23 Like
6 Dislike
巨丁的煩惱
2017-10-27 09:21:15
樓主未死
凌風
2017-10-27 09:25:25
樓主未死
可能有女 所以出文
巨丁的煩惱
2017-11-07 07:45:14
爛尾了
天水圍新Beyond
2017-11-23 13:14:28
文呢?
大神暗洙
2017-11-28 00:35:13
應承你地後日之前有
大神暗洙
2017-11-29 19:09:13
第168章:
在其他人為今天晚上作好準備之際,我、露比和游也多一起去買晚裝。
「有冇諗過,如果我地入到去,佢地仲認得我地咁點算﹖」露比問。
「呃……係喎。可能要化妝呱。」我說。
「化乜撚野妝啊,化完認得你果啲叫化妝,唔認得你果啲叫僑妝囉好嘛﹖」游也多說。
「你幾時改左名叫黃子華﹖咁你係咪諗到點做啊﹖」我說。
「我有枝笛嘅,又可以令佢地有幻覺咖嘛,懵撚。」游也多自信的說。
「多多姐好威啊,今次長長你就唔夠叻喇。」露比笑著說。
「哼你個露比,手指拗出唔拗入。」我說。
我們就來到一個大家都會來買晚裝的商場,準備好購買今天晚上的「任務服裝」。
「我地自己行啦,快快脆揀啦,半個鐘之後喺度等啦。」我像一個導遊一樣說。
穿著正式服裝都已經是咸豐年前的事了,別說是正式服裝,就連休閒輕便裝都很久沒有穿過。我這身所謂的刺客服裝都已經有一段時間沒有換過了。
隨隨便便的逛了一個圈,於是便隨意的買了一條九分西褲,一件白色裇衫,黑色領帶,一件貼身的西裝褸,還有一雙黑色尖頭皮鞋。一套基本的西裝就這樣買好了,我亦盡量選擇較輕身的物料,以免今天晚上會阻礙行動。
「長長﹗乜你咁耐咖,我同多多姐一早搞掂喇。」起初還以為我會最快買好套裝,竟然我是最慢的一個。
「咁要揀咖嘛,唔通揀啲重得得,今晚點郁都郁得唔方便。」我解釋。
「都係嘅……所以我揀左呢條白色裙,唔會太長之餘亦都好靚。」露比打開購物貨,向我和游也多展示她的戰利品。
「咁你呢﹖阿多姐……我真係諗唔到你會買咩款。」我說。
「嗱。」游也多打開她的購物袋,內面是一件黑色裇衫和一條西褲。
「吓……你諗住咁著啊﹖」我問。
「有咩問題啊﹖」
「我都覺得冇問題喎,我覺得多多姐咁著好型啵。」露比說。
「哎是但啦,橫掂啲人都唔會認得我地,你鐘意啦。」我說。
於是我們三人一同回家去。
「好喇,差唔多喇,快啲著好衫,戴好啲架餐,我地一個鐘後要出發喇﹗」到了晚上,呂麻君向大家說。
「咁我地點去啊﹖」阿洙問。
「你係咪傻咖……唔通搭曬巴士、地鐵等係人都知我地去邊咩。」阿神說。
「……咁……係咪有人揸車啊﹖」阿暗問。
「……係嘅,我地分兩架車去啦。」我說。
肥西大塊田
2017-11-29 19:18:50
有文
凌風
2017-11-30 00:18:44
第168章:
在其他人為今天晚上作好準備之際,我、露比和游也多一起去買晚裝。
「有冇諗過,如果我地入到去,佢地仲認得我地咁點算﹖」露比問。
「呃……係喎。可能要化妝呱。」我說。
「化乜撚野妝啊,化完認得你果啲叫化妝,唔認得你果啲叫僑妝囉好嘛﹖」游也多說。
「你幾時改左名叫黃子華﹖咁你係咪諗到點做啊﹖」我說。
「我有枝笛嘅,又可以令佢地有幻覺咖嘛,懵撚。」游也多自信的說。
「多多姐好威啊,今次長長你就唔夠叻喇。」露比笑著說。
「哼你個露比,手指拗出唔拗入。」我說。
我們就來到一個大家都會來買晚裝的商場,準備好購買今天晚上的「任務服裝」。
「我地自己行啦,快快脆揀啦,半個鐘之後喺度等啦。」我像一個導遊一樣說。
穿著正式服裝都已經是咸豐年前的事了,別說是正式服裝,就連休閒輕便裝都很久沒有穿過。我這身所謂的刺客服裝都已經有一段時間沒有換過了。
隨隨便便的逛了一個圈,於是便隨意的買了一條九分西褲,一件白色裇衫,黑色領帶,一件貼身的西裝褸,還有一雙黑色尖頭皮鞋。一套基本的西裝就這樣買好了,我亦盡量選擇較輕身的物料,以免今天晚上會阻礙行動。
「長長﹗乜你咁耐咖,我同多多姐一早搞掂喇。」起初還以為我會最快買好套裝,竟然我是最慢的一個。
「咁要揀咖嘛,唔通揀啲重得得,今晚點郁都郁得唔方便。」我解釋。
「都係嘅……所以我揀左呢條白色裙,唔會太長之餘亦都好靚。」露比打開購物貨,向我和游也多展示她的戰利品。
「咁你呢﹖阿多姐……我真係諗唔到你會買咩款。」我說。
「嗱。」游也多打開她的購物袋,內面是一件黑色裇衫和一條西褲。
「吓……你諗住咁著啊﹖」我問。
「有咩問題啊﹖」
「我都覺得冇問題喎,我覺得多多姐咁著好型啵。」露比說。
「哎是但啦,橫掂啲人都唔會認得我地,你鐘意啦。」我說。
於是我們三人一同回家去。
「好喇,差唔多喇,快啲著好衫,戴好啲架餐,我地一個鐘後要出發喇﹗」到了晚上,呂麻君向大家說。
「咁我地點去啊﹖」阿洙問。
「你係咪傻咖……唔通搭曬巴士、地鐵等係人都知我地去邊咩。」阿神說。
「……咁……係咪有人揸車啊﹖」阿暗問。
「……係嘅,我地分兩架車去啦。」我說。
Yo
大神暗洙
2017-12-02 20:27:36
第169章:
「喂行喇行喇,你地得未啊﹖」我著急的問。
「細路豬啊,你冷靜啲先啦……等埋露比化妝先啦,仲有時間。」家姐說。
雖然只是行動的一部份,但係作為女生,難得可以參加晚會,當然要花些心機去裝扮一下。
幸好時間尚早,距離晚會開始仍然有兩個小時。
等了大半個小時,露比終於弄好了。
眼前的露比跟平時十分不一樣,白裙放在她身上,雖然失去了平時可愛的感覺,卻增添了一種成熟的氣質。
「得喇得喇,大家係咪都行得喇。」露比收好化妝用品,走出來說。
「……呃……係啊,差你一個咋。」
「露比,估唔到你都識化妝……」
「露比好靚喎,同細路豬好襯啊。」似乎大家都很喜歡露比的打扮。
「呃……係啊……係啊。」露比也尷尬的摸著頭笑說。
「好喇,我諗佢地都搞掂咖喇,行喇我地。」我說。
「叮……叮……」我按對面的門鈴一下。
「係,我地都行得咖喇﹗」呂麻君幾人應門走出來。
「呃……呢個邊個黎咖﹖」眼前又有另一個人吸引了大家的目光。
「啊……啊……游也多﹖」
「嘩……你係多多姐﹖」
眼前的游也多沒有穿上今天一齊買的黑色套裝,而穿上了一條連身的黑色開衩長裙,加上難得發了妝的她……都算是一個漂亮的女生。不過這身裝扮的確讓大家眼前一亮。
「你地係咪盲咖﹖﹗呢度得我一個紅色頭髮咖咋嘛﹗」游也多發怒的握著拳頭說。
「唔係啊,我突然間醒起,原來你都係女仔黎咖喎。」我笑說。
游也多沒有露出憤怒的樣子,大概是免得會影響妝容,但說:「你咁講係咩意思啊﹗」
「啊﹗」她只是用那高踭鞋的鞋踭用力的往我左腳一踩,差點把我隻皮鞋踩穿。
「游也多,女仔之家就斯文啲啦,宜家仲要著埋裙添。」方次郎一樣語重心長的說。
「得啦得啦……」
大家就開始起行,慢慢走下去,不過仍然要保留一些危機意識,慎防有敵方突然來襲。
「多多姐啊,今日你唔係買左條褲咖咩﹖點解你著左裙嘅﹖係咪為左同我著一黑一白可以襯返長長呢﹖」露比問。
「吓﹖關……關咩事姐,我買左條裙冇比你地睇咋嘛,好似著裙好睇啲嘛。」游也多連忙解釋。
我們走到街上,四處張望合適的車。
「咦,又話揸車嘅﹖宜家我地要截的士咩﹖」阿神問。
「你地新黎唔知喇,我地刺客同聖殿騎士都一樣,最需要群眾嘅力量,所以當然,我地架車都係靠群眾。」阿純說。
「咁……即係偷車啊﹖」阿暗說。
「吓﹗犯法咖喎……不如照搭的士啦。」阿洙提出。
「唉……我真係好擔心佢地陣間會唔會即刻打人打死。」大家都覺得十分無奈。
「唔知咖,到時你睇實佢地啦阿隼。」呂麻君搭著的的膊頭說。
說罷,阿純隨即解鎖了街上兩架無人看管的七人車。
「真係要上人地架車啊﹖」
「上車你地就上啦﹗咁多野講﹗」游也多忍不住大聲喝道。
他們三人立刻靜下了,看見游也多發怒,他們只好乖乖上車。
「嘭」車門關上了。意味著行動正式開始,亦沒有退路可言,只希望接下來可以順利渡過。
登高時高登
2017-12-19 15:14:59
樓主消失了?
大神暗洙
2017-12-19 20:58:49
第170章:
「你地呢期就威啦,好似研發到新技術喎。」
「哎,邊係啊,冇……地鐵果邊就慘啲,比班細路玩到氹氹轉。」
我們照原定計劃,我、露比、游也多、阿神、阿暗和阿洙已經到達了會展晚會會場的正門。
不過進入會場前,首先要經過x光機和保安檢查,規格十足機場海關一樣,差在沒有e道而且。
「我同露比就話可能啲人會唔認得姐,你肯定啲人認你唔到﹖」我問游也多。
「我話唔會就唔會啦﹗真係認到嘅話,我咩都得。」游也多說。
「嗱﹗你話咖﹗咁我地去排隊啦。」我說。
說罷,我們就到會場門前排隊。等候入場的人很多,有的是達官貴人,有的身穿聖殿騎士的制服,但是暫時都沒有人認得出我們三人。
「list上面冇你地兩個個名喎。」負責檢查的保安手拿著ipad,正為他面前的人核對身份。
「冇理由咖喎,我同陳茂波都幾熟咖,間唔中都飲下茶添咖。」其中一人說。
「咪住啊,我老豆就係陳茂波啊,你唔比我入去,我就叫佢炒左你咖﹗」另一人說。
「哼,我終於喺個list度搵到你地喇,不過唔係賓客list,係blacklist啊﹗人黎帶走佢地兩個。」保安示意其他把守的保安把他們帶走。
「好講唔講講係陳茂波個仔,個實q一聽就知係咖啦。」阿神說。
「哎……好彩唔係你地三個行先咋,如果唔係比人帶走嘅係你地啊﹗」我向他們阿神他們三人說。
「係啊,所以你地出好就一句聲都唔好出,知嘛。」露比叉著腰說。
他們三人點點頭表示明白,而很快就輪到我們經過檢查。
「請問咩名。」游也多已經站到ipad保安面前。
「游也多。」她把右手放在背後,輕輕「撻」一聲彈了一下指。
保安一直看著ipad,一直找一直找,心裡就越是著急,認為最終只會換來一句「blacklist就有你份」類似的說話……
「哦,有喇……麻煩過一過果邊啊。」幸好都過了,他示意游也多前往x光機處。
游也多回眸一笑,似乎這場打賭的勝利者是她。我只好攤開雙手,不得不服氣。
經過她施下的幻術後,我們全部人都順利經過ipad保安。接下來就要經過x光機了,這時候才想起我們算漏了一件事……我們怎樣可以通過x光機而不用把手上的袖劍脫下。
可是下一個就是我了,游也多自信滿滿的伸出手叫我走過去。我只好硬著頭皮走過。X光機竟然沒有發出任何聲響,而我亦沒有放下袖劍。
待我們全部通過了後,我問游也多:「喂喂,架機應該sense到我把野咖喎,點解冇事嘅﹖」
「其實佢有響到,我落曬幻術落呢度成個範圍,包括你地,所以根本冇人會聽到佢響。」她解釋。
「估唔到你修練完之後勁左咁多……」我感歎。
「梗係啦,咁唔係點叫修練。」游也多自信的拍了我膊頭一下。
「多多姐……唔好咁粗魯啊。」露比輕聲的說。
「哦哦哦……」
「咁你點令全世界都唔認得我地﹖咁多人你控制得曬咩﹖」我問。
「我的確冇咁多伊甸力量控制曬所有人,其實好簡單……只要將我地個名,個外貌filter左咁,就算係我地咁樣樣,叫返呢個名,喺人地角度都係第二個人第二個名黎。」她解釋。
「唔理喇,我地入左黎又認唔到我地就得喇,阿神阿暗阿洙,你地三個周圍行下就得咖喇……盡量唔好講咁多野,要講都扮喉嚨痛,指手畫腳算……自己執生啦下。」我指揮著。
「我地三個周圍八下有冇啲咩有用嘅情報,等到個晚會正式開始嘅時候,再返返黎呢度集合啦。」我說。
游也多和露比點點頭,然後大家就散開了。
大神暗洙
2017-12-19 20:59:18
樓主消失了?
似係
邊個話我消失了
凌風
2017-12-20 00:28:00
樓主消失了?
似係
邊個話我消失了
冇人推就冇文
凌風
2017-12-20 07:48:37
樓主消失了?
似係
邊個話我消失了
冇人推就冇文
咁啱得閒打 你地又咁啱推姐
大神暗洙
2017-12-25 00:11:50
大家聖誕快樂 希望大家可以好快睇到我寫完個故事