」

突然有三個身影正正在我面前降下，在鷹眼視覺下，周圍的環境是以負片效果為主，目標或是人物則以橙色或紅色出現，所以感覺像在玩恐怖遊戲般，被突然彈出來的怪物嚇了一大跳。

「咦﹖呢幾個咪阿神、阿暗同阿洙……你地冇事啊。」方次郎一眼就看得出他們三人。

「乜……係你地啊……」我無奈的說。

「哈哈哈，好戇鳩啊你﹗咁都會嚇親。」游也多捧腹大笑。

他們三人算是傻人有傻福，這樣都能逃出來，而且身上頂多是皮外傷而和沾滿了灰塵而已。

「你地冇事啊嘛﹖」我問。

「我地冇啊，個天花板冧落黎果陣，我地全部係咁跑係咁跑，諗住死梗啦，跟住咪趴喺地下……突然間有粒波喺上面唔知邊度揼落黎，仲整暈左我。」阿神說。

「係啊……點知個波打左阿神個頭一下之後好似開著左個保護網咁，幫我地擋住曬啲……」

他們三人不斷講述剛才的事，內容驚心動魄，緊張刺激，足夠開拍一部外傳……可是，始終我都忍不住問了最重要的問題：「咪住先﹗咁粒波宜家喺邊啊﹖」

阿洙拍一拍自己，摸了下巴一下，說：「冇攞到喎。」

粒波
仲要屠龍

咁啱姐 多謝你仲肯傾劇情

第181章：

阿神、阿暗和阿洙三人能夠僥倖脫險，全靠他們與伊甸蘋果的一面之緣。可是他們竟然沒有把它拿走……果然這三人都不是很可靠。

「你地三隻野……係咪白痴咖﹖﹗」游也多抽起阿洙的衣領罵著。

「咁……咁……我地都唔知粒波咁緊要咖。」阿洙抖著說。

「游也多，唔好對佢地咁粗魯，我地宜家去搵返佢咪得。」方次郎嘗試調停說。

游也多聽到方次郎的話才放下阿洙的衣領。

「咁你地記唔記得你地喺邊度見到粒波咖﹖」我問。

可是阿神和阿洙卻搖搖頭……

「唉……真係比你地幾個激撚死啊。咁你呢……」游也多無奈的問剩餘的問。

阿暗一語不發，只看著地下，不斷走，不斷爬。我們只好跟在他背後，沿途幫忙搬走碎石。

阿暗停下腳步，簡單說了一句：「到喇。」

阿神和阿洙看一看周圍，都不約而同地說：「係喇係喇，我都頭先就係呢度喇。」

「吓……點解你地咁肯定嘅﹖」方次郎問。

「嗱，你睇下地。」阿神指著地板，大家都朝著那個方向望去。

「你地見唔見到地下呢噠可樂跡啊﹖阿洙頭先整倒左杯可樂咖﹗」阿神說。

「邊有啊﹖」

「你地係咪玩野啊，宜家周圍亂成咁，點分到呢噠跡係咪你咖﹖同埋最重要粒波呢﹖」游也多發怒的說。

我沒有理會，只好打開鷹眼一看，發現了兩件事情，在不遠處，的而且確有個正在發光的箱子；而另一件事是，在阿神指著的位置，也確實有一攤以橙色標示著的汽水跡，這是在表示著……阿神也有什麼能力嗎。

「嘭﹗」突然「嘭」的一聲，在我們一邊的碎石突然四方八面的粉碎起來。艦長、阿健、還有其餘的敵人發現了我們。

「點解咁快黎搵到黎我地度嘅﹗」方次郎大驚。

「佢地明明打低左個賤女人，應該好快搞得掂咖喎。」游也多說。

艦長拍一拍身上的灰塵，隨容的說：「佢地啊……唔知呢。」

「你講得無錯啊，佢地係打低左果個揸扇嘅女人啊，仲以為已經搵到方法打低埋我地所有人。你地係咪單純到以為我地會企定定比你地打﹖」艦長說。

「佢地究竟點啊﹗你快啲答我啊﹗」我發怒的說。

「都話唔知囉，不過其實班人都幾廢。」阿健在旁說。

「你班仆街啊……阿隼，快啲諗下辦法啦。」方次郎說。

「唔使諗喇……你地宜家想我地咁多個打你地啊，定係我分裂自己打你地啊﹖」艦長說。

「咁有咩分別……」

在大家對峙其間，阿神和阿洙說：「喂阿洙啊，覺唔覺得個場面好似有啲熟口面﹖」

「係囉，不過好似調轉左，同埋個boss好似冇咩霸氣咁。」

「無錯啊﹗作者諗唔到有咩橋好寫呱，都寫到尾啦。」

艦長他們見我們沒有什麼回應，於是命令大家一擁而上。

「你地仲傾計，快啲過黎啦﹗」我叫道。

「係﹗」

「游也多，你有冇辦法幫我撐十秒﹗」這時候，希望游也多可以支撐著，好讓我能夠及時找到伊甸碎片。

「你叫果三隻野合作下都仲得嘅，你唔好走左去啊﹗」游也多說罷，拔出笛子，使用魔幻音鎖，控制著一些較低級的敵人。

要趕得上啊﹗我一邊跑一邊跟自己說。

「唔得喇﹗太多人喇﹗」游也多跟方次郎快要撐不住了。

正當大家快要崩潰時，我剛好走到發光盒子的位置，然後大叫：「大家趴低啊﹗」

說罷，一陣金光從我的位置四方八面散開。

作者冇橋寫

呢個真 硬係唔想草草收筆 但係又諗唔到更好

Btw 如果你仲記得之前嘅劇情 都有打破第四度牆嘅角色 你覺得點 可能可以擺落下個故度（如果有

爛尾

唔爛尾我諗住只係寫曬個故
我都冇咩期望一下變好作品

呢排狀態唔錯 我諗可以加速