[刺客教條][長篇故] 果晚玩完刺客信條，家姐同我講……（2）

係咪真係冇人睇喇
好想就咁草草收尾算 一路以黎寫錯好多野 趕好多客

有

多謝你 得閒好似凌風巴打咁打個樣 起碼比我知你地仲喺度

呢排冇咩心情追
打緊aoc

我玩得好屎 人地上曬城堡 我先上左封建冇耐 反應好慢

有冇steam 版

係咪真係冇人睇喇
好想就咁草草收尾算 一路以黎寫錯好多野 趕好多客

有

多謝你 得閒好似凌風巴打咁打個樣 起碼比我知你地仲喺度

呢排冇咩心情追
打緊aoc

我玩得好屎 人地上曬城堡 我先上左封建冇耐 反應好慢

有冇steam 版

以前玩過咋 宜家冇喇

btw 今日休息一天 有啲野做

第147章：

「啊，終於搞掂喇。」花了半天時間，終於把整個地方打掃好，亦把壞掉的電器修理好了。

大家都躺在梳化坐椅上休息，畢竟到了這個時刻，又是難得的平靜時間。

「你仲好講，港女黎咖你，咪都唔識做……」阿純對露比說。

「咁人地怕污糟啊嘛……」露比無奈的說。

「係囉係囉……一定係宜家先黎怕污糟啦。」左又近加入諷刺的說。

大家就如老朋友一樣有說有笑，總算度過一段歡樂的時光，緩和了之前緊張的氣氛，似乎《聖音騎士》和我們已經正式的混熟了。
如果只看眼前的情景，只可說現在就像學生時期般跟朋友宿營度假般。

「呼……」

「你宜家應該可以放心啦……」我和阿純兩兄弟說在我家的露台外，一邊陪他吃香煙一邊聊天。

「都算係嘅……不過要講咁多個人，我覺得阮桐貴就古怪。」阿純似乎察覺了什麼。

「係啊，我都覺得好怪……今日入去佢地副總部果陣，游也多同佢好似有啲野發生左而我見唔到咁，但係後尾問起又古古怪怪咁。」我也懷疑。

「唔知啊，所以都唔算放心曬就係啦。」阿純說。

我想了想，說：「嗯……睇下點啦，睇下……有冇咩方法可以知道。」

「好啦，我食完喇……急尿，去廁所先。」於是阿純就把煙頭向外扔，就離開了。

我單獨一人，坐在露台外的椅子上。想著近來發生的事，雖然實際上只過了好幾天，感覺就像渡過了好幾個春夏秋冬一樣。
當然仍然對自己身為刺客大師的這個身份抱有質疑，令大家走向絕景，以及令無辜的一眾兄弟會成員喪命……
我仰望天空，雖然市區的光污染嚴重，但仍然隱若見到一兩粒星星。
正如現在處於絕景的我，能夠像星星一樣，在市區照耀著人們嗎﹖
如果聰明豆仍然在世，事情又會發展成怎樣﹖

「喂……」在仍然處於冥想狀態中的我突然被一罐啤酒弄醒了。

原來是游也多向我遞上一罐啤酒：「請你飲咖，拎住啦……仲發偶逗。」

我呆了一呆，看著游也多眨了幾下眼睛，伸手接過她的啤酒：「邊有人請人飲野請到你咁粗魯咖。」

「咁我不嬲都係咁講野咖啦……」游也多說。

「嘶」我隨隨打開了啤酒，喝了一小口。

啊，這種久違的味道讓人感覺真的太涼快了。終於明白「賭博默示錄」中的「夜神月」久違的啤酒是什麼味道了。

「點解淨係請我嘅，佢地呢﹖」我問。

「冇啊，戇鳩囉，頭先猜輸左，咪比佢地叫我落街買啲野食野飲囉……佢地果罐係夾錢嘅，呢罐我自己私人請你嘅。」游也多說。

「咁……多謝，但係你都未答我點解。」我說。

「屌，唔係啊，你唔好諗錯隔離啊……我係想多謝你咋，因為你救返丁sir佢……雖然最尾佢又被人困住左。仲有之後你幫我同左又近打死左果個賤女人……當還個人情比你咋。」游也多既無奈又緊張的說。

「得啦，第二個我就唔知，不過你我就冇諗錯過。」我奸笑說。

「咁……冇就得啦。唔想無啦啦收多隻兵咋懞撚﹗」游也多恥笑說。

「做都唔做你咁嘅女人隻兵啦﹗」我回敬。

「喂，長長……你地傾緊咩啊，有野問你啊，唔好掛住傾計啦。」這時候，露比走出了露台問我。

「哎喲，你女朋友仔呷醋喎。」游也多笑著說。

「關你咩事喎，何況我長長同第二個就唔知，不過你我就冇呷過醋。」露比說。

「哈哈哈，你地兩條友講野一樣嘅，哈哈哈。」游也多大笑。

我沒有理會她的笑聲，微笑問：「咁你過黎做咩啊﹖」

「冇啊，我地諗住今晚一齊食pizza，佢地問你要羅斯批定十字批咋嘛。」露比問。

「嘩，乜宜家pizza啲名咁低能嘅。要十字批啦。」我說。

「哦……要十字批喎。」露比向屋內大叫。「長長，到我喇，我入返去玩先喇。」

「嗯嗯……去啦去啦。」我說。

露比就像個小朋友般跑回屋內了。

「仲有冇咩講啊﹖冇嘅話我返入去咖喇。」游也多問。

「其實有咖……」我說。

游也多點一點頭表示正在聽，見現在我和她的關係還好，我乾脆問：「阮桐貴佢呢，係咪同你地諗法唔同。」

「哦……你講呢樣。過左去喇，我都唔想提，算啦。」游也多似乎有所隱暪。

「唔係啊，可大可小咖……」

我還未說完，就被游也多打斷了：「屌，問問問……都話唔想講囉，係咁啦。唔好以為請你飲野盲同你好熟啊。」

游也多看了我一眼，然後「jip」一聲離開了。
既然游也多那麼決絕，我也沒有辦法再問下去，唯有保持警覺，留意身邊事物。

寫完堆緊張嘅情節 係時候寫啲思考嘅情節
今篇又開始寫多得深入左少少 亦都試下將細節同之前連貫返

好似無盡開伏線

好似無盡開伏線

今篇條伏線下篇即刻講 講埋就寫結局咖喇

第148章：

游也多離開後，我們整晚都沒有說過一句話。不過始終我都需要知道真相，否則如果她或他們果真要對我們不利的話，僅餘的刺客兄弟會成員就會灰飛煙滅了。

吃喝玩樂了一整天，這天都算是近年來最快樂的日子之一。

「好喇，我地訓先喇，大家早抖喇。」我說。

分配好睡覺的位置後，大家都分別做自己的事。
我當然睡在自己久違的房間裡，不過這次空間變得有點狹窄，因為同床的還有露比。

「長長……我訓唔著啊。」露比在我旁邊說。

「點解啊﹖係咪同我一齊訓好緊張啊﹖」我笑著問。

「車，邊有緊張喎，係因為呢排咁緊湊嘅生活突然間咁平靜……有啲唔慣咋嘛。」她說。

我打了個呵欠，然後再說：「咪就係呢幾日都冇得好訓，咁攰點會訓唔到咖。」

「唔知啊……」露比一邊滑著手機一邊說。

「唔好睇電話啦，碌下碌下就訓得著咖喇。啊，試下窒息呼吸法啦，聽人講會易訓著啲。」我提議。

「哈哈哈，傻仔，窒室點呼吸啊，明明人地好似叫窒息睡眠法。好啦好啦，我試下啦。」她回答。

當然，我都一樣，儘管筋疲力盡，但是這種反差真的讓人睡不著。
所以我都加入窒息呼吸……不，是窒息睡眠法，只需吸氣、閉氣和呼氣就能放鬆身心安然入睡。

呼……呼……

「唉，都係訓唔著，出去飲罐啤酒先。你要唔要啊﹖」我問。

「唔喇……我驚賴尿。」露比說。

客廳早已經關了燈，我放輕腳步慢慢走向廚房，因為和人和阿純是在客廳睡覺，其餘的人都在伯父伯娘以前的房間裡。
「砰」的一小聲，光源隨著雪櫃門打開時成為了整個廚房的光源。最喜歡放滿東西的雪櫃，以前不時都會打開雪櫃，即使裡面沒有自己想要的東西。
我隨隨伸手從雪櫃中拿了一罐啤酒，然後靜靜的走出露台，慢慢的細喝。

「吓……飲返杯冰凍啤酒，高歌一曲氣量厚……」雖然想高聲唱出來，但是夜闌人靜，獨自歸家……不不不，夜闌人靜，為免被樓上樓下投訴，我還是靜靜的坐在露台外的躺椅，望著大廈、僅有的星空靜靜的喝。

「過黎啊，我地宜家講清楚佢……」突然在我背後的屋內傳出兩人竊竊私語的聲音。

我探頭一看，只見阮桐貴和游也多在拉扯，似乎在傾談什麼的，不過他們亦知道不能把其他人吵醒，所以阮桐貴做了一個指向上的手勢，表示他們先到天台再談。
既然他們沒有發現我，待他們打開門出去時，相隔數十秒，我也隨後跟上，果然就跟他們上了大廈天台。
我蹲下，並貼著天台出口的門旁邊，嘗試偷聽他們說的話。

「有咩講你宜家好講喇……」游也多說。

「唔使咁驚嘅……呢度室外我都唔會對你做啲咩。」阮桐貴說。

「驚你老味啊﹗上次好彩阿隼趕到咋，如果唔係比你屌左啦﹗」游也多說出的竟然是一件我想不到的事。

「係果條仆街阻住曬姐……宜家連果個守衛都死左啦，唔會有人知咖。」阮桐貴說。

「宜家唔係有冇人知嘅問題囉，問題係……係無錯，你係好好嘅隊友，但係我係冇諗過會同你任何一個兄弟一齊囉。屌，總之，你明唔撚明啊﹖阮桐貴啊……你做咩仲要繼續幫聖殿騎士佢地奶袋底，你唔係都想改變佢地咖咩﹖」游也多問。

「咁點解要幫刺客奶袋底﹖係咪因為果個阿隼﹖我唔會比佢接近到你咖，因為我鍾意你啊……」阮桐貴突然表白。

「痴撚線，關咩佢事姐﹖估唔到平時見到正正常常咁，原來都係痴撚線嘅……咪撚講咁多，一係sa個冧我可以當咩都冇發生過，一係即刻同我躝屍趷路﹗」游也多正想轉身離開，可是卻被阮桐貴拉住。

「我唔會走咖，我係唔可以睇住你地比班刺客洗腦咖﹗唔得啊唔得啊﹗」阮桐貴突然發狂的叫嚷。

「縮開啦﹗」游也多掙扎著。

「喂，你好停手喇喎。」事情快到了一個失控的地步，我唯有及時走出去阻止，否則後果不堪設想。

「阿隼﹖﹗」他們同時望向我。

「乜你喺度咖﹖即係你聽到曬啦……」阮桐貴指著我說。

「係啊，我係聽到曬啊……我都估到你有啲古怪咖喇，但係估唔到你係個咁嘅人。」我說。

「既然係咁，我都唔隱暪喇……係……其實我一直都唔係同你地同一陣線，只不過同游也多你地幾個一齊得耐唔係咁捨得。」阮桐貴和盤托出。

「咁你一直扮野，只係上頭嘅意思﹖」我問。

「講到明就譖啦。」阮桐貴說。

突然間，身邊刮起一陣風，游也多趁阮桐貴一鬆手就跑過來我這邊。

「既然比你地發現左，我都唔繼續留喺度喇……」阮桐貴說罷，正想仿效蜘蛛俠似的離開。

可是我和游也多當然都沒有放過這個機會，她說：「真係要搞到咁撚樣咩﹖有咩事點解唔一早同我地傾﹖」

「仲有邊個係你自己友﹖」我問。

可是他沒有回應，就飛盪離開了。

劇情上我的確係咁諗 因為始終敵方果邊太少敵人喇
所以又有個做返真聖殿騎士

但係睇落好似怪怪的 但係又好似冇咩問題咁

推

今晚有啲野做 又要休息一天了

第149章：

「你有冇事﹖」大風依然吹刮著。

游也多搖一搖頭，說：「冇事，返去先。」

阮桐貴離開後，我們沒有可以做的事情，所以都先回去。

「咁你打算幾時同大家呢件事﹖」我在回家的後樓梯上問。

「唔好問啲戇鳩野啦……就算係點都要等聽朝啦，大家都訓曬啦。」游也多說。

我沒有回應……只好跟她靜靜的回家。

「早抖啦咁……」打開門後，我在門前客氣的輕聲說。

「嗯……得啦。」游也多不屑的回應。

我們沒有把電燈打開，始終和人和阿純仍在客廳睡覺中，只好摸黑回到房間，何況我也可以開著鷹眼走路。
突然地上發出「砰」的一聲，我算漏了游也多沒有鷹眼的能力，她一不小心就踢到了家門旁邊看茶几。

「suuuu……好撚痛啊。」游也多的腳趾痛得想叫卻不能叫，只能把我的手擘抓得緊緊的，如果生兒育女有10級痛，踢到腳趾可算是6－7級痛吧。當然被她男生般的力量抓住，都有1－2級痛。

「咩事啊……阿隼﹖……點解你同游也多一齊喺門口嘅。」我們的嘈吵聲果然驚動了阿純。

「咩事咁嘈啊……」和人也同時被吵醒了，他把梳化旁的座地燈，只見游也多抓住我的手擘，而大家面容卻定住了。「你地……」

「唔係啊，你地誤會喇，我地出去有啲野做咋。」我連忙解釋。

「有啲野做……」阿純奸笑說。

「咪越描越黑啊白痴﹗」游也多鬆開了手，卻一拳打在我手擘上。

「咩事咁嘈嘅……」露比擦著眼睛走出來了。

「頭先阿隼同游也多捉住手擘咁返黎啊﹖」阿純指著我們說。

「吓﹗長長你地……」露比也覺得驚訝。

「唉……你睇下宜家，唔描都已經黑啦。」我攤開手說。

「又有咩事啊﹖係咪有賊啊﹖」

「搞咩啊你地……」

「做咩一個二個咁夜都喺度嘈嘅……」

似乎這件事已經驚動了全屋的人，在一發不可收拾前，方次郎發現了一件重要的事：「咦，阮桐貴去左邊﹖」

「屌，終於有個正常咖喇……件事係咁嘅，阮桐貴其實佢一直都唔想我地《聖音騎士》同你地刺客一齊，我地上到天台嘈左場交……佢就咁就走左喇。」游也多說完，用手肘碰一碰我。

我和應說：「係囉……係囉……咪就係咁囉。」

「哦……」大家不約而同的一起說。

「阿純你喺度亂嗡……」露比說。

「咁好易誤會咖嘛。」阿純摸著頭說。

「好啦……咁各位，冇咩事都係訓啦……我地要開一開會先。」身為《聖音騎士》隊長的呂麻君冷淡的說。

似乎騷動暫告一段落，大家都回到自己原來的位置繼續休息，而《聖音騎士》一眾成員則在伯父伯娘的房間開特別會議。

「游也多其實發生緊咩事﹖」呂麻君問。

「話說上次我受傷果陣，阮桐貴佢……想屌我。」游也多說。

「點解可以咁樣對自己友落手，唔熟唔食﹗」左又近激動得握緊拳頭說。

「會唔會其實一早想走……只不過搵唔到藉口等我地趕佢走咋……」呂麻君說。

「諗落佢份人咁聰明，都唔出奇……」方次郎摸著下巴說。

「咁咁咁……咁都唔使屌我咖﹗穿櫃筒底又得、直接走又得，如果唔係果個阿隼黎到……」游也多說。

「估唔到游也多你成日粗粗魯魯，成個男人咁都有人鍾意。」左又近笑說。

「收聲啦，分身白頭佬。」游也多不屑的握著拳頭說。

「咁無計啦……佢要走，邊個都留唔住，遲早我地仲會成為敵人添……聽日都係同佢地班刺客商量下點做好，如終大家都好似仲未喺狀態入面。」呂麻君說。

「好啦……咁散會喇可﹖」左又近雙手放在腦後躺在地上問。

「係啦……」

「仲以為游也多會同果個阿隼行埋一齊添。」左又近又在恥笑說。

「訓你嘅教啦……」游也多說。

幾時加甜

幾時加甜

盡量都唔加甜喇
之前寫過都唔識寫

第150章：

「早晨長長……」一覺醒來，轉身的第一眼就是露比，雖然腦海中對聰明豆的畫面仍然揮之不去。

「呃……早晨。」我擦了擦眼睛說。

「咦，你個口好臭啊……快啲去刷面洗牙先﹗」露比捏著鼻子說。

「唔唔，唔唔唔唔唔……唔唔唔唔。（咩喎，係刷牙洗面啊……好啦好啦。）」我唔著嘴說。

我隨隨起床，拾起大家買來的牙刷，走出房間。
這種正常的生活，都不知道有多久沒有嘗試過，雖然之前不至於每天在危難中渡過，但是這年來的生活的確不是普通人體驗的到。

「早……晨……」在走廊迎面遇上同樣手拿著牙刷的游也多，昨天經過的事，就連平時爽朗的她都顯得有點尷尬。

「呃……早晨。」游也多說。

「喂，你地唔急住咖嘛﹖我急尿啊，比我用先啦。」在我們還未開始禮讓戰前，阿純搶先一步進入了廁所。

「喂﹗你……」我向門裡面的阿純說。

「唉……等陣啦，好快咋嘛。」阿純隔著廁所門叫嚷。

廁所外就剩餘我和游也多，氣氛又開始尷尬起來。

為了阻止氣氛繼續散發，只好開口說些話：「呃……刷牙啊﹖」

游也多反了個白眼，說：「廢話，唔通入去食飯咩。」

「問下姐……就好似啲屋企看更見到你就會話：『喂，你返黎喇。』咁咋嘛。」我繼續說。

游也多只露出一個五行欠打的表情，同時阿純也出來了。

「sor，sor……」阿純一邊道歉一邊急步走了。

我和游也多同步走進了廁所，則互相望了對方一眼，同時說：「出去啦，望咩姐﹖﹗」

「你唔係咁細雞野都要同女仔爭啊嘛﹖」游也多說。

「乜你係女仔黎咖咩﹖何況間屋我嘅……」我揶揄說。

「你……」這時候，外面出現了方次郎的身影，三人互相對望，我只好踏出來，做出劉德華那張「繼續吹」的手勢，不過是表示讓她先用。

「係啊，阿隼啊，呂麻君話你搞掂之後搵一搵佢，我地有啲野傾。」方次郎搭著我的膊頭說。

無奈狀態的我只舉起ok手勢，表示明白了。

方次郎繼續說：「哎，游也多係咁咖喇，佢雖然係男仔頭啲……但係始終都係一個女人黎嘛。」

我沒有回應，於是方次郎就微笑離開了。

今篇寫住咁多先
唔覺唔覺又已經150章
個結局篇寫左成50章

數字多姐 睇下睇下就好快咖喇
不過呢排忙緊reg科 係咁趕返學校 盡量寫盡量寫

第151章：

「嗯……香曬喇。」好不容易才刷好牙，回到房間露比抱著我說。

「陣間出去睇下有咩食先啦，或者睇下佢地落唔落街食。不過啊呂麻君有啲野搵我，我……宜家出去傾左先。」我說。

「好啊，好啊，你去同佢傾野先啦……我去問下大家點啦。」露比突然一本正經的點頭說。

「哈哈哈，好得意啊你，好啦。」我握著拳頭做了個加油的姿勢說。

說罷，大家分頭行事，我走到露台外，正看見呂麻君靠在露台的鐵欄旁抽煙。

「咦，乜你又食煙咖﹖」我說。

呂麻君看到我，隨隨把香煙掉進一個浸了水的罐頭內。

「哦……係啊，一起身食返枝咋嘛。」他說。

「冇野，做咩講到我唔准你食煙咁嘅，哈哈哈。」我笑說。

呂麻君攤開雙手，說：「唔知啊……講返先。其實我地宜家目標係咪仲係一致﹖」

「目標﹖大家都係對準聖殿騎士嘅最高層嘛，係咪﹖」我說。

「係……無錯……宜家唔可以再拖咖喇，佢地似乎計劃緊啲咩而我地係唔知。」

「咁我地宜家幾時行動﹖但係你地除左施若兜都比人踢左出組織喎……而我地又得返幾個人……」

「我明啊，所以我就係諗住同你傾……以我地宜家幾條友嘅力量，我諗就算大家幾勁都好，贏嘅機會率都好低……」

「所以你想更多嘅人加入﹖」

呂麻君搖搖頭，說：「啱啱相反，我地正正就係唔要咁多人，宜家已經好足夠，但係大家嘅力量必需提高，所以我打算大家一齊訓練返咁上下先好去打最後呢場。」

我不禁的點了頭表示讚同，果然這才是作為隊長或者首領應有的才能。

「都係嘅……已經犧牲得夠多無辜嘅人。如果兩樣揀我一樣，我都會揀你呢個選擇。」我和應。

「兩位領導人，我地諗住落街食早餐啊，你地傾完未啊﹖」家姐探頭出來微笑說。

「家姐你嚇死咩，得喇得喇……傾完咖喇可。」我說。

「嗯……係啊……」呂麻君說。

「好啦，咁快啲行啦。」家姐說完轉身就走了。

在家姐走了後，呂麻君跟我說：「你家姐好得意……」

「咦咦咦咦咦，你啱啊﹖﹗我地幾個仲以為你係同游也多一pair嘅添。」我笑說。

「咩啊，游也多唔係同你咩﹖」呂麻君笑著反擊。

「嘿嘿嘿……啊，講呢啲。」大家指著對方，猶如朋友一樣似的一起走出露台。

似乎刺客兄弟會和聖殿騎士無論內內外外都開始產生了翻天覆地的變化。

諗諗下其實宜家算唔算係已經係第二季
定第二輯

感覺好似同之前已經係唔關事咁

大家點睇

依家似寫到戰後餘生咁

有d劇情唔記得左
小丑國d人係咪死哂？

有d劇情唔記得左
小丑國d人係咪死哂？

走哂
冇死

原來重更緊
最近玩到去啓示錄，就黎要同Ezio講88
I hate endings

依家似寫到戰後餘生咁

咁嚴格黎講都算係戰後
雖然場戰就唔想提起