[刺客教條][長篇故] 果晚玩完刺客信條，家姐同我講……（2）

第137章：

「查理，查理……你冇咩事啊嘛﹖」阿純問。

查理的傷已經重得連對答也支吾以對的，很難說得上冇事……

「你……你話呢﹖比人打到蜂巢咁。」查理說。

我跪在查理旁邊，忍著淚水說：「對唔住啊，我唔應該要你打啲咁難嘅敵人咖。我對你唔住，亦對水姐唔住，明明話過……唔得，我去問下其他人，睇下點樣可以救返你﹗」

查理拉一拉扯我衣袖，搖搖頭的說：「唔使喇，我自己知自己事……本來我都只係卒仔一個，多得隊長你睇得起我同水姐，如果唔係我一早就應該要死喇……」

「唔係咁咖，你地加入得刺客兄弟會，大家就係兄弟、姊妹……你地都唔係卒仔咁簡單。」我說。

「對唔住啊，隊長……成日陀手褦腳咁……可能冇左我嘅話，你地會行動得快啲。」他說。

「點會呢﹖雖然係有時係會闖禍，但係新人都咁咖啦……其實你知唔知我地都唔係啲咩老屎忽刺客，同埋……查理﹖查理﹗」查理還未聽完我說的話就死去了。

我嘆了一口氣，不禁擦了一下眼睛，替查理作上安息的儀式：「查理你絕對唔係拖後腿果個，只係……你喺錯嘅時間，同錯嘅領袖帶領下加入錯左我地姐……安息啦。希望你同水姐喺另一個世界生活得好啲。」

「阿隼……」阿純搭著我膊頭。

「幫我同埋其餘果幾個人做埋安息儀式，佢地都只係比人操控嘅旗子黎咋。」我向阿純說。

這段時間，我一直沉默著。究竟，我何德何能當上刺客大師這個位置﹖大家接二連三的被帶走，被攻擊，被殺死……
連自己的兄弟姊妹都保護不到，還做什麼大師……

「得喇，阿隼……阿隼﹖」這一下沉思，沉得就連阿純已經把儀式完全都不知道。

「哦……係啊……」我只簡單回應。

「阿隼，你……你唔好咁自責啦……我都唔知講咩好，但係我地宜家已經冇退路咖喇。我地仲要搵阮桐貴同方次郎佢地幫手咖。」阿純嘗試安慰我。

「阮桐貴……阮桐貴……」想起這個人，我的確有需要問一問他，為什麼會讓阿純和查理留在敵方陣營中，我不禁說：「唔得，我要去問清楚佢﹗」

「喂，喂……你冷靜啲先啦。」阿純嘗試把我叫著，可是不成功。

個腦卡住曬 諗唔到野咁

寫到呢度就卡左兩日 比我慢慢諗

推

No pressure
但唔好爛尾

第138章：

把其中一個樓層的單位內的兩個聖殿騎士成員被我們殺死了，可是查理卻在這場戰鬥裡不幸被殺。現在我必需質問阮桐貴，為何要甩下他們獨自離開。

「唔該曬啊，你搞掂嗱﹖﹗」回到左又近和游也多身處的地方，左又近已經被阮桐貴的蜘蛛絲包扎好，而阮桐貴亦替游也多想辦法中。

「你個仆街，點解要留佢地兩個喺果度，自己走左去啊﹖﹗」我激動的問。

他們三人一同望向我，阮桐貴顯得有點愕然，說：「當然嘅情況太亂，大家其實都分開左……係咪有咩事﹖」

「查理佢死左啊﹗你明明應承過我地唔會比佢地有事咖﹗」我說。

「阿隼……」這時候，阿純剛剛趕到。

……阮桐貴開始說起當時的情況……

「我地係咪殺曬喇﹖」喘著氣的查理問。

「未啊，宜家先殺得第三個，你唔記得佢地總共有八個人，即係仲有五個人要打啊。」阿純在旁邊解釋。

「吓……」查理顯得有點失望。

當時與阿純和查理三人好不容易才合力把其中三名聖殿騎士成員殺死，我只好安慰著：「查理，新人黎講你都算係咁咖喇，樂觀啲，比啲信心自己啦。我地可以搞得掂嘅……」

突然，就在我們頭頂的天花很快地出現裂痕並迅速倒下。

「睇住啊﹗」我發出比較震撼性的聲音，然後向著阿純和查理一推。

瓦礫碎石散落一地，雙方都及時躲避。雖然他們就被重重圍困著，而我則在外面，但身體還沒有大礙。

「宜家點算啦，阿純……阮桐貴﹖」查理驚慌的問。

「我地比啲石圍住左啊，又推唔開，出唔返黎喇。」阿純大叫。

這時候，我心想：梗係方次郎掘得太多地下同牆，搞到呢度都冧埋落黎。

「唔使驚，應該係啊方次郎出技搞到咁姐，我去搵佢或者其他人幫手……你地應該暫時安全咖，喺度等我。阿純你睇住你啲細先。」我大叫。

冷靜過後，我拍一拍身上的灰塵就拔足走向後樓，前往方次郎的樓層，豈料途中就遇到另一個聖殿騎士成員，糾纏了一段時間後，就看到阿隼了。

回到眼前……阮桐貴就把剛才的事情一五一十告訴我。

「阿純……係咪真係咁﹖」我問。

阿純托一托起他的眼鏡，點頭嗯了一下。

「咁點解你見到我之後，唔係即係去救阿純佢地，先宜家上左黎先﹖」我問。

看來這座建築物正打算提早終止問答環節，大廈搖得越來越不穩定，隨時就會整座倒下般。

「呃……」

「你地咪撚嘈啦，橦樓就冧喇，係咪想攬住一齊死啊﹖」這時候游也多正式打斷了問答環節，將離開這個地方為首要任務。

「咁我地可以點走啊﹖阿左又近同游也多都受左傷喎……會唔會趕唔切叫埋菲姐露比同埋和人佢地走咖﹖」阿純問。

「你唔好咁多問題先……」時候不允許我想那麼久，家姐那邊戰況未明，這邊亦有兩名傷者。

這時候，家姐他們剛好趕到，她說：「咦﹖細佬豬，大家﹖乜你地咁齊人嘅，橦樓就冧喇，快啲走喇﹗」

看到和人、家姐和露比三人現身，我立刻鬆了一口氣，表示他們已經擊敗了陸源良並全身而退了。

「但係左又近同游也多都受左傷，走唔到……」我說。

「阿隼……我地個終端機仲喺你度啊可﹖」阮桐貴問我。

我只冷淡的回答：「係啊，所以呢﹖」

「係喎，開左佢，將佢範圍較到啱啱掂到出面地面，咁結界入面受唔到傷害，大家就連方次郎都可以冇事。」我說。

「我就係講緊呢樣野喇。」阮桐貴點頭說。

我沒有回應，只默默地按照剛才所說的調較，調較好後，大家都給了我一個寄予厚望的眼神。

「小型結界產生器，無邊炎陣 ﹗」雙手立刻推向地上。

就在結界打開的同時，我一推就把地板推成兩半，同圍的牆壁和地板都開始倒下崩塌。

「嘩﹗」我們全部人同時跟著這座建築物崩塌下去。

其實因為發現劇情有個bug 卡左幾日機 宜家諗通左喇

今次嘅劇情...冇錯又冧樓 本來都唔想又係咁 不過都冇咩新野可以加

今晚開行turbo 今次一定要做到密啲出文 我唔想再走數

其實因為發現劇情有個bug 卡左幾日機 宜家諗通左喇

今次嘅劇情...冇錯又冧樓 本來都唔想又係咁 不過都冇咩新野可以加

今晚開行turbo 今次一定要做到密啲出文 我唔想再走數

Unlimited bugs work

第138章：

大家墮下的一刻，都不約而同自然地閉上了眼睛。但再次打開眼時，周圍正漆黑一片了。
大家暫時都沒有站起來，甚至沒有移動，只是因為大廈倒塌後，根本沒有空間移動了，全部人都被大廈的瓦礫一一壓著。

「大家冇事啊嘛﹖」我大叫。

「喺結界入面，就算跌落地核入面都冇事啦，戇鳩。」游也多說。

「係喎，宜家你地受左傷，咁入左結界就暫時唔會痛……咁你地係咪會好返﹖」和人問。

「唔會好返咖暫時，雖然人入左黎呢度會冇事，但係身體仍然受緊傷。」阮桐貴解釋。

「咁宜家要等咩﹖」露比問。

「等我啊﹗」把我面前的那一片瓦礫打開的，正是這把聲音的主人，方次郎。「我諗呢度得我夠力搬開曬佢地咖咋。」

他所擁有的怪力，果然不廢吹灰之力，就把壓在各位身上的瓦礫輕易地移走。

「長長，我好掛住你啊。」重見天日後，大家都聚在一起。

「我都係啊，真係好喇，你地冇事就好。」我和露比說。

「係喇……查理呢﹖唔見佢同你地一齊走嘅﹖」露比問。

我發了一下呆，望了她一眼，再望了阮桐貴一眼，說：「佢戰死左……」

大家聽到這個消息都覺得十分震驚，畢竟都發生得太突然了。

「點解……會咁咖。」大家都低頭靜默著。

「你問佢啦﹗」我指著阮桐貴說。

「細佬豬，關佢咩事﹖」家姐問。

「佢賴低左阿純同查理喺一邊，自己走左去……」我說。

「阮桐貴，佢講嘅係咪真嘅﹖」家姐問。

「的確係，但係我確保左佢地安全先行開，正正就係想搵方次郎救佢地。」阮桐貴解釋。

「喂，我地傷左咖，你地處理左我地先啦好嘛﹖」左又近無奈的問。

「收聲﹗」阮桐貴和家姐同時說。

左又近頓時露出一個無辜的樣子。

「乜你身為你地自己隊嘅軍師，咁樣嘅形勢都唔識分清楚咖咩﹖」家姐質問。

「就係分析清楚左先咁決定，何況我地聖殿騎士點分析使咩你講姐﹖」阮桐貴說。

「哦，講出口喇，下哇……明明大家都坐埋同一條船。」和人加入。

「係查理……唔關阮桐貴事咖﹗」就在大家吵得面紅耳熱之前，阿純這時候忍不住說。

「你咁講係咩意思﹖」這種事情我卻沒有聽過。

阿純開始說：「果陣我同查理困住左一段時間，突然間有條友打爆左道牆，大家都諗住走嘅，都走得甩嘅，點知查理佢話：『阿純師兄，你有冇信心打死佢﹖』，我自己都唔係咩高手，但係佢竟然夠膽挑戰。

我答返佢：『但係我地身手又唔係勁，一定唔夠佢地打咖喎。』

佢話：『我唔想好似淨係識走識比麻煩人，我都想叻返次比人睇﹗同埋我已經搵到方法打佢喇。』

聽完之後，我心諗：你咪比緊麻煩我囉……不過既然佢話有方法，即管試下。

佢大叫：『阿純師兄，有冇睇過SAO﹖』

我咪話：『有啊，唔通你要學到桐人咁﹖你又冇和人佢咁勁先學到佢……』

佢答返我：『唔係啊，講緊最簡單嘅戰術，switch啊﹗』

我哦左一下，就明咩事喇，即係一個打佢果陣，趁佢擋格其間攻擊佢……點知佢擋格得勁快，我地最後失敗左，之後阿隼就黎左喇……」

阿純詳細的說出了整件事的來龍去脈。

「點……點解你唔早講﹖」我說。

「因為……身為佢師兄，我自己都做唔到自己本份……」阿純慚愧的說。

大家都沉默了好一段時間。

這次負責打破沉默的是方次郎：「係喇，各位振作啲先啦……趁仲未係好多人，我地好快啲走喇，如果唔係比人發現就麻煩喇。」

「但係我地仲要醫埋左又近同游也多佢地喎，又唔去得醫院……」家姐說。

「我地可以搵施若兜，佢好似阿爸做中醫定唔知佢做中醫咖，唔知啊，總之識醫人。」阮桐貴說。

「吓﹖你地自己人都唔知佢係邊樣咖咩﹖」阿純好奇的問。

「呢個我又真係唔知喎，其實同佢都唔係太熟，佢又冇講起。」左又近說。

「唔好意思……頭先我激動左，始終……」我向阮桐貴道歉。

「唔緊要，我明嘅……始終都係自己同伴，我都激動左，唔好意思。」他也向我道歉。

「唔該你地兩個唔好咁婆媽啦，我唔撐得好耐咖咋。」游也多不耐煩的說。

「唉，得喇，宜家解開結界囉得未。」我說。

說罷，我拿出終端機，在人們不輕易看到的地方解除結界。
與此同時，呂麻君竟然就在後面的後巷向我們招手。

「咦﹖點解你識黎嘅﹖」方次郎問。

「咪住，佢會唔會係假咖﹖」露比問。

「唔會啊……」呂麻君撥開腦後的頭髮，露出了一個不同花紋的紋身。「呢個係我地小隊嘅核實紋身，得我地圍內先有。」

「哦……」大家頓時都恍然大悟。

「左又近同游也多都受左傷啊，宜家得施若兜幫到手，佢人呢﹖」阮桐貴問。

「我都估到有人會受傷咖喇，正正就係呢個時候，施若兜就比上頭叫走左。好明顯係佢地突登咁做……」呂麻君說。

「咁宜家仲可以點﹖醫院唔去得，左又近應該冇乜事，但係游也多內出血又唔可以等太耐。」方次郎擔心說。

「其實只要搵到佢就應該有辦法嘅……佢喺邊啊﹖」阮桐貴問。

「佢喺副總部，但係應該叫唔到佢出黎，我地似乎要帶埋游也多潛入去。阿貴有冇咩辦法﹖」呂麻君說。

「辦法就梗會有嘅，何況呢度有班潛入高手喺度。」阮桐貴說。

「唔大家快啲出發啦，我地會跟實你地咖喇。」家姐說。

今日只係出得一篇 等我搵返個節奏就會出得快咖喇

好多時啲bug係因為寫完之後冇proofread 有啲情節漏左冇寫 隔左一兩章先發現到

好似鐵血咁追加設定又唔係 寫多次又唔係 咪唯有將bug代解左佢 順便睇下有冇得做伏筆

推

今日只係出得一篇 等我搵返個節奏就會出得快咖喇

好多時啲bug係因為寫完之後冇proofread 有啲情節漏左冇寫 隔左一兩章先發現到

好似鐵血咁追加設定又唔係 寫多次又唔係 咪唯有將bug代解左佢 順便睇下有冇得做伏筆

變左做貪刀 mh

第139章：

「你地個副總部喺邊咖﹖」家姐問。

「其實唔算太遠，係九龍灣地鐵總部入面，但係要行過去嘅話就遠啲。」左又近說。

「咁我同阿隼揸兩架車去咪得囉。」大家還未商討好對策，轉眼就看見阿純已經解鎖了兩架私傢車。

大家都沒有回應，點了一下頭就慢慢走向私傢車。

「游也多跟我車啦，我記得阿純佢揸得好唔穩陣，浪下浪下咁，我都嘔血啦。」我跟游也多說。

「車，咁我之前真係未揸過真車咖嘛。」阿純說。

游也多沒有回應，呂麻君走到她身邊參扶著她到「我的車上」。

「坐穩啊，大家……」我向坐在「我車」上的人說。

「揸啦，你真係好多野講啊。」游也多說。

「噠，噠，噠」我啟動了引擎，就踏著油門前去聖殿騎士的副總部。

沿途上，對面街道不斷發出救緩車輛的「嗚嗚」鳴笛聲。幸好我們來得及離開，否則事情就會被他們發現了。

呂麻君拿出手提電話，打給施若兜：「阿兜，你宜家行唔行得開﹖游也多佢真係傷左……」

「……」

「咁好啦，我地宜家黎緊，你準備下。」

「佢話宜家暫時休息緊，但係佢唔可以離開宜家身處緊嘅辦公室，而且佢入黎果陣係比人蒙住眼，所以根本唔知自己喺邊。」呂麻君向我說。

「睇黎真係好神秘，咁到左大家再諗辦法。」我說。

由於駕車的話，距離其實相當接近，加上時間尚早，路面還不算太多車，所以不用十分鐘就已經到達了。
我們所有人就在九龍灣德福商場外下車，並走在一起。

「由於我地宜家要潛入，一定係唔可以人多……」我說。

「講正題啦，成棚人行入去就唔係潛入啦。」游也多諷刺說。

「游也多啊，你聽完入地講野先啦。」方次郎說。

「唉好喇好喇……」

「頭先我同阿隼建議係4個人。首先游也多同我啦，跟住阿隼同阿隼家姐……」阮桐貴說。

大家都明白亦都沒有異議，不約而同的點點頭。

「咁我地有冇咩做﹖」阿純問。

「你地睇住左又近，搵個安全嘅地方。」家姐說。

「放心……和人同方次郎睇住大家，冇事嘅。露比，等我返黎啦。」我微笑說。

「長長，唔好有事啊。」露比擔心得說。

我強顏歡笑的自信地舉起手指公，畢竟發生太多事情，在他們面前，不可以展現懦弱的一面。

計劃好後，我立刻分頭行動，我們四人朝著地鐵總部的位置前去；其他人就回到車上，尋找安全的地方。

「游也多你得唔得啊﹖」我問。

「我話唔得咁可以點啊﹖……行啦，雖然係好痛。」游也多即使受了傷都十分囂張。

「嘩……點解今日好似多左咁多人喺度守住嘅﹖」我們在副總部門前外一段距離的地方監視著。

「似乎呢個project真係好大……」我說。

「咁我地由後門入去，就算佢地唔知我地係冇個都唔係咩人都上得去。」家姐問。

「無錯，但係咁大件事，可能後門後樓梯都有人守住，而且又唔知道施若兜確實嘅位置。」阮桐貴猶疑著。

「唯有見步行步啦，游也多會越黎越痛咖。」家姐說。

「咁我地行去後門果邊先啦，盡量唔好殺人。」阮桐貴在行動前向我們說。

好似好耐冇寫過潛入嘅劇情喇 寫埋就到寫結局
感覺又好似好遠 同時又好似好近咁

btw 其實我最近諗緊畫唔畫下 角色嘅圖好 但係我畫功好差 又冇畫板
冇實際畫到

好似好耐冇寫過潛入嘅劇情喇 寫埋就到寫結局
感覺又好似好遠 同時又好似好近咁

btw 其實我最近諗緊畫唔畫下 角色嘅圖好 但係我畫功好差 又冇畫板
冇實際畫到

咪搞
有文睇下算